ᐱᓕᐱᒥᐅᓄᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᔪᕐᓴᕐᓂᕐᒥᒃ ᖃᐅᔨᓯᒪᕗᖓ, ᐱᖃᓗᐊᕐᓂᕐᒥᒡᓗ ᖃᐅᔨᓯᒪᒋᕗᖓ; ᐱᔭᕐᓂᖏᑦᑐᒃᑯᑦ ᖃᐅᔨᓯᒪᒐᒪ ᓇᓂᑐᐃᓐᓈᕋᓗᐊᕈᒪ ᖃᖓᓕᒫᖅ ᓈᒻᒪᒃᓴᕆᐊᖃᕐᓂᓐᓂᒃ ᐊᕿᐊᑦᑐᓱᒃᑯᒪᓘᓐᓃᑦ ᑳᒃᑲᓗᐊᕈᒪᓘᓐᓃᑦ, ᐱᖃᓗᐊᕈᒪᓘᓐᓃᑦ ᐊᔪᕐᓴᕈᒪᓘᓐᓃᑦ.

ᐱᓕᐱᒥᐅᓄᑦ 4:12 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:27

ᐱᓇᓱᐊᕐᓂᕐᒧᓪᓗ ᐊᒃᓱᕈᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓ ᓯᓂᔪᐃᑦᑑᖃᑦᑕᕐᓯᒪᕗᖓ ᐅᓐᓄᐊᒃᑯᑦ, ᑳᖃᑦᑕᕐᓯᒪᕗᖓ ᐃᒥᕈᖃᑦᑕᕐᓯᒪᓪᓗᖓᓗ; ᐅᓄᕐᑐᐃᕐᓱᓪᓗᖓ ᓂᕆᔭᒃᓴᖃᖃᑦᑕᕐᓯᒪᓐᖏᓚᖓ, ᐃᒃᑮᕐᓇᕐᑐᒦᖃᑦᑕᕐᓯᕗᖓ ᐊᓐᓄᕌᒃᓴᖃᕐᓇᖓᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:9

ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.

ᒨᓯᓯ ᑕᓪᓕᒪᖏᑦ 32:10

ᑖᑦᓱᒪ ᓇᓂᓚᐅᕐᐹ ᐃᓄᖃᖏᑦᑐᒦᑎᓪᓗᒍ, ᓱᓇᖃᖏᑦᑐᒥ, ᐊᓄᕌᖏᓐᓇᕐᑐᒥ ᐃᓄᖃᖏᑦᑐᒥ; ᑖᑦᓱᒪ ᐊᕙᓗᓯᒪᓚᐅᕐᐹ ᓴᐳᑎᓯᒪᓪᓗᒍ ᑲᒪᒋᑦᓯᐊᕐᓗᒍᓗ, ᓴᐳᑎᓯᒪᓚᐅᕐᐹ ᐃᒻᒥᓂᒃ ᓴᐳᑎᓯᒪᒐᔭᕐᓂᕐᒥᑐᑦ.

ᐂᓮᐊᓯᐅᑉ ᐊᒡᓚᖏᑦ 8:11

ᐊᑕᓂᐅᑉ ᐅᖃᐅᑎᕚᖓ, ᐱᔪᓐᓇᕐᓂᕐᒥᓄᑦ ᓴᓐᖏᔪᕐᔪᐊᒧᑦ ᓇᔪᕐᓗᖓ, ᒪᓕᖁᓇᖓ ᐃᓄᐃᑦ ᑖᒃᑯᐊ ᐊᑐᕐᑕᖏᓐᓂᒃ, ᐅᖃᕐᓗᓂ:

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:7

ᐊᔪᕐᑐᓕᓚᐅᕐᐳᖔ ᒥᑭᒡᓕᑎᕋᒪ ᐅᕙᓐᓂᒃ ᐃᓕᑦᓯ ᐊᖏᔪᕈᕐᑎᑕᐅᖁᓪᓗᓯ, ᐊᔪᕆᕐᑐᐃᖃᑦᑕᓚᐅᕋᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᑦ ᐱᔪᓂᒃ ᐊᑭᓖᔭᕆᐊᖃᕐᑎᓚᐅᓐᖏᓚᑦᓯᓘᓐᓃᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:10

ᐃᓚᖏᑦ ᐅᖃᕐᐸᖕᒪᑕ, “ᐸᐅᓗᓯ ᑎᑎᕋᖃᑦᑕᕐᒪᑦ ᐊᑦᑕᕈᓱᓐᖏᓗᐊᕐᓗᓂ ᓲᖑᓗᐊᕐᓗᓂᓗ, ᑎᒥᒥᒍᓪᓕ ᓇᔫᑎᓕᕌᖓᒥ ᓴᓐᖐᑦᑑᕗᖅ, ᐅᖃᐅᓯᖏᓪᓗ ᓱᓇᐅᓇᑎᒃ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:1

ᐅᕙᖓ ᐸᐅᓗᓯ, ᐃᓇᑉᐸᑦᓯ ᙭ᔅᑑᓯᐅᑉ ᐱᐅᔪᕆᖏᓐᓂᖓᒍᑦ ᐱᖃᓐᓂᕐᓂᖓᓄᓪᓗ ᑕᐅᑦᑐᑦᓯᓐᓂ ᓂᑲᓇᕐᑑᒐᓗᐊᕐᑐᖓ, ᓯᕘᕋᔪᐃᑦᑑᕗᖓᓕ ᑲᑎᒪᒃᓯᓇᖓ ᐃᓕᑦᓯᓐᓂᒃ!

ᔨᕆᒤᐊᐅᑉ ᐊᒡᓚᖏᑦ 31:19

ᑕᒻᒪᓚᐅᕋᒪ ᖃᕿᐊᓕᕐᐳᖓ; ᑐᑭᓯᓕᕋᒪᓗ ᖁᒃᑐᕋᕋ ᑎᒡᓗᓚᐅᕐᐸᕋ; ᑲᓐᖑᓱᓕᓚᐅᕐᐳᖓ ᑕᑯᖅᑯᑎᔪᓐᓃᕐᓗᖓᓗ, ᒪᒃᑯᖕᓂᕐᒪ ᑕᒻᒪᕐᑎᓚᐅᕐᒪᖓ.

ᓂᕼᐃᒤᐊᐅᑉ ᐊᒡᓚᖏᑦ 9:20

ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ, ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ; ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 13:52

ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ ᐱᖁᔭᓂᒃ ᐃᓕᓮᔨᑦ ᒎᑎᐅᑉ ᐊᑕᓂᐅᕕᖓᓂᒃ ᐃᓕᓐᓂᐊᕐᑎᑕᐅᓯᒪᔪᑦ ᐊᑦᔨᖃᕐᐳᑦ ᐃᒡᓗᒥᒃ ᓇᖕᒥᓂᖃᕐᑐᑐᑦ ᓯᕐᓗᐊᕐᒥᖕᓂᑦ ᓴᖅᑭᑎᑦᓯᔪᑎᑐᑦ ᓄᑖᓂᒃ ᓄᑕᐅᖏᑦᑐᓂᒡᓗ.”