ᐅᐸᑍᐊᑉ ᐊᒡᓚᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᐊᑲᐅᖏᑦᑐᓕᓂᕆᓚᐅᕐᑕᑎᑦ ᓄᑲᕐᓄᑦ ᔧᑯᒧᑦ ᐱᑦᔪᑎᒋᓪᓗᒋᑦ, ᑲᓐᖑᓱᖕᓂᕐᒧᑦ ᐅᓕᒃᑕᐅᔪᒫᕐᐳᑎᑦ, ᓄᖑᑕᐅᓗᑎᓪᓗ ᐃᓱᖃᖏᑦᑐᒧᑦ.

ᐅᐸᑍᐊᑉ ᐊᒡᓚᖏᑦ 1:10 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 27:11

ᔧᑯᓕ ᐊᓈᓇᒥᓄᑦ ᕇᐱᑲᒧᑦ ᐅᖃᕐᐳᖅ, “ᑕᑯᒋᑦ, ᐊᖓᔪᒐ ᐄᓴ ᒥᖅᑯᖃᕐᐳᖅ, ᐅᕙᖓᓕ ᒥᖅᑯᖃᓐᖏᓚᖓ.

ᒨᓯᓯ ᓯᕗᓪᓖᑦ 27:41

ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”

ᑯᕉᓂᑲ ᐂᑉᐸᖏᑦ 28:17

ᐄᑐᒥᒥᐅᓪᓗ ᐅᐸᒍᑎᒋᐊᓪᓚᒃᑲᒥᒃ ᐅᓇᑕᕆᐊᕐᓗᑎᒃ ᔫᑕᒧᑦ ᓵᓚᒋᕔᑦ, ᑎᒍᔭᑎᒡᓗ ᐊᐅᓪᓚᕈᑎᓪᓗᒋᑦ.

ᐃᓐᖏᕈᑎᑦ 109:29

ᐊᑭᕋᕐᑐᕐᑎᒃᑲ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᑕᐅᓚᐅᕐᓕᑦ, ᓇᓗᓕᕐᓂᕐᒧᑦ ᐅᓕᒃᑕᐅᓚᐅᕐᓕᑦ, ᑕᒪᑐᒥᖓ ᕿᐱᒃᓯᒪᔪᑎᑐᑦ.

ᐃᓐᖏᕈᑎᑦ 132:18

ᑖᑦᓱᒪ ᐊᑭᕋᕐᑐᕐᑎᖏᑦ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᓐᓂᐊᕐᐸᒃᑲ, ᓂᐊᖂᑎᖓᓗ ᐊᖓᔪᖅᑳᕐᔪᐊᕐᓯᐅᑦ ᐊᖏᒡᓕᕙᓪᓕᐊᓂᐊᕐᐳᖅ.”

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 69:7

ᐱᑦᔪᑎᒋᓪᓗᑎᑦ ᓱᐊᒃᑕᐅᓂᕐᒥᒃ ᐊᑐᕋᒪ, ᑲᓐᖑᓱᖕᓂᕐᒥᒃ ᑮᓇᕋ ᐅᓕᒃᓯᒪᕗᖅ.

ᐃᓐᖏᕈᑎᑦ 89:45

ᐃᓅᓱᖕᓂᖓᑕ ᐅᓪᓗᖏᑦ ᓁᒡᓕᑎᑉᐸᑎᑦ; ᐅᓕᒡᓗᒍᓗ ᑲᓐᖑᓱᒃᑎᑕᐅᓂᕐᒥᒃ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:6

ᐃᓱᐊᕐᑐᒥ ᐃᓅᔪᑦ ᓂᐊᖁᕐᒥᐅᑕᖃᕐᐳᖅ ᓮᒻᒪᕐᑎᑕᐅᓂᕐᒥᒃ, ᐱᐅᖏᑦᑐᓪᓕ ᖃᓂᖏᑦ ᐊᓂᑦᓯᕗᑦ ᑲᑉᐱᐊᓱᒃᑎᑦᓯᓂᕐᒥᒃ ᐃᔨᕐᓯᒪᔪᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 12:14

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 49:13

ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:51

ᑲᓐᖑᓇᕐᑐᒥᒃ ᐊᑐᕐᑎᑕᐅᒐᑦᑕ, ᒥᑕᐅᑎᒋᔭᐅᓯᒪᓂᑦᑎᓐᓄᑦ ᑲᓐᖑᓱᓕᕐᐳᒍᑦ, ᐃᓅᖃᑎᒋᓚᐅᕐᓯᒪᓐᖏᑕᑦᑎᓐᓄᑦ ᑐᒃᓯᐊᕐᕕᒡᔪᐊᖅ ᐊᑕᓂᐅᑉ ᐃᑦᔪᕐᓁᑦᑐᖁᑎᖓ ᐃᓵᕐᑕᐅᓯᒪᖕᒪᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:21

ᓯᕆᒋᑦᓯ ᖁᕕᐊᓱᒡᓗᓯ ᐄᑐᒥᐅᑕᐅᔪᓯ, ᓄᓇᖃᕐᑐᓯ ᐅᔾᒥ, ᐊᓯᕈᕐᑕᐅᓂᒃᓴᓯ ᓇᓪᓕᐅᑎᓛᕐᒥᖕᒪᑦ; ᐊᓐᓄᕌᖃᖏᓪᓗᓯ ᑲᓐᖑᓇᕐᑐᒥᒃ ᐊᑐᓕᕈᒫᕆᕗᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:22

ᓮᐅᓂ ᐊᔪᕐᑐᓕᓯᒪᓂᕐᒥᓄᑦ ᐊᑭᓂᐊᕐᕕᐅᖕᒪᑦ, ᐊᑕᓂᐅᑉ ᐊᐅᓪᓚᕈᑦᔭᐅᑎᓯᒤᓐᓇᕐᓂᐊᓐᖏᓛᓯ, ᐄᑐᒥᐅᑕᐅᔪᓯᓕ ᐊᑕᓂᕐᒧᑦ ᓱᒋᐊᕐᑕᐅᔪᒫᕐᐳᓯ ᐊᔪᕐᑐᓕᓂᓯ ᓴᖅᑭᑎᑦᓱᒫᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 35:9

ᓄᓇᓯ ᓱᓇᖃᓚᐅᕐᓯᒪᔪᓐᓁᕐᑎᑦᓱᒫᕐᐸᕋ, ᐃᒡᓗᒐᓴᒡᔪᐊᓯᓗ ᐃᓄᖃᕈᓐᓁᕈᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 7:18

ᐳᑐᕐᓛᓂᒃ ᐊᓐᓄᕌᕈᒫᕐᐳᑦ, ᑲᑉᐱᐊᓱᖕᓂᕐᒧᑦ ᑕᑕᒥᓯᒪᓗᑎᒃ; ᑲᓐᖑᓱᖕᓂᖅ ᑮᓇᖏᓐᓂ ᑕᑯᒃᓴᐅᔪᒫᕐᐳᖅ, ᓂᐊᖁᑎᒡᓗ ᓴᓕᓗᒋᑦ ᓄᔧᕈᑎᔪᒫᕐᐰᑦ.

ᔪᐃᓕᐅᑉ ᐊᒡᓚᖏᑦ 3:19

ᐄᑦᔨᑉᑎᓗ ᐃᓄᖃᕈᓐᓁᕈᒫᕐᐳᖅ, ᐄᑐᒥᓗ ᓱᓇᖃᖏᓪᓗᓂ ᐃᓄᖃᔪᐃᑦᑑᓕᕈᒫᕐᐳᖅ, ᑲᑉᐱᐊᓱᑦᑎᑦᓯᓚᐅᕐᓂᖏᓐᓄᑦ ᔫᑕᐅᑉ ᐃᓄᖏᓐᓂᒃ, ᑐᖁᕅᓚᐅᕐᓂᖏᓐᓂᒃ ᐸᓯᔭᒃᓴᐅᖏᑦᑐᓂᒃ ᓄᓇᖏᓐᓂ.

ᐂᒨᓯᐅᑉ ᐊᒡᓚᖏᑦ 1:11

ᐊᑕᓂᖅ ᐃᒫᒃ ᐅᖃᕐᐳᖅ, “ᐄᑐᒥᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᖃᑕᓐᖑᑎᓂ ᓴᕕᒡᔪᐊᒧᑦ ᕿᒫᑎᓪᓗᒍ ᒪᓕᓚᐅᕐᒪᒍ, ᓂᑲᒍᓱᒐᓂᓗ ᐱᓇᓱᐊᓚᐅᕐᒪᑦ; ᓂᓐᖓᐅᒪᓂᖓᓗ ᓯᖁᑦᑎᕆᓚᐅᕐᒪᑦ ᑕᐅᕗᖓᓕᒫᖅ, ᓂᓐᖓᐅᒪᓂᓂᓗ ᑲᔪᓯᑎᓚᐅᕐᐹ ᐃᓱᖃᖏᑦᑐᒧᑦ.

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᒨᓯᓯ ᑕᓪᓕᒪᖏᑦ 23:7

“ᐄᑐᒥᒥᐅᓪᓕ ᓇᕐᕈᒋᔭᒃᓴᕆᓐᖏᓚᓯ ᑖᒃᑯᐊ ᐃᓚᑦᓯᓐᓂᑦ ᐱᓯᒪᖕᒪᑕ; ᐄᑦᔨᑉᑎᒥᐅᓪᓗᑦᑕᐅᖅ ᓇᕐᕈᒋᔭᒃᓴᕆᖏᓐᓂᕙᓯ, ᑖᒃᑯᐊ ᓄᓇᖏᓐᓂ ᓄᓇᖃᓚᐅᕐᓯᒪᒐᑦᓯ.

ᒨᓯᓯ ᑕᓪᓕᒪᖏᑦ 23:8

ᑖᒃᑯᐊ ᑭᖑᕚᖏᑕ ᐱᖓᔪᖏᓐᓂᑦ ᐃᕐᓂᐊᖑᓯᒪᔪᑦ ᐱᒋᐊᕐᓗᑎᒃ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᐅᓕᕈᓐᓇᕐᐳᑦ.”