ᐱᓕᐱᒥᐅᓄᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᐱᓕᐱᒥᐅᓄᑦ 4:6 ပူးပေါင်းရင်းမြစ်များ

ᐲᑦᑐᕉᓯ ᓯᕗᓪᓖᑦ 5:7

ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.

ᐃᓐᖏᕈᑎᑦ 55:22

ᐅᖁᒤᒃᓴᐅᑎᒋᔭᑎᑦ ᐊᑕᓂᕐᒧᑦ ᑐᓂᒃᑭᑦ, ᑖᑦᓱᒪ ᑕᕝᕙ ᓴᐳᑎᓂᐊᕐᐹᑎᑦ; ᐃᓄᐃᑦ ᓱᓕᑦᓯᐊᕋᓱᐊᕐᑐᑦ ᓵᓚᒋᔭᐅᑎᓚᐅᕐᓯᒪᓂᐊᓐᖏᓔᑦ.

ᒫᑎᐅᓯᐅᑉ ᐊᒡᓚᖏᑦ 6:8

ᑍᒃᑯᐊᑎᑐᑦ ᑍᒤᑦᑐᒃᓴᐅᓐᖏᓚᓯ, ᐊᑖᑕᑦᓯ ᖃᐅᔨᒪᔭᕇᕐᒪᓯ ᓱᓇᒥᒃ ᐱᔭᕆᐊᖃᕐᒪᖔᑦᓯ, ᑐᒃᓯᐊᓚᐅᕐᑎᓐᓇᓯᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:3

ᐱᓂᐊᕐᓂᑎᑦ ᐊᑕᓂᕐᒧᑦ ᑐᓂᒃᑭᑦ, ᑕᕝᕙ ᐃᓱᒪᕕᑦ ᐱᓇᓱᐊᕈᒪᔭᖏᑦ ᓈᒻᒪᒃᓯᑎᓐᓂᐊᕐᐰᑦ.

ᐃᓐᖏᕈᑎᑦ 62:8

ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ

ᑯᓘᓯᐊᒥᐅᓄᑦ 4:2

ᑐᒃᓯᐊᕐᓂᕐᒧᑦ ᑲᔪᓯᑦᓯᐊᕆᑦᓯ, ᖃᐅᔨᓴᑦᓯᐊᖃᑦᑕᕐᓗᓯ ᖁᔭᓕᖃᑦᑕᕐᓗᓯᓗ ᒎᑎᒧᑦ;

ᐃᐱᓯᒥᐅᓄᑦ 6:18

ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ,

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᓘᑲᓯᐅᑉ ᐊᒡᓚᖏᑦ 18:1

ᔩᓱᓯᐅᑉ ᐃᓕᓐᓂᐊᕐᑎᓂ ᐊᑦᔨᐅᔪᒥᒃ ᐊᔪᕆᕐᑐᕐᐰᑦ, ᑐᒃᓯᐊᖏᓐᓇᖃᑕᖁᓪᓗᒋᑦ ᓴᐱᓕᕐᑍᓕᖁᓪᓗᒋᓪᓗ.

ᓘᑲᓯᐅᑉ ᐊᒡᓚᖏᑦ 12:22

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑍᒤᒻᒪᑦ ᐅᖃᐅᑎᕙᑦᓯ, ᐃᓱᒪᔮᕈᑎᑲᖁᓇᓯ ᐃᓅᑦᔪᑎᒋᓂᐊᕐᑕᑦᓯᓐᓂᒃ, ᓱᓇᒥᒃ ᓂᕆᓂᐊᕐᒪᖔᑦᓯ, ᑎᒥᑦᓯᓗ ᐊᑐᕐᓂᐊᕐᑕᖏᓐᓂᒃ ᓱᓇᒥᒃ ᐊᓐᓄᕌᖃᕐᓂᐊᕐᒪᖔᑦᓯ.

ᐃᓐᖏᕈᑎᑦ 51:15

ᐊᑕᓃᖅ, ᖃᕐᖓᓯᓈᕋ ᐂᑦᑕᕐᑎᒍᒃ, ᖃᓂᕐᒪᓗ ᑕᕝᕙ ᓂᕐᑐᕐᓇᕐᓃᑦ ᓇᓗᓁᕐᓂᐊᕐᐹ.

ᑯᓘᓯᐊᒥᐅᓄᑦ 3:15

᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ.

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.

ᐃᐱᓯᒥᐅᓄᑦ 5:20

ᑕᒤᑕᓗ ᑍᒪᓐᖓᑦ ᖁᔭᓕᑦᔪᑎᒋᖃᑦᑕᕐᓯᒋᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ ᒎᑎᒧᑦ ᐊᑖᑕᒧᑦ.

ᐃᓐᖏᕈᑎᑦ 55:17

ᐅᓐᓄᒃᑯᑦ, ᐅᓪᓛᒃᑯᓪᓗ, ᐅᓪᓗᑯᓪᓗ ᑐᒃᓯᐊᕈᒪᕗᖓ, ᓂᓪᓕᐊᓗᖓᓗ ᓂᐱᖃᕐᓗᖓ ᐅᖁᒤᒃᓴᕐᓂᕐᒧᑦ ᕿᐊᓗᖓ, ᓂᐱᒐᓗ ᑐᓴᕐᓂᐊᕐᐹ.

ᓘᑲᓯᐅᑉ ᐊᒡᓚᖏᑦ 10:41

ᐊᑕᓂᐅᑉ ᑭᐅᕚ, “ᒫᑖ, ᒫᑖ, ᐃᓱᒪᔮᕈᑎᖃᓗᐊᕋᕕᑦ ᐱᓇᓱᐊᒐᒃᓴᕕᑦ ᐅᓄᕐᓂᖏᓐᓂᒃ;

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᒫᑎᐅᓯᐅᑉ ᐊᒡᓚᖏᑦ 10:19

ᐃᖅᑲᕐᑐᕐᑕᐅᕕᖕᒧᑦ ᐋᑕᐅᒍᑦᓯ ᐃᓱᒪᔮᕐᓂᐊᕋᓯ ᖃᓄᖅ ᐅᖃᕆᐊᖃᕐᓂᐊᕐᒪᖔᑦᓯ, ᐅᕝᕙᓗ ᖃᓄᐃᓕᓗᓯ ᐅᖃᐅᓯᖃᕐᓂᐊᒪᖔᑦᓯ; ᑕᒪᓐᓇ ᓇᓪᓕᐅᑎᒃᐸᑦ, ᐅᖃᐅᓯᒃᓴᑦᓯᓐᓂᒃ ᑐᓂᓯᕕᐅᔪᒫᕋᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓘᑲᓯᐅᑉ ᐊᒡᓚᖏᑦ 12:29

“ᑍᒤᒻᒪᑦ ᐃᓱᒪᔮᕐᓂᐊᕋᓯ ᓱᓇᒥᒃ ᓂᕿᒃᓴᖃᕐᓂᐊᕐᒪᖔᑦᓯ ᐃᒥᒃᓴᖃᕐᓂᐊᕐᒪᖔᑦᓯᓘᓐᓃᑦ.

ᓴᒧᐃᓕ ᓯᕗᓪᓖᑦ 1:15

ᕼᐋᓇᓕ ᑭᐅᕗᖅ, “ᐊᖓᔪᖅᑳᒃ, ᐋᖓᔮᓐᖏᓚᖓ, ᐃᒥᐊᓗᓚᐅᕐᓇᖓᓗ ᕔᓂᒥᒃ ᓴᓐᖏᔪᒥᒡᓘᓐᓃᑦ, ᐃᓗᖏᕐᓱᒻᒪᕆᒡᓗᖓᓕ ᑐᒃᓯᐊᕐᐳᖓ; ᐅᖁᒤᒃᓴᐅᑎᒋᔭᒃᑲ ᑕᕐᓂᓐᓂ ᑐᓂᕙᒃᑲ ᐊᑕᓂᕐᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:11

ᑐᒃᓯᐅᑦᔨᖃᑦᑕᕐᓂᑦᓯᒍᑦ ᐅᕙᑦᑎᓐᓂᒃ ᐃᑲᔪᕐᓯᓚᐅᕐᐳᓯ, ᐅᓄᕐᑐᓪᓗ ᑐᒃᓯᐅᑦᔨᓂᖏᑕ ᑭᐅᔭᐅᓂᖏᓐᓄᑦ, ᒎᑎᐅᑉ ᓮᒻᒪᕐᑎᓐᓂᐊᕐᐹᑎᒍᑦ ᐅᓄᕐᑐᓪᓗ ᒎᑎᒧᑦ ᖁᔭᓕᓕᕐᓂᐊᕐᐳᑦ ᐱᑦᔪᑎᒋᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:32

ᐃᓱᒪᔮᕈᑎᒃᓴᖃᖁᓐᖏᓚᑦᓯ. ᐊᖑᑦ ᓄᓕᐊᖃᖏᑦᑐᖅ ᐃᓱᒫᒋᔭᖃᖕᓂᕐᓴᐅᖕᒪᑦ ᐊᑕᓂᐅᑉ ᐱᖏᓐᓂᒃ, ᐊᑕᓂᕐᒥᒡᓗ ᖁᕕᐊᓱᒃᑎᑦᓯᔪᒪᓪᓗᓂ;

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᒫᑎᐅᓯᐅᑉ ᐊᒡᓚᖏᑦ 13:22

ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 3:16

ᑕᕝᕙ ᓵᑐᕌᑭ, ᒥᓵᑭᓗ, ᐊᐱᓐᑎᒎᓗ ᐊᖓᔪᖅᑳᕐᔪᐊᕐᒧᑦ ᑭᐅᕗᑦ, “ᓂᐱᑯᓁᓵ, ᐅᕙᑦᑎᓐᓂᒃ ᓵᖕᓂ ᓇᖕᒥᓂᑦᑎᓐᓂᒃ ᓴᐳᑎᓇᓱᐊᕆᐊᖃᓐᖏᓚᒍᑦ.

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᓴᒧᐃᓕ ᓯᕗᓪᓖᑦ 7:12

ᑕᕝᕙ ᓴᒧᐃᓕ ᐅᔭᕋᖕᒥᒃ ᑎᒍᓯᓪᓗᓂ ᐃᓕᕚ ᒥᔅᐸᐅᑉ ᔨᓴᓇᐅᓪᓗ ᐊᑯᓐᓂᖓᓄᑦ, ᐊᑦᓯᕐᐹᓗ ᐃᐱᓂᓯᕆᒥᒃ ᐅᖃᕐᓗᓂ, “ᑕᒪᐅᖓ ᑎᑭᓪᓗᒍ ᐊᑕᓂᐅᑉ ᐃᑲᔪᓚᐅᕐᐹᑎᒍᑦ.”

ᓲᓗᒨᓂᐅᑉ ᐃᓐᖏᕈᓯᖏᑦ 2:14

ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:21

ᐃᓄᖕᒧᑦ ᓂᐅᕕᐊᖑᓗᑎᑦ ᓇᖕᒥᓂᕐᑖᕆᔭᐅᓗᑎᑦ ᕾᖁᔭᐅᒍᕕᑦ ᑕᒪᓐᓇ ᖃᓄᐃᓐᖏᓚᖅ. ᓂᐅᕕᕐᑕᐅᓯᒪᓂᕐᒥᓪᓕ ᕿᓚᕈᑦᔮᕈᓐᓇᕈᕕᑦ, ᐱᕕᒃᓴᖃᕐᓂᕆᔧᑦ ᐊᑐᑦᓯᐊᕋᓱᐊᕈᒃ.

ᐊᑕᓃᑦ ᓯᕗᓪᓖᑦ 8:28

ᐱᔨᕕᑦ ᑐᒃᓯᐊᕐᓂᖓ ᐃᒃᐱᒋᒐᕕᐅᒃ ᑐᒃᓯᐅᑦᔨᓂᖓᓗ, ᐊᑕᓃᖅ ᒎᑎᒐ, ᑐᓵᓪᓗᑎᓪᓗ ᐱᔨᕕᑦ ᓂᓪᓕᐊᓂᖓᓂᒃ ᑐᒃᓯᐊᕐᓂᖓᓂᒡᓗ ᐃᓕᖕᓄᑦ ᐅᓪᓗᒥ.

ᔨᕆᒤᐊᐅᑉ ᐊᒡᓚᖏᑦ 32:16

ᐸᕉᒃᒧᑦ ᓂᕅᐊᐅᑉ ᐃᕐᓂᖓᓄᑦ ᓄᓇᒥᒃ ᓂᐅᕕᕐᓯᒪᓂᓐᓂᒃ ᓇᓗᓁᕐᓯᑦᔪᑏᑦ ᑐᓂᔭᕇᕋᒃᑭᑦ, ᐊᑕᓂᕐᒧᑦ ᑐᒃᓯᐊᓕᕐᐳᖓ ᐅᖃᕐᓗᖓ,

ᑖᓂᐊᓕᐅᑉ ᐊᒡᓚᖏᑦ 6:10

ᑖᓂᐊᓕᓕ ᖃᐅᔨᒐᒥ ᐱᖁᔭᖅ ᐋᖅᑭᒃᑕᐅᔭᕇᕐᒪᑦ, ᐊᖏᕐᕋᕐᐳᖅ ᒪᔪᕋᕐᓗᓂᓗ ᐃᒡᓗᕈᓯᕐᒥᓄᑦ, ᐃᒐᓛᕐᒧᑦ ᔨᕉᓴᓕᒧᑦ ᓵᖓᔪᒧᑦ, ᓰᖅᑯᕐᓗᓂᓗ ᑐᒃᓯᐊᕐᐸᒃᐳᖅ ᐅᓪᓗᖅ ᐱᖓᓱᐃᕐᓱᕐᓗᒍ, ᖁᔭᓕᓪᓗᓂᓗ ᒎᑎᒥᓄᑦ ᑍᒫᒃ ᐱᐅᓯᕆᕙᒃᑕᒥᑐᑦ.

ᒫᑎᐅᓯᐅᑉ ᐊᒡᓚᖏᑦ 6:34

ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᖃᐅᒃᐸᐅᓂᐊᕐᑐᒥᒃ; ᐅᓪᓘᓂᐊᕐᑐᖅ ᓇᖕᒥᓂᖅ ᐃᓱᒪᔮᕈᑎᖃᓛᕐᒥᖕᒪᑦ. ᐅᓪᓘᑉ ᐊᑕᐅᓯᐅᑉ ᖁᕕᐊᓇᖏᑦᑐᕐᑕᖃᕐᓂᖏᑦ ᐃᓚᒃᑲᓐᓂᕆᐊᖃᖏᒻᒪᑕ.”

ᑎᒧᑎᒧᑦ ᓯᕗᓪᓖᑦ 2:1

ᓯᕗᓪᓕᕐᐹᒥᒡᓕ, ᐱᖁᔨᕗᓐᖓ ᕿᓄᑦᔪᑎᖃᕐᓂᖅ ᑐᒃᓯᐊᖃᑦᑕᕐᓂᖅ ᑐᒃᓯᐅᑦᔨᓂᖅ, ᖁᔭᓕᓃᓪᓗ ᒎᑎᒧᑦ ᑐᓂᕐᕈᑕᐅᖃᑦᑕᖁᕙᒃᑲ ᐃᓄᐃᑦ ᑕᒪᕐᒥᒃ ᐱᑦᔪᑎᒋᓪᓗᒋᑦ,

ᑎᒧᑎᒧᑦ ᓯᕗᓪᓖᑦ 5:5

ᐅᐃᒡᒐᕐᓂᕐᓕ ᐃᓄᑐᐊᖑᒃᐸᑦ ᐃᑲᔪᕐᑎᒃᓴᖃᕋᓂ, ᑍᒤᑦᑐᖅ ᒎᑎᒥᑦ ᑭᓯᐊᓂ ᓂᕆᐅᒃᐳᖅ, ᑐᒃᓯᐊᖏᓐᓇᕐᐳᕐᓗ ᐃᑲᔪᕐᑕᐅᔪᒪᓪᓗᓂ ᐅᓐᓄᐊᖑᒐᓗᐊᕐᐸᑦ ᐅᓪᓘᒐᓗᐊᕐᐸᓪᓗ;