ᐅᐸᑍᐊᑉ ᐊᒡᓚᖏᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓄᑬᓪᓗ ᖁᕕᐊᓲᑎᒋᔭᒃᓴᕆᓚᐅᓐᖏᓚᑦ ᐱᓂᕐᓗᒃᑕᐅᕕᐊᓂ; ᔫᑕᐅᑉ ᑭᖑᕚᖏᑦ ᖁᕕᐊᓲᑎᒋᓂᐊᕐᓇᒋᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ; ᐱᐅᔪᕆᔪᒃᓴᐅᓚᐅᓐᖏᓚᑎᑦ ᐅᓪᓗᖏᑕ ᑲᑉᐱᐊᓱᒃᑎᑕᐅᕕᖏᓐᓂ.

ᐅᐸᑍᐊᑉ ᐊᒡᓚᖏᑦ 1:12 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 18:20

ᓯᕿᓂᐅᑉ ᓂᐱᕕᐊᓂᑦ ᐱᔪᑦ ᑖᑦᓱᒥᖓ ᑐᓴᕐᑐᑦ ᓴᔪᓕᕐᐳᑦ, ᓯᕿᓂᐅᑉ ᓄᐃᕕᐊᓂᑦ ᐱᔪᑦ ᖁᐊᕐᓵᖓᓕᕐᐳᑦ ᑲᑉᐱᐊᓱᖕᓂᕐᒧᑦ.

ᔫᐱᐅᑉ ᐊᒡᓚᖏᑦ 31:29

ᐆᒥᒋᔨᒪ ᐊᓯᕈᕐᑕᐅᓂᖏᓐᓂᒃ ᖁᕕᐊᓲᑎᖃᓚᐅᕐᓯᒪᓐᓂᕈᒪ, ᐅᕝᕙᓗ ᐱᐅᖏᑦᑐᒧᑦ ᑎᑭᑕᐅᑎᓪᓗᒋᑦ ᐊᓂᕐᐸᒍᓱᓚᐅᕐᓯᒪᓐᓂᕈᒪ

ᐃᓐᖏᕈᑎᑦ 22:17

ᓴᐅᓂᓕᒫᒃᑲ ᓈᓴᕈᓐᓇᕐᐸᒃᑲ. ᑕᑯᓐᓇᕐᐳᑦ ᐃᔨᒋᓪᓗᑎᒡᓗ ᐅᕙᓐᓂᒃ.

ᐃᓐᖏᕈᑎᑦ 31:18

ᖃᓂᖏᑦ ᓴᒡᓗᑐᔪᑦ ᓂᐰᕐᓕᑦ, ᐱᐅᔪᕆᓂᕐᒧᑦ ᐃᓕᕋᓇᕈᒪᓂᕐᒧᓪᓗ ᓂᓪᓕᐊᔪᑦ ᓇᓛᒎᕐᑐᑦ ᒥᑕᐅᑎᖃᕐᓗᑎᒃ.

ᐃᓐᖏᕈᑎᑦ 35:15

ᑖᒃᑯᐊᓕ ᖃᓄᐃᓐᓇᕐᑐᒦᒃᑯᒪ ᖁᕕᐊᓲᑎᒋᕚᑦ, ᑲᑎᓪᓗᑎᒡᓗ; ᐊᑭᕋᕐᑐᕈᒪᔪᑦ ᑲᑎᑦᔪᑎᒋᕚᖓ, ᐊᓕᒃᑐᕐᑐᑎᑑᕐᐹᖓᓗ ᓄᖅᑲᕐᓂᐊᕋᑎᒃ.

ᐃᓐᖏᕈᑎᑦ 37:13

ᐊᑕᓂᐅᓪᓕ ᐃᔪᕆᕔᑦ ᐱᐅᖏᑦᑐᓕᔪᑦ, ᑕᑯᓐᓈᕋᒥ ᐅᓪᓗᒃᓴᖓᓂᒃ ᓇᓪᓕᐅᑎᔪᒫᕐᑐᒥᒃ.

ᐃᓐᖏᕈᑎᑦ 54:7

ᓴᐳᑎᓯᒪᒐᕕᖓ ᐊᒃᓱᕈᕐᓇᕐᑐᓂᑦ ᑕᒤᓐᓂᑦ, ᐃᔩᒃᑲᒡᓗ ᑕᑯᓯᒪᕘᒃ ᐊᑭᕋᕐᑐᕐᑎᒪ ᓵᓚᐅᓂᖏᓐᓂᒃ.

ᐃᓐᖏᕈᑎᑦ 59:10

ᒎᑎᒪ ᓇᒡᓕᖕᓂᕐᒥᓄᑦ ᓱᖁᓯᔪᐃᑦᑐᒧᑦ ᐅᐸᖕᓂᐊᕐᐹᖓ; ᒎᑎᐅᓪᓗ ᑕᑯᑎᓐᓂᐊᕐᐹᖓ ᐊᑭᕋᕐᑐᕐᑎᒃᑲ ᓵᓚᐅᑎᓪᓗᒋᑦ.

ᐃᓐᖏᕈᑎᑦ 92:11

ᐊᑭᕋᕐᑐᕐᑎᒪ ᑲᑕᖕᓂᖏᓐᓂᒃ ᑕᑯᓯᒪᓕᕐᐳᖓ; ᐱᐅᖏᑦᑐᑦ ᐊᑭᕋᕐᑐᕐᑐᑦ ᐅᕙᓐᓂᒃ ᓱᒋᐊᕐᑕᐅᓂᒃᓴᖏᓐᓂᒃ ᓇᖕᒥᓂᖅ ᑐᓴᕐᓯᒪᕗᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 37:24

ᐱᔨᑎᑦ ᑎᓕᓚᐅᕋᕕᒋᑦ ᒥᑕᐅᑎᖃᕐᑎᓚᐅᕐᐸᑎᑦ ᐊᑕᓂᕐᒥᒃ, ᐅᖃᓚᐅᕐᐳᑎᓪᓗ, ᕿᒻᒥᕐᔪᐊᑦ ᐊᒃᓴᓗᐊᓕᖏᓐᓄᑦ ᖃᖅᑬᑦ ᖄᖏᓐᓄᑦ ᒪᔪᓚᐅᕐᐳᖓ, ᓕᐸᓇᓂᐅᑉ ᐳᕐᑐᓂᖏᑎᑐᑦ, ᓇᐹᕐᑐᖏᑕ ᑕᑭᓂᖏᓐᓂᒃ ᓰᑕᕆᓂᒃ ᓇᑲᑎᕆᓚᐅᕐᐳᖓ, ᓇᐹᕐᑐᕆᖕᓂᕐᐹᓂᒃ ᑎᑭᐅᑎᓯᒪᕗᖓ, ᖁᓪᓕᕐᐹᓄᑦ ᓇᐹᕐᑐᑦ ᖁᑦᓯᖕᓂᕐᐹᖏᓐᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:16

ᐊᑭᕋᖏᑕ ᒥᑕᐅᑎᒋᕚᑦ ᖀᒥᒋᓪᓗᒍᓗ ᐅᖃᕐᐳᑦ ᐊᓯᕈᕐᑕᐅᕋᑕᕐᐳᑦ, ᑍᒤᑕᐅᖁᓪᓗᒍ ᐅᑕᖅᑭᐊᕆᕙᓚᐅᕐᑕᕗᑦ ᐊᑑᑎᑎᑕᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:21

ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ, ᓄᓇᖃᕐᑐᓯ ᐅᔾᒥ, ᐊᓯᕈᕐᑕᐅᓂᒃᓴᓯ ᓇᓪᓕᐅᑎᓛᕐᒥᖕᒪᑦ; ᐊᓐᓄᕌᖃᖏᓪᓗᓯ ᑲᓐᖑᓇᕐᑐᒥᒃ ᐊᑐᓕᕈᒫᕆᕗᓯ.

ᐃᓯᑭᐊᓕᐅᑉ ᐊᒡᓚᖏᑦ 35:12

ᖃᐅᔨᓕᖁᓪᓗᓯ ᐅᕙᖓ, ᐊᑕᓂᖅ, ᑕᒤᓐᓂᒃ ᑐᓵᓯᒪᓂᓐᓂᒃ ᐅᖃᕐᓂᕐᓗᐊᑎᓪᓗᓯ ᐃᓴᕆᐊᓕᒥᐅᑦ ᖃᖅᑲᖏᓐᓂᒃ, ᐅᖃᕐᓗᓯ, ‘ᓱᓁᕈᑦᔭᐅᓯᒪᓕᕐᐳᑦ, ᐅᕙᑦᑎᓐᓄᑦ ᑐᓂᔭᐅᕗᑦ ᐱᑖᕆᔭᐅᖁᓪᓗᒋᑦ.’

ᐃᓯᑭᐊᓕᐅᑉ ᐊᒡᓚᖏᑦ 35:15

ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:5

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓯᖕᓇᕕᒡᔪᐊᕐᓂᕐᒧᑦ ᓂᓐᖓᐅᒪᓪᓗᖓ ᐃᓅᖃᑎᒌᒡᔪᐊᑦ, ᐄᑐᒥᐅᓕᒫᓪᓗ ᓵᓐᖓᓕᕐᐸᒃᑲ, ᖁᕕᐊᓲᑎᒋᓪᓗᒋᑦ ᒥᑕᐅᑎᒋᓪᓗᒋᓪᓗ ᑎᒍᓯᓚᐅᕐᒪᑕ ᓄᓇᖁᑎᓐᓂᒃ, ᓄᓇᑖᕆᔪᒪᓪᓗᒍ ᐱᓇᓱᐊᕐᕕᒋᔪᒪᓪᓗᒍᓗ.

ᒤᑲᐅᑉ ᐊᒡᓚᖏᑦ 4:11

ᒫᓐᓇᓕ ᐃᓅᖃᑎᒌᒡᔪᐊᑦ ᐅᓄᕐᑐᑦ ᑲᑎᕗᑦ ᐃᓕᑦᓯᓐᓂᒃ ᐊᑭᕋᕐᑐᕐᓗᑎᒃ, ᐃᒫᒡᓗ ᐅᖃᕐᓗᑎᒃ, “ᓮᐅᓂ ᐊᓯᕈᕐᑕᐅᔪᒃᓴᐅᕗᖅ! ᑕᑯᓐᓇᕐᑎᓪᓗᑕ!”

ᓘᑲᓯᐅᑉ ᐊᒡᓚᖏᑦ 19:41

ᔨᕉᓴᓕᒻ ᖃᒡᓕᓪᓗᒍ ᑕᑯᓐᓇᓕᕋᒥᐅᒃ ᖁᕝᕕᐅᕈᑎᒋᕚ,

ᔧᒥᓯᐅᑉ ᐊᒡᓚᖏᑦ 3:5

ᑍᒤᒃᑭᕗᕐᑕᐅᖅ ᐅᖃᖅ ᒥᑭᔫᒐᓗᐊᖅ ᐊᖏᔪᐊᓗᖕᓂᒃ ᐊᐅᓚᑦᓯᔪᓐᓇᕆᕗᖅ. ᓇᐹᕐᑐᐊᓗᐃᑦ ᐊᒥᓱᑦ ᐃᑯᐊᓪᓚᒃᑎᑕᐅᔪᓐᓇᕐᐳᑦ ᐃᑯᒪᒧᑦ ᒥᑭᔪᒧᑦ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

ᔫᑎᐅᑉ ᐊᒡᓚᖏᑦ 1:16

ᑖᒃᑯᐊ ᓈᒪᒃᓴᓐᖏᓐᓇᐅᔭᕐᐳᑦ, ᐊᓯᒥᖕᓂᒡᓗ ᓈᒻᒪᖏᑦᔪᑎᒃᓴᓯᐅᕐᐸᒃᓗᑎᒃ; ᐱᔪᒪᕕᒡᔪᐊᕐᑕᒥᖕᓂᒃ ᐱᐅᖏᑦᑐᓂᒃ ᒪᓕᑐᐃᓐᓇᕐᐳᑦ, ᖃᓂᑐᐃᓐᓇᕐᒥᒃᑎᒍᑦ ᐊᔪᖏᑦᑐᐊᓘᔮᕐᐳᑦ, ᐃᓄᖕᓄᑦ ᐱᐅᒋᔭᐅᑎᓐᓇᓱᐊᕐᐳᑦ ᐱᔪᒪᔭᒥᖕᓂᒃ ᐊᑐᕈᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:5

ᐆᒪᔪᐊᓗᒡᓗ ᐱᐅᔪᕆᓂᕐᒥᒃ ᐅᖃᕐᓂᕐᓗᒍᓐᓇᕐᓂᕐᒥᒡᓗ ᐅᖃᕈᓐᓇᕐᑎᑕᐅᕗᖅ, ᑍᒤᓕᐅᕈᓐᓇᕐᑎᑕᐅᕗᕐᓗ ᑕᖅᑭᓂᒃ 42ᓂᒃ;

ᓴᒧᐃᓕ ᓯᕗᓪᓖᑦ 2:3

ᐱᐅᔪᕆᓗᓯ ᐅᖃᓪᓚᒍᓐᓃᕆᑦᓯ, ᐱᐅᔪᕆᓂᕐᒥᒃ ᖃᓂᑦᓯᓐᓂᑦ ᐊᓂᔪᖃᕈᓐᓃᕐᓕᑦ; ᐊᑕᓂᖅ ᒎᑎᐅᖕᒪᑦ ᑖᓐᓇ ᖃᐅᔨᒪᔪᖅ, ᑖᑦᓱᒪᓪᓗ ᐱᓂᐊᕐᓃᑦ ᖃᐅᔨᓴᕐᐸᒃᐰᑦ.