ᓲᓗᒨᓂᐅᑉ ᐅᖃᓪᓚᖕᓂᖏᑦ 16:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᓄᓇᖁᑎᑖᕋᓱᐊᕐᑐᖅ ᖃᐅᔨᓇᓱᐊᕐᐳᖅ ᓇᓚᐅᑦᑖᕈᑎᒃᑯᑦ ᓵᒥᒍᑦ, ᐃᓱᒪᑖᕈᑕᐅᔪᓪᓕ ᐊᑕᓂᕐᒧᑦ ᓇᓗᓇᕈᓐᓃᕐᑎᑕᐅᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:33 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 11:1

ᐃᓄᐃᑦ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᐳᑦ; ᐃᓄᒐᓴᒡᔪᐊᓪᓕ ᑭᓯᐊᓂ ᓇᓚᐅᑦᑖᕈᑎᒃᑯᑦ ᓇᓚᐅᑕᐅᔪᑦ ᑕᓪᓕᒪᐅᔪᖏᑦ ᔨᕉᓴᓕᒥ ᓄᓇᖃᕐᑎᑕᐅᔪᓐᓇᓚᐅᕐᐳᑦ, ᑕᓪᓕᒪᐅᔪᖏᑕ ᐊᒥᐊᒃᑯᖏᑦ ᐊᓯᐊᓂ ᓄᓇᒦᖏᓐᓇᕐᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:32

ᓂᓐᖓᒃᓴᕅᖏᑦᑐᖅ ᐊᔪᖏᑦᑐᕐᔪᐊᒥᑦ ᐱᐅᓂᕐᓴᐅᕗᖅ, ᐊᓂᕐᓂᕐᒥᓂᒡᓗ ᐊᐅᓚᑦᓯᔪᓐᓇᕐᑐᖅ ᐱᐅᓂᕐᓴᐅᒋᕗᖅ ᐃᒡᓗᒐᓴᒡᔪᐊᓂᒃ ᓵᓚᖃᕐᑐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:18

ᓇᓚᐅᑦᑖᕈᑎᒃᑯᑦ ᓂᕈᐊᕐᓂᖅ ᐂᕙᑦᔪᑕᐅᔪᓂᒃ ᓄᖅᑲᕐᑎᑦᓯᕗᖅ, ᐱᔪᓐᓇᕐᓂᖃᕐᑐᓪᓗ ᓵᓚᒌᖃᑦᑕᐅᑎᓇᓱᖕᓂᖏᓐᓂᒃ ᓄᖅᑲᕐᑎᑦᓯᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:26

ᐅᓄᕐᑐᑦ ᐊᐅᓚᑦᓯᔨᒧᑦ ᐱᐅᒋᔭᐅᔪᒪᓂᕐᒥᒃ ᕿᓂᕐᐳᑦ, ᐊᖑᑎᐅᓪᓕ ᐱᑦᓯᐊᕐᑕᐅᓂᖓ ᐊᑕᓂᕐᒥᑦ ᐱᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 21:21

ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᓇᑉᐸᖅᑯᑎᐅᑉ ᓴᓂᐊᓃᓕᕐᓗᓂ ᐊᖅᑯᑏᒃ ᒪᕐᕈᐃᓕᖅᑲᖓᒋᐊᕐᓂᖓᓂ ᖃᐅᔨᓇᓱᐊᓕᕐᐳᖅ; ᓇᓪᓕᐊᓐᓄᑦ ᐂᕕᒋᔭᒃᓴᒥᓂᒃ ᖃᕐᔪᐃᑦ ᐊᐅᓚᑎᑉᐰᑦ, ᒎᑎᓐᖑᐊᓂᓗ ᐊᐱᕆᕔᑦ, ᐆᒪᔫᓪᓗ ᑎᖑᖓᓂᒃ ᖃᐅᔨᓴᕐᓗᓂ.

ᒨᓯᓯ ᐱᖓᔪᖏᑦ 16:8

ᐂᕉᓂ ᑕᕝᕙ ᓇᓚᐅᑦᑖᕈᑏᖕᓂᒃ ᒪᕐᕉᖕᓂᒃ ᑲᑕᒃᑎᑦᓯᔭᕆᐊᖃᕐᐳᖅ ᒎᑦᓰᒃ ᒪᕐᕉᒃ ᐱᓪᓗᒋᒃ ᐱᖃᑖ ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒍ ᐱᖃᑖᓗ ᐊᐅᓪᓚᕐᑎᑕᒃᓴᐅᖁᓪᓗᒍ ᐊᔪᕐᓂᖅ ᐱᓪᓗᒍ.

ᔫᓇᐅᑉ ᐊᒡᓚᖏᑦ 1:7

ᐅᒥᐊᕐᑐᕐᑏᓪᓗ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ ᐅᖃᕐᓗᑎᒡᓗ: “ᐊᑏ ᓇᓚᐅᑦᑖᓚᐅᕐᑕ ᑭᓇ ᐱᑦᔪᑎᒋᓪᓗᒍ ᐊᑲᐅᖏᑦᑐᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ ᖃᐅᔨᖁᓪᓗᑕ.” ᓇᓚᐅᑦᑖᓕᕐᐳᑦ ᑕᕝᕙ, ᓇᓚᐅᑦᑖᕈᑎᐅᓪᓗ ᔫᓇᐅᑉ ᐊᑎᖓ ᓇᓚᐅᑉᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 1:26

ᓇᓚᐅᑦᓵᓕᕋᒥᒃ, ᒪᑍᐊᓯ ᓇᓚᐅᑕᐅᕗᖅ; ᐃᓚᓕᐅᑎᔭᐅᓪᓗᓂᓗ ᐋᐴᓯᑕᓕᖕᓄᑦ 11ᓄᑦ.

ᔮᓱᐊᑉ ᐊᒡᓚᖏᑦ 18:10

ᔮᓱᐊᓗ ᓇᓚᐅᑦᑖᕈᑎᒃᑯᑦ ᓮᓗᐊᒥ ᐊᑕᓂᕐᒥᒃ ᖃᐅᔨᒋᐊᕐᐳᖅ ᑖᒃᑯᐊ ᐱᑦᔪᑎᒋᓪᓗᒋᑦ, ᐊᕕᒃᑐᕐᐰᓪᓗ ᐃᓴᕆᐊᓕᒥᐅᓄᑦ ᓄᓇᑖᕆᐊᖃᕐᑐᓄᑦ ᑭᖑᕚᕇᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 18:5

ᓄᓇ ᐊᕕᒃᑐᕐᑕᐅᔪᓐᓇᕐᐳᖅ 7ᐅᓕᓗᒍ; ᔫᑕᐅᑉ ᑭᖑᕚᖏᑦ ᓅᓐᓂᐊᓐᖏᓚᑦ ᓄᓇᒥᖕᓂᑦ ᓯᕿᓂᐅᑉ ᓇᓛᓃᑦᑐᒥᑦ, ᔫᓯᐱᐅᓪᓗ ᑭᖑᕚᖏᑦ ᓄᓇᒥᖕᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᓅᓐᓂᐊᖏᓐᓂᕗᑦ.

ᔮᓱᐊᑉ ᐊᒡᓚᖏᑦ 7:14

ᑍᒤᒻᒪᑦ ᐅᓪᓛᒃᑯᑦ ᑭᖑᕚᕇᑦ ᒪᓕᒡᓗᒋᑦ ᕾᔭᕆᐊᖃᕐᓂᐊᕐᐳᑦ; ᑭᖑᕚᕇᓪᓗ ᐊᑕᓂᐅᑉ ᓇᓗᓁᕐᑕᖏᑦ ᕾᔭᕆᐊᖃᕐᓂᐊᕐᐳᑦ ᐃᓚᒌᖑᓗᑎᒃ; ᐃᓚᒌᓪᓗ ᐊᑕᓂᐅᑉ ᓇᓗᓁᕐᑕᖏᑦ ᕾᔭᕆᐊᖃᕐᓂᐊᕆᕗᑦ ᐃᒡᓗᒥᐅᖃᑎᒌᖑᓪᓗᑎᒃ, ᐃᒡᓗᒥᐅᖃᑎᒌᓪᓗ ᐊᑕᓂᐅᑉ ᓇᓗᓁᕐᑕᖏᑦ ᕾᔭᕆᐊᖃᕐᓂᐊᕆᕗᑦ ᐊᖑᑏᑦ ᐃᓛᒃᑰᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 20:9

ᐃᒫᒃ ᐱᓇᓱᐊᕐᓂᐊᕐᐳᒍᑦ ᒋᐱᐊᒥᐅᓄᑦ: ᓇᓚᐅᑦᑖᕈᑎᒃᑯᑦ ᓂᕈᐊᕐᓂᐅᕐᐳᒍᑦ ᐊᖑᑎᓂᒃ ᐅᓇᑕᕆᐊᖁᓗᒋᑦ ᒋᐱᐊᒥᒃ.

ᓴᒧᐃᓕ ᓯᕗᓪᓖᑦ 10:19

ᑭᓯᐊᓂᓕ ᐅᓪᓗᒥ ᒎᑎᑦᓯᓐᓂᒃ ᓇᕐᕈᓕᕐᐳᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑐᒥᒃ ᐅᖁᒤᑦᑐᓂᑦ ᐊᒃᓱᕈᕐᓇᕐᑐᓂᒡᓗ; ᑖᑦᓱᒧᖓᓗ ᐅᖃᓚᐅᕐᐳᓯ, ‘ᐋᒃᑲ, ᐊᖓᔪᖅᑳᕐᔪᐊᕐᑖᕐᑎᓚᐅᕐᑎᒍᑦ.’ ᒫᓐᓇᓕ ᑍᒤᒻᒪᑦ, ᐊᑕᓂᐅᑉ ᓵᖓᓄᑦ ᑐᓂᓕᕆᑦᓯ ᑭᖑᕚᕇᑦ ᐃᓚᒌᓪᓗ ᑲᑎᓐᖓᓗᑎᒃ.”