ᒨᓯᓯ ᓯᑕᒪᖏᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐆᒪᔪᕕᓃᓪᓗ ᐹᑦᔪᕆᒥᒃ ᐊᑎᓖᑦ ᐊᒥᖏᓐᓂᒃ ᐅᓕᓕᐊᕆᓯᒪᔪᓂᒃ ᐅᓕᒡᓗᒍ, ᖄᓕᒫᖓᓗ ᐅᓕᒡᓗᒍ ᖃᓪᓗᓈᕐᑕᒥᒃ ᑐᖑᔪᕐᑐᒥᒃ; ᐊᑭᕋᐅᑎᖏᓪᓗ ᑕᑭᔪᑦ ᐃᓕᓗᒋᑦ.

ᒨᓯᓯ ᓯᑕᒪᖏᑦ 4:6 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 25:10

“ᐃᒃᓯᕐᕕᖕᒥᒃ ᓴᓇᔪᒃᓴᐅᕗᑎᑦ ᕿᔪᖕᒥᒃ ᑎᓴᒃᑕᒥᒃ ᐊᑬᑦᓯᐊᓂᒃ ᐊᑎᓕᖕᒥᒃ; ᑕᑭᓂᖃᕐᓗᒍ 110ᓂᒃ ᓯᓐᑎᒦᑕᓂᒃ, ᓯᓕᖕᓂᖃᕐᓗᒍ 66ᓂᒃ ᓯᓐᑎᒦᑕᓂᒃ, ᐳᕐᑐᓂᖃᕐᓗᒍᓗ 66ᓂᒃ ᓯᓐᑎᒦᑕᓂᒃ.

ᒨᓯᓯ ᐂᑉᐸᖏᑦ 35:19

ᑐᓂᕐᕈᓯᕐᑎᑦᓯᔩᓪᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑑᔪᑦ ᐊᑐᖃᑦᑕᕆᐊᓕᖏᑦ ᐱᓇᓱᐊᕐᓂᐊᓕᕅᒍᑎᒃ ᐃᑦᔪᕐᓁᑦᑐᕕᖕᒥ, ᐂᕉᓂᐅᓪᓗ ᐊᓐᓄᕌᒃᓴᖏᑦ ᐃᕐᓂᖏᑕᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑐᑦ ᑐᓂᕐᕈᓯᕐᑎᑦᓯᔨᓯᐅᑎᒃᓮᑦ.”

ᒨᓯᓯ ᐂᑉᐸᖏᑦ 39:1

ᐊᓐᓄᕌᓕᐅᕐᑐᓪᓗ ᐃᑦᔪᕐᓁᑦᑐᒃᓴᓂᒃ ᐊᓐᓄᕌᓕᐅᓚᐅᕐᐳᑦ ᑐᖑᔪᕐᑐᒥᒡᓗ ᐊᐅᐸᓪᓚᕆᒃᑐᒥᒡᓗ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᑐᕐᑕᐅᖃᑦᑕᕐᑐᒃᓴᓂᒃ ᐃᑦᔪᕐᓁᑦᑐᕕᖕᒥ ᐱᓇᓱᐊᕆᐊᓕᑐᐊᕈᑎᒃ. ᐂᕉᓂ ᐊᓐᓄᕌᓕᐅᕐᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔨᓯᐅᑎᓂᒃ ᐊᓐᓄᕌᓂᒃ, ᐊᑕᓂᐅᑉ ᒨᓯᓯ ᑍᒫᒃ ᐱᖁᓚᐅᕐᒪᒍ.

ᒨᓯᓯ ᐂᑉᐸᖏᑦ 39:41

ᑐᓂᕐᕈᓯᕐᑎᑦᓯᔩᓪᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑐᑦ ᑐᓂᕐᕈᓯᕐᑎᑦᓯᔨᐅᑉ ᐊᑐᖃᑦᑕᕆᐊᓕᖏᑦ ᐱᓇᓱᐊᕐᓂᐊᓕᕅᒍᑎᒃ ᐃᑦᔪᕐᓁᑦᑐᕕᖕᒥ, ᐂᕉᓂᐅᓪᓗ ᐃᕐᓂᖏᑕᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑐᑦ ᑐᓂᕐᕈᓯᕐᑎᑦᓯᔨᓯᐅᑎᒃᓮᑦ.

ᒨᓯᓯ ᓯᑕᒪᖏᑦ 4:14

ᖄᖓᓄᓗ ᐃᓕᓗᒋᑦ ᓱᓇᒃᑯᑖᑦ ᑕᕝᕙᓂ ᐱᔨᑦᓯᕐᑐᒧᑦ ᐊᑐᕐᑕᐅᓲᑦ ᐊᓪᓕᕅᓪᓗ ᐃᑯᒪᔪᒃᑯᕖᑦ, ᓂᕿᒥᒡᓗ ᑲᐳᒻᒥᑖᕈᑏᑦ, ᖃᓗᕋᐅᑏᓪᓗ, ᐅᐊᓴᕐᕖᓪᓗ, ᑐᓂᕐᕈᓯᕐᕕᖕᒥᓗ ᓱᓇᑐᐃᓐᓁᑦ ᐊᑐᕐᑕᐅᓲᑦ ᐅᓕᒃᑕᐅᔭᕆᐊᖃᕐᐳᑦ ᐆᒪᔪᐃᑦ ᐹᑦᔪᕆ ᐊᒥᖏᓐᓂᒃ ᐊᑭᕋᐅᑎᖏᓪᓗ ᐃᓕᓗᒋᑦ.

ᒨᓯᓯ ᓯᑕᒪᖏᑦ 4:25

ᑖᒃᑯᐊ ᐊᒡᔭᕐᓯᔭᕆᐊᖃᕐᐳᑦ ᑐᐱᕐᔪᐊᑉ ᑖᓗᑕᖏᓐᓂᒃ, ᑐᐱᕐᔪᐊᒥᒡᓗ ᐴᕐᓯᒪᓗᓂ, ᖄᖃᕐᓗᓂ ᐹᑦᔪᕆᑦ ᐊᒥᖏᓐᓂᒃ, ᑐᐱᕐᔪᐊᓪᓗ ᑲᑎᒪᕕᐅᑉ ᐃᑎᕐᑕᕐᕕᖓᑕ ᑖᓗᑕᖓᓂᒃ.

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.