ᓲᓗᒨᓂᐅᑉ ᐅᖃᓪᓚᖕᓂᖏᑦ 10:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐃᓱᐊᕐᑐᑦ ᓂᕆᐅᒋᔭᖏᑦ ᖁᕕᐊᓇᕐᑐᓂᒃ ᐃᓱᖃᕐᐳᑦ, ᐱᐅᖏᑦᑐᓪᓕ ᓂᕆᐅᒋᔭᖏᑦ ᓴᖅᑭᑦᑐᖃᕈᓐᓇᓐᖏᓚᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:28 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 11:20

ᐱᐅᖏᑦᑐᓕᔪᓪᓕ ᐃᔨᖏᑦ ᑕᑯᓂᐊᓐᖏᓚᑦ; ᐊᓐᓇᒡᕕᒃᓴᒥᓂᒡᓗ ᓇᒡᕚᕐᓂᐊᓐᖏᓚᑦ, ᓂᕆᐅᒋᔭᒃᓴᑐᐊᕆᓕᕐᓂᐊᕐᐹᑦ ᑐᖁᔪᒫᕐᓂᑎᒃ.”

ᔫᐱᐅᑉ ᐊᒡᓚᖏᑦ 8:13

ᒎᑎᒥᒃ ᐳᐃᒍᕐᑐᑦ ᑕᒪᒃᑯᑎᑐᓇᖅ ᑍᒤᑉᐳᑦ; ᒎᑎᖃᖏᑦᑑᑉ ᓂᕆᐅᖕᓂᖓ ᐊᓯᐅᔪᒫᕐᐳᖅ.

ᐃᓐᖏᕈᑎᑦ 112:10

ᐱᐅᖏᑦᑑᑉ ᑕᒪᓐᓇ ᑕᑯᓂᐊᕐᐹ ᓂᓐᖓᒍᑎᒋᓂᐊᕐᐹᓗ; ᐆᒥᓱᖕᓂᕐᒧᑦ ᑮᑦᔫᒥᓗᑎᒃ ᑮᓇᕐᓕᕐᓗᑎᒃ ᕿᒪᕉᑎᓂᐊᕐᐳᑦ; ᐱᐅᖏᑦᑑᑉ ᐱᔪᒪᔭᖓ ᐊᓯᐅᖕᒪᑦ.

ᐃᓐᖏᕈᑎᑦ 16:9

ᑍᒤᒻᒪᑦ ᐆᒻᒪᑎᒐ ᖁᕕᐊᓱᒃᐳᖅ, ᑕᕐᓂᕋᓗ ᐃᖀᕐᑐᕐᓗᓂ; ᑎᒥᒐᓗ ᐃᓂᓪᓚᖓᓂᐊᕐᐳᖅ ᓂᕆᐅᒋᔭᖃᑦᓯᐊᕐᓗᓂ.

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:23

ᐃᓱᐊᕐᑐᑦ ᐱᔪᒪᔭᖃᕐᐳᑦ ᐱᐅᔪᓂᒃ, ᐱᐅᖏᑦᑐᓪᓕ ᓂᕆᐅᒋᔭᒃᓴᑐᐊᖃᕐᐳᑦ ᓂᓐᖓᐅᒪᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:7

ᐱᐅᖏᑦᑐᖅ ᑐᖁᒐᒥ, ᓂᕆᐅᒋᔭᖏᑦᑕᐅᖅ ᑐᖁᖃᑕᐅᕗᑦ, ᐃᓱᐃᑦᑐᓪᓗ ᐱᓇᓱᐊᕈᒪᓯᒪᔭᖏᑦ ᓄᖅᑲᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:32

ᐱᐅᖏᑦᑐᑦ ᐱᐅᖏᑦᑐᓕᓂᕐᒥᖕᓄᑦ ᐃᒻᒥᓂᒃ ᓵᓚᐅᑎᑉᐳᑦ, ᐃᓱᐊᕐᑐᓪᓕ ᓴᐳᑦᔭᐅᕕᒃᓴᖃᕐᐳᑦ ᐅᐱᒋᔭᐅᓂᕐᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:6

ᐱᐅᖏᑦᑐᓕᔪᖅ ᐊᔪᕐᓂᕐᒥᓄᑦ ᒥᑭᒋᐊᕐᑎᑉᐳᖅ, ᐃᓱᐊᕐᑐᓕᔪᕐᓕ ᐃᓐᖏᕐᐳᖅ ᖁᕕᐊᓱᒡᓗᓂᓗ.

ᕉᒪᒥᐅᓄᑦ 12:12

ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᕉᒪᒥᐅᓄᑦ 5:2

ᑖᑦᓱᒨᓇ ᐱᕕᒃᓴᖃᓕᕋᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑕᕝᕙᓂ ᒫᓐᓇ ᓇᔪᕐᑕᑦᑎᓐᓂ, ᖁᕕᐊᓲᑎᖃᕐᐳᒍᓪᓗ ᓂᕆᐅᖕᓂᕐᒥᒃ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᔪᓐᓇᓕᕐᓂᑦᑎᓐᓂᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:16

ᒫᓐᓇᓕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᓇᖕᒥᓂᖅ, ᒎᑎᑦᑕᓗ ᐊᑖᑕᑦᑕ, ᐅᕙᑦᑎᓐᓂᒃ ᓇᒡᓕᒍᓱᒃᑑᑉ ᐃᓱᖃᖏᑦᑐᒥᒃ ᓮᒻᒪᕐᑎᒻᒪᑎᒍᑦ ᓂᕆᐅᒋᔭᒃᓴᒥᒡᓗ ᐱᐅᔪᒥᒃ ᑐᓂᓯᕕᒋᓪᓗᑕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ,