24 ᐊᑕᓂᐅᑉ ᓮᒻᒪᕐᑎᓪᓕᓯ ᓴᐳᑎᓕᓯᓗ;
ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ.
ᒎᑎᐅᑉ ᓮᒻᒪᕐᑎᑦᓯᓂᖓᑕ, ᑐᑭᓯᔭᐅᔪᓐᓇᕐᑐᓂᑦ ᐊᖏᓂᕐᓴᐅᔫᑉ, ᐆᒻᒪᑎᓯ ᐃᓱᒪᓯᓗ ᓴᐳᑎᓯᒪᓂᐊᕐᐰᑦ ᙭ᔅᑑᓯ ᔩᓱᓯᒥ.
ᑖᓐᓇᓕ ᐃᓕᑦᓯᓐᓂᒃ ᓴᐳᑦᔨᔪᓐᓇᕐᑐᖅ ᑲᑕᖁᓇᓯ ᐸᓯᔭᒃᓴᐅᖁᓇᓯᓗ ᓵᒥᓄᑦ ᐱᓐᓇᕐᓇᕐᑐᕐᔪᐊᒧᑦ ᐂᑎᑦᓯᔪᓐᓇᕐᑐᖅ ᖁᕕᐊᓱᒃᑐᐊᓘᑎᓪᓗᓯ;
“ᐅᕙᖓ ᐊᑕᓂᐅᔪᖓ, ᕾᖁᓚᐅᕐᐸᒋᑦ ᓇᓛᒎᕐᓂᒃᑯᑦ; ᐊᒡᒐᒃᑯᑦ ᑕᓯᐅᓚᐅᕐᐸᒋᑦ, ᑲᒪᒋᑦᓯᐊᕐᓗᑎᓪᓗ; ᑐᓂᓚᐅᕐᐸᒋᑦ ᐃᓄᖕᓄᑦ ᐊᖏᖃᑎᒌᒍᑕᐅᖁᓪᓗᑎᑦ, ᖃᐅᒪᓂᐅᖁᓪᓗᑎᓪᓗ ᐃᓅᖃᑎᒌᒡᔪᐊᓄᑦ.
ᓯᓚᕐᔪᐊᕐᒦᑦᑐᓐᓃᕐᐳᖓ, ᑖᒃᑯᐊᓕ ᓱᓕ ᓯᓚᕐᔪᐊᕐᒦᑉᐳᑦ, ᒫᓐᓇ ᐃᓕᖕᓄᑦ ᕾᕗᖓ. ᐊᑖᑖᒃ ᐃᑦᔪᕐᓁᑦᑐᑎᑦ, ᓴᐳᑎᓯᒪᓚᐅᒃᑭᑦ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ ᐊᑕᐅᓯᐅᖁᓪᓗᒋᑦ, ᓲᕐᓗ ᐅᕙᒍᒃ ᐊᑕᐅᓯᐅᒐᓐᓄᒃ.
ᑖᑦᓱᒪ ᐂᖏᓕᖁᑎᓂ ᐃᓕᖕᓂᒃ ᑲᒪᑎᓐᓂᐊᕐᒪᒋᑦ, ᓴᐳᑦᔨᔨᐅᖁᓪᓗᒋᑦ ᐊᖅᑯᑎᒋᓂᐊᕐᑕᕐᓂ ᑕᒤᓐᓂ.
ᐊᑕᓂᐅᑉ ᓮᒻᒪᕐᑎᓪᓕᓯ ᓮᐅᓂᒥᑦ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!
ᑕᒪᑐᒪ ᑭᖑᓂᖓᒍᑦ ᑕᑯᒋᑦ ᐳᐊᓯ ᐱᑦᓕᐊᒥᖔᕐᐳᖅ, ᐅᖃᕐᓗᓂᓗ ᑲᑎᕐᓱᐃᔨᖁᑎᒥᓄᑦ, “ᐊᑕᓂᐅᑉ ᐃᓚᒋᓕᓯ.” ᑖᒃᑯᐊᓗ ᑭᐅᕗᑦ, “ᐊᑕᓂᐅᑉ ᓮᒻᒪᕐᑎᓪᓕᑎᑦ!”
ᓴᐳᑎᓯᒪᓚᐅᓐᖓ ᓲᕐᓗ ᐃᔨᕕᑦ ᑕᑯᓐᓇᑎᖓᑐᑦ ᐱᓐᓇᕆᔭᕐᑐᑦ; ᐃᔨᕐᓯᒪᑎᓪᓗᖓ ᐃᓴᕈᕐᐱᑦ ᑕᕐᕋᓕᓂᖏᑕ ᐊᑖᓂ,
ᓴᐳᑎᓯᒪᓂᐊᕐᐰᑦ ᓱᖁᓯᔪᐃᑦᑐᖁᑎᖏᑕ ᐃᓅᓯᖏᑦ, ᐱᐅᖏᑦᑐᓪᓕ ᐊᓯᐅᕗᑦ ᑖᕐᑐᕐᔪᐊᕐᒥ; ᐃᓄᒃ ᐱᔪᓐᓇᕐᓂᕐᒥᓄᑦ ᓵᓚᖃᕐᓂᐊᓐᖏᓚᖅ.
ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.
ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᒋᑦ ᐊᓂᕐᓂᓯ. ᐋᒥᓐ.
ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᓕᑦ, ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓇᒡᓕᒋᔭᖃᕐᑐᑦ, ᑲᔪᓯᑦᓯᐊᕐᑐᒥᒡᓗ ᐅᖓᒋᔭᖃᕐᑐᑦ ᑖᑦᓱᒥᖓ.
ᐃᓄᖁᑎᑎ ᐱᐅᓕᓚᐅᒃᑭᑦ ᓮᒻᒪᕐᑎᓪᓗᒋᓪᓗ ᑭᖑᕐᖑᑎᔭᒃᓴᑎᑦ; ᑖᒃᑯᓄᖓ ᐰᕐᓯᔨᐅᓕᕆᑦ ᐊᒡᔭᕐᓗᒋᓪᓗ ᐃᓱᖃᖏᑦᑐᒧᑦ.
“ᐅᕙᖓ ᐊᑕᓂᖅ, ᑖᑦᓱᒧᖓ ᑲᒪᔨᐅᕗᖓ; ᑍᒪᓐᖓᑦ ᐃᒻᒥᕐᐸᒡᓗᒍ, ᖃᐅᔨᓴᖃᑦᑕᕐᐸᕋ ᐅᓐᓄᐊᒃᑯᑦ ᐅᓪᓗᒃᑯᓪᓗ ᓇᓪᓕᐊᓐᓄᓪᓘᓐᓃᑦ ᐊᓯᕈᕐᑕᐅᖁᓇᒍ.
ᒎᑎᒧᑦ ᖁᔭᓕᒍᕕᑦ ᐊᓂᕐᓂᒃᑯᑦ, ᖃᓄᕐᓕ ᑕᕝᕗᓐᖓᕐᓯᒪᔪᑦ ᐱᖃᑕᐅᕙᖏᑦᑐᑦ “ᐋᒦᓐ” ᕈᓐᓇᕋᔭᕐᐹᑦ ᖁᔭᓕᓂᕆᔭᕐᓄᑦ ᑐᑭᓯᖏᓪᓗᑎᒃ ᖃᓄᐃᓕᐅᕐᒪᖔᕐᐱᑦ?
ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”
ᒫᓐᓇ ᑍᒤᒻᒪᑦ ᖁᕕᐊᒋᒍᕕᐅᒃ ᑐᒃᓯᐊᕐᐳᖓ ᐱᔨᕕᑦ ᑭᖑᕚᖏᑦ ᓮᒻᒪᕐᑎᓚᐅᒃᑭᑦ, ᑲᔪᓯᑦᓯᐊᖁᓪᓗᒋᑦ ᓵᖕᓂ; ᐃᕝᕕᑦ, ᐊᑕᓃᖅ ᒎᑏ, ᐅᖃᓚᐅᕋᕕᑦ, ᓮᒻᒪᕐᑎᑦᓯᓃᓪᓗ ᐱᔨᕕᑦ ᑭᖑᕚᖏᓐᓄᑦ ᑲᔪᓯᖁᓪᓗᒍ ᐃᓱᖃᖏᑦᑐᒧᑦ.”
ᒫᓐᓇᓕ ᒎᑏ, ᐱᔨᕕᑦ ᑐᒃᓯᐊᕐᓂᖏᑦ ᑐᒃᓯᐅᑦᔨᓂᖏᓪᓗ ᑐᓴᓚᐅᒃᑭᑦ, ᐃᑦᔪᕐᓁᑦᑐᕕᖁᑏᑦ ᓱᕋᒃᓯᒪᔪᖅ ᑮᓇᕐᐱᑦ ᖃᐅᒪᓂᖓᓄᑦ ᑕᑯᓚᐅᕈᒃ, ᐊᑕᓂᖅ ᐱᑦᔪᑎᒋᓗᒍ.
