ᓲᓗᒨᓂᐅᑉ ᐅᖃᓪᓚᖕᓂᖏᑦ 15:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᒃᓱᕈᕐᓇᕐᑐᓄᑦ ᐅᖁᒤᒃᓴᕐᓇᕐᑐᒦᑦᑐᑦ ᐅᓪᓗᖏᑦ ᐱᐅᖏᑦᑐᐃᓐᓇᐅᔮᕐᐳᑦ, ᖁᕕᐊᓱᒃᑐᒥᒡᓕ ᐆᒻᒪᑎᓕᐅᑉ ᐅᓪᓗᖏᑦ ᓂᕆᕕᒃᔪᐊᕐᓃᓐᓇᐅᔮᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᒨᓯᓯ ᓯᕗᓪᓖᑦ 47:9

ᔧᑯᓗ ᐅᖃᕐᐳᖅ ᐰᕉᒧᑦ, “130ᓂᒃ ᐊᕐᕌᒍᖃᓕᕐᐳᖓ; ᐃᓅᓯᓐᓂ ᐱᐅᖏᑦᑐᓂᒃ ᐊᑐᕐᓯᒪᕗᖓ, ᓯᕗᓕᕐᒪᓗ ᐃᓅᓯᕆᓚᐅᕐᑕᖏᑕ ᓴᓂᐊᓂ ᐊᕐᕌᒍᒃᑲ ᖃᑦᓰᓐᓇᐅᓂᕐᓴᒻᒪᕆᐅᕗᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:13

ᐆᒻᒪᑎᖃᕐᑐᖅ ᖁᕕᐊᓱᒃᑐᒥᒃ ᖁᕕᐊᓱᖕᓂᖓ ᑕᑯᒃᓴᐅᕗᖅ ᑮᓇᕐᒥᒍᑦ, ᕿᒃᓵᒃᑐᕐᓕ ᐆᒻᒪᑎᒥᒍᑦ, ᐊᓂᕐᓂᖓ ᓯᖁᒥᓯᒪᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:14

ᑐᑭᓯᐅᒪᔪᒥᒃ ᐃᓱᒪᖃᕐᑐᖅ ᕿᓂᕐᐳᖅ ᖃᐅᔨᑎᑕᐅᓂᕐᒥᒃ, ᓯᓔᑦᑑᓪᓕ ᖃᓂᖓ ᓂᕆᕗᖅ ᓯᓔᑦᑑᓇᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:16

ᐱᖃᑦᓯᐊᖏᓐᓂᖅ ᐱᐅᓂᕐᓴᐅᕗᖅ ᐊᑕᓂᕐᒥᒃ ᓯᕘᕋᒋᔭᖃᕐᑐᒧᑦ, ᐱᓕᐊᓘᒐᓗᐊᕐᓗᓂ ᖃᓄᐃᓐᓇᕐᑐᒦᓐᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:22

ᓯᓚᑐᔪᒧᑦ ᓯᓚᑐᓂᖅ ᐃᓅᓯᕐᑕᖃᕐᐳᖅ ᓄᓇᐅᑉ ᐃᓗᐊᓂᑦ ᑰᒃᑐᑎᑐᑦ, ᓯᓔᑦᑐᓪᓕ ᓯᓔᕐᕈᕐᑐᕐᓂᖅ ᓱᒋᐊᕐᑕᐅᑦᔪᑎᒋᕚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:22

ᖁᕕᐊᓱᖕᓂᖅ ᐆᒻᒪᑎᒃᑯᑦ ᐃᓅᓕᓴᐅᑎᑦᓯᐊᖑᕗᖅ, ᐊᓂᕐᓂᒥᒍᓪᓕ ᕿᒃᓵᒃᑐᖅ ᓴᐅᓂᖏᑦ ᓴᓗᐊᕐᑎᑕᐅᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:25

ᐅᓐᓄᐊᖅ ᕿᑎᕋᓕᕐᑎᓪᓗᒍ ᐸᐅᓗᓯᒃᑯᒃ ᓮᓚᓯᒃᑯᒃ ᑐᒃᓯᐊᕐᐴᒃ ᐃᓐᖏᕐᓗᑎᒡᓗ ᐱᓯᕐᓂᒃ ᒎᑎᒧᑦ, ᑎᒍᔭᐅᓯᒪᕕᖕᒦᖃᑎᖏᑕ ᑐᓴᕚᑦ,

ᕉᒪᒥᐅᓄᑦ 12:12

ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.

ᕉᒪᒥᐅᓄᑦ 5:11

ᑕᒪᓐᓇᑐᐊᖑᓐᖏᓚᕐᓕ, ᒎᑎᒥᒡᓕ ᖁᕕᐊᓲᑎᖃᕐᐳᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, ᑖᑦᓱᒨᓇ ᒫᓐᓇ ᐅᑎᕐᑎᑕᐅᓯᒪᓕᕋᑦᑕ ᒎᑎᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:5

᙭ᔅᑑᓯᐅᑦᑕᐅᖅ ᐊᖏᔪᒥᒃ ᐋᓐᓂᐊᑎᑕᐅᓯᒪᓂᖓ ᐱᖃᑕᐅᕕᒋᒐᑦᑎᒍ, ᑍᒫᒃᑕᐅᖅ ᙭ᔅᑑᓯᒃᑯᑦ ᐱᖃᑕᐅᒋᕗᒍᑦ ᒎᑎᐅᑉ ᐃᑲᔪᕐᓂᖓᓂᒃ ᐊᒥᒐᖏᑦᑐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.