11 ᐊᔪᕐᓇᖏᑉᐸᑦ ᒪᑭᑎᑕᐅᔪᓐᓇᕈᒪᓪᓗᖓ ᑐᖁᒥᑦ ᐃᓅᓯᕐᒧᑦ.
ᑐᖁᖓᔪᓪᓕ ᑖᒃᑯᐊ ᐊᓯᖏᑦ ᒪᑭᓚᐅᓐᖏᓚᑦ ᐊᕐᕌᒍᐃᑦ 1,000 ᓈᓚᐅᖏᓐᓂᖏᓐᓂ. ᑕᒪᑦᔭ ᓯᕗᓪᓕᖅ ᑐᖁᖓᔪᓂᑦ ᒪᑭᓐᓂᖅ.
ᑕᒪᓐᓇ ᑕᕝᕙ ᐊᖏᕐᓂᖅ ᓂᕆᐅᒋᔭᐅᓚᐅᕐᑐᖅ ᑭᖑᕚᖑᖃᑎᒌᓄᑦ 12ᓄᑦ, ᑍᒪᓐᖓᑦ ᑐᒃᓯᐊᕐᓂᕐᒥᖕᓄᑦ ᐅᓪᓘᑎᓪᓗᒍ ᐅᓐᓄᐊᒥᓗ, ᐊᖓᔪᖅᑳᕐᔪᐊᖅ, ᑕᒪᓐᓇ ᑕᕝᕙ ᓂᕆᐅᖕᓂᖅ ᐱᑦᔪᑎᒋᓪᓗᒍ ᔫᑎᑦ ᐸᓯᓇᓱᐊᕐᐹᖓ.
ᐸᐅᓗᓯ ᖃᐅᔨᒪᒐᒥ, ᐃᓚᖏᑦ ᓵᑦᔪᓰᐅᖕᒪᑕ ᐃᓚᖏᓪᓗ ᐹᕆᓯᐅᖕᒪᑕ, ᐃᖅᑲᕐᑐᐃᔨᕐᔪᐊᓄᑦ ᐅᖃᕐᐳᖅ, “ᐃᓚᒃᑳ, ᐹᕆᓯᐅᕗᖓ, ᐹᕆᓯᒧᑦ ᐃᕐᓂᕆᔭᐅᕗᖓ; ᒫᓐᓇ ᓇᖏᕐᐳᖓ ᐃᖅᑲᕐᑐᕐᑕᐅᓪᓗᖓ, ᓂᕆᐅᒋᔭᖃᕐᓂᕋ ᐱᑦᔪᑎᒋᓪᓗᒍ ᑐᖁᖓᔪᑦ ᒪᑭᑦᓱᒫᕐᓂᖏᓐᓂᒃ.”
ᐊᕐᓁᑦ ᑐᖁᔨᐊᒥᖕᓂᒃ ᐅᑎᕐᑎᑦᓯᕕᐅᓚᐅᕐᐳᑦ ᒪᑭᑎᑕᐅᓪᓗᑎᒃ. ᐊᓯᖏᓪᓕ ᒪᓂᑐᐃᓐᓇᓚᐅᕐᐳᑦ ᐊᓐᓇᒋᐊᕐᕕᒃᓴᒥᒃ ᕿᓂᕋᑎᒃ, ᒪᑭᕝᕕᒃᓴᒥᒃ ᐱᐅᓂᕐᓴᒥᒃ ᓂᕆᐅᒋᔭᖃᕋᒥᒃ.
ᓇᓪᓕᐊᓐᓄᑐᐃᓐᓇᖅ ᐅᐃᕕᕆᔭᐅᑦᑍᓕᒋᑦᓯ ᖃᓄᑐᐃᓐᓇᖅ; ᐅᓪᓗᖅ ᑖᓐᓇ ᓇᓪᓕᐅᑎᔪᒫᕐᒪᑦ ᐃᓄᐃᑦ ᑭᓯᐊᓂ ᐅᒃᐱᕈᒪᖏᓐᓂᖃᓚᐅᕐᑎᓪᓗᒋᑦ, ᐱᖁᔭᖃᖏᑦᑐᕐᔪᐊᖅ ᓴᖅᑭᓚᐅᕐᑎᓪᓗᒍ, ᐊᓯᕈᕐᑕᐅᓂᕐᔫᑉ ᕿᑐᕐᖓᖓ.
ᑍᒤᒻᒪᑦ ᑎᒧᑎ ᑎᓕᔭᕆᐊᖃᓕᓚᐅᕐᐸᕋ ᕿᓄᐃᓵᕈᓐᓁᓕᒐᒪ ᐅᒃᐱᕐᓂᑦᓯᓐᓂᒃ ᑐᓴᕈᒪᓪᓗᖓ, ᓵᑖᓇᓯᒧᑦ ᐆᒃᑐᕐᓗᒃᑕᐅᓂᑦᓯᓐᓄᑦ ᐱᓇᓱᐊᕐᓂᕆᓯᒪᔭᕗᑦ ᑕᒪᐅᖎᓐᓈᕐᑎᑕᐅᓂᐊᕋᓱᒋᓪᓗᒍ.
ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.
ᑎᒥᒐᓕ ᐅᖁᒤᒃᓴᕐᑎᓪᓗᒍ, ᐅᕙᓐᓄᑦ ᓯᐊᓛᖑᑎᑉᐸᕋ ᐊᓯᓐᓂᒃ ᐊᔪᕆᑦᑐᐃᓚᐅᕐᑎᓪᓗᖓ, ᓵᓚᒃᓴᐅᑎᒃᓴᒥᒃ ᐱᔪᓐᓁᓪᓕᑎᑕᐅᔪᒪᓇᖓ.
ᓴᓐᖐᑦᑐᓂ ᓴᓐᖐᑦᑐᑎᑐᑦ ᑍᒤᑉᐳᖓ, ᓴᓐᖐᑦᑐᑦ ᐱᐅᓕᔭᐅᖁᓪᓗᒋᑦ. ᐃᓄᐃᑦ ᐃᓕᖅᑯᓯᖏᓐᓄᑦ ᑕᒤᓐᓄᑦ ᐃᓅᖃᑕᐅᔪᓐᓇᕋᓱᐊᕐᐳᖓ, ᐊᔪᕐᓇᖏᑉᐸᑦ ᐃᓚᖏᑦ ᐱᐅᓕᔭᐅᔪᓐᓇᕐᓯᖁᓪᓗᒋᑦ ᐱᓇᓱᐊᕐᓂᒃᑯᑦ.
ᔫᑎᐅᖃᑎᒃᑲ ᑐᓱᓵᕐᓗᒋᑦ ᐱᔭᐅᖏᓐᓂᕐᓕᐅᓕᖁᓪᓗᒋᑦ, ᓇᓪᓕᐊᑦ ᐱᐅᓕᔭᐅᔪᓐᓇᓯᖁᓪᓗᒍ.
ᒫᑕᐅᑉ ᐅᖃᐅᑎᕚ, “ᖃᐅᔨᒪᕗᖓ, ᒪᑭᑦᓱᒫᕐᒪᑦ ᒪᑭᕝᕕᒃᓴᒥ ᐅᓪᓗᐃᑦ ᑭᖑᓪᓕᕐᐹᖓᓐᓂ.”
ᑕᕝᕙ ᓮᒻᒪᕐᑎᑕᐅᓂᐊᕐᐳᑎᑦ, ᑖᒃᑯᐊ ᓂᕆᔭᕐᑐᕐᑎᑎᔪᒃᑎᒃᓴᖃᖏᒻᒪᑕ ᐃᓕᖕᓂᒃ. ᐊᑭᓕᕐᑕᐅᔪᒫᕐᐳᑎᓪᓕ ᐃᓗᐊᕐᑐᑦ ᑐᖁᖓᔪᓂᑦ ᒪᑭᕝᕕᐊᓂ.”
ᓇᓪᓕᐊᑦ ᐃᓅᓯᕐᒥᓂᒃ ᐱᐅᓕᒃᓯᔪᓐᓇᓐᖏᓚᖅ, ᐃᓅᓯᖓᑕᓗ ᐅᑎᕐᑎᑕᐅᑦᔪᑎᒃᓴᖓᓂᒃ ᒎᑎᒧᑦ ᑐᓂᓯᔪᓐᓇᕋᓂ,
ᐅᒥᐊᕐᔪᐊᖃᕐᕕᒃ ᑖᓐᓇ ᐅᑭᐅᒥ ᐊᑲᐅᒐᔭᖏᒻᒪᑦ, ᐅᓄᕐᓂᕐᓮᑦ ᐊᐅᓪᓚᕈᒪᓕᕐᐳᑦ, ᕖᓂᒃᓯᒧᑦ ᑎᑭᓐᓇᓱᐊᕈᒪᓪᓗᑎᒃ, ᐅᑭᐅᖑᓂᖓᓂ ᑍᑲᓃᑦᑐᒪᓪᓗᑎᒃ, ᑖᓐᓇ ᕖᓂᒃᓯ ᐅᒥᐊᕐᔪᐊᒃᑯᕕᒃ ᑯᕇᑎᒥ ᓯᕿᓂᐅᑉ ᓂᐱᕕᐊᓄᑦ ᓵᓐᖓᖕᒪᑦ.
ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ.
ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.
