ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:18

ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.

ᔫᐱᐅᑉ ᐊᒡᓚᖏᑦ 13:15

ᑕᑯᒋᑦ, ᑖᑦᓱᒪ ᓱᒋᐊᕐᐸᖓ; ᓂᕆᐅᒋᔭᒃᓴᖃᓐᖏᓚᖓ; ᐃᓅᓯᕆᔭᓐᓂᒡᓕ ᓴᐳᓐᓂᐊᕐᓂᐊᕐᐳᖓ ᑖᑦᓱᒧᖓ.

ᔫᐱᐅᑉ ᐊᒡᓚᖏᑦ 18:18

ᖃᐅᒪᔪᒥᑦ ᑖᕐᑐᒧᐊᕐᑎᑕᐅᕗᖅ, ᓄᓇᕐᔪᐊᕐᒥᓗ ᐃᓅᔪᓂᑦ ᐊᓂᑎᑕᐅᕗᖅ.

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 17:15

ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᐃᓐᖏᕈᑎᑦ 37:37

ᐊᖑᑦ ᐸᓯᔭᒃᓴᐅᖏᑦᑐᖅ ᕿᒥᕐᕈᒍᒃ, ᑕᑯᓐᓇᕈᒡᓗ ᓱᓕᑦᓯᐊᕐᑐᒥᒃ ᐃᓅᓯᖃᕐᑐᖅ. ᐃᓅᑉ ᑖᑦᓱᒪ ᓯᕘᓂᖓ ᓮᒪᓂᐅᖕᒪᑦ.

ᐃᓐᖏᕈᑎᑦ 58:9

ᐅᒃᑯᓯᒃ ᐆᓇᕐᓯᖅᑳᕐᑎᓐᓇᒍ ᐅᕐᐱᒊᑦ ᑲᑭᓪᓚᕐᓇᕐᑐᑦ ᐃᑯᐊᓚᓂᖏᓐᓄᑦ, ᐆᒻᒪᐅᒐᓗᐊᕐᐸᑕ ᐸᓪᓕᐅᒃᐸᑕᓘᓐᓃᑦ, ᐱᐅᖏᑦᑐᓕᔪᑦ ᑎᒃᑕᐅᑎᑦᓱᒫᕐᐰᑦ.

ᐃᓐᖏᕈᑎᑦ 73:24

ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:5

ᐃᓱᐊᕐᑐᒥ ᐃᓅᔪᖅ ᐸᓯᔭᒃᓴᐅᖏᓐᓂᕐᒥᓄᑦ ᐃᓱᐊᕐᑐᒦᑎᑕᐅᕗᖅ, ᐱᐅᖏᑦᑐᕐᓕ ᐱᐅᖏᑦᑐᓕᓂᕐᒥᓄᑦ ᑲᑕᒃᑎᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:33

ᓯᓚᑐᓂᖅ ᐃᓂᖃᕐᐳᖅ ᐃᓄᖕᒥ ᑐᑭᓯᐅᒪᔪᒥ, ᓯᓔᑦᑑᓪᓕ ᐆᒻᒪᑎᒥᓂ ᑕᒪᑐᒥᖓ ᖃᐅᔨᒪᓐᖏᓚ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:16

ᐃᓱᐊᕐᑐᓕᔪᖅ 7ᐃᕐᑐᕐᓗᓂ ᐅᕐᕈᒐᓗᐊᕈᓂ, ᒪᑭᖃᑦᑕᕐᓂᐊᕐᒪᑦ, ᐱᐅᖏᑦᑐᓕᔪᕐᓕ ᐅᕐᕈᑎᑕᐅᕗᖅ ᑲᑉᐱᐊᓇᕐᑐᑎᒍᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22

ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:15

ᐊᓯᕈᕐᑕᐅᓇᕐᑐᒧᑦ ᑎᑭᐅᑎᑲᓪᓚᒍᒫᕐᐳᖅ ᓂᕆᐅᕕᒋᓐᖏᑕᒥᒍᑦ, ᐋᓐᓂᕐᓇᕐᑐᒧᑦ ᓯᖁᑦᑎᕈᒫᕐᐳᖅ ᐋᖅᑭᒃᑕᐅᕕᒃᓴᖃᖏᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 2:29

“ᐊᑕᓃᖅ ᒫᓐᓇ ᐱᔩᑦ ᓮᒪᓂᕐᒥ ᐊᖏᕐᕋᕐᑎᓕᕈᒃ, ᐅᖃᐅᓯᕆᓚᐅᕐᑍᑦ ᒪᓕᒡᓗᒍ;

ᔪᐊᓇᓯᐅᑉ ᐊᒡᓚᖏᑦ 8:21

ᑕᕝᕙ ᔩᓱᓯᐅᑉ ᐅᖃᐅᑎᒃᑲᓐᓂᕐᐰᑦ, “ᐊᐅᓪᓚᕐᓂᐊᕐᐳᖓ, ᕿᓂᕈᒫᕐᐸᑦᓯᓐᖓᓗ ᑐᖁᔪᒫᕐᐳᓯᓗ ᐊᔪᕐᓂᑦᓯᓐᓃᖏᓐᓇᕐᓗᓯ; ᐅᐸᖕᓂᐊᕐᑕᓐᓄᑦ ᐂᔪᓐᓇᖏᓐᓇᑦᓯ.”

ᔪᐊᓇᓯᐅᑉ ᐊᒡᓚᖏᑦ 8:24

ᑍᒤᒻᒪᑦ ᐅᖃᐅᑎᕙᑦᓯ ᑐᖁᔪᒫᕐᓂᕋᕐᓗᓯ ᐊᔪᕐᓂᑦᓯᓐᓃᓪᓗᓯ, ᑐᖁᔪᒫᕐᐳᓯ ᐊᔪᕐᓂᑦᓯᓐᓃᓪᓗᓯ ᐅᒃᐱᓕᖏᒃᑯᑦᓯ ᐅᕙᖓᐅᓂᓐᓂᒃ.”

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:9

ᐃᒃᐱᒍᓱᓕᓚᐅᕋᑦᑕ ᐊᒡᓛᑦ ᑐᖁᑕᒃᓴᓐᖑᕐᑎᑕᐅᓯᒪᓕᕐᓂᑦᑎᓐᓂᒃ; ᑍᒤᑦᑐᒃᑰᓚᐅᕐᐳᒍᓪᓕ ᐅᕙᑦᑎᓐᓂᑐᐃᓐᓇᖅ ᐊᐅᓚᓐᓇᓱᐊᖁᓇᑕ ᒎᑎᒥᒡᓕ ᑕᑎᖃᖔᖁᓪᓗᑕ ᑐᖁᖓᔪᓂᑦ ᒪᑭᑎᑦᓯᔪᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:8

ᓴᐱᓐᖏᓚᒍᑦ, ᑎᒥᕗᑦ ᕿᒪᖔᕐᓗᒍ ᐊᖏᕐᕋᕈᒪᓪᓗᑕ ᐊᑕᓂᕐᒧᑦ.

ᐱᓕᐱᒥᐅᓄᑦ 1:21

ᐃᓅᒍᒪ ᙭ᔅᑑᓯᒧᑦ ᐃᓅᕗᖓ, ᑐᖁᒍᒪᓗ ᐱᕙᓪᓕᕈᑎᒃᓴᕆᕙᕋ.

ᐱᓕᐱᒥᐅᓄᑦ 1:23

ᐅᖁᒤᒃᓴᕋᒪ ᑕᒪᑐᒥᖓ ᐊᕙᒻᒧᑦ ᓄᓱᐊᕐᑕᐅᓪᓗᖓ. ᙭ᔅᑑᓯ ᓇᔪᕈᒪᓪᓗᒍ ᐊᖏᔪᒥᒃ ᑲᔪᖏᕋᓗᐊᕐᐳᖓ, ᑕᒪᓐᓇ ᐱᐅᓂᕐᓴᒻᒪᕆᐊᓘᖕᒪᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:13

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑎᑎᕋᕆᑦ ᐅᑯᓂᖓ: ᓮᒪᓇᑐᒦᑉᐳᑦ ᐊᑕᓂᖅ ᐱᓪᓗᒍ ᐱᔨᑦᓯᕐᓗᑎᒃ ᑐᖁᔪᑦ.” ᐊᓂᕐᓂᖅ ᐅᖃᕐᐳᖅ, “ᐃᓛᒃ ᑐᓱᓐᓇᒻᒪᕆᒃᐳᑦ, ᑕᕾᕐᓯᕐᓂᐊᓕᕐᒪᑕ ᐱᓇᓱᐊᕐᓂᕆᓯᒪᔭᒥᖕᓂᑦ, ᐱᓂᐊᕐᓂᕆᓯᒪᔭᖏᑕ ᐃᓚᒋᓂᐊᕐᒪᒋᑦ!”