ᐅᐸᑍᐊᑉ ᐊᒡᓚᖏᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᕿᒫᑦᑍᓕᓗᑎᑦ ᓇᖏᕈᒫᕐᐳᑎᑦ, ᓄᓇᓕᑐᖃᐅᖏᑦᑐᑦ ᐊᒃᓗᐃᑦᔪᑎᑦᓯᓐᓂᒃ ᐊᐅᓪᓚᕈᑦᔨᔪᒫᕐᒪᑕ, ᓄᓇᓕᑐᖃᐅᖏᑦᑐᓪᓗ ᐃᑎᕈᑎᒃ ᐃᑎᕐᑕᕐᕕᖏᑎᒍᑦ, ᔨᕉᓴᓕᒻᓗ ᐃᒻᒥᕋᐅᑎᒋᔪᒫᕐᐹᑦ ᓇᓚᐅᑦᑖᕈᑎᒃᑯᑦ, ᐃᕝᕕᓪᓗ ᑍᒃᑯᑎᑐᓇᖅ ᑍᒤᖃᑕᐅᔪᒫᕐᐳᑎᑦ.

ᐅᐸᑍᐊᑉ ᐊᒡᓚᖏᑦ 1:11 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 50:18

ᑎᒡᓕᑐᔪᒥᒃ ᑕᑯᒐᑦᓯ ᐊᖏᖃᑎᒋᓚᐅᕐᐸᓯ, ᓄᓕᐊᕇᖕᓂᕐᒥᒡᓗ ᐊᓯᕈᐃᔪᓂ ᑍᒤᓕᐅᖃᑕᐅᓯᒪᕗᓯ.

ᐃᓐᖏᕈᑎᑦ 83:5

ᐃᒻᒥᖕᓄᑦ ᐅᖃᖃᑎᒌᒃᓗᑎᒃ ᐊᖏᖃᑎᒌᒃᓯᒪᕗᑦ ᐃᓱᒪᖃᑎᒌᓕᕐᓗᑎᒃ; ᐋᖅᑭᒃᓱᐃᓯᒪᕗᑦ ᐊᖏᖃᑎᒌᒍᑎᓕᐅᕐᓗᑎᒃ ᐃᓕᖕᓂᒃ ᐊᑭᕋᕐᑐᕈᒪᓪᓗᑎᒃ:

ᐃᓐᖏᕈᑎᑦ 83:6

ᐄᑐᒥᒥᐅᑦ ᐃᓄᖏᑦ ᐃᓯᒤᓕᒥᐅᓪᓗ; ᒧᐊᐱᒥᐅᑦ ᕼᐊᒐᕅᒥᐅᓪᓗ;

ᐃᓯᑭᐊᓕᐅᑉ ᐊᒡᓚᖏᑦ 35:10

“ᐅᖃᓚᐅᕋᑦᓯ, ‘ᐃᓅᖃᑎᒌᒡᔪᐊᑦ ᑖᒃᑯᐊ ᒪᕐᕈᐃᑦ ᓄᓇᒋᔭᖏᓪᓗ ᐱᑖᕆᓛᕐᐸᕗᑦ, ᓄᓇᑖᕆᓗᒋᓪᓗ,’ ᐊᑕᓂᖅ ᑍᑲᓃᒃᑲᓗᐊᕐᑎᓪᓗᒍ.

ᔪᐃᓕᐅᑉ ᐊᒡᓚᖏᑦ 3:3

ᐃᓄᖁᑎᓐᓂᒡᓗ ᓇᓚᐅᑦᑖᕈᑎᒃᑯᑦ ᓂᐅᕐᕈᑎᖃᓚᐅᕐᑐᑦ, ᓄᑲᑉᐱᐊᒥᒡᓗ ᐊᑭᓕᐅᑎᖃᓚᐅᕐᐳᑦ ᐊᕐᓇᒧᑦ ᓄᓕᐊᒐᕐᒧᑦ, ᓂᕕᐊᕐᓵᒥᒡᓗ ᓂᐅᕐᕈᑎᖃᓚᐅᕐᐳᑦ ᕔᓂᒧᑦ, ᐃᒥᕈᒪᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 1:6

ᐊᑕᓂᖅ ᐃᒫᒃ ᐅᖃᕐᐳᖅ: “ᒑᓴᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐃᓄᖕᓂᒃ ᐊᐅᓪᓚᕈᑦᔨᓚᐅᕐᓂᖏᓐᓂᒃ ᐃᓘᓐᓇᖏᓐᓂᒃ ᑎᒍᔭᐅᑎᑦᓯᓪᓗᑎᒃ ᐂᑎᓪᓗᒋᓪᓗ ᐄᑐᒥᒧᑦ.

ᐂᒨᓯᐅᑉ ᐊᒡᓚᖏᑦ 1:9

ᐊᑕᓂᖅ ᐅᖃᕐᐳᖅ, “ᐱᖓᓱᓄᑦ ᑍᕆᐅᑉ ᐊᔪᕐᑐᓕᓂᖏᓐᓄᑦ, ᓯᑕᒪᖓᓪᓗᑦ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᑎᒍᔭᐅᓯᒪᔪᓕᒫᓂᒃ ᐄᑐᒥᒧᐊᕐᑎᑦᓯᓚᐅᕐᒪᑕ, ᐃᖅᑲᐅᒪᓚᐅᖏᒻᒪᑕ ᐊᖏᖃᑎᒌᖕᓂᕆᓚᐅᕐᑕᒥᖕᓂᒃ ᐃᓚᒌᑦᓯᐊᕈᒪᓂᕐᒥᒃ.

ᓇᕼᐅᒥᐅᑉ ᐊᒡᓚᖏᑦ 3:10

ᑎᐲᓯᐅᓪᓕ ᐃᓄᖏᑦ ᐊᐅᓪᓚᕈᑦᔭᐅᓕᕐᐳᑦ, ᐊᖅᑯᑏᓪᓗ ᓴᖑᖓᓂᖏᓐᓂ ᕿᑐᕐᖓᖏᑦ ᑏᒐᕆᐅᑦᔭᐅᕙᒃᓗᑎᒃ ᑐᖁᕋᕐᑕᐅᕗᑦ; ᓯᓚᑐᓂᖏᓪᓗ ᓇᓚᐅᑦᑖᕈᑎᒃᑯᑦ ᐱᑖᕐᑐᒐᐅᕗᑦ, ᓯᕗᓕᕐᑎᓕᒫᖏᓪᓗ ᐊᕐᓵᕐᑑᔭᓄᑦ ᐃᐱᕐᑐᕐᑕᐅᓪᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 2:10

ᐱᐅᔪᕆᓂᖏᑕ ᐱᓂᐊᕐᓂᕆᓚᐅᕐᑕᖏᑦ ᐱᓪᓗᒋᑦ ᑍᒤᑕᐅᔪᒫᕐᐳᑦ, ᐅᖃᕐᓂᕐᓘᑎᖃᓚᐅᕐᓂᖏᑦ ᒥᑕᐅᑎᖃᓚᐅᕐᓂᖏᓪᓗ ᐱᓪᓗᒋᑦ, ᐃᓄᖁᑎᓐᓂᒃ ᐊᑭᕋᕐᑐᓚᐅᕐᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓄᖁᑎᖏᓐᓂᒃ.