16 ᑍᒤᖏᓐᓇᓚᐅᕐᐳᖅ: ᐅᓪᓗᒃᑯᑦ ᓄᕗᔭᐅᑉ ᐅᓕᒃᓯᒪᓚᐅᕐᐹ, ᐃᑯᒪᑐᓪᓗ ᑕᐅᑦᑐᖃᓚᐅᕐᐳᖅ ᐅᓐᓄᐊᒃᑯᑦ.
ᓄᕗᔭᒧᓪᓗ ᖁᒻᒧᖓᔪᒧᑦ ᑕᓯᐅᓚᐅᕐᐸᑎᑦ ᐅᓪᓘᑎᓪᓗᒍ, ᐅᓐᓄᒃᑯᓪᓗ ᖃᐅᒪᑎᓚᐅᕐᐸᑎᑦ ᐃᑯᒪᒧᑦ ᖁᒻᒧᖓᔪᒧᑦ ᐊᖅᑯᑎᖏᓐᓂ ᖃᐅᒻᒥᔮᖁᓪᓗᒋᑦ ᐃᖏᕐᕋᕕᒋᔭᒥᒃᑎᒍᑦ.
ᑭᓯᐊᓂᓕ ᕿᒪᓚᐅᓐᖏᓚᑎᑦ ᐃᓄᖃᖏᑦᑐᒥ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᓄᕗᔭ ᓇᐸᔪᖅ ᐅᓪᓗᕐᓯᐅᑎ ᐲᓚᐅᖏᓐᓇᕕᐅᒃ ᑕᓯᐅᕐᓯᖃᑦᑕᓚᐅᕐᑐᖅ ᐊᖅᑯᑎᒃᓴᖓᓐᓂᒃ; ᐃᑯᒪᓗ ᓇᐸᔪᖅ ᐅᓐᓄᒃᓯᐅᑎ ᐲᓚᐅᖏᓐᓇᕕᐅᒃ ᖃᐅᒪᑎᑦᓯᖃᑦᑕᓚᐅᕐᑐᖅ ᑖᒃᑯᓂᖓ, ᓇᓗᓁᕐᓯᓯᒪᖁᓪᓗᒋᑦ ᐊᖅᑯᑎᒃᓴᖏᓐᓂᒃ.
ᑖᑦᓱᒪ ᓄᕗᔭ ᐃᓯᕕᓚᐅᕐᐹ ᐅᓕᒋᔭᐅᖁᓪᓗᒍ, ᐃᑯᒪᓗ ᖃᐅᒪᑎᑦᓯᖁᓪᓗᒍ ᐅᓐᓄᒃᑯᑦ.
ᐅᓪᓘᑎᓪᓗᒍ ᑕᓯᐅᓚᐅᕐᐰᑦ ᓄᕗᔭᒃᑯᑦ, ᐅᓐᓄᐊᕐᓗ ᓈᓪᓗᒍ ᐃᑯᒪᒧᑦ ᐃᑯᐊᓚᔪᒧᑦ.
ᑕᕝᕙ ᑐᐱᖅ ᓄᕗᔭᐅᑉ ᐅᓕᒃᐹ ᐊᑕᓂᐅᓪᓗ ᓇᔫᑎᓂᖓᑕ ᖃᐅᒪᓂᖓᓄᑦ ᑐᐱᐅᑉ ᐃᓗᐊ ᓇᔪᕐᑕᐅᓕᕐᐳᖅ.
ᑍᒫᓐᖓᓪᓕ ᐃᖏᕐᕋᓂᓕᒫᖏᓐᓂ ᐊᑕᓂᐅᑉ ᓄᕗᔭᖁᑎᖓ ᐅᓪᓗᒃᑯᑦ ᑐᐱᐅᑉ ᖁᓛᓃᑉᐸᓚᐅᕐᐳᖅ, ᐅᓐᓄᒃᑯᓪᓕ ᐃᑯᒪᐅᓕᖃᑦᑕᕐᓗᓂ, ᐃᓴᕆᐊᓕᒥᐅᓕᒫᓂᑦ ᑕᑯᔭᐅᖃᑦᑕᓚᐅᕐᐳᖅ.
ᐃᖅᑬᑎᑦᓱᒪᕙᑦᓯᓕ ᐃᓅᖃᑎᒃᑲ, ᓯᕗᓕᕕᓂᕗᑦ ᓄᕗᔭᒥᒃ ᖁᓕᒥᐅᑕᖃᕐᓗᑎᒃ ᓴᐳᑎᔭᐅᓯᒪᓚᐅᕐᒪᑕ ᑕᒪᕐᒥᒡᓗ ᐃᒪᕐᒥᒃ ᐃᑳᓚᐅᕐᐳᑦ.
ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.
ᓯᕗᓂᑦᓯᓐᓂ ᑕᖕᒫᕐᓯᒪᕕᒃᓴᑦᓯᓐᓂ ᐋᖅᑭᒃᓱᐃᔭᕇᕐᓯᒪᖃᑦᑕᕋᓗᐊᕐᑎᓪᓗᒍ, ᓴᖅᑭᑎᑦᓯᔪᒪᓪᓗᓂ ᐃᓕᑦᓯᓐᓂᒃ ᑕᓯᐅᕐᓯᓂᕐᒥᓂᒃ, ᓯᕗᓂᑦᓯᓐᓂ ᐅᓐᓄᒃᑯᑦ ᐃᑯᒪᒥᒃ ᑕᑭᔪᑯᑖᒥᒃ ᓴᖅᑭᔮᕐᑎᑦᓯᖃᑦᑕᕐᐳᖅ ᐅᓪᓗᒃᑯᓪᓕ ᓄᕗᔭᒥᒃ ᑕᑭᔪᑯᑖᒥᒃ ᓯᕗᓂᑦᓯᓐᓃᑎᑦᓯᖃᑦᑕᕐᓗᓂ.”
ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.