ᐱᓕᐱᒥᐅᓄᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᒃᐱᕐᑑᖃᑎᒃᑲ ᒪᓕᓚᐅᕐᓯᓐᖓ, ᒪᓕᒐᒃᓴᑦᓯᐊᒥᒃ ᐋᖅᑮᓯᒪᒐᑦᑕ ᐃᓕᑦᓯᓐᓄᑦ ᑍᒤᒻᒪᑦ ᒪᓕᒃᑐᑦ ᑕᒪᑐᒥᖓ ᑲᒪᒋᑦᓯᐊᕐᓯᐅᒃ.

ᐱᓕᐱᒥᐅᓄᑦ 3:17 ပူးပေါင်းရင်းမြစ်များ

ᐱᓕᐱᒥᐅᓄᑦ 4:9

ᐃᓕᓐᓂᐊᓚᐅᕐᑕᓯ ᐃᓕᓚᐅᕐᑕᐅᓯᓗ ᑐᓴᓚᐅᕐᑕᓯᓗ ᑕᑯᓚᐅᕐᑕᓯᓗ ᐅᕙᓐᓂᑦ ᐱᓂᐊᕐᓂᒃᑯᑦ, ᑕᒪᒃᑯᐊ ᐱᓇᓱᐊᕐᓯᒋᒃ; ᒎᑎᐅᓪᓗ ᓮᒻᒪᕐᑎᑦᓯᔫᑉ ᑕᕝᕙ ᐃᓚᒋᓂᐊᕐᐹᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:16

ᑕᕝᕙ ᐃᓇᑉᐸᑦᓯ, ᐅᕙᓐᓂᒃ ᒪᓕᒃᑎᐅᓚᐅᕆᑦᓯ.

ᐲᑦᑐᕉᓯ ᓯᕗᓪᓖᑦ 5:3

ᒥᐊᓂᕆᔭᑦᓯᓐᓄᑦ ᐊᖓᔪᖅᑳᕐᔪᐊᑎᑐᑦ ᐱᓂᐊᕋᓯ ᒪᓕᒐᓴᐅᓇᓱᐊᕆᑦᓯᓕ ᑖᒃᑯᓄᖓ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:9

ᑍᒤᓕᐅᓚᐅᕐᐳᒍᑦ ᐃᑲᔪᕐᑕᐅᔭᕆᐊᖃᖏᓐᓂᕐᒨᖏᑦᑐᖅ, ᐃᓕᑦᓯᓐᓄᓪᓕ ᒪᓕᒐᒃᓴᐅᔪᓐᓇᕐᑐᒥᒃ ᐃᓅᓯᖃᓚᐅᕐᐳᒍᑦ.

ᐄᑉᕈᐃᓄᑦ 13:7

ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.

ᑎᒧᑎᒧᑦ ᓯᕗᓪᓖᑦ 4:12

ᓇᕐᕈᒋᔭᐅᑦᑍᓕᒋᑦ ᐃᓅᒃᓱᒃᑑᓃᑦ ᐱᑦᔪᑎᒋᓗᒍ, ᐅᒃᐱᕐᑐᓄᓪᓕ ᒪᓕᒐᒃᓴᐅᓕᕆᑦ ᐅᖃᐅᓯᒃᑯᑦ ᐱᓂᐊᕐᓂᒃᑯᓪᓗ, ᓇᒡᓕᖕᓂᒃᑯᑦ, ᐅᒃᐱᕐᓂᒃᑯᓪᓗ, ᐃᓗᐊᕐᑐᓕᓂᒃᑯᓪᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:7

ᐃᓕᑦᓯ ᖃᐅᔨᒪᒐᑦᓯ ᐅᕙᑦᑎᓐᓂᒃ ᐃᑦᔪᐊᕐᓯᔭᕆᐊᖃᕋᑦᓯ; ᐃᓕᑦᓯᓐᓃᑎᓪᓗᑕ ᓱᓇᓕᕆᔪᒪᖏᑦᑑᓚᐅᖏᓐᓇᑦᑕ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:32

ᓇᓪᓕᐊᓐᓄᑐᐃᓐᓇᖅ ᐹᓪᓚᒍᑕᐅᑦᑍᓕᒋᑦ, ᔫᑎᓄᓪᓘᓐᓃᑦ ᒍᕇᑭᓄᓪᓘᓐᓃᑦ ᒎᑎᐅᓪᓘᓐᓃᑦ ᐃᓚᒌᒃᑐᖁᑎᖏᓐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:14

ᓇᓪᓕᐊᑦ ᑎᑎᕋᕐᑕᑦᑎᓐᓂ ᑖᒃᑯᓇᖓᑦ ᐅᖃᐅᓯᕆᔭᑦᑎᓐᓂᒡᓗ ᓈᓚᒍᒪᖏᑦᑐᖅ, ᑖᓐᓇ ᓇᓪᓕᐊᖑᖕᒪᖔᑦ ᓇᓗᓁᕐᓯᐅᒃ, ᐱᓇᓱᐊᖃᑎᒋᔪᓐᓃᓗᒍᓗ, ᑲᓐᖑᓱᒃᑎᑕᐅᖁᓪᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:6

ᐅᕙᑦᑎᓐᓂᒃ ᒪᓕᒃᑎᐅᓕᓚᐅᕐᐳᓯ ᐊᑕᓂᕐᒥᒡᓗ; ᐊᖏᔪᒥᒃ ᐅᖁᒤᒃᓴᕐᑎᑕᐅᒐᓗᐊᕐᑎᓪᓗᓯ, ᐅᖃᐅᓰᑦ ᐃᓚᓕᐅᓚᐅᕋᑦᓯᐅᒃ ᖁᕕᐊᓱᒃᑎᑦᑕᐅᓪᓗᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ;

ᕉᒪᒥᐅᓄᑦ 16:17

ᐃᓅᖃᑎᒃᑲ ᐃᓇᑉᐸᑦᓯ, ᐅᑦᔨᕐᑐᑦᓯᐊᕐᓯᐅᒃ ᐃᓅᖃᑎᒌᖕᓂᕐᒥᒃ ᐊᕕᑎᑦᓯᕙᒃᑐᑦ, ᐅᒃᐱᕐᓂᑦᓯ ᑐᓐᖓᕕᒋᔭᖏᓐᓂᒃ ᓯᖁᑎᕆᓇᓱᒃᑏᑦ, ᐱᓇᓱᐊᕐᑐᓪᓗ ᐊᔪᕆᕐᑐᕐᑕᐅᑦᔪᑎᒋᓚᐅᕐᑕᑦᓯ ᐊᓯᐊᒎᕐᑐᓂᒃ; ᑖᒃᑯᐊ ᐃᓚᒋᓂᐊᕋᓯᒋᒃ.

ᐃᓐᖏᕈᑎᑦ 37:37

ᐊᖑᑦ ᐸᓯᔭᒃᓴᐅᖏᑦᑐᖅ ᕿᒥᕐᕈᒍᒃ, ᑕᑯᓐᓇᕈᒡᓗ ᓱᓕᑦᓯᐊᕐᑐᒥᒃ ᐃᓅᓯᖃᕐᑐᖅ. ᐃᓅᑉ ᑖᑦᓱᒪ ᓯᕘᓂᖓ ᓮᒪᓂᐅᖕᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:1

ᒪᓕᓚᐅᕐᓯᓐᖓ, ᐅᕙᖓᑦᑕᐅᖅ ᙭ᔅᑑᓯᒥᒃ ᒪᓕᒃᑲᒪ.