ᐱᓕᐱᒥᐅᓄᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑍᒤᒻᒪᑦ ᒎᑎᐅᑉ ᖁᑦᓯᖕᓂᕐᐹᒧᑦ ᓲᖑᓂᕐᐹᒧᐊᕐᑎᓚᐅᕐᐹ ᐊᑎᕐᑖᕐᑎᓪᓗᓂᐅᒡᓗ ᐊᑎᕐᓂᑦ ᑕᒤᓐᓂᑦ ᐊᖏᓂᕐᐹᒥᒃ.

ᐱᓕᐱᒥᐅᓄᑦ 2:9 ပူးပေါင်းရင်းမြစ်များ

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:16

ᐅᓕᒡᔪᐊᖓᓂ ᖁᒃᑐᕋᖏᖕᓂᓗ ᐊᑎᖓ ᑎᑎᕋᕐᓯᒪᕗᖅ, “ᐊᖓᔪᖅᑳᕐᔪᐊᖅ ᐊᖓᔪᖅᑳᕐᔪᐊᓄᑦ ᐊᑕᓂᐅᔪᕐᓗ ᐊᑕᓂᕐᓄᑦ.”

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 52:13

ᑕᑯᒋᑦ, ᐱᔨᒐ ᐱᓇᓱᐊᕐᑕᒥᓂᒃ ᐊᔪᖏᑦᓯᐊᕈᒫᕐᐳᖅ, ᑖᓐᓇ ᐊᖏᒡᓕᑎᕐᑕᐅᔪᒫᕐᐳᖅ, ᖃᖓᑦᑕᕐᑎᑕᐅᓗᓂᓗ, ᖁᒻᒧᒃᑎᑕᐅᒻᒪᕆᒍᒫᕐᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:12

ᓂᐱᖅᑯᕐᑐᔪᐊᓘᓪᓗᑎᒃ ᐅᖃᕐᐳᑦ: “ᓄᕐᕋᐅᔭᖅ ᑐᖁᑕᐅᓚᐅᕐᑐᖅ, ᐱᔪᓐᓇᕐᓂᕐᑖᕈᓐᓇᕐᑐᑐᕗᖅ ᐊᔪᕐᓴᖏᓐᓂᕐᒥᒃ ᓯᓚᑐᓂᕐᒥᒃ ᐊᔪᒐᖃᖏᓐᓂᕐᒥᒃ, ᐅᐱᒋᔭᐅᓂᕐᒥᒃ ᐱᓐᓇᕐᓇᕐᓂᕐᒥᒃ, ᓂᕐᑐᕐᑕᐅᓂᕐᒥᒡᓗ!”

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᐄᑉᕈᐃᓄᑦ 1:4

ᐂᖏᓕᓂᑦ ᐊᔪᖏᓐᓂᕐᓴᕐᔪᐊᖑᑎᑕᐅᓯᒪᕗᖅ ᐊᑎᖃᕐᑎᑕᐅᓪᓗᓂᓗ ᐂᖏᓖᑦ ᑍᔭᐅᒍᓯᖏᓐᓂᑦ ᐱᐅᓂᕐᓴᒥᒃ.

ᐃᓐᖏᕈᑎᑦ 89:27

ᐅᕙᖓᓗ ᐃᕐᓂᐊᖑᖅᑳᕐᑐᓐᖑᕐᑎᑦᓱᒪᕙᕋ, ᐊᖓᔪᖅᑲᐅᓂᕐᐸᐅᓗᓂᓗ ᐊᖓᔪᖅᑳᕐᔪᐊᓂᑦ ᓄᓇᕐᔪᐊᒥ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐂᓮᐊᓯᐅᑉ ᐊᒡᓚᖏᑦ 53:12

ᑍᒤᒻᒪᑦ ᐊᔪᖏᑦᑐᓄᑦ ᐊᕕᖃᑕᐅᑎᑦᓱᒫᕐᐸᕋ ᐱᑖᕆᔭᒃᓴᖏᓐᓂᒃ, ᐊᒡᒍᐃᖃᑕᐅᔪᒫᕐᐳᖅ ᐅᓇᑕᕐᓂᕐᒥ ᓵᓚᖃᕐᑐᑦ ᐱᑖᖏᓐᓂᒃ ᓴᓐᖏᔪᑦ ᐃᓚᒋᓗᒋᑦ; ᐃᓅᓯᕐᒥᓂᒃ ᑐᓂᓯᓚᐅᕐᒪᑦ ᑐᖁᒧᑦ, ᐊᔪᕐᑐᓕᔪᓄᑦ ᐃᓚᓕᐅᑎᓯᒪᓚᐅᕐᓂᖓᓄᑦ; ᑎᒍᒥᐊᓚᐅᕐᐳᕐᓗ ᐅᓄᕐᑐᑦ ᐊᔪᕐᓂᖏᓐᓂᒃ, ᐊᔪᕐᑐᓕᔪᓪᓗ ᑐᒃᓯᐅᑎᓪᓗᒋᑦ.

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᔪᐊᓇᓯᐅᑉ ᐊᒡᓚᖏᑦ 17:5

ᒫᓐᓇ, ᐊᑖᑖᒃ ᓂᕐᑐᕐᓇᕐᑎᓚᐅᓐᖓ ᓇᖕᒥᓂᖅ ᓇᔫᑎᓂᕐᓄᑦ ᐱᒋᓚᐅᕐᑕᓐᓄᑦ ᐃᓕᖕᓂ ᓇᔫᑎᑎᓪᓗᖓ ᓯᓚᕐᔪᐊᖅ ᓴᓇᔭᐅᓚᐅᖄᕐᑎᓐᓇᒍ.

ᐃᓐᖏᕈᑎᑦ 110:5

ᐊᑕᓂᖅ ᑕᓕᕐᐱᖕᓃᑉᐳᖅ; ᐊᖓᔪᖅᑳᕐᔪᐊᑦ ᓯᖁᒥᑦᓱᒫᕐᐰᑦ ᓂᓐᖓᖕᓂᖓᑕ ᐅᓪᓗᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᓘᑲᓯᐅᑉ ᐊᒡᓚᖏᑦ 10:22

“ᐊᑖᑕᒪ ᓱᓇᓕᒫᓂᒃ ᑐᓂᓯᕕᒋᕚᖓ, ᓇᓪᓕᐊᑦᑕᓗ ᐃᕐᓂᖅ ᑭᓇᐅᖕᒪᖔᑦ ᖃᐅᔨᒪᓐᖏᓛ, ᐊᑖᑕ ᑭᓯᒥ ᖃᐅᔨᒪᕗᖅ, ᐊᑖᑕᓗ ᑭᓇᐅᖕᒪᖓᑦ ᖃᐅᔨᒪᔪᖃᖏᓐᓂᕗᑦ, ᐃᕐᓂᖅ ᑭᓯᒥ ᖃᐅᔨᒪᕗᖅ, ᐃᕐᓂᐅᓪᓗ ᓂᕈᐊᕐᓗᒋᑦ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.”

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᐃᓐᖏᕈᑎᑦ 91:14

ᑖᑦᓱᒪ ᓇᒡᓕᖕᓂᕐᒧᑦ ᐅᖓᒋᔭᕐᑖᕆᖕᒪᖓ, ᑍᒤᒻᒪᑦ ᓴᐳᑎᓂᐊᕐᐸᕋ; ᓴᐳᑎᓯᒪᓂᐊᓕᕐᐸᕋ, ᐅᕙᓐᓂᒃ ᖃᐅᔨᓯᒪᓕᕐᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᐲᑦᑐᕉᓯ ᐂᑉᐸᖏᑦ 1:17

ᓇᔫᑎᓚᐅᕋᑦᑕ ᐅᐱᒋᔭᐅᑎᓪᓗᒍ ᓂᕐᑐᕐᓇᕐᑎᑕᐅᑎᓪᓗᒍᓗ ᒎᑎ ᐊᑖᑕᒧᑦ ᓂᐱ ᑐᓴᓚᐅᕐᐸᕗᑦ ᐱᓐᓇᕐᓇᕐᑐᔪᐊᒥᑦ ᐱᔪᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᓪᓗᒍ ᖁᕕᐊᒋᑦᓯᐊᕐᑕᕋ,”

ᑯᓘᓯᐊᒥᐅᓄᑦ 1:18

ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᔪᐊᓇᓯᐅᑉ ᐊᒡᓚᖏᑦ 13:3

ᔩᓱᓯ, ᖃᐅᔨᒪᒐᒥ ᐊᑖᑕᐅᑉ ᓱᓇᓕᒫᓂᒃ ᑐᓂᓯᕕᒋᖕᒪᒍ, ᒎᑎᒥᓪᓗ ᐱᓚᐅᕋᒥ ᒎᑎᒧᓪᓗ ᐂᓂᐊᕋᒥ.

ᒫᑎᐅᓯᐅᑉ ᐊᒡᓚᖏᑦ 11:27

“ᐊᑖᑕᒪ ᑕᒤᓐᓂᒃ ᑐᓂᓯᕕᒋᓚᐅᕐᒪᖓ; ᐃᕐᓂᖅ ᖃᐅᔨᒪᔭᐅᓐᖏᓚᖅ ᐊᑖᑕᐅᑉ ᑭᓯᒥ ᖃᐅᔨᒪᕚ, ᐊᑖᑕᑦᑕᐅᖅ ᖃᐅᔨᒪᔭᐅᖏᓐᓂᕗᖅ ᐃᕐᓂᐅᑉ ᑭᓯᒥ ᖃᐅᔨᒪᕚ, ᑖᒃᑯᓄᖓᓗ ᐃᕐᓂᐅᑉ ᖃᐅᔨᑎᑦᓱᒪᔭᖏᑕ ᑭᓯᒥ ᖃᐅᔨᒪᕚᑦ.

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᔪᐊᓇᓯᐅᑉ ᐊᒡᓚᖏᑦ 17:11

ᓯᓚᕐᔪᐊᕐᒦᑦᑐᓐᓃᕐᐳᖓ, ᑖᒃᑯᐊᓕ ᓱᓕ ᓯᓚᕐᔪᐊᕐᒦᑉᐳᑦ, ᒫᓐᓇ ᐃᓕᖕᓄᑦ ᕾᕗᖓ. ᐊᑖᑖᒃ ᐃᑦᔪᕐᓁᑦᑐᑎᑦ, ᓴᐳᑎᓯᒪᓚᐅᒃᑭᑦ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ ᐊᑕᐅᓯᐅᖁᓪᓗᒋᑦ, ᓲᕐᓗ ᐅᕙᒍᒃ ᐊᑕᐅᓯᐅᒐᓐᓄᒃ.

ᔪᐊᓇᓯᐅᑉ ᐊᒡᓚᖏᑦ 17:12

ᑖᒃᑯᓇᓂ ᓇᔫᑎᓂᓐᓂ, ᓴᐳᑎᓯᒪᓚᐅᕐᐸᒃᑲ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᕐᐸᒃᑲ, ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ.

ᐃᐱᓯᒥᐅᓄᑦ 1:10

ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:12

ᐊᑕᓂᑦᑕ ᔩᓱᓯᐅᑉ ᐊᑎᖓ ᐃᓕᑦᓯᑎᒍᑦ ᓂᕐᑐᕐᓇᕐᑎᑕᐅᖁᓪᓗᒍ, ᐃᓕᑦᓯᓗ ᑖᑦᓱᒪᓂ, ᒎᑎᑦᑕ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᐄᑉᕈᐃᓄᑦ 1:9

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓅᖃᑎᒌᓄᑦ ᑐᓂᓯᒪᔭᖓᓂᑦ ᐱᐅᓂᕐᓴᒥᒃ.”

ᔪᐊᓇᓯᐅᑉ ᐱᖓᔪᖏᑦ 1:7

᙭ᔅᑑᓯ ᐱᑦᔪᑎᒋᓪᓗᒍ ᐱᓇᓱᐊᕆᐊᕐᑐᕐᓗᑎᒃ ᐊᐅᓪᓚᓚᐅᕐᒪᑕ ᐅᒃᐱᕋᓱᐊᖏᑦᑐᓂᑦ ᐃᑲᔪᕐᑕᐅᔭᕆᐊᖃᕋᑎᒃ.