ᒨᓯᓯ ᓯᑕᒪᖏᑦ 35:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᑭᓂᐊᕐᑑᑉ ᐊᐅᒃ ᐃᒻᒥᓄᑦ ᐱᑎᒻᒪᒍ ᐃᓄᐊᕐᑐᖅ ᑐᖁᑦᓴᕆᐊᖃᕐᐹ; ᑲᑎᒍᓂᐅᒡᓗ, ᑐᖁᑦᓴᕆᐊᖃᕐᓗᒍ.

ᒨᓯᓯ ᓯᑕᒪᖏᑦ 35:19 ပူးပေါင်းရင်းမြစ်များ

ᔮᓱᐊᑉ ᐊᒡᓚᖏᑦ 20:5

ᐊᑭᓇᓱᐊᕐᑐᒧᓪᓕ ᕿᓂᕆᐊᕐᑕᐅᒃᐸᑦ ᒪᓕᒃᑕᐅᓗᓂ, ᐃᒡᓗᒐᓴᖕᓃᑦᑐᑦ ᐃᓄᖏᓐᓂᑦ ᕿᓂᕆᐊᕐᑐᒧᑦ ᑐᓂᔭᐅᔪᒃᓴᐅᓐᖏᓚᖅ; ᓴᐳᑎᔭᒃᓴᕆᕚᑦ ᐱᔮᕆᓇᓂ ᑐᖁᑦᓯᓚᐅᕐᓂᖓ ᐱᑦᔪᑎᒋᓗᒍ, ᑭᓯᐊᓂᓕ ᑖᑦᓱᒥᖓ ᐃᓅᖃᑎᒥᓂᒃ ᓯᕗᓂᖓᒍᑦ ᓂᓐᖓᐅᒪᕕᖃᓚᐅᕐᑐᕕᓂᐅᔪᒃᓴᐅᓐᖏᓚᖅ.

ᔮᓱᐊᑉ ᐊᒡᓚᖏᑦ 20:3

ᓇᓪᓕᐊᑦ ᐃᓅᖃᑎᒥᓂᒃ ᑐᖁᑦᓯᒍᓂ ᐱᔮᕆᖏᓪᓗᓂ ᑐᖁᑦᓯᒐᓱᐊᖏᓪᓗᓂᓘᓐᓃᑦ ᕿᒫᕕᒃᓴᖃᖁᓪᓗᒍ ᐃᒡᓗᒐᓴᖕᓄᑦ; ᑖᒃᑯᐊ ᐃᒡᓗᒐᓮᑦ ᕿᒫᕕᒃᓴᐅᖁᓪᓗᒋᑦ ᐊᑭᓂᐊᕋᓱᐊᕐᑐᓂᑦ.

ᒨᓯᓯ ᑕᓪᓕᒪᖏᑦ 19:12

ᑕᕝᕙ ᓄᓇᒋᔭᖓᓂ ᐊᖓᔪᖅᑳᖑᔪᑦ ᑖᑦᓱᒪ ᑐᖁᑕᐅᔫᑉ ᐃᓚᒋᔭᖏᓐᓂᒃ ᑎᓕᓯᒐᔭᕐᐳᑦ ᑐᖁᑦᓯᓯᒪᔪᖅ ᑎᒍᔭᐅᔭᕐᑐᖁᓪᓗᒍ ᑍᑲᓐᖓᑦ, ᐊᑭᓂᐊᕈᒪᔪᒧᓪᓗ ᑐᓂᔭᐅᓗᓂ, ᑖᓐᓇ ᑐᖁᑦᓯᔪᕕᓂᖅ ᑐᖁᑕᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 19:6

ᑐᖁᑕᐅᔪᒥᒡᓕ ᐊᑭᔪᒪᔪᖅ ᐊᒃᓱᕈᕐᓗᓂ ᑐᖁᑦᓯᔪᒥᒃ ᒪᓕᒃᐸᑦ ᐊᖑᓗᒍᓗ ᕿᒫᔪᖅ, ᐊᖅᑯᑎᐅᑉ ᓯᕕᑐᓂᖓᓄᑦ, ᐃᑭᓕᕐᓗᒍᓗ ᑐᖁᑉᐸᒍ, ᐊᖑᑦ ᑖᓐᓇ ᑐᖁᑕᒃᓴᐅᖏᒃᑲᓗᐊᕐᑎᓪᓗᒍ, ᑐᖁᑕᓂ ᐊᑭᕋᕆᓚᐅᖏᒻᒪᒍ ᓯᕗᓂᖓᓂ.

ᒨᓯᓯ ᓯᑕᒪᖏᑦ 35:21

ᐆᒥᓱᖕᓂᕐᒧᓪᓗ ᐱᒋᐊᕐᐸᒍ ᐊᒡᒐᒥᓄᑦ ᑑᕐᓗᒍ ᑐᖁᓪᓗᒍᓗ, ᑍᒤᓕᐅᕐᓯᔪᖅ ᑐᖁᑕᐅᓪᓚᕆᒋᐊᖃᕐᐳᖅ. ᐃᓄᐊᕐᑑᖕᒪᑦ; ᐊᐅᖕᒥᒡᓗ ᐊᑭᓂᐊᕐᑑᑉ ᐃᓄᐊᕐᓯᒪᔪᖅ ᑐᖁᑕᒃᓴᕆᕚ ᑲᑎᒍᓂᐅᒃ.

ᒨᓯᓯ ᓯᑕᒪᖏᑦ 35:27

ᐊᐅᒡᓗ ᐱᓪᓗᒍ ᐊᑭᓂᐊᕈᒪᔫᑉ ᖃᐅᔨᒃᐸᒍ ᐃᒡᓗᒐᓴᒡᔪᐊᑦ ᕿᒫᕖᑦ ᓯᓚᑖᓃᑦᑐᖅ, ᑕᕝᕙ ᐊᐅᒃ ᐱᓪᓗᒍ ᐊᑭᓂᐊᕈᒪᔫᑉ ᐃᓄᐊᓚᐅᕐᑐᖅ ᑐᖁᒍᓐᓇᕐᐹ, ᐊᐅᖕᒧᓪᓗ ᑕᒪᑐᒧᖓ ᐸᓯᔭᒃᓴᐅᒐᔭᓐᖏᓚᖅ.

ᒨᓯᓯ ᓯᑕᒪᖏᑦ 35:24

ᑕᕝᕙ ᐃᓅᖃᑎᒌᒡᔪᐊᑦ ᐃᖅᑲᕐᑐᐃᔨᖏᑦ ᐃᖅᑲᕐᑐᐃᔭᕆᐊᖃᓕᕐᐳᑦ ᐃᓄᐊᕐᑐᒥᒃ ᐊᐅᖕᒥᒡᓗ ᐊᑭᓂᐊᕈᒪᔪᒥᒃ ᐃᖅᑲᕐᑐᐃᓃᑦ ᐅᑯᐊ ᒪᓕᒡᓗᒋᑦ.

ᒨᓯᓯ ᓯᑕᒪᖏᑦ 35:12

ᐃᒡᓗᒐᓮᑦ ᑍᒤᑦᑐᑦ ᕿᒫᕕᒋᒐᔭᕋᑦᓯᐅᒃ ᐊᑭᓂᐊᕋᓱᐊᕐᑐᒥᑦ, ᐃᓄᖕᒥᒃ ᑐᖁᑦᓯᔪᖅ ᑐᖁᑕᐅᑲᐅᑎᒋᖁᓇᒍ ᐃᓅᖃᑎᒌᒡᔪᐊᑦ ᐃᖅᑲᕐᑐᐃᔨᖏᑕ ᓵᖓᓂ ᓇᖏᓚᐅᕐᑎᓐᓇᒍ.

ᒨᓯᓯ ᓯᕗᓪᓖᑦ 4:14

ᑕᑯᒋᑦ, ᐅᓪᓗᒥ ᓄᓇᒥᒃ ᕿᒤᑎᑉᐸᕐᒪ; ᑮᓇᕐᓂᓪᓗ ᐃᔨᕐᑕᐅᓯᒪᓂᐊᓕᕐᓗᖓ; ᕿᒫᖏᓐᓇᐅᔭᕐᓗᖓ ᐃᓂᓪᓚᔪᐃᑦᑑᓂᐊᓕᕐᐳᖓ ᓄᓇᕐᔪᐊᒥ, ᓇᓪᓕᐊᓐᓄᓪᓗ ᑕᑯᔭᐅᒍᒪ ᑐᖁᑕᐅᔪᒃᓴᐅᓕᕐᐳᖓ.”

ᒨᓯᓯ ᓯᑕᒪᖏᑦ 35:18

ᕿᔪᖕᒥᒡᓕ ᓱᒋᐅᑎᖃᕐᓗᓂ ᐊᓇᐅᒃᐸᒍ, ᑐᖁᒍᑕᐅᓪᓗᐊᕐᑐᒧᑦ, ᑐᖁᒃᐸᑦ, ᑍᒤᓕᐅᕐᑐᖅ ᐃᓄᐊᕐᑑᕗᖅ, ᐃᓄᐊᕐᑐᕐᓗ ᖁᓚᕐᓇᖏᑦᑐᒥᒃ ᑐᖁᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 35:20

“‘ᓇᓕᐊᓪᓕ ᓂᓐᖓᐅᒪᓂᕐᒧᑦ ᐃᓄᖕᒥᒃ ᐊᔭᒃᓯᒃᐸᑦ, ᐃᔨᕐᓯᒪᓗᓂᓗ ᐅᑕᖅᑭᓗᒍ, ᒥᓗᕆᐊᕐᓗᒍ ᓱᓇᑐᐃᓐᓇᕐᒧᑦ, ᑖᓐᓇᓗ ᑐᖁᒃᐸᑦ,

ᓴᒧᐃᓕ ᐂᑉᐸᖏᑦ 14:7

ᒫᓐᓇᓕ ᐃᓚᓕᒫᒃᑲ ᐅᕙᓐᓂᒃ ᐊᑭᕋᕐᑐᓕᕐᐳᑦ, ᐃᕐᓂᓐᓂᒡᓗ ᑐᖁᑦᓯᔪᒪᓪᓗᑎᒃ ᑐᖁᑦᓯᓂᕆᓚᐅᕐᑕᖓ ᖃᑕᓐᖑᑎᒥᓂᒃ ᐱᓪᓗᒍ; ᑍᒤᑐᐊᕐᐸᑕᓗ, ᐃᕐᓂᖃᕈᓐᓁᕐᓂᐊᕐᐳᖓ. ᐱᔪᓐᓇᐅᑎᑐᐊᕋᓗ ᓱᒃᑯᑕᐅᓂᐊᕐᐳᖅ ᐅᐃᒐᓗ ᐃᕐᓂᖃᕈᓐᓃᕐᓂᐊᕐᐳᖅ ᐊᑎᖓᓗ ᑲᔪᓯᑎᑦᓯᔨᒃᓴᖃᕈᓐᓃᕐᓗᓂ ᓄᓇᕐᔪᐊᒥ.”

ᓴᒧᐃᓕ ᐂᑉᐸᖏᑦ 14:11

ᐊᕐᓇᖅ ᐅᖃᕐᐳᖅ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᑍᓐᓇ ᐃᓚᒐ ᐊᑭᒋᐊᕐᑐᒃᓴᖅ ᐃᕐᓂᕐᒪ ᑐᖁᑕᐅᓚᐅᕐᓂᖓᓄᑦ ᐊᖏᓂᕐᓴᒥᒃ ᐱᓂᕐᓗᖁᓇᒍ ᐃᕐᓂᕐᒪ ᐂᑉᐸᖓᓂᒃ ᑐᖁᑦᓯᒃᐸᑦ.” ᑍᕕᑎ ᑭᐅᕗᖅ, “ᐊᑕᓂᖅ ᐃᓅᖕᒪᑦ, ᐃᕐᓂᕕᑦ ᓄᔭᖓᓂᒃ ᐊᑕᐅᓯᕐᒥᒡᓘᓐᓃᑦ ᓄᓇᒧᑦ ᑲᑕᒃᑐᖃᕐᓂᐊᓐᖏᓚᖅ.”

ᐃᓗᐊᕐᓮᔩᑦ ᐊᒡᓚᖏᑦ 8:19

ᒋᑎᐅᓂᐅᑉ ᐅᖃᐅᑎᕔᑦ, “ᑍᒃᑯᐊ ᖃᑕᓐᖑᑎᒋᓚᐅᕐᐸᒃᑲ, ᐊᓈᓇᒪ ᓇᖕᒥᓂᖅ ᐃᕐᓂᖏᑦ. ᐊᖏᕈᑎᖃᒻᒪᕆᒃᐳᖓ, ᐊᑕᓂᕐᒧᑦ ᐆᒪᔪᒧᑦ, ᑐᖁᓚᐅᖏᒃᑯᑦᓯᐅᒃ, ᑐᖁᒃᑲᔭᓐᖏᓚᑦᓯᒃ.”

ᓴᒧᐃᓕ ᐂᑉᐸᖏᑦ 3:27

ᐋᑉᓄᓕ ᑎᑭᒻᒪᑦ ᕼᐃᐸᕋᓐᒧᑦ, ᔪᐊᐱᐅᑉ ᓴᓂᕐᕙᐅᑎᓚᐅᕐᐹ ᐃᑎᕐᑕᕐᕕᐅᑉ ᓴᓂᐊᓄᑦ, ᐃᓄᑑᖃᑎᒋᓪᓗᒍ ᐅᖃᕐᕕᒋᔪᒪᔫᔮᕐᓗᓂᐅᒃ, ᑍᑲᓂᓗ ᑲᐱᕙ ᓈᖓᒍᑦ, ᑕᕝᕙᓂᓗ ᐋᑉᓄ ᑐᖁᕗᖅ, ᑐᖁᑦᓯᓚᐅᕐᓂᖓ ᐱᓪᓗᒍ ᔪᐊᐱᐅᑉ ᓄᑲᖓᓂᒃ ᐊᓴᕼᐃᐅᓪᒥᒃ.

ᓴᒧᐃᓕ ᐂᑉᐸᖏᑦ 3:30

ᑍᒤᒻᒪᑦ ᔪᐊᐱᓗ ᓄᑲᖓᓗ ᐊᐱᓮ ᑍᒫᒃ ᐊᑭᓂᐊᓚᐅᕐᐴᒃ ᐋᑉᓄᒥᒃ, ᑐᖁᑦᓯᓚᐅᕐᓂᖓ ᓄᑲᖓᓂᒃ ᐊᓴᕼᐃᐅᓪᒥᒃ ᐱᓪᓗᒍ ᐅᓇᑕᕐᑎᓪᓗᒋᑦ ᒋᐱᐅᓂᒥ.