ᒨᓯᓯ ᓯᑕᒪᖏᑦ 35:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐃᓅᖃᑎᒌᒡᔪᐊᑦ ᓴᐳᑎᔭᕆᐊᖃᕐᐹᑦ ᐃᓄᐊᕐᑐᖅ ᐊᐅᖕᒥᒃ ᐊᑭᓂᐊᕈᒪᔪᒥᑦ, ᐃᓅᖃᑎᒌᒡᔪᐊᑦ ᐅᑎᕐᑎᑦᓴᕆᐊᖃᕐᐹᑦ ᐃᒡᓗᒐᓴᒡᔪᐊᓄᑦ ᕿᒫᕕᒃᓴᓄᑦ ᕿᒫᕕᒋᓯᒪᔭᖓᓄᑦ, ᑕᕝᕙᓂᓗ ᐃᓂᖃᓕᕐᓗᓂ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐅᕐᓱᒧᑦ ᐃᑦᔪᕐᓁᑦᑐᒧᑦ ᒥᖑᐊᕐᑕᐅᓯᒪᔪᖅ ᑐᖁᓚᐅᖏᓐᓂᖓᓂ.

ᒨᓯᓯ ᓯᑕᒪᖏᑦ 35:25 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 29:7

ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᔮᓱᐊᑉ ᐊᒡᓚᖏᑦ 20:6

ᑕᕝᕙᓂ ᐃᒡᓗᒐᓴᖕᓃᑦᑐᒃᓴᐅᕗᖅ ᐃᓄᐃᑦ ᓵᖓᓂ ᐃᖅᑲᕐᑐᕐᑕᐅᓚᐅᖏᓐᓂᕐᒥᓂ, ᐅᕝᕙᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᑕᕝᕙᓃᑦᑐᖅ ᑐᖁᓚᐅᖏᓐᓂᖓᓂ: ᑭᖑᕐᖓᒍᑦ ᑖᓐᓇ ᐊᖑᑦ ᑐᖁᑦᓯᓯᒪᔪᖅ ᐅᑎᕐᑐᒃᓴᐅᕗᖅ ᐃᒡᓗᒐᓴᖕᓄᑦ ᓄᓇᒥᓄᑦ ᐃᒡᓗᒥᓄᓪᓗ ᐊᖏᕐᕋᕐᓗᓂ, ᓄᓇᒧᑦ ᕿᒪᓚᐅᕐᑕᒥᓄᑦ.’”

ᒨᓯᓯ ᐱᖓᔪᖏᑦ 21:10

“ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ, ᑖᓐᓇ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᔭᐅᓯᒪᔪᖅ ᓂᕈᐊᕐᑕᐅᓂᕐᒧᑦ, ᐊᑐᕈᓐᓇᕐᓯᑎᑕᐅᓯᒪᔪᕐᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᖏᓐᓂᒃ, ᓄᔭᕙᓪᓗᓐᖑᕐᑎᓯᒪᔭᕆᐊᖃᓐᖏᓚᖅ ᐊᓐᓄᕌᒥᓂᒡᓘᓐᓃᑦ ᐊᓕᒃᓯᓯᒪᔭᕆᐊᖃᓐᖏᓚᖅ ᕿᒃᓵᖕᓂᕐᒧᑦ ᓇᓗᓁᒃᑯᑕᕆᓇᓱᐊᕐᓗᒋᑦ.

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᓯᑕᒪᖏᑦ 35:28

ᑖᓐᓇ ᐃᒡᓗᒐᓴᒡᔪᐊᓂ ᕿᒫᕕᖕᒥ ᐃᓂᖃᑦᓮᓇᕆᐊᖃᕐᒪᑦ ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᑐᖁᓚᐅᖏᓐᓂᖓᓂ. ᑐᓂᕐᕈᓯᕐᑎᑦᔨᓪᓕ ᐊᖓᔪᖅᑳᖓᑕ ᑐᖁᓂᖓᑕ ᑭᖑᓂᖓᒍᑦ, ᐃᓄᐊᓚᐅᕐᑐᖅ ᓄᓇᖁᑎᑖᕆᓚᐅᕐᑕᒥᓄᑦ ᐅᑎᕈᓐᓇᕐᓯᕗᖅ.

ᒨᓯᓯ ᐱᖓᔪᖏᑦ 8:12

ᐂᕉᓂᓗ ᓂᐊᖁᐊᒍᑦ ᑯᕕᓯᕕᒋᕚ ᓇᐹᕐᑑᑉ ᐅᕐᓱᖓᓂᒃ ᑎᓕᔭᐅᓂᖓ ᐊᑕᓂᕐᒧᑦ ᓇᓗᓁᕐᓗᒍ.

ᒨᓯᓯ ᓯᑕᒪᖏᑦ 35:24

ᑕᕝᕙ ᐃᓅᖃᑎᒌᒡᔪᐊᑦ ᐃᖅᑲᕐᑐᐃᔨᖏᑦ ᐃᖅᑲᕐᑐᐃᔭᕆᐊᖃᓕᕐᐳᑦ ᐃᓄᐊᕐᑐᒥᒃ ᐊᐅᖕᒥᒡᓗ ᐊᑭᓂᐊᕈᒪᔪᒥᒃ ᐃᖅᑲᕐᑐᐃᓃᑦ ᐅᑯᐊ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 35:26

ᐃᓄᐊᓚᐅᕐᑐᕐᓕ ᖃᖓᑐᐃᓐᓇᖅ ᐃᒡᓗᒐᓴᒡᔪᐊᑦ ᕿᒫᕖᑦ ᑭᒫᕕᒋᓯᒪᔭᒥ ᓯᓚᑖᓄᐊᕐᐸᑦ,

ᓴᒧᐃᓕ ᐂᑉᐸᖏᑦ 14:14

ᑕᒪᑦᑕ ᑐᖁᔪᒃᓴᐅᕗᒍᑦ; ᐃᒥᕐᑐᑦ ᑍᒤᑉᐳᒍᑦ ᓄᓇᒧᑦ ᑯᕕᔭᐅᔪᑎᑐᑦ, ᑲᑎᑕᐅᓗᑎᒃ ᐅᑎᕐᑎᑕᐅᒃᑲᓐᓂᕈᓐᓁᓪᓕᔪᑎᑐᑦ; ᐊᒡᓛᑦ ᒎᑎᐅᑉ ᑐᖁᖓᔪᑦ ᐅᑎᕐᑎᖃᑦᑕᖏᒻᒪᒋᑦ, ᐊᖓᔪᖅᑳᕐᔪᐊᕐᓕ ᐃᓄᖕᒥᒃ ᐅᑎᕐᑎᑦᓯᔪᓐᓇᕐᐳᖅ ᓇᕐᕈᒋᔭᐅᓕᕐᓯᒪᔪᒥᒃ.