ᐅᐸᑍᐊᑉ ᐊᒡᓚᖏᑦ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓴᐳᑦᔨᔨᒃᓴᑦ ᒪᔪᐊᕈᒫᕐᐳᑦ ᓮᐅᓂᐅᑉ ᖃᖅᑲᖓᓄᑦ ᐄᓴᐅᑉ ᖃᖅᑲᖓᓃᑦᑐᑦ ᐊᐅᓚᓐᓂᐊᕐᓗᒋᑦ, ᐊᑕᓂᐅᕕᒡᓗ ᑖᓐᓇ ᐊᑕᓂᐅᑉ ᐱᒋᔪᒫᕐᐹ.”

ᐅᐸᑍᐊᑉ ᐊᒡᓚᖏᑦ 1:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 25:23

ᐊᑕᓂᐅᓪᓗ ᐅᖃᐅᑎᕚ, “ᐃᓅᖃᑎᒌᒡᔪᐊᓂᒃ ᒪᕐᕈᐃᓂᒃ ᐃᓗᒥᐅᑕᖃᕐᐳᑎᑦ ᐃᒡᓕᐊᕐᓂ, ᐃᓅᒃ ᒪᕐᕉᒃ, ᐃᕐᓂᐊᕆᒍᕕᒋᒃ, ᐃᓅᖃᑎᒌᒍᓐᓇᕈᒫᓐᖏᓚᒃ; ᐂᑉᐸᖓ ᓴᓐᖏᓂᕐᓴᐅᔪᒫᕐᐳᖅ ᐂᑉᐸᕐᒥᓂᑦ, ᐊᖓᔪᒃᓯᕐᓗ ᐱᔨᑦᓯᕈᒫᕐᐳᖅ ᓄᑲᕐᒥᓂᒃ.”

ᐊᑕᓃᑦ ᐂᑉᐸᖏᑦ 13:5

ᑍᒤᒻᒪᑦ ᐊᑕᓂᐅᑉ ᐃᓴᕆᐊᓕᒥᐅᑦ ᓴᐳᑦᔨᔨᒃᓴᖓᓂᒃ ᑎᓕᓯᕕᒋᓚᐅᕐᐰᑦ, ᓯᕆᐊᒥᐅᓄᑦ ᑎᒍᒥᐊᕐᑕᐅᔪᓐᓃᖁᓪᓗᒋᑦ; ᑕᕝᕙ ᐃᓴᕆᐊᓕᒥᐅᑦ ᐅᑎᕈᓐᓇᕐᓯᓚᐅᕐᐳᑦ ᓄᓇᒋᕙᓚᐅᕐᑕᒥᖕᓄᑦ ᐊᖏᕐᕋᕐᓯᒪᔪᓐᓇᓕᕆᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 9:27

ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ, ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ, ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ; ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 22:28

ᐊᑕᓂᐅᕕᒃ ᐊᑕᓂᐅᑉ ᐱᒋᕚ, ᐃᓅᖃᑎᒌᒡᔪᐊᓄᓪᓗ ᐊᖓᔪᖅᑳᕐᔪᐊᖑᕗᖅ.

ᐃᓐᖏᕈᑎᑦ 22:29

ᓄᓇᒥ ᐊᔪᕐᓴᖏᑦᑐᓕᒫᑦ ᐅᑯᔪᒫᕐᐳᑦ ᑐᒃᓯᐊᕐᓗᑎᒡᓗ; ᒪᓂᖅᑲᒧᓪᓗ ᐅᕐᕈᔪᑦ ᑖᑦᓱᒧᖓ ᐅᑯᔪᒫᕐᐳᑦ, ᐃᒻᒥᖕᓂᒃ ᐆᒪᑎᑦᓱᓐᓇᖏᑦᑐᓕᒫᑦ.

ᐃᓐᖏᕈᑎᑦ 47:7

ᒎᑎ ᐊᖓᔪᖅᑳᕐᔪᐊᖑᖕᒪᑦ ᓄᓇᕐᔪᐊᓕᒫᒧᑦ; ᐃᓐᖏᕆᑦᓯ ᓂᕐᑐᐃᓗᓯ ᐃᓐᖏᕈᑎᓄᑦ.

ᐃᓐᖏᕈᑎᑦ 67:4

ᐃᓅᖃᑎᒌᒡᔪᐃᑦ ᐊᓕᐊᓁᒍᓱᒡᓕᑦ ᐃᓐᖏᕐᓗᑎᒡᓗ ᖁᕕᐊᓱᒃᓗᑎᒃ! ᐃᓄᐃᑦ ᓇᓛᒎᕐᑐᒥᒃ ᐃᖅᑲᕐᑐᕈᒫᕋᕕᒋᑦ, ᐃᓅᖃᑎᒌᒡᔪᐊᓪᓗ ᓄᓇᒥ ᑕᓯᐅᕈᒫᕋᕕᒋᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 19:20

ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 24:23

ᑕᖅᑭᖅ ᑖᕐᓯᔪᒫᕐᐳᖅ ᓯᕿᓂᕐᓗ ᖃᐅᒪᔪᓐᓃᕐᓗᓂ, ᐊᑕᓂᖅ ᐊᔪᒐᖃᖏᑦᑐᖅ ᐊᐅᓚᑦᓯᓕᕈᒫᕐᒪᑦ, ᔨᕉᓴᓕᒥ ᓮᐅᓂᐅᑉ ᖃᖅᑲᖓᓂ, ᐃᓄᐃᓪᓗ ᐊᖓᔪᖅᑳᖏᑕ ᐱᓐᓇᕐᓇᕐᓂᕐᔪᐊᖓ ᑕᑯᔪᒫᕐᐹᑦ.

ᑖᓂᐊᓕᐅᑉ ᐊᒡᓚᖏᑦ 12:3

ᓯᓚᑐᔪᓪᓕ ᖃᐅᒪᔪᒫᕐᐳᑦ ᕿᓚᐅᑉ ᖃᐅᒪᓂᖓᑐᑦ, ᑕᓯᐅᕐᓯᓚᐅᕐᑐᓪᓗ ᐅᓄᕐᑐᓂᒃ ᐃᓗᐊᕐᑐᒧᑦ ᐅᓪᓗᕆᐊᑎᑐᑦ ᖃᐅᒪᔪᒫᕐᐳᑦ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 2:35

ᑕᕝᕔᓐᓇᖅ ᓴᕕᕋᔭᒡᓗ, ᔭᕐᕋᕐᓗ, ᖃᑯᕐᓕᓗ, ᓯᐅᓪᕕᕆᓗ, ᒎᓗᐃᓪᓗ, ᐊᑕᐅᑦᓯᒃᑯᑦ ᓯᖁᒥᑉᐳᑦ, ᓂᐊᖂᔭᒃᓴᓕᐅᕐᕕᖕᒥ ᐊᐅᔭᒃᑯᑦ ᓂᐊᖂᔭᒃᓴᓕᐅᕐᓂᑯᑐᑦ ᓴᓂᐅᓕᕐᓗᑎᒃ, ᐊᓄᕆᒧᑦ ᑎᒃᑕᐅᕗᑦ ᐊᒥᐊᒃᑯᓇᑎᒃ. ᐅᔭᕋᒃᔪᐊᕐᓕ ᐃᓄᓐᖑᐊᒥᒃ ᒥᓗᕐᓯᔪᖅ ᖃᖅᑲᕐᔪᐊᖑᓕᕐᐳᖅ ᓄᓇᕐᔪᐊᒥᒃ ᓈᓯᓪᓗᓂ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᒤᑲᐅᑉ ᐊᒡᓚᖏᑦ 4:7

ᑐᓯᐊᑦᑐᑦ ᐊᒥᐊᑰᑎᑦᓱᒫᕐᐸᒃᑲ, ᐊᐅᓪᓚᕈᑦᔭᐅᓯᒪᔪᓪᓗ ᓲᖑᓯᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᕐᖑᕐᑎᓪᓗᒋᑦ; ᐊᑕᓂᖅ ᐊᐅᓚᑦᓯᔪᒫᕐᒪᑦ ᑖᒃᑯᓂᖓ ᓮᐅᓂᐅᑉ ᖃᖅᑲᖓᓂᑦ ᒫᓐᓇᒥᑦ ᐃᓱᖃᖏᑦᑐᒧᓪᓗ.

ᓴᑲᕅᐊᐅᑉ ᐊᒡᓚᖏᑦ 14:9

ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ: ᑍᑦᓱᒪᓂᓗ ᐊᑕᓂᖃᕈᒫᕐᐳᖅ ᐊᑕᐅᓯᕐᒥᒃ, ᐊᑎᖓᓗ ᐃᑦᔪᕐᓁᑦᑑᓗᓂ.

ᒫᑎᐅᓯᐅᑉ ᐊᒡᓚᖏᑦ 6:10

ᐊᑕᓂᐅᓃᑦ ᕾᓚᐅᕐᓕ; ᐱᔪᒪᔧᑦ ᒪᓕᒃᑕᐅᓕ ᓄᓇᒥ, ᓲᕐᓗ ᕿᓚᖕᒥ ᒪᓕᒃᑕᐅᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᔧᒥᓯᐅᑉ ᐊᒡᓚᖏᑦ 5:20

ᖃᐅᔨᒪᓚᐅᕐᓕ ᓇᓪᓕᐊᑦ ᐊᔪᕐᑐᓕᔫᑉ ᑕᒻᒪᕐᓂᖓᓂᑦ ᐅᑎᕐᑎᑦᓯᔪᖅ ᑕᕐᓂᖓᓂᒃ ᑐᖁᒥᑦ ᐱᐅᓕᒃᓯᖕᒪᑦ ᐊᔪᕐᑐᓕᓂᕐᓂᒡᓗ ᐊᒥᓱᓂᒃ ᐃᓱᒪᒋᔪᓐᓁᕐᑕᐅᑎᑦᓯᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:6

ᑕᕝᕙ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ, ᐃᒪᕐᔪᐊᓪᓗ ᐃᒃᑑᓕᔮᕐᓂᕆᔮᕐᑕᖏᓐᓂᒃ ᑲᓪᓘᓪᓗ ᐃᒃᑐᓚᐅᕐᓂᖓᑐᑦ ᑕᒤᑦᑑᔮᕐᑐᓂᒃ, ᐅᖃᕐᑐᓂᒃ, “ᐋᓕᓘᔭ! ᐊᑕᓂᖅ ᒎᑎᕗᑦ ᐊᔪᒐᖃᖏᑦᑐᖅ ᐊᖓᔪᖅᑳᕐᔪᐊᖑᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 2:16

ᐊᑕᓂᐅᓪᓕ ᑐᓂᓚᐅᕐᐰᑦ ᐃᓱᐊᕐᓮᔨᓂᒃ, ᑖᒃᑯᐊᓗ ᐱᐅᓕᒃᓯᓚᐅᕐᐳᑦ ᑎᒡᓕᒐᕐᑎᒋᔭᖏᓐᓂᑦ.

ᐃᓗᐊᕐᓮᔩᑦ ᐊᒡᓚᖏᑦ 3:9

ᐃᓴᕆᐊᓕᒥᐅᓪᓕ ᐃᓗᖏᕐᓱᒻᒪᕆᒃᓗᑎᒃ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ, ᑖᓐᓇ ᐅᑎᓂ-ᐅᓪᒥᒃ ᐊᑎᖃᕐᐳᖅ, ᑬᓚᐱᐅᑉ ᓄᑲᖓᑕ ᑮᓇᑦᔨᐅᑉ ᐃᕐᓂᖓ.