ᓲᓗᒨᓂᐅᑉ ᐅᖃᓪᓚᖕᓂᖏᑦ 20:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᖃᕐᓂᐊᕐᓇᒃ, “ᐱᐅᖏᑦᑐᖅ ᐊᑭᓂᐊᕐᐸᕋ”; ᐊᑕᓂᕐᒥᒡᓕ ᐅᑕᖅᑭᓕᕆᑦ, ᑕᕝᕙ ᐃᑲᔪᕐᓂᐊᕐᐹᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:22 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᐃᓐᖏᕈᑎᑦ 37:34

ᐊᑕᓂᖅ ᐅᑕᖅᑭᒍᒃ, ᐊᖅᑯᑎᖓᓃᑦᓮᓐᓇᕐᓗᑎᓪᓗ, ᑕᕝᕙ ᐊᖏᔪᕈᕐᑎᓐᓂᐊᕐᐹᑎᑦ ᓄᓇᒥᒃ ᑭᖑᕐᖑᑦᔨᑎᓐᓂᐊᕐᒪᑎᑦ. ᑕᑯᔪᒫᕐᐳᑎᓪᓗ ᐱᐅᖏᑦᑐᓕᔪᑦ ᐃᓚᒋᔭᐅᔪᓐᓁᕐᑎᑕᐅᑎᓪᓗᒋᑦ.

ᐃᓐᖏᕈᑎᑦ 37:40

ᐊᑕᓂᐅᑉ ᐃᑲᔪᕐᐰ ᓴᐳᑎᓪᓗᒋᓪᓗ; ᐱᐅᖏᑦᑐᓕᔪᓂᑦ ᓴᐳᑎᓂᐊᕐᐰᑦ, ᐱᐅᓕᓗᒋᓪᓗ, ᑖᑦᓱᒥᖓ ᑕᑎᖃᕐᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:13

ᐃᓄᒃ ᐱᐅᔪᒥᒃ ᐱᐅᖏᑦᑐᓐᖑᕐᑎᑦᓯᓇᓱᐊᕐᑑᑉ, ᐃᒡᓗᖓ ᐱᐅᖏᑦᑐᒧᑦ ᕿᒪᒃᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:11

ᐃᓱᒪᖃᑦᓯᐊᕐᑐᖅ ᓂᓐᖓᒃᓴᕅᓐᖏᓚᖅ, ᓂᕐᑐᕐᓇᐅᑎᒋᕚᓗ ᑕᒻᒪᕐᓃᑦ ᐃᓱᒪᒋᑐᐃᓐᓇᕐᐸᖏᒻᒪᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:21

ᑭᖑᕐᖑᑎᔭᒃᓴᒥᓂᒃ ᐱᔪᖅ ᑐᐊᕕᓗᐊᕐᓗᓂ, ᑭᖑᓂᖓᒍᑦ ᓮᒻᒪᕐᑎᑕᐅᓯᒪᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:29

ᐅᖃᕐᓂᐊᕐᓇᒃ, “ᐱᓂᐊᕐᕕᒋᓂᐊᕐᐸᕋ ᑍᒫᓪᓗᐊᖅ ᐱᓂᐊᕐᕕᒋᓚᐅᕐᒪᖓ; ᐅᑎᕐᑎᑦᓯᕕᒋᓂᐊᕐᐸᕋ ᐱᓂᐊᕐᓂᕆᓚᐅᕐᑕᖓ ᒪᓕᒡᓗᒍ.”

ᐂᓮᐊᓯᐅᑉ ᐊᒡᓚᖏᑦ 40:31

ᐊᑕᓂᕐᒥᒡᓕ ᐅᑕᖅᑭᔪᑦ, ᐱᔪᓐᓇᕐᓂᖏᑦ ᓄᑖᓐᖑᕐᑎᑕᐅᔪᒫᕐᐳᑦ, ᐃᓴᕈᕐᒥᖕᓄᑦ ᑎᖏᔪᒫᕐᐳᑦ ᓇᒃᑐᕋᓕᒃᑎᑐᑦ, ᐅᓪᓚᒃᓯᔪᒫᕐᐳᑦ ᑕᖃᓂᐊᕈᓐᓃᕐᓗᑎᒃ, ᐱᓱᓕᕈᒫᕐᐳᑦ ᓅᑮᕈᑎᓂᐊᕈᓐᓃᕐᓗᑎᒡᓗ.

ᒨᓯᓯ ᐱᖓᔪᖏᑦ 19:18

ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.

ᒫᑎᐅᓯᐅᑉ ᐊᒡᓚᖏᑦ 5:39

ᒫᓐᓇᓕ ᐅᖃᐅᑎᕙᑦᓯ: ᐊᑭᓂᐊᕋᓱᒃᑐᒃᓴᐅᓐᖏᓚᓯ ᐱᑦᓯᐊᕐᑎᒋᓐᖏᑕᑦᓯᓐᓄᑦ. ᐅᓗᐊᒃᑯᑦ ᐸᑎᒃᑕᐅᒍᕕᑦ, ᐅᓗᐊᕕᑦ ᐃᒡᓗᐊᑦᑕᐅᖅ ᒪᓂᓕᕈᒃ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:15

ᑲᒪᑦᓯᐊᕆᑦᓯ ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑑᖕᒥᔪᒧᑦ, ᐱᑦᓯᐊᕈᒪᓂᕐᒥᒡᓕ ᑍᒪᓐᖓᑦ ᐱᓇᓱᐊᕈᒪᔭᖃᕆᑦᓯ ᐃᓅᖃᑎᑦᓯᓐᓄᑦ ᐃᓄᓕᒫᓄᓪᓗ.

ᐲᑦᑐᕉᓯ ᓯᕗᓪᓖᑦ 2:23

ᐅᖃᕐᓂᕐᓗᒡᕕᐅᒐᓗᐊᕋᒥ, ᐅᖃᐅᓯᕐᓗᖕᒧᑦ ᑭᐅᓚᐅᓐᖏᓚᖅ; ᐊᒃᓱᕈᕐᓇᑐᒦᑎᑕᐅᒐᓗᐊᕋᒥ, ᐊᑭᓂᐊᓚᐅᓐᖏᓚᖅ; ᑕᑎᖃᓚᐅᕐᐳᕐᓕ ᑖᑦᓱᒥᖓ ᓈᒻᒪᑦᓯᐊᕐᑐᒥᒃ ᐃᖅᑲᕐᑐᐃᔪᒥᒃ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᐲᑦᑐᕉᓯ ᓯᕗᓪᓖᑦ 4:19

ᑍᒤᒻᒪᑦ ᐊᒃᓱᕈᕐᓇᕐᑐᒦᑎᑕᐅᔪᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᐱᓂᐊᕐᓂᖃᑦᓯᐊᕆᐊᖃᕐᐳᑦ ᐃᒻᒥᖕᓂᒡᓗ ᑐᓂᓯᒪᑦᓯᐊᕐᓗᑎᒃ ᐱᓐᖑᕐᑎᑦᑎᔨᒥᖕᓄᑦ, ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᕙᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 25:13

ᑍᕕᑎᐅᓪᓗ ᐃᓄᖁᑎᓂ ᐅᖃᐅᑎᕔᑦ, “ᐊᑕᖏᕐᓗᓯ ᓴᕕᒡᔪᐊᓯ ᑕᑦᓯᕈᑎᓯᓗ ᐊᑎᓕᕐᓯᐅᒃ!” ᑕᕝᕙ ᐃᓄᖁᑎᓕᒫᖏᑦ ᓴᕕᒡᔪᐊᒥᖕᓂᒃ ᑕᑦᓯᕈᑎᒥᓂᒡᓗ ᐊᑎᓯᕗᑦ; ᑍᕕᑎᑦᑕᐅᖅ ᓴᕕᒡᔪᐊᒥᓂᒃ ᑕᑦᓯᕈᑎᒥᓂᒡᓗ ᐊᑎᒋᕗᖅ; ᐊᖑᑎᓪᓗ 400 ᖃᓂᒋᔮᓃᓚᐅᕐᐳᑦ ᑍᕕᑎᐅᑉ ᐃᓚᒋᔭᖏᑦ, 200 ᕿᒪᒃᑕᐅᓪᓗᑎᒃ ᐱᖁᑎᓂᒃ ᑲᒪᖁᓪᓗᒋᑦ.