ᒨᓯᓯ ᓯᑕᒪᖏᑦ 34:2 - ᐊᒡᓔᑦ ᐃᑦᔪᕐᖕᓁᑦᑐᑦ

² “ᐃᓴᕆᐊᓕᒥᐅᑦ ᐅᖃᕐᕕᒋᒃᑭᑦ, ᐃᒫᒃ ᐅᖃᐅᑎᓗᒋᑦ: ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯ, ᑕᒪᑦᔭ ᓄᓇ ᐃᓕᑦᓯᓐᓄᑦ ᐱᒋᔭᒃᓴᐅᓗᓂ ᑎᑭᓐᓂᐊᕐᑕᓯ ᓄᓇ ᑬᓇᓂ ᑭᒡᓕᖓᑕ ᐃᓱᐊᓂᑦ ᑭᒡᓕᖓᑕ ᐃᓱᐊᓄᑦ.

ᒨᓯᓯ ᓯᑕᒪᖏᑦ 34:2 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᐃᓐᖏᕈᑎᑦ 105:11

ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 1:14

ᑖᓐᓇ ᖁᓚᕐᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᒥᒃ, ᑖᑦᓱᒪ ᐱᓐᓇᕐᓇᕐᓂᕐᔪᐊᖓ ᓂᕐᑐᕐᑕᐅᖁᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 17:26

ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

ᐃᓯᑭᐊᓕᐅᑉ ᐊᒡᓚᖏᑦ 47:14

ᐊᕕᒃᑐᕐᑕᒃᓴᕆᕙᓯ ᑍᒤᓪᓗᐊᕐᑐᒥᒃ ᓄᓇᖁᑎᑖᕐᑎᓪᓗᒋᑦ; ᐅᖃᕕᒃᓯᒪᒐᒪ ᓯᕗᓕᕕᓂᑦᓯᓐᓄᑦ ᓄᓇᒥᒃ ᑕᒪᑐᒥᖓ ᑐᓂᓯᓂᐊᕐᓂᕋᕐᓗᖓ, ᑕᒪᓐᓇ ᓄᓇ ᑐᓂᓂᐊᕐᓂᕋᕐᓗᒍ ᐃᓕᑦᓯᓐᓄᑦ ᑭᖑᕐᖑᑎᔭᐅᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᒨᓯᓯ ᓯᕗᓪᓖᑦ 10:19

ᑬᓇᓂᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓯᒪᓚᐅᕐᐳᖅ ᓮᑐᓂᐅᑉ ᓯᕿᓂᖓᑕ ᓇᓛᓄᑦ, ᒋᕌᕐ ᒑᓴᐅᑉ ᖃᓂᒋᔮᓂᑦᑐᒧᑦ ᓱᑑᒪᐅᑉ ᒍᒨᕋᐅᓪᓗ ᓇᓛᓄᑦ ᑎᑭᓪᓗᒍ, ᓄᓇᒧᑦ ᐊᑦᒪᒧᑦ, ᔨᐳᐃᒻᓗ, ᓛᓴᐅᑉ ᑎᑭᓪᓗᒍ.

ᒨᓯᓯ ᓯᑕᒪᖏᑦ 34:1

ᐊᑕᓂᐅᓪᓗ ᒨᓯᓯ ᐅᖃᕐᕕᒋᕚ, ᐃᒫᒃ,

ᐃᓯᑭᐊᓕᐅᑉ ᐊᒡᓚᖏᑦ 47:13

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐅᑯᐊ ᑕᕝᕙ ᓄᓇᐅᑉ ᐊᕕᒃᑐᕐᓯᒪᓂᕆᔭᕆᐊᓕᖏᑦ ᑭᖑᕐᖑᑎᔭᐅᓗᑎᒃ ᐊᕕᒃᑐᕐᑕᐅᑎᑦᓴᕆᐊᓕᑎᑦ ᑭᖑᕚᖑᖃᑎᒌᓄᑦ 12ᓄᑦ ᐃᓴᕆᐊᓕᒥᐅᓄᑦ. ᔫᓯᐱᐅᓪᓕ ᑭᖑᕚᖏᑦ ᒪᕐᕈᐃᓕᖅᑲᖓᔪᒥᒃ ᓄᓇᖁᑎᑖᕐᑐᒃᓴᐅᕗᑦ.

ᒨᓯᓯ ᐂᑉᐸᖏᑦ 23:31

ᓄᓇᒋᓂᐊᕐᑕᑦᓯᓗ ᑭᒡᓕᖃᕐᑎᓐᓂᐊᕐᐸᕋ ᐃᒪᕐᒥᑦ ᐊᐅᐸᓗᒃᑕᒥᑦ ᐱᒋᐊᕐᓗᒍ ᐱᓕᔅᑍᓂᐅᑉ ᐃᒪᖓᓄᑦ ᑎᑭᓪᓗᒍ, ᐃᓄᖃᖏᑦᑐᒥᓪᓗ ᐱᒋᐊᕐᓗᒍ ᐃᕗᕅᑎᐅᑉ ᑰᖓᓄᑦ ᑎᑭᓪᓗᒍ; ᑕᒫᓂᓗ ᓄᓇᖃᕐᑐᑦ ᐃᓕᑦᓯᓐᓄᑦ ᑐᓂᓂᐊᕐᐸᒃᑲ, ᐃᓕᑦᓯᓪᓗ ᑕᒫᓐᖓᑦ ᓄᓇᒥᑦ ᐊᓂᑎᓐᓂᐊᕐᐸᓯ.

ᔮᓱᐊᑉ ᐊᒡᓚᖏᑦ 11:23

ᑕᕝᕙ ᔮᓱᐊᑉ ᓄᓇᓕᒫᖅ ᓄᓇᑖᕆᓚᐅᕐᐹ, ᑍᒫᒃ ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ; ᔮᓱᐊᓪᓗ ᐃᓴᕆᐊᓕᒥᐅᓄᑦ ᓇᖕᒥᓂᕐᑖᕆᔭᐅᑎᓚᐅᕐᐹ, ᐊᕕᒃᑐᕐᑕᐅᑎᓪᓗᒍᓗ ᑭᖑᕙᕇᓄᑦ. ᑭᖑᓂᖓᒍᓪᓗ ᐅᓇᑕᕈᓐᓃᑍᓐᓇᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 13:1

ᔮᓱᐊ ᐃᓄᑐᖃᒻᒪᕆᐅᓕᕐᑎᓪᓗᒍ ᐊᑕᓂᐅᑉ ᐅᖃᐅᑎᕙ, “ᐃᓄᑐᖃᐅᓕᕋᕕᑦ ᓄᓇᓖᑦ ᓱᓕ ᐅᓄᕐᑐᑦ ᓄᓇᑖᕆᔭᐅᔭᕆᐊᖃᕐᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 21:43

ᑍᒫᒃ ᑕᕝᕙ ᐊᑕᓂᖅ ᐃᓴᕆᐊᓕᒥᐅᓄᑦ ᓄᓇᒥᒃ ᑐᓂᓯᓚᐅᕐᐳᖅ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᓂ ᒪᓕᒡᓗᒍ ᑐᓂᓂᐊᕐᓂᕋᓚᐅᕐᑕᒥᓂᒃ; ᓄᓇᑖᕆᒐᒥᑦᔪᒃ, ᑖᒃᑯᓇᓂ ᓇᔪᒐᖃᓕᓚᐅᕐᐳᑦ.