ᓲᓗᒨᓂᐅᑉ ᐅᖃᓪᓚᖕᓂᖏᑦ 19:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᐃᓅᓯᖃᕐᓇᕐᑐᒧᑦ ᐱᑎᑦᓯᕗᖅ; ᑕᒪᑐᒥᖓᓗ ᐱᖃᕐᑐᖅ ᓈᒻᒪᑦᓯᐊᕐᑐᒦᓐᓂᐊᕐᐳᖅ; ᑲᑉᐱᐊᓇᕐᑐᒧᓪᓗ ᑎᑭᑕᐅᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:23 ပူးပေါင်းရင်းမြစ်များ

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 19:9

ᐊᑕᓂᕐᒥᒃ ᓯᕘᕋᓂᖅ ᓴᓗᒪᑦᓯᐊᕐᐳᖅ, ᐃᓱᖃᖏᑦᑐᒧᑦ ᑲᔪᓯᔪᖅ. ᐊᑕᓂᐅᓪᓗ ᐃᖅᑲᕐᑐᐃᓂᖏᑦ ᓱᓕᑦᓯᐊᕐᐳᑦ ᑕᒪᕐᒥᒡᓗ ᐃᓱᐊᕐᑑᓪᓗᑎᒃ.

ᐃᓐᖏᕈᑎᑦ 25:13

ᑖᑦᓱᒪ ᑕᕐᓂᖓ ᐊᔪᕐᓴᕐᓇᖏᑦᑐᒥ ᐃᓂᖃᕐᓂᐊᕐᐳᖅ; ᑭᖑᕚᖏᑕᓗ ᓄᓇ ᐱᒋᔪᒫᕐᐹᑦ.

ᐃᓐᖏᕈᑎᑦ 85:9

ᐄᓛᒃ ᑖᑦᓱᒪ ᐱᐅᓕᔭᐅᕕᒃᓴᖃᕐᑎᑦᓯᓂᖓ ᐊᑐᐃᓐᓇᐅᕗᖅ ᓯᕘᕋᔪᓄᑦ ᑖᑦᓱᒥᖓ, ᓂᕐᑐᕐᓇᕐᓂᖅ ᐃᓂᖃᕈᓐᓇᖁᓪᓗᒍ ᓄᓇᑦᑎᓐᓂ.

ᐃᓐᖏᕈᑎᑦ 90:14

ᐅᓪᓛᒃᑯᑦ ᓇᒡᓕᒍᓱᖕᓂᕐᓄᑦ ᐱᔪᒪᔭᑦᑎᓐᓂᒃ ᓈᒻᒪᒃᓯᑎᓚᐅᕐᑎᒍᑦ, ᖁᔭᓕᔪᓐᓇᕐᓯᖁᓪᓗᑕ ᖁᕕᐊᓱᒍᓐᓇᕐᓯᖁᓪᓗᑕᓗ ᐃᓅᓯᕗᑦ ᓈᓗᒋᑦ.

ᐃᓐᖏᕈᑎᑦ 91:10

ᐱᐅᖏᑦᑐᒧᑦ ᓱᓇᒧᓪᓘᓐᓃᑦ ᑎᑭᑕᐅᓂᐊᓐᖏᓚᑎᑦ, ᖃᓂᒪᓇᕐᑐᒧᓪᓘᓐᓃᑦ ᐃᓂᒋᔧᑦ ᖃᒡᓕᔭᐅᓂᐊᓐᖏᓚᖅ.

ᐃᓐᖏᕈᑎᑦ 91:16

ᐃᓅᓯᕐᒥᒃ ᓯᕕᑐᔪᒥᒃ ᐊᑭᓕᕐᓗᒍ ᓈᒻᒪᒃᓯᑎᓐᓂᐊᕐᐸᕋ, ᑕᑯᑎᓐᓂᐊᕐᐸᕋᓗ ᐱᐅᓕᒃᓯᓂᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:27

ᐊᑕᓂᕐᒥᒃ ᓯᕗᕋᓂᖅ ᐃᓅᓯᕐᒥᒃ ᐅᐃᒍᓯᕗᖅ, ᐱᐅᖏᑦᑐᓪᓕ ᐊᕐᕌᒍᖏᑦ ᓁᑦᑑᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:19

ᐃᓱᐊᕐᑐᒥᒃ ᑲᔪᓯᔪᖅ ᐃᓅᔪᒫᕐᐳᖅ, ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᑐᖁᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:21

ᐃᓱᐊᕐᑐᑦ ᕿᒃᓵᖕᓇᕐᑐᓄᑦ ᓵᓚᐅᓂᐊᓐᖏᓚᑦ, ᐱᐅᖏᑦᑐᓪᓕ ᖃᓄᐃᓐᓇᕐᑐᓄᑦ ᐅᒋᐊᕐᑕᐅᓯᒪᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:22

ᐱᔪᒪᔭᐅᓂᕐᐸᐅᕗᖅ ᓱᓕᔪᒥᒃ ᑲᔪᓯᑦᓯᐊᕐᓂᖅ, ᐊᒃᓱᓂᖅ ᐱᐅᓂᕐᓴᐅᕗᖅ ᓴᒡᓗᑐᔪᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:4

ᒥᑭᒡᓕᑎᕐᓯᒪᓂᖅ ᐊᑕᓂᕐᒥᒡᓗ ᓯᕘᕋᒋᔭᖃᕐᓂᖅ ᐊᑭᓕᕐᑕᐅᕘᒃ ᐊᒃᓱᐃᓐᓂᕐᒥᒃ ᐅᐱᒋᔭᐅᓂᕐᒥᒃ ᐃᓅᓯᕐᒥᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:24

ᐃᖏᒃᑯᕕᑦ ᑲᑉᐱᐊᓱᖕᓂᐊᓐᖏᓚᑎᑦ ᓇᓪᓚᕈᕕᓪᓗ, ᓯᓂᑦᓯᐊᕐᐸᒃᓗᑎᑦ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 5:6

ᓮᒪᓇᕐᑐᒦᑉᐳᑦ ᑳᒃᑐᑦ ᐃᒥᕈᒃᑐᓪᓗ ᓇᓛᒎᕐᓂᕐᒥᒃ; ᒎᑎᐅᑉ ᓈᒻᒪᒃᓯᑎᓐᓂᐊᕐᒪᒋᑦ ᐱᔪᒪᔭᖏᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.