11 ᓄᑕᕋᐅᒐᓗᐊᑦ ᐃᒻᒥᖕᓂᒃ ᖃᐅᔨᒪᔭᐅᑎᑉᐳᑦ ᐱᓂᐊᕐᓂᕐᒥᒃᑎᒍᑦ, ᐱᐅᓯᕆᔭᖏᑦ ᐃᓱᐊᕐᑑᖕᒪᖔᑕ ᐸᓯᔭᒃᓴᐅᓂᖃᖏᑦᓯᐊᕐᒪᖔᑕᓗ.
ᐊᖓᔪᖅᑳᖑᓂᖓᑕ ᐊᕐᕌᒎᑉ ᓯᑕᒪᐅᔪᕐᑐᖓᓂ, ᐃᓅᓱᒃᑑᓪᓗᓂ ᓱᓕ, ᓯᕗᓕᖓᑕ ᑍᕕᑎᐅᑉ ᒎᑎᖓ ᖃᐅᔨᓇᓱᐊᓕᓚᐅᕐᐹ; ᐊᕐᕌᒎᑉ 12ᖓᓂ ᔫᑕᐅᑉ ᔨᕉᓴᓕᐅᓪᓗ ᑐᒃᓯᐊᕐᕕᖏᑦ ᓴᓗᒻᒪᕐᓴᓕᕐᐰᑦ, ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ, ᓴᓇᐅᒊᓪᓗ ᐊᐅᒃᑎᓯᒪᔪᓪᓗ ᒎᑎᓐᖑᐊᑦ.
ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.
ᐱᐅᖏᑦᑐᓕᔪᑦ ᐃᒡᓕᐊᕐᒥᑦ ᐊᓂᓚᐅᕋᑎᒃ ᑕᒻᒪᓕᕇᕐᐸᒃᐳᑦ, ᐃᕐᓂᐊᖑᓂᕐᒥᖕᓂᑦ ᓱᓕᖏᑦᑐᓂᒃ ᐅᖃᓪᓚᓕᕐᐸᒃᐳᑦ.
ᓯᐅᑎ ᑐᓵᔪᖅ ᐃᔨᓗ ᑕᐅᑐᒃᑐᖅ, ᐊᑕᓂᐅᑉ ᑕᒪᕐᒥᒃ ᓴᓇᓯᒪᕚᒃ.
ᐸᓯᔭᒃᓴᐅᓂᕐᒥᒃ ᐃᓕᖅᑯᓯᓖᑦ ᐊᖅᑯᑎᖏᑦ ᑐᑭᓕᐊᓐᖏᓚᑦ, ᐸᓯᔭᒃᓴᐅᓂᖃᖏᑦᑐᓪᓕ ᐱᓂᐊᕐᓂᖏᑦ ᐃᓱᐊᕐᑑᕗᑦ.
ᓯᓔᓐᓂᖅ ᓄᑕᖅᑲᑦ ᐆᒻᒪᑎᖏᓐᓃᑉᐳᖅ, ᐊᓇᐅᑕᐅᓪᓕ ᐋᖅᑭᒋᐊᕐᓯᓂᐅᑉ ᓯᓔᓐᓂᖅ ᐊᓂᑎᓐᓂᐊᕐᐹ ᑖᑦᓱᒪᓐᖓᑦ.
ᐱᓂᐊᕐᓂᖏᑎᒍᓪᓕ ᖃᐅᔨᒪᔪᓐᓇᕐᓂᐊᕐᐸᓯ. ᐅᕐᐱᒊᑦ ᑲᑭᓐᓇᕐᑐᓖᑦ ᐸᐅᕐᖓᓂᒃ ᐱᕈᕐᕕᐅᓲᖑᓐᖏᓚᑦ, ᐅᕐᐱᒐᐅᔮᕐᑐᓪᓗ ᑲᑭᓪᓚᕐᓇᕐᑐᓖᑦ ᐊᕐᐱᐅᔮᕐᑐᓂᒃ ᐱᕈᕐᕕᐅᕙᖏᓐᓂᕗᑦ.
ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.
ᑐᓴᕐᑐᓕᒫᑦ ᐃᓱᒪᒃᓴᕐᓯᐅᓕᕐᐳᑦ, ᐅᖃᕐᓗᑎᒃ, “ᖃᓄᐃᓕᐅᕐᑎᒃᓴᐅᒑᒦᓐᓇ ᓄᑕᕋᑯᓗᒃ?” ᓇᓗᓇᓚᐅᖏᒻᒪᑦ ᐊᑕᓂᐅᑉ ᐱᔪᓐᓇᕐᓂᖓᑕ ᓇᔪᕐᒪᒍ.