ᐅᐸᑍᐊᑉ ᐊᒡᓚᖏᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᑎᒡᓕᒃᑏᑦ ᑎᑭᓐᓂᐊᕐᐹᑎᑦ, ᑎᒡᓕᒐᕐᕕᒋᓗᑎᓪᓗ ᐅᓐᓄᐊᒥ, ᑕᕝᕙ ᓇᑲᑕᐅᔪᒫᕐᐳᑎᑦ! ᑎᒡᓕᒃᑏᑦ ᐱᔪᒪᔭᓕᒫᒥᖕᓂᒃ ᐱᑐᐃᓐᓇᕐᓂᐊᓐᖏᓚᑦ? ᕔᓂᓕᒃᓴᓂᒃ ᑲᑎᕐᓱᐃᔪᑦ ᑎᑭᓐᓇᔭᕐᐹᑎᑦ, ᕔᓂᓕᒃᓴᑦ ᐱᐅᖏᓐᓂᕐᓗᑯᖏᓐᓂᒃ ᐱᒃᓴᓂᒃ ᕿᒤᒐᔭᓐᖏᓛᑦ?

ᐅᐸᑍᐊᑉ ᐊᒡᓚᖏᑦ 1:5 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 1:19

“ᐃᓴᕆᐊᓕᒥᐅᑉ ᖃᖅᑲᖓᓂ ᓯᕗᓕᕐᑏᑦ ᑐᖁᕗᑦ! ᐅᓇᑕᕐᑐᒃᓴᖁᑎᑦᑕ ᓯᕘᕋᔪᐃᑦᑑᓂᕐᐹᖏᑦ ᐅᕐᕈᕗᑦ!

ᐂᓮᐊᓯᐅᑉ ᐊᒡᓚᖏᑦ 14:12

“ᕿᓚᖕᒥᑦ ᑲᑕᖕᓂᑰᕗᑎᑦ, ᓘᓯᕙᕐ, ᐅᓪᓘᑉ ᐅᓪᓗᕆᐊᕆᕚᑎᑦ ᖃᐅᕙᓪᓕᐊᓯᐅᑎᐅᑉ ᐃᕐᓂᕆᕚᑎᑦ! ᓄᓇᒧᑦ ᐃᒋᑕᐅᓯᒪᕗᑎᑦ. ᐃᓅᖃᑎᒌᒡᔪᐊᓂᒃ ᒥᑭᒡᓕᑎᕆᕙᓚᐅᕐᑐᑎᑦ!

ᐂᓮᐊᓯᐅᑉ ᐊᒡᓚᖏᑦ 17:6

ᐅᓄᖏᑦᑐᓂᒃ ᐊᒥᐊᒃᑯᔪᒫᕐᐳᑦ ᐊᔪᕐᓴᕐᑐᓄᑦ ᐱᔭᐅᖏᑦᑐᑎᑐᑦ, ᓇᐹᕐᑐᑦ ᐅᕐᓱᒃᓴᓖᑦ ᐊᓇᐅᓕᕐᑕᐅᓪᓗᑎᒃ ᐸᐅᕐᖓᖏᑦ ᑲᑕᒐᕐᑎᑕᐅᔪᑎᑐᑦ ᐸᐅᕐᖔᖕᓂᒃ ᒪᕐᕉᖕᓂᒃ ᐱᖓᓱᓂᒡᓘᓐᓃᑦ ᐊᒥᐊᒃᑯᔭᐅᔪᑎᑐᑦ, ᓇᐹᕐᑐᑎᑐᓪᓗ ᖁᑦᓯᖕᓂᕐᐹᒥᑦ ᐸᐅᕐᖓᓂᒃ ᑲᑕᒐᕐᑎᑕᐅᔪᑎᑐᑦ, ᓯᑕᒪᓂᒃ ᑕᓪᓕᒪᓂᒡᓘᓐᓃᑦ ᐊᒥᐊᒃᑯᔪᑎᑐᑦ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 24:13

ᓇᓂᑐᐃᓐᓇᖅ ᓄᓇᕐᔪᐊᕐᒥ ᐃᓅᖃᑎᒌᒡᔪᐊᑦ ᑍᒤᑦᑐᒦᓕᕈᒫᕐᐳᑦ, ᑲᑎᕐᓱᐃᕕᐅᑉ ᐃᓱᓕᕋᑖᕐᓂᖓᑐᑦ ᑍᒤᑦᑑᓕᕈᒫᕐᐳᖅ, ᓇᐹᕐᑐᐃᑦ ᐅᕐᓱᒃᓴᕐᑕᓖᑦ ᑲᑕᒐᕐᓯᒪᓕᕐᓗᑎᒃ ᓇᐹᕐᑐᓕᒫᓂᑦ, ᕔᓂᒃᓮᓪᓗ ᑭᖑᓪᓕᕐᐹᖏᑦ ᐅᕐᐱᒐᖏᓐᓂᑦ ᓄᓂᕚᖑᓯᒪᓕᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 49:9

ᐸᐅᕐᖓᓂᒃ ᓄᓂᕙᒃᑏᑦ ᕿᒤᓂᑯᖃᕐᐸᓐᖏᓛᑦ ᐅᓄᖏᑦᑑᖓᓗᐊᓃᒃ? ᑎᒡᓕᒃᑏᓪᓗ ᐅᓐᓄᐊᒃᑯᑦ ᑎᒡᓕᒐᕌᖓᒥᒃ ᐱᔪᒪᔭᒥᖕᓂᒃ ᑭᓯᐊᓂ ᐱᕙᓐᖏᓛᑦ?

ᔨᕆᒤᐊᐅᑉ ᐊᒡᓚᖏᑦ 50:23

ᓄᓇᕐᔪᐊᕐᒥᐅᓂᒃ ᓯᖁᑦᑎᕆᓚᐅᕐᑐᑦ ᑲᐅᑕᕐᑎᑐᑦ, ᓯᖁᒥᑕᐅᓯᒪᕗᖅ, ᐹᐱᓘᓂ ᓱᓇᖃᕈᓐᓃᕐᐳᖅ ᐃᓅᖃᑎᒌᒡᔪᐊᑦ ᓴᓂᐊᓂ.

ᔨᕆᒤᐊᐅᑉ ᐊᒡᓚᖏᑦ 6:9

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐊᒡᒍᕐᑕᐅᓕᑦ ᕔᓂᒃᓮᑦ ᐸᐅᕐᒊᑦ ᐊᒡᒍᕐᑕᐅᕙᖕᓂᖏᑎᑐᑦ ᐅᕐᐱᒐᕐᓂᑦ, ᕿᒥᕐᕈᐊᑦᓯᐊᕐᓗᒍ ᐸᐅᕐᖓᓂᒃ ᐳᑯᒃᑐᑎᑐᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:1

ᐃᒡᓗᒐᓴᒡᔪᐊᑦ ᐃᓄᒋᐊᒃᑑᕙᓚᐅᕐᑐᑦ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᐳᑦ! ᐃᓅᖃᑎᒌᒡᔪᐊᓪᓗ ᐅᐱᒋᔭᐅᑦᓯᐊᓚᐅᕐᑐᑦ, ᒫᓐᓇ ᐅᐃᒡᒐᕐᓂᕐᑎᑐᑦ ᑍᒤᓕᕐᐳᑦ; ᓄᓇᓖᑦ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᕆᔭᐅᓚᐅᕐᑐᑦ, ᒫᓐᓇ ᓯᐊᓛᕆᔭᐅᓕᕐᐳᑦ.

ᐅᐸᑍᐊᑉ ᐊᒡᓚᖏᑦ 1:9

ᐱᒃᓴᕐᑐᔪᖁᑎᑎᓪᓗ ᓯᐊᒻᒪᕐᑎᑕᐅᔪᒫᕐᐳᑦ, ᐆ ᑏᒪᓐ, ᑲᑉᐱᐊᓱᒃᑐᐊᓘᔪᒫᕐᐳᑦ, ᑕᒪᕐᒥᒃ ᑐᖁᑕᐅᔪᒫᕐᐳᑦ ᐄᓴᐅᑉ ᖃᖅᑲᖓᓂ, ᐃᓄᐊᕐᑕᐅᓗᑎᒃ.”

ᒤᑲᐅᑉ ᐊᒡᓚᖏᑦ 7:1

ᑲᑉᐱᐊᓐᓇᒦᒃ! ᐊᐅᔭᒥ ᑲᑎᕐᓱᐃᔪᑐᑦ ᐱᕈᕐᑐᓂᒃ ᑲᑎᕐᓱᐃᓴᕇᕐᑎᓪᓗᒋᑦ ᐊᒥᐊᒃᑯᖏᓐᓂᑦ ᑲᑎᕐᓱᐃᔭᕐᑐᕋᓗᐊᕋᒪ, ᐸᐅᕐᖓᓂᒃ ᕔᓂᒃᓴᓂᒃ ᑲᑎᓐᖓᔪᓂᒃ ᓂᕆᔭᒃᓴᓂᒃ ᐱᑕᖃᓐᖏᓚᖅ, ᐸᐅᕐᖓᓂᒡᓗ ᐱᒋᓕᖕᓂᒃ ᐱᕈᕋᑖᕐᓂᑯᓂᒃ ᑕᐅᑐᓐᖑᐊᕐᑕᓐᓂᒃ ᐱᑕᖃᖏᒻᒪᑦ.

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᒨᓯᓯ ᑕᓪᓕᒪᖏᑦ 24:21

ᐸᐅᕐᖓᓂᒡᓗ ᕔᓂᒃᓴᓂᒃ ᑲᑎᕐᓱᐃᓕᕈᕕᑦ, ᐊᒥᐊᒃᑯᓯ ᐅᑎᕐᓗᓯ ᐂᔭᒃᓴᕆᓐᖏᓚᓯ; ᑖᒃᑯᐊ ᐸᐅᕐᖎᑦ ᕿᒪᒃᑕᐅᔪᒃᓴᐅᕗᑦ ᐱᔭᒃᓴᐅᖁᓪᓗᒋᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”