ᐱᓕᐱᒥᐅᓄᑦ 3:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑭᖑᓪᓕᕐᐹᒥᒡᓕ ᐅᒃᐱᕐᑑᖃᑎᒃᑲ, ᖁᕕᐊᓱᒋᑦᓯ ᐊᑕᓂᕐᒥ. ᑎᑎᕋᐅᓯᕆᓚᐅᕐᑕᓐᓂᒃ ᑖᒃᑯᓂᖓᑦᓮᓐᓇᖅ ᑎᑎᕋᕋᓗᐊᕈᒪ ᖃᓄᐃᒃᓴᓐᖏᓚᖓ, ᓴᐳᑎᔭᐅᑦᔪᑎᒋᒃᑲᓐᓂᕐᓂᐊᕋᑦᓯᐅᒃ.

ᐱᓕᐱᒥᐅᓄᑦ 3:1 ပူးပေါင်းရင်းမြစ်များ

ᐱᓕᐱᒥᐅᓄᑦ 4:4

ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.

ᕉᒪᒥᐅᓄᑦ 5:11

ᑕᒪᓐᓇᑐᐊᖑᓐᖏᓚᕐᓕ, ᒎᑎᒥᒡᓕ ᖁᕕᐊᓲᑎᖃᕐᐳᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, ᑖᑦᓱᒨᓇ ᒫᓐᓇ ᐅᑎᕐᑎᑕᐅᓯᒪᓕᕋᑦᑕ ᒎᑎᒧᑦ.

ᔧᒥᓯᐅᑉ ᐊᒡᓚᖏᑦ 1:2

ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:16

ᖁᕕᐊᓱᑦᓮᓐᓇᕆᑦᓯ,

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᐲᑦᑐᕉᓯ ᐂᑉᐸᖏᑦ 3:1

ᓇᒡᓕᖕᓇᕐᑐᓯ, ᑖᒃᑯᐊ ᐃᓕᑦᓯᓐᓄᑦ ᑎᑎᕋᕐᑕᒪ ᐂᑉᐸᕆᓕᕐᐰᑦ, ᑎᑎᕋᕐᑕᓐᓂ ᑕᒤᓐᓂ ᐅᖃᐅᓯᖃᕐᓯᒪᕗᖓ ᐃᓱᒪᑖᒃᑲᓐᓂᖁᓪᓗᓯ ᐃᖅᑬᑎᒃᑲᓐᓂᕈᒪᓪᓗᓯᓗ;

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᓘᑲᓯᐅᑉ ᐊᒡᓚᖏᑦ 1:47

ᐊᓂᕐᓂᕐᒪ ᒎᑎ ᐱᐅᓕᔨᒐ ᖁᕕᐊᓲᑎᒋᕚ,

ᓴᑲᕅᐊᐅᑉ ᐊᒡᓚᖏᑦ 10:7

ᐃᕗᕅᒥ ᓄᓇᖃᕐᑐᑦ ᐊᖑᑎᑎᑐᑦ ᓴᓐᖏᔪᕐᔪᐊᑎᑐᑦ ᑍᒤᑦᓱᒫᕐᐳᑦ, ᐆᒻᒪᑎᖏᓪᓗ ᖁᕕᐊᓱᒡᓗᑎᒃ ᕔᓂᑐᕐᓯᒪᔪᑎᑐᑦ. ᕿᑐᕐᖓᖏᑕᓗ ᖁᕕᐊᓱᒡᓗᑎᒃ ᑕᑯᔪᒫᐰᑦ; ᐆᒻᒪᑎᖏᑦ ᖁᕕᐊᓱᒍᑎᖃᓪᓚᕆᒍᒫᕐᐳᑦ ᐊᑕᓂᐅᑉ ᐱᓂᐊᕐᓯᒪᔭᖏᑦ ᐱᓪᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 3:17

ᐊᑕᓂᐅᑉ ᒎᑎᑦᓯ ᐃᓚᒋᕚᓯ, ᐊᔪᒐᖃᖏᑦᑐᑐᐊᑉ ᐱᐅᓕᔪᒫᕐᐹᓯ. ᖁᕕᐊᓲᑎᒋᔪᒫᕐᐹᓯ, ᓂᐸᖏᕐᑎᑦᓱᒫᕐᐹᓯ ᓇᒡᓕᖕᓂᕐᒥᓄᑦ, ᖁᕕᐊᓲᑎᒋᔪᒫᕐᐹᓯ ᐃᓐᖏᕐᓗᓂ.

ᔨᐸᓁᐊᐅᑉ ᐊᒡᓚᖏᑦ 3:14

ᐃᓐᖏᕆᑦ, ᓮᐅᓂᐅᑉ ᐸᓂᖓ! ᕾᒐᓛᕆᑦ ᐃᓴᕆᐊᓖ! ᖁᕕᐊᓱᒋᑦ ᓯᕆᓗᑎᓪᓗ ᐆᒻᒪᑎᒃᑯᑦ ᐃᓗᖏᕐᑐᕐᓗᑎᑦ, ᔨᕉᓴᓕᐅᑉ ᐸᓂᖓ!

ᔪᐃᓕᐅᑉ ᐊᒡᓚᖏᑦ 2:23

ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ, ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᐱᑦᔪᑎᒋᓗᒍ, ᓯᓚᓗᒡᕕᐅᑎᒻᒪᓯ ᓯᕗᓪᓕᕐᓯᐅᒻᒥᒃ ᓱᖁᓯᔪᐃᑦᑑᓂᕐᒥᓄᑦ, ᓯᓚᓗᒡᕕᐅᑎᓕᕐᒪᓯ ᓯᕗᓪᓕᕐᓯᐅᒻᒥᒃ ᑭᖑᓪᓕᕐᓯᐅᒻᒥᒡᓗ ᓲᕐᓗ ᑍᑦᓱᒪᓂᑐᑦ.

ᐃᓐᖏᕈᑎᑦ 37:4

ᖁᕕᐊᒋᔭᖃᕆᓪᓗ ᐊᑕᓂᕐᒥᒃ, ᐆᒻᒪᑎᕕᑦ ᑕᕝᕙ ᐱᔪᒪᔭᖏᓐᓂᒃ ᑐᓂᓯᕕᒋᓂᐊᕐᐹᑎᑦ.

ᐃᓐᖏᕈᑎᑦ 32:11

ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!

ᔫᐱᐅᑉ ᐊᒡᓚᖏᑦ 22:26

ᑕᕝᕙ ᖁᕕᐊᓇᕐᑐᒥᒃ ᓇᓂᓯᓂᐊᕐᐳᑎᑦ ᐊᔪᒐᖃᖏᑦᑐᒥᑦ, ᖁᒻᒧᓪᓗ ᐋᕐᓗᕐᕕᒋᓂᐊᕈᕕᐅᒃ ᒎᑎ.

ᑯᕉᓂᑲ ᓯᕗᓪᓖᑦ 29:22

ᓂᕆᕗᓪᓗ ᐃᒥᕐᓗᑎᒡᓗ ᐊᑕᓂᐅᑉ ᓵᖓᓂ ᐊᖏᔪᒥᒃ ᖁᕕᐊᓱᒡᓗᑎᒃ ᐅᓪᓗᒥ ᑖᑦᓱᒪᓂ. ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓛᕐᓂᖓᓂᒃ ᓇᓗᓁᕐᐹᑦ ᑐᖓᓕᐊᓂᒃ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓵᖓᓂ ᐊᖓᔪᖅᑳᖑᖁᓪᓗᒍ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑦ.

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᐂᓮᐊᓯᐅᑉ ᐊᒡᓚᖏᑦ 61:10

ᐊᑕᓂᕐᒥᒃ ᖁᕕᐊᓱᒍᑎᖃᕈᒫᕐᐳᖓ ᐊᖏᔪᒥᒃ, ᑕᕐᓂᕋ ᐊᖏᔪᕈᕐᑎᑦᓯᔪᒫᕐᒪᑦ ᒎᑎᓐᓂᒃ; ᑖᑦᓱᒪ ᐊᓐᓄᕌᕐᑎᓯᒪᖕᒪᖓ ᐱᐅᓕᔭᐅᓂᕐᒥᒃ, ᐅᓕᒃᓯᒪᓪᓗᓂᖓᓗ ᓇᓛᒎᕐᓂᕐᒥᒃ, ᐅᐃᒃᓴᕐᑐᑦ ᑲᑎᑎᑕᐅᓂᐊᕐᑎᓪᓗᒍ ᓂᐊᖁᕐᒥᐅᓯᕐᑕᐅᔪᑎᑐᑦ. ᓄᓕᐊᒃᓴᕐᓗ ᑲᑎᑎᑕᐅᓂᐊᕐᓗᓂ ᐱᐅᓴᕐᓂᕆᕙᒃᑕᖓᑐᑦ ᐱᐅᓴᐅᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 41:16

ᓴᓃᔭᕈᒫᕐᐸᓯ ᖁᒻᒧᐊᒃᑎᑐᐊᕈᑦᓯᐅᒃ ᐊᓄᕆᒧᑦ ᑎᒃᑕᐅᕙᒡᓗᑎᒃ, ᐊᖅᑯᓇᕐᒧᑦ ᐊᓄᕆᕐᔪᐊᒧᑦ ᓯᐊᒻᒪᕐᑎᑕᐅᔪᒫᕐᐳᑦ; ᐊᑕᓂᕐᒥᒡᓕ ᖁᕕᐊᓲᑎᖃᕈᒫᕐᐳᑎᑦ; ᓂᕐᑐᐃᓗᑎᓪᓗ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᐃᓐᖏᕈᑎᑦ 149:2

ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ!

ᐃᓐᖏᕈᑎᑦ 97:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᓄᓇᕐᔪᐊᖅ ᖁᕕᐊᓲᑎᖃᓕᕐᓕ; ᕿᑭᕐᑍᓪᓗ ᐅᓄᕐᑐᑦ ᖁᕕᐊᓱᓕᕐᓕᑦ!

ᐃᓐᖏᕈᑎᑦ 42:4

ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.

ᐃᓐᖏᕈᑎᑦ 5:11

ᐃᓕᖕᓂᒡᓕ ᑕᑎᖃᕐᑐᓕᒫᑦ ᖁᕕᐊᓱᒡᓕᑦ; ᓂᐱᖃᓕᕐᓕᑦ ᖁᕕᐊᓱᖕᓂᕐᒥᒃ, ᐃᕝᕕᑦ ᓴᐳᑎᒐᕕᒋᑦ; ᐊᑎᕐᓂᒃ ᓇᒡᓕᒍᓱᒃᑐᑦ ᐃᓕᖕᓂᒃ ᖁᕕᐊᓲᑎᖃᓕᕐᓕᑦ.

ᓂᕼᐃᒤᐊᐅᑉ ᐊᒡᓚᖏᑦ 8:10

ᐊᖏᕐᕋᓕᕆᑦᓯ ᓂᕆᖃᑎᒌᒃᓗᓯᓗ, ᓂᕆᖃᑎᖃᕐᓗᓯ ᐃᒥᖃᑎᖃᕐᓗᓯᓗ ᐱᖃᓐᖏᓗᐊᕐᑐᓂᒃ, ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᑦᑎᓐᓄᑦ, ᕿᒃᓵᖏᓪᓗᓯ, ᖁᕕᐊᓱᖕᓂᖅ ᐊᑕᓂᕐᒥᑦ ᐱᔪᖅ ᓲᖑᑦᔪᑎᒋᕙᓯ.”

ᑯᕉᓂᑲ ᓯᕗᓪᓖᑦ 16:10

ᐊᑎᖓ ᐃᑦᔪᕐᓁᑦᑐᖅ ᓂᕐᑐᕐᓇᕐᓯᑎᑕᐅᓕ; ᐆᒻᒪᑎᒥᒍᑦ ᐊᑕᓂᕐᒥᒃ ᕿᓂᕐᑐᑦ ᖁᕕᐊᓱᒡᓕᑦ!

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᓴᒧᐃᓕ ᓯᕗᓪᓖᑦ 2:1

ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ: “ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ; ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ. ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ; ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᐂᓮᐊᓯᐅᑉ ᐊᒡᓚᖏᑦ 65:14

ᑕᑯᒋᑦᓯ, ᐱᔨᒃᑲ ᐃᓐᖏᕈᒫᕐᐳᑦ ᐆᒻᒪᑎᒥᒍᑦ ᖁᕕᐊᓱᖕᓂᕐᒧᑦ, ᐃᓕᑦᓯᓕ ᕿᐊᔪᒫᕐᐳᓯ ᐆᒻᒪᑎᑦᓯᒍᑦ ᐋᓐᓂᐊᕐᓂᕐᒧᑦ, ᕿᐊᓗᓯᓗ ᐆᒻᒪᑎᑦᓯᒍᑦ ᓯᖁᒥᓯᒪᓂᕐᒧᑦ.

ᐃᓐᖏᕈᑎᑦ 33:1

ᐊᑕᓂᕐᒥᒃ ᖁᕕᐊᓲᑎᖃᕆᑦᓯ, ᐃᓕᑦᓯ ᐃᓱᐊᕐᑐᓕᔪᓯ! ᓂᕐᑐᐃᓂᖅ ᓱᓕᑦᓯᐊᕐᑐᓂᑦ ᐱᔪᖅ ᐱᐅᔪᐊᓘᖕᒪᑦ.