ᐅᐸᑍᐊᑉ ᐊᒡᓚᖏᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᖏᖃᑎᒋᓚᐅᕐᑕᓕᒫᕕᑦ ᓯᓔᕐᕆᕚᑎᑦ ᓄᓇᐅᑉ ᑭᒡᓕᖓᓄᑦ ᐊᐅᓪᓚᕐᑎᓪᓗᑎᑦ; ᐃᓕᖕᓄᑦ ᐱᑦᓯᐊᓚᐅᕐᑐᑦ ᓵᓚᒋᕚᑎᑦ; ᓂᕆᖃᑎᒋᔭᑎᑦ ᒥᑭᒋᑦᔨᕐᐳᑦ ᐃᓕᖕᓄᑦ; ᓇᓪᓕᐊᓐᓂᒡᓘᓐᓃᑦ ᒪᓗᒍᓱᒃᑐᖃᓐᖏᓚᖅ.”

ᐅᐸᑍᐊᑉ ᐊᒡᓚᖏᑦ 1:7 ပူးပေါင်းရင်းမြစ်များ

ᐃᓐᖏᕈᑎᑦ 41:10

ᐃᕝᕕᓪᓕ ᐊᑕᓃᖅ, ᓂᑲᒋᓚᐅᓐᖓ, ᒪᑭᑎᓪᓗᖓᓗ, ᑖᒃᑯᓂᖓ ᐊᑭᓂᐊᕈᓐᓇᖁᓪᓗᖓ.

ᐃᓐᖏᕈᑎᑦ 41:9

ᐱᖃᓐᓇᕆᔭᒪᓘᓐᓃᑦ ᖃᐅᔨᒪᑦᓯᐊᕐᑕᒪ ᓱᓕᔪᕆᑦᓯᐊᕐᑕᒪᓗ, ᓂᕆᖃᑎᒋᕙᒃᑕᒪ ᑭᖕᒥᖕᒥᓄᑦ ᐅᓗᕆᐊᕐᓵᕐᐹᖓ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 38:22

ᐊᕐᓇᓕᒫᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐃᒡᓗᖓᓃᑦᑐᑦ ᐊᓂᑎᑕᐅᔪᒫᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᓐᓄᑦ, ᑖᒃᑯᐊᓗ ᐊᕐᓁᑦ ᐃᓕᖕᓂᒃ ᐅᖃᐅᓯᖃᕈᒫᕐᐳᑦ ᐃᒫᒃ: ‘ᐊᖓᔪᖅᑳᕐᔪᐊᖅ ᐃᓚᓐᓇᕆᔭᒥᓄᑦ ᑕᒻᒪᕐᑎᑕᐅᓪᓗᓂ ᓵᓚᒋᔭᐅᑎᑕᐅᕗᖅ, ᐃᑎᒐᖏᑦ ᒪᕐᕋᕐᒧᑦ ᒪᖑᖕᒪᑕ, ᐃᓚᓐᓇᕆᔭᒥᓄᑦ ᕿᒪᒃᑕᐅᕗᖅ.’

ᔨᕆᒤᐊᐅᑉ ᐊᒡᓚᖏᑦ 4:30

ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᔨᕆᒤᐊᐅᑉ ᐊᒡᓚᖏᑦ 49:7

ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᕼᐆᓯᐊᑉ ᐊᒡᓚᖏᑦ 13:13

ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ.

ᕼᐆᓯᐊᑉ ᐊᒡᓚᖏᑦ 7:11

ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 13:18

“ᑕᒪᑐᒥᖓ ᐅᖃᐅᑎᔧᓐᓇᕆᓐᖏᓚᑦᓯ; ᖃᐅᔨᒪᒐᒃᑭᑦ ᓂᕈᐊᕐᓯᒪᔭᒃᑲ; ᐊᒡᓔᓪᓕ ᓇᓚᐅᑦᓯᔭᕆᐊᖃᕐᒪᑕ ᐅᖃᕐᑐᑦ: ‘ᓂᕆᖃᑎᒋᔭᒪ ᐊᑭᕋᕐᑐᓕᕐᐹᖓ.’