ᐱᓕᐱᒥᐅᓄᑦ 4:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᒪᑐᒥᖓ ᐅᖃᓐᖏᓚᖓ ᖁᔭᓈᕐᑕᐅᓇᓱᒋᓂᕐᒧᑦ; ᑐᑭᓯᓯᒪᒐᒪ ᖃᖓᓕᒫᖅ ᖃᓄᐃᑦᑐᒦᒃᑲᓗᐊᕈᒪ ᐱᒋᔭᓐᓂᒃ ᓈᒻᒪᒃᓴᕆᐊᖃᕐᓂᓐᓂᒃ.

ᐱᓕᐱᒥᐅᓄᑦ 4:11 ပူးပေါင်းရင်းမြစ်များ

ᐱᓕᐱᒥᐅᓄᑦ 3:8

ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:8

ᒎᑎᐅᓪᓗ ᑐᓂᓯᕕᒋᔪᓐᓇᕐᐹᓯ ᓮᒻᒪᕐᑎᑕᐅᓂᕐᓂᒃ ᐊᒥᒐᖏᑦᑐᓂᒃ, ᑕᒤᓐᓂᒃ ᓈᒻᒪᒃᑐᓂᒃ ᓱᓇᑐᐃᓐᓇᕐᓂᒃ ᐱᑕᕾᓐᓇᖁᓪᓗᓯ ᑐᓂᓯᔪᓐᓇᖁᓪᓗᓯᓗ ᓈᒻᒪᒃᑐᓂᒃ ᐱᐅᔪᒧᑦ ᐱᓇᓱᐊᕈᑎᒃᓴᐅᔪᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:27

ᐱᓇᓱᐊᕐᓂᕐᒧᓪᓗ ᐊᒃᓱᕈᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓ ᓯᓂᔪᐃᑦᑑᖃᑦᑕᕐᓯᒪᕗᖓ ᐅᓐᓄᐊᒃᑯᑦ, ᑳᖃᑦᑕᕐᓯᒪᕗᖓ ᐃᒥᕈᖃᑦᑕᕐᓯᒪᓪᓗᖓᓗ; ᐅᓄᕐᑐᐃᕐᓱᓪᓗᖓ ᓂᕆᔭᒃᓴᖃᖃᑦᑕᕐᓯᒪᓐᖏᓚᖓ, ᐃᒃᑮᕐᓇᕐᑐᒦᖃᑦᑕᕐᓯᕗᖓ ᐊᓐᓄᕌᒃᓴᖃᕐᓇᖓᓗ.

ᓘᑲᓯᐅᑉ ᐊᒡᓚᖏᑦ 3:14

ᐊᒻᒪ ᐅᓇᑕᕐᑐᒃᓮᑦ ᔪᐊᓇᓯ ᐊᐱᕆᒋᕚᑦ, “ᐅᕙᒍᓪᓕ ᖃᓄᖅ ᐱᔪᒃᓴᐅᕕᑖ?” ᔪᐊᓇᓯᐅᑉ ᐅᖃᐅᑎᕔᑦ, “ᓲᖑᓴᖕᓂᕐᒧᑦ ᑎᒡᓕᖃᑦᑕᖏᓪᓗᓯ ᑮᓇᐅᔭᓂᒃ ᓴᒡᓗᕿᑦᓯᓂᕐᒧᓪᓘᓐᓃᑦ, ᑮᓇᐅᑦᔭᓕᐊᓯ ᓈᒻᒪᒋᓯᐅᒃ.”

ᒨᓯᓯ ᓯᕗᓪᓖᑦ 28:20

ᑕᕝᕙ ᔧᑯ ᐅᖃᕕᒃᐳᖅ, ᐅᖃᕐᓗᓂ, “ᒎᑎᐅᑉ ᓇᔪᕐᓂᐊᕐᐹᖓ ᓴᐳᑎᓯᒪᓗᖓᓗ ᐊᖅᑯᑎᒋᓂᐊᕐᑕᓐᓂ, ᓂᕿᒃᓴᖃᕐᑎᓪᓗᖓᓗ, ᐊᓐᓅᕋᒃᓴᖃᕐᑎᓪᓗᖓᓗ,

ᒨᓯᓯ ᐂᑉᐸᖏᑦ 2:21

ᒨᓯᓯᓗ ᑕᒫᓂ ᓄᓇᖃᖃᑕᐅᔪᓐᓇᕐᓂᕋᕐᐳᖅ, ᔩᑕᓘᓪᓗ ᐸᓂᖕᒥᓂᒃ ᓯᐴᕋᒥᒃ ᓄᓕᐊᕐᑖᕐᑎᑉᐹ.