ᓲᓗᒨᓂᐅᑉ ᐅᖃᓪᓚᖕᓂᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᓯᐅᓪᕕᕆᐅᑉ ᐱᔪᒥᓇᕐᓂᖓᑐᑦ ᕿᓂᓪᓚᕆᒃᑯᕕᐅᒃ, ᐱᓪᓚᕆᐊᓘᑉ ᕿᓂᕐᑕᐅᔭᕆᐊᖃᕐᓂᖓᑐᑦ ᓇᓂᓇᓱᐊᕐᓂᐊᕈᕕᐅᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:4 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 13:44

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕐᐳᖅ ᐱᖁᑎᒥᒃ ᐃᓪᓕᕐᓇᕐᑐᒥᒃ ᐃᔨᕐᓯᒪᔪᒥᒃ ᐱᕈᕐᓰᕕᖕᒥ, ᐊᖑᑎᐅᑉ ᓇᓂᒐᒥᐅᒃ ᐃᔨᒃᑲᓐᓂᕆᕚ; ᐊᒃᓱᐊᓗᒃ ᖁᕕᐊᓱᓕᕋᒥ ᐱᖁᑎᓕᒫᓂ ᓂᐅᕐᕈᑎᒋᕔᑦ ᐅᑎᕋᒥ ᑖᓐᓇ ᐱᕈᕐᓰᕕᒃ ᓂᐅᕕᐊᕆᕚ.”

ᒫᑎᐅᓯᐅᑉ ᐊᒡᓚᖏᑦ 19:29

ᑭᒃᑯᓕᒫᑦ ᐃᒡᓗᒥᖕᓂᒃ ᕿᒤᓯᒪᔪᑦ ᖃᑕᓐᖑᑎᒥᖕᓂᒡᓘᓐᓃᑦ ᓇᔭᒥᖕᓂᒡᓘᓐᓃᑦ ᐊᑖᑕᒥᖕᓂᒡᓘᓐᓃᑦ ᐊᓈᓇᒥᖕᓂᒡᓘᓐᓃᑦ ᕿᑐᕐᖓᒥᖕᓂᒡᓘᓐᓃᑦ ᓄᓇᒥᖕᓂᒡᓘᓐᓃᑦ, ᐅᕙᖓ ᐱᑦᔪᑎᒋᓗᖓ, ᑖᒃᑯᐊ ᐱᑎᑕᐅᒃᑲᓐᓂᕈᒫᕐᐳᑦ 100ᐃᕐᑐᓪᓗᐊᕐᑐᓂᒃ, ᑐᓂᓯᕕᐅᓗᑎᒡᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:16

ᓯᓚᑐᓂᕐᑖᕐᓂᑦ ᐱᐅᓂᕐᓴᐅᕗᖅ ᒎᓗᒥᒃ ᐱᑖᕐᓂᕐᒥᑦ, ᑐᑭᓯᔪᓐᓇᕐᓯᓂᖅ ᓂᕈᐊᕆᔭᒃᓴᐅᓂᕐᓴᐅᕗᖅ ᓯᐅᓪᕕᕆᒥᑦ.

ᔫᐱᐅᑉ ᐊᒡᓚᖏᑦ 3:21

ᑐᖁᔪᒪᒐᓗᐊᕐᐳᑦ, ᑐᖁᓚᐅᓐᖏᓚᓪᓕ, ᐃᓗᕕᕐᑕᐅᔪᒪᓂᕐᓴᐅᕗᑦ ᑮᓇᐅᔭᓂᒃ ᓴᐅᓯᒪᔪᓂᒃ ᕿᓂᕋᔭᕐᓂᕐᒥᖕᓂᑦ.

ᓘᑲᓯᐅᑉ ᐊᒡᓚᖏᑦ 16:8

ᐊᖓᔪᖅᑳᖓᑕ ᖁᕕᐊᒋᓕᓚᐅᕐᐹ ᑍᒫᒃ ᓯᓚᑐᔪᒥᒃ ᐱᓇᓱᐊᕐᒪᑦ; ᒪᑐᒪ ᓯᓚᕐᔪᐊᑉ ᐃᓄᖏᑦ ᓯᓚᑐᐊᕿᓇᓱᐊᕈᓐᓇᕐᓂᕐᓴᐅᖕᒪᑕ ᖃᐅᒪᔪᒥᐅᑕᓂᑦ, ᐱᔭᕆᐊᖃᕐᑕᒥᖕᓂ ᐱᓇᓱᐊᕐᑎᓪᓗᒋᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:8

ᐃᓄᑐᐊᕐᑕᖃᕐᐳᖅ ᐃᓅᖃᑎᖃᕋᓂᓗ: ᐃᕐᓂᖃᓐᖏᓚᖅ ᖃᑕᓐᖑᑎᖃᕋᓂᓗ. ᑭᓯᐊᓂ ᐊᒃᓱᕈᕐᓗᓂ ᓴᓇᓂᖓ ᐃᓱᓕᑦᓱᓐᓇᓐᖏᓚᖅ, ᐃᔨᖏᒡᓗ ᐱᖃᕈᒪᓂᕐᒥᒃ ᓈᒻᒪᒃᓯᔪᓐᓇᓐᖏᓛᒃ. ᐊᐱᕆᓚᐅᕐᓯᒪᓐᖏᓚᕐᓕ, “ᑭᓇᒥᒃ ᓴᓇᒍᑦᔨᕗᖓ? ᓇᖕᒥᓂᕐᓗ ᖁᕕᐊᓱᖕᓂᒃᓴᓐᓂᒃ ᐊᓯᐅᔨᑦᓗᖓ?” ᑕᒪᓐᓇ ᑐᑭᖃᓐᖏᓚᖅ ᐱᓂᐊᕐᓂᕐᓗ ᖁᕕᐊᓇᖏᑦᑑᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:23

ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.

ᐃᓐᖏᕈᑎᑦ 119:127

ᑍᒤᒻᒪᑦ ᐱᖁᔭᑎᑦ ᐅᖓᒋᓂᕐᓴᕆᕙᒃᑲ ᒎᓗᒥᑦ, ᐄᓛᒃ, ᐊᒡᓛᑦ ᒎᓗᓂᑦ ᐱᐅᓂᕐᐹᓂᑦ.

ᐃᓐᖏᕈᑎᑦ 119:72

ᖃᓂᕐᐱᑦ ᐅᖃᐅᓯᕆᔭᖏᑦ ᐱᖁᔧᑦ ᐱᐅᒋᓂᕐᓴᕆᕙᒃᑲ ᒎᓗᓂᑦ ᓯᐅᓪᕕᕆᓂᓪᓗ ᑮᓇᐅᔭᒐᓴᕐᔪᐊᓂᑦ.

ᐃᓐᖏᕈᑎᑦ 119:14

ᐊᑐᕐᑕᐅᖁᓪᓗᒋᑦ ᐃᓕᓮᑦᔪᑎᒋᓚᐅᕐᑕᑎᑦ ᖁᕕᐊᒋᕙᒃᑲ, ᐊᔪᕐᓴᖏᑦᔪᑕᐅᔪᓐᓇᕐᑐᓕᒫᓂᑦ ᖁᕕᐊᒋᓂᕐᓴᕆᕙᒃᑲ.

ᐃᓐᖏᕈᑎᑦ 19:10

ᐱᔪᒥᓇᕐᓂᕐᓴᐅᕗᑦ ᒎᓗᒥᑦ, ᐊᒡᓛᑦ, ᒎᓗᒥᑦ ᐱᐅᓂᕐᐹᒥᑦ; ᕼᐊᓂᒥᑦ ᓰᕐᓇᕐᓂᕐᓴᐅᔪᖅ, ᐃᒍᑦᓴᐅᓪᓗ ᐃᕙᕕᐊᓂᑦ ᐱᓯᒪᔪᒥᑦ ᕼᐊᓂᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:3

ᐃᓛᒃ, ᓂᓪᓕᐊᒍᕕᑦ ᐃᓗᖏᕐᓱᕐᓗᑎᑦ ᑐᑭᓯᑎᑕᐅᔪᒪᓗᑎᑦ, ᓂᐱᖅᑯᕐᑐᒋᐊᒃᑲᓐᓂᕐᓗᑎᓪᓗ ᑐᑭᓯᑎᑕᐅᔪᒪᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:17

ᐅᕙᓐᓂᒃ ᐱᓐᓈᕈᓱᒃᑐᑦ ᐱᓐᓈᕆᒋᒋᕙᒃᑲ; ᐅᕙᓐᓂᒡᓗ ᕿᓂᓪᓚᕆᒃᑐᑦ ᓇᓂᓂᐊᕐᐹᖓ.

ᒨᓯᓯ ᓯᕗᓪᓖᑦ 26:32

ᐅᓪᓗᒥᓗ ᑖᑦᓱᒪᓂ ᐂᓴᑭᐅᑉ ᐱᔨᖏᑕ ᐅᐸᒡᓗᒍ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕐᑕᒥᖕᓂᒃ ᐅᖃᐅᑎᕚᑦ, “ᐃᒥᕐᒥᒃ ᓇᓂᓯᕗᒍᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:7

ᓯᓚᑦᑐᕐᐸᓪᓕᐊᓂᖅ ᐱᒋᐊᕐᕕᖃᕐᐳᖅ ᓯᓚᑐᓂᕐᒥᒃ ᑎᒍᓯᓂᕐᒥᒃ; ᖃᓄᐃᑦᑐᑐᐃᓐᓇᓂᒃ ᐱᒐᓗᐊᕈᕕᑦ, ᑐᑭᓯᑎᑕᐅᓂᖅ ᑎᒍᒥᐊᕈᒃ.