ᓲᓗᒨᓂᐅᑉ ᐅᖃᓪᓚᖕᓂᖏᑦ 12:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓱᒪᔮᕈᑎᖃᓗᐊᕐᑐᖅ ᐆᒻᒪᑎᒥᒍᑦ ᖁᕕᐊᓇᖏᑦᑐᒦᓕᕈᓐᓇᕐᐳᖅ, ᐅᖃᐅᑦᔭᐅᑦᓯᐊᕐᓂᕐᒧᓪᓕ ᖁᕕᐊᑦᓴᒃᑎᑕᐅᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:25 ပူးပေါင်းရင်းမြစ်များ

ᐃᓐᖏᕈᑎᑦ 38:6

ᐅᖁᒤᒃᓴᕐᑐᐊᓘᕗᖓ ᐊᒃᓱᒻᒪᕆᐊᓗᒡᓗ ᐅᑯᖓᓪᓗᖓ; ᕿᒃᓵᒃᑐᐊᓘᓪᓗᖓᓗ ᐅᓪᓗᖅ ᓈᓪᓗᒍ.

ᐃᓐᖏᕈᑎᑦ 42:11

ᑕᕐᓃᒃ, ᓱᖕᒪᑦ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᑮᓇᕐᒪ ᐃᑲᔪᕐᑎᒋᖕᒪᒍ ᒎᑎᒋᓪᓗᒍᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:18

ᐅᖃᐅᓯᕐᒥᖕᓂᒃ ᐅᑦᔨᕐᓱᕈᓐᓇᖏᑦᑑᑉ ᐅᖃᐅᓯᖏᑦ ᓴᕕᒡᔪᐊᑎᑐᑦ ᑲᐱᓯᕗᑦ, ᓯᓚᑐᔪᓪᓕ ᐅᖃᐅᓯᖏᑦ ᐋᖅᑭᒃᑕᐅᓐᓇᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:26

ᐃᓄᒃ ᐃᓱᐊᕐᑐᖅ ᐅᖃᐅᑦᔨᑦᓯᐊᕐᐸᒃᐳᖅ ᒪᓕᒐᒃᓴᓂᒃ ᐃᓚᓐᓇᕆᔭᒥᓄᑦ, ᐱᐅᖏᑦᑐᓪᓕ ᐊᖅᑯᑎᒋᑦ ᑕᒻᒪᕐᑎᑦᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:10

ᐆᒻᒪᑎᐅᑉ ᖃᐅᔨᒪᕚ ᓇᖕᒥᓂᖅ ᐅᖁᒤᒃᓴᕐᓂᓂ, ᐃᓅᖃᑎᒋᓐᖏᑕᖓᓗ ᖁᕕᐊᓱᖕᓂᖓᓂᒃ ᐃᓚᐅᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:13

ᐆᒻᒪᑎᖃᕐᑐᖅ ᖁᕕᐊᓱᒃᑐᒥᒃ ᖁᕕᐊᓱᖕᓂᖓ ᑕᑯᒃᓴᐅᕗᖅ ᑮᓇᕐᒥᒍᑦ, ᕿᒃᓵᒃᑐᕐᓕ ᐆᒻᒪᑎᒥᒍᑦ, ᐊᓂᕐᓂᖓ ᓯᖁᒥᓯᒪᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:15

ᐊᒃᓱᕈᕐᓇᕐᑐᓄᑦ ᐅᖁᒤᒃᓴᕐᓇᕐᑐᒦᑦᑐᑦ ᐅᓪᓗᖏᑦ ᐱᐅᖏᑦᑐᐃᓐᓇᐅᔮᕐᐳᑦ, ᖁᕕᐊᓱᒃᑐᒥᒡᓕ ᐆᒻᒪᑎᓕᐅᑉ ᐅᓪᓗᖏᑦ ᓂᕆᕕᒃᔪᐊᕐᓃᓐᓇᐅᔮᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:23

ᐊᖑᑦ ᖁᕕᐊᓱᒃᑎᑕᐅᕗᖅ ᑭᐅᑦᔪᑎᒃᓴᖃᑦᓯᐊᕌᖓᒥ, ᐅᖃᐅᓯᖅ ᓈᒻᒪᓈᕐᑎᓪᓗᒍ, ᐱᐅᔪᐊᓘᕗᖅ!

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:30

ᐃᔨᐅᑉ ᖃᐅᒪᔪᒦᓐᓂᖓ ᐆᒻᒪᑎᐅᑉ ᖁᕕᐊᓱᖕᓂᕆᕚ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᓂᒃᑳᕐᑐᑦ ᑎᒥᒥᒃ ᐃᓱᐊᕐᓯᑎᑦᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:24

ᐅᖃᐅᓰᑦ ᑐᓐᖓᓇᕐᑐᑦ ᐃᒍᑦᓴᐅᑉ ᓰᕐᓇᐅᑎᖓᑐᑦ ᑍᒤᑉᐳᑦ, ᑕᕐᓂᐅᑉ ᒪᒪᕆᕔᑦ ᑎᒥᖓᑕᓗ ᐋᖅᑭᒃᑕᐅᑦᔪᑎᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:22

ᖁᕕᐊᓱᖕᓂᖅ ᐆᒻᒪᑎᒃᑯᑦ ᐃᓅᓕᓴᐅᑎᑦᓯᐊᖑᕗᖅ, ᐊᓂᕐᓂᒥᒍᓪᓕ ᕿᒃᓵᒃᑐᖅ ᓴᐅᓂᖏᑦ ᓴᓗᐊᕐᑎᑕᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:14

ᐃᓅᑉ ᐊᓂᕐᓂᖓᑕ ᖃᓂᒪᑎᓪᓗᒍ ᐱᔪᓐᓇᕐᑎᑉᐹ; ᐊᓂᕐᓂᑯᓪᓕ ᓯᖁᒥᓯᒪᔪᖅ ᐃᒻᒥᓂᒃ ᐱᓯᒪᔪᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 25:11

ᐅᖃᐅᓯᖅ ᓇᓛᒎᕐᑐᒥᒃ ᐅᖃᐅᓯᐅᔪᖅ ᐊᑦᔨᖃᕐᐳᖅ ᐋᐳᓂᒃ ᒎᓗᓂᒃ ᓯᐅᓪᕕᕆᒥᒃ ᐊᓪᓕᕋᖃᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:9

ᐅᕐᓱᕐᑎᕈᑏᑦ ᑎᐱᑦᓯᐊᕆᒃᓴᐅᑏᓪᓗ ᐆᒻᒪᑎᐅᑉ ᖁᕕᐊᒋᕔᑦ, ᑍᒫᒃᑕᐅᖅ ᐊᖑᑎᐅᑉ ᐃᓚᓐᓈᖓᑕ ᐅᖃᐅᑦᔪᐃᓂᖏᑦ ᓰᕐᓇᕐᑑᒋᕗᑦ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 1:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ ᐂᖏᓕᒧᑦ ᐅᖃᖃᑎᒋᔭᓐᓄᑦ, ᐱᑦᓯᐊᕐᑐᓂᒃ ᓮᒪᓇᕐᑐᓂᒡᓗ ᐅᖃᐅᓯᖃᕐᓗᓂ.