ᐱᓕᐱᒥᐅᓄᑦ 2:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑍᒤᒻᒪᑦ ᐃᓚᓕᐅᕐᓯᐅᒃ ᖁᕕᐊᓱᒻᒪᕆᒡᓗᓯ ᐊᑕᓂᕐᒥ; ᑍᒤᑦᑐᓪᓗ ᑖᑦᓱᑐᓇᖅ ᐅᐱᒋᑦᓯᐊᕐᓯᒋᒃ,

ᐱᓕᐱᒥᐅᓄᑦ 2:29 ပူးပေါင်းရင်းမြစ်များ

ᑎᒧᑎᒧᑦ ᓯᕗᓪᓖᑦ 5:17

ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:12

᙭ᔅᑑᓯᒥᐅᑕᐅᖃᑎᕗᑦ, ᕿᓄᕕᒋᕙᑦᓯ, ᑲᒪᒋᑦᓯᐊᕐᓯᒋᒃ ᑕᓯᐅᕐᑎᒋᔭᓯ ᐊᖓᔪᖅᑳᕆᔭᓯᓗ ᐊᑕᓂᕐᒥ ᐊᔪᕆᕐᑐᐃᔨᒋᔭᓯᓗ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:18

ᑖᒃᑯᓇᖓᑦ ᖁᕕᐊᓱᓕᕐᑎᑕᐅᓚᐅᕋᒪ ᐃᓕᑦᓯᓐᓂᒡᓗ ᖁᕕᐊᓱᒃᑎᑦᓯᓪᓗᑎᒃ. ᐃᓄᖕᓂᒃ ᑍᒤᑦᑐᓂᒃ ᐃᒃᐱᒍᓱᑦᓯᐊᕐᑐᒃᓴᐅᕗᓯ.

ᕉᒪᒥᐅᓄᑦ 16:2

ᑖᓐᓇ ᐃᓚᓕᐅᕐᓯᐅᒃ ᐊᑕᓂᕐᒥ ᒎᑎᐅᑉ ᐃᓄᖁᑎᖏᑕ ᐱᐅᓯᖏᑎᑐᑦ, ᐃᑲᔪᕐᓗᒍᓗ ᐃᓕᑦᓯᓐᓂᑦ ᐃᑲᔪᕐᑕᐅᔭᕆᐊᖃᕐᐸᑦ, ᐃᓄᖕᓂᒃ ᐊᒥᓱᓂᒃ ᐃᑲᔪᕐᓯᒪᖕᒪᑦ ᐅᕙᓐᓂᒡᓗ ᐊᒡᓛᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:18

ᐃᒻᒥᓂᒃ ᓈᒻᒪᒐᓱᒋᔪᖅ ᓈᒻᒪᒋᔭᐅᓕᕈᑎᒋᓗᓂᐅᒃ ᐱᖏᒻᒪᑦ, ᐊᑕᓂᐅᓪᓕ ᓈᒻᒪᖕᓂᕋᕐᑕᖓ ᑖᓐᓇ ᓈᒻᒪᒃᑐᑑᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:10

ᑎᒧᑎ ᑎᑭᑉᐸᑦ, ᑐᓐᖓᓱᒃᑎᑦᓯᐊᕐᓯᐅᒃ ᐃᓕᑦᓯᓐᓃᓐᓂᖓᓂ, ᐊᑕᓂᐅᑉ ᐱᓇᓱᐊᖁᔭᖓᓂᒃ ᐱᓇᓱᐊᕐᒪᑦ, ᐅᕙᑦᑐᑦᑕᐅᖅ.

ᔪᐊᓇᓯᐅᑉ ᐱᖓᔪᖏᑦ 1:10

ᑎᑭᒃᑯᒪᓕ, ᐱᓂᐊᕐᓂᕆᓯᒪᔭᖏᑦ ᓴᖅᑭᑎᑦᓱᒫᕐᐸᒃᑲ, ᐅᕙᑦᑎᓐᓂᒃ ᐱᐅᖏᑦᑐᒥᒃ ᐅᖃᕐᓂᕐᓘᑎᖃᕐᓯᒪᖕᒪᑦ, ᓱᓕᓇᓂᓗ ᐅᖃᐅᓯᖃᖃᑦᑕᕐᓗᓂ, ᑍᒤᓕᐅᑐᐃᓐᓇᓐᖏᓚᕐᓕ; ᙭ᔅᑑᓯᒥᐅᑕᐅᖃᑎᕗᓪᓕ ᑎᑭᒃᑲᓗᐊᕐᒪᑕ ᐃᓚᓕᐅᓚᐅᓐᖏᓔᑦ, ᐃᓚᓕᐅᕐᓯᔪᒪᔫᒐᓗᐊᓪᓗ ᐃᓚᓕᐅᕐᓯᖁᓚᐅᓐᖏᓔᑦ ᐅᒃᐱᕐᑑᖃᑎᒌᓂᓪᓕ ᐊᓂᑎᓐᓇᓱᐊᓚᐅᕐᐰᑦ.

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᑯᓘᓯᐊᒥᐅᓄᑦ 4:10

ᑎᒍᔭᐅᓯᒪᖃᑎᒪ ᐊᕆᔅᑕᑰᓯᐅᑉ ᑕᕝᕙᐅᕗᑏᕐᐹᓯ, ᒫᑯᓯᐅᓪᓗ ᐸᕐᓇᐹᓯᐅᑉ ᑎᒥᒥᒍᑦ ᖃᑕᓐᖑᑎᖓᑕ. (ᑐᓴᕐᑎᑕᐅᔭᕇᕐᓯᒪᕗᓯ ᖃᓄᖅ ᐱᔭᕆᐊᖃᕐᒪᖔᑦᓯ ᑖᑦᓱᒧᖓ, ᑐᓐᖓᓱᒃᑎᑦᓱᒫᕐᐸᓯ ᐃᓕᑦᓯᓐᓄᑦ ᑎᑭᑉᐸᑦ.)

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:2

ᐆᒻᒪᑎᑦᓯᓐᓂ ᐃᓂᒃᓴᖃᕐᑎᑎᒍᑦ, ᑭᓇᒥᒡᓘᓐᓃᑦ ᐊᑲᐅᖏᑦᑐᓕᕕᖃᓚᐅᓐᖏᓚᒍᑦ, ᐱᐅᔪᓐᓃᕐᑎᑦᓯᓚᐅᕋᑕᓗ, ᓵᓚᓯᐊᖃᓚᐅᕋᑕᓘᓐᓃᑦ.

ᕉᒪᒥᐅᓄᑦ 10:15

ᖃᓄᕐᓗ ᐊᔪᕆᕐᑐᐃᒐᔭᕐᐹᑦ ᑎᓕᔭᐅᓯᒪᖏᓪᓗᑎᒃ? ᐊᒡᓚᓂ ᑎᑎᕋᕐᓯᒪᔪᖃᕐᒪᑦ, “ᐱᐅᔪᐊᓘᕗᑦ ᐃᓯᒐᖏᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᕆᐊᕐᑐᕐᖢᑎᒃ ᑎᑭᐅᑦᔨᔪᑦ!”

ᐋᐴᓯᑕᓖᑦ ᐱᓂᐊᕐᓂᖏᑦ 28:10

ᓱᓇᑐᐃᓐᓇᕐᓂᒡᓗ ᐊᒥᓱᓂᒃ ᑐᓂᓯᕕᒋᕚᑎᒍᑦ; ᐅᒥᐊᕐᔪᐊᒃᑯᑦ ᐊᐅᓪᓚᓕᕋᑦᑕ ᑕᖁᐊᒃᓴᕐᑖᕐᑎᑉᐹᑎᒍᑦ ᐱᔭᕆᐊᑲᕐᑕᓕᒫᑦᑎᓐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:8

ᑍᒤᒻᒪᑦ ᖁᕕᐊᓱᒃᑐᐊᓘᓚᐅᕐᐳᑦ ᑕᕝᕙᓂ ᐃᒡᓗᒐᓴᖕᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 2:46

ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ,

ᔪᐊᓇᓯᐅᑉ ᐊᒡᓚᖏᑦ 13:20

ᓱᓕᔪᒥᒃ ᐅᖃᐅᑎᕙᑦᓯ, ᑎᓕᔭᓐᓂᒃ ᐃᓚᓕᐅᕐᓯᔪᖅ ᑖᓐᓇ ᐅᕙᓐᓂᒃ ᐃᓚᓕᐅᕐᓯᒋᕗᖅ; ᐅᕙᓐᓂᒡᓕ ᐃᓚᓕᐅᕐᓯᔪᖅ ᑎᓕᔨᓐᓂᒃ ᐃᓚᓕᐅᕐᓯᒋᕗᖅ.”

ᓘᑲᓯᐅᑉ ᐊᒡᓚᖏᑦ 9:5

ᑐᓐᖓᓱᒃᑎᑕᐅᖏᒃᑯᑦᓯᓕ, ᓄᓇᓕᖕᓂᑦ ᑕᕝᕙᓐᖓᑦ ᐊᐅᓪᓚᓕᕈᑦᓯ ᓵᓃᑦ ᐃᑎᒐᑦᓯᓐᓂᑦ ᑲᑕᒐᕐᑎᓯᐅᒃ ᓈᒻᒪᒋᔭᐅᖕᒋᓐᓂᖏᓂᒃ ᓇᓗᓁᒃᑯᑕᐅᓂᐊᕐᒪᑦ.”

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐱᓕᐱᒥᐅᓄᑦ 2:28

ᑲᑦᓱᖕᒊᕆᐊᓪᓚᒃᐳᖓᓕ ᑎᓕᔪᒪᓪᓗᒍ ᐃᓕᑦᓯᓐᓄᑦ, ᖁᕕᐊᓱᖁᓪᓗᓯ ᑕᑯᓕᕐᒥᒍᑦᓯᐅᒃ, ᐃᓱᒪᔮᕐᓂᕋᓗ ᐃᑯᓪᓚᐅᒥᖁᓪᓗᒍ.