ᓲᓗᒨᓂᐅᑉ ᐅᖃᓪᓚᖕᓂᖏᑦ 18:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓅᑉ ᐊᓂᕐᓂᖓᑕ ᖃᓂᒪᑎᓪᓗᒍ ᐱᔪᓐᓇᕐᑎᑉᐹ; ᐊᓂᕐᓂᑯᓪᓕ ᓯᖁᒥᓯᒪᔪᖅ ᐃᒻᒥᓂᒃ ᐱᓯᒪᔪᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:14 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 6:4

ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ; ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ; ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.

ᐃᓐᖏᕈᑎᑦ 109:22

ᐊᔪᕐᓴᕋᒪ ᐃᑲᔪᕐᑕᐅᔭᕆᐊᖃᓕᕐᓗᖓᓗ, ᐆᒻᒪᑎᒐ ᐋᓐᓂᕐᓯᒪᖕᒪᑦ ᐃᓗᓐᓂ.

ᐃᓐᖏᕈᑎᑦ 147:3

ᐆᒻᒪᑎᒥᒍᑦ ᓯᖁᒥᓯᒪᔪᑦ ᒪᒥᑎᑉᐰᑦ, ᒪᑦᑐᓯᕐᑐᕐᓗᒋᓪᓗ ᐃᑭᖏᑦ.

ᐃᓐᖏᕈᑎᑦ 55:3

ᐊᑭᕋᕐᑐᕐᑎᒪ ᓂᐱᖏᑦ ᐱᑦᔪᑎᒋᓪᓗᒋᑦ, ᐱᐅᖏᑦᑐᓕᔪᓪᓗ ᐊᑭᕋᕐᑐᕐᓂᖏᑦ ᐱᓪᓗᒋᑦ; ᐅᕙᓐᓄᑦ ᐅᖁᒤᒃᓴᕐᓂᕐᒥᒃ ᐱᑎᑦᓯᖕᒪᑕ, ᓂᓐᖓᐅᒪᓂᕐᒧᑦ ᖀᒥᒋᖕᒪᖓ.

ᐃᓐᖏᕈᑎᑦ 55:5

ᓯᕘᕋᓂᐅᑉ ᓴᔪᖕᓂᐅᓪᓗ ᑎᑭᒻᒪᖓ, ᑲᑉᐱᐊᓱᒃᔪᐊᕐᓂᐅᓪᓗ ᓵᓚᒋᕚᖓ.

ᒨᓯᓯ ᐂᑉᐸᖏᑦ 6:9

ᒨᓯᓯᓗ ᑕᒪᑐᒥᖓ ᐅᖃᐅᓯᖃᕐᐳᖅ ᐃᓴᕆᐊᓕᒥᐅᓄᑦ; ᑖᒃᑯᐊᓕ ᒨᓯᓯᒥᒃ ᓈᓚᓚᐅᓐᖏᓚᑦ, ᐊᓂᕐᓂᕐᒥᒍᑦ ᓯᖁᒥᑕᐅᓯᒪᓂᕐᒧᑦ ᓱᒃᑯᔨᐊᖑᓪᓗᑎᒃ ᐋᓐᓂᕐᓯᕐᑕᐅᖃᑦᑕᕐᓂᕐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:13

ᐆᒻᒪᑎᖃᕐᑐᖅ ᖁᕕᐊᓱᒃᑐᒥᒃ ᖁᕕᐊᓱᖕᓂᖓ ᑕᑯᒃᓴᐅᕗᖅ ᑮᓇᕐᒥᒍᑦ, ᕿᒃᓵᒃᑐᕐᓕ ᐆᒻᒪᑎᒥᒍᑦ, ᐊᓂᕐᓂᖓ ᓯᖁᒥᓯᒪᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:22

ᖁᕕᐊᓱᖕᓂᖅ ᐆᒻᒪᑎᒃᑯᑦ ᐃᓅᓕᓴᐅᑎᑦᓯᐊᖑᕗᖅ, ᐊᓂᕐᓂᒥᒍᓪᓕ ᕿᒃᓵᒃᑐᖅ ᓴᐅᓂᖏᑦ ᓴᓗᐊᕐᑎᑕᐅᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:7

ᒫᓐᓇᓕ ᐃᓱᒪᒋᔪᓐᓁᕐᕕᒋᔭᒃᓴᕆᓕᕐᐸᓯ ᓮᒻᒪᕐᓴᕐᓗᒍᓗ, ᕿᒃᓵᓗᐊᓕᕐᓗᓂ ᓴᐱᓕᑐᐃᓐᓇᖁᓇᒍ.

ᔧᒥᓯᐅᑉ ᐊᒡᓚᖏᑦ 1:2

ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,

ᐲᑦᑐᕉᓯ ᓯᕗᓪᓖᑦ 1:6

ᑕᒪᓐᓇ ᖁᕕᐊᓲᑎᒋᕙᓯ, ᒫᓐᓇᐅᓂᖓᓂ ᓯᕕᑭᑦᑐᒥᒃ ᐱᔭᕆᐊᖃᕈᑦᓯ, ᖁᕕᐊᓇᖏᑦᑐᒃᑰᖃᑦᑕᕋᓗᐊᕐᑐᓯ ᐊᒃᓱᕈᕐᓇᕐᑐᑦ ᐅᓄᕐᒪᑕ ᐊᑦᔨᒌᖏᑦᑐᑦ.