ᒨᓯᓯ ᓯᑕᒪᖏᑦ 32:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ.

ᒨᓯᓯ ᓯᑕᒪᖏᑦ 32:23 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 59:12

ᐊᔪᕐᑐᓕᓂᕗᑦ ᐅᓄᓗᐊᓕᕐᒪᑕ ᓵᖕᓂ, ᐊᔪᕐᓂᑦᑕᓗ ᐸᓯᔭᒃᓴᐅᓂᖏᓐᓄᑦ ᐃᖅᑲᕐᑐᕐᑕᐅᓪᓗᑕ; ᐊᔪᕐᑐᓕᓂᑦᑕ ᓇᔪᕐᒪᑎᒍᑦ, ᐊᔪᕐᑐᓕᓂᕗᓪᓗ ᖃᐅᔨᒪᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:21

ᐱᓂᕐᓗᖕᓃᑦ ᐊᔪᕐᑐᓕᔪᓂᒃ ᒪᓕᒃᐳᑦ, ᐃᓱᐊᕐᑐᓪᓕ ᐱᐅᔪᒥᒃ ᐊᑭᓕᕐᑕᐅᑦᔪᑎᖃᕐᓂᐊᕐᐳᑦ.

ᒨᓯᓯ ᓯᕗᓪᓖᑦ 44:16

ᔫᑕᓗ ᐅᖃᕐᐳᖅ, “ᖃᓄᕐᓕ ᐅᖃᕈᓐᓇᕐᐱᑖ ᐊᖓᔪᖅᑳᑦᑎᓐᓄᑦ? ᖃᓄᕐᓗ ᐅᖃᐅᓯᖃᕐᓂᐊᕐᐱᑖ? ᐅᕝᕙᓗ ᖃᓄᖅ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᑦᓱᓐᓇᕐᐱᑖ? ᒎᑎᐅᑉ ᐸᓯᔭᒃᓴᐅᓂᕐᒥᒃ ᐱᔨᑎᑦ ᓇᓂᓯᕕᒋᓯᒪᕔᑦ; ᑕᑯᒋᑦ, ᐊᖓᔪᖅᑳᒪ ᓯᐊᓛᕐᑖᕆᕚᑎᒍᑦ, ᑕᒪᑦᑕ ᐅᕙᒍᑦ ᑖᓐᓇᓗ ᐃᒥᐅᑎᖕᓂᒃ ᓇᓂᓯᕕᐅᓯᒪᔪᖅ.”

ᐃᓐᖏᕈᑎᑦ 90:8

ᐊᔪᕐᑐᓕᓂᕗᑦ ᓵᖕᓄᑦ ᐱᑎᑉᐸᑎᑦ, ᐊᔪᕐᓂᕗᓪᓗ ᐃᔨᕐᓯᒪᔭᕗᑦ ᑮᓇᕐᐱᑦ ᖃᐅᒻᒪᒃᑎᑉᐰᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᒨᓯᓯ ᓯᕗᓪᓖᑦ 4:7

ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᕐᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᕐᑐᓕᓂᐅᑉ ᐅᑕᖅᑭᕚᑎᑦ ᐃᑎᕐᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᕐᐸᑦ.”

ᕉᒪᒥᐅᓄᑦ 2:9

ᐅᖁᒤᓐᓇᕐᑐᖃᕈᒫᕐᐳᖅ ᐃᓱᒫᓗᓇᕐᑐᖃᕈᒫᕐᓗᓂᓗ ᐃᓄᓕᒫᓄᑦ ᐊᔪᕐᑐᓕᔪᓄᑦ, ᔫᑎᓄᑦ ᓯᕗᓪᓕᕐᒥᒃ ᒍᕇᑭᓄᓪᓗ,

ᐂᓮᐊᓯᐅᑉ ᐊᒡᓚᖏᑦ 3:11

ᑲᑉᐱᐊᓐᓇᒦᒃ ᐸᓯᔭᒃᓴᐅᔪᖅ! ᑖᓐᓇ ᐱᐅᖏᑦᑐᐊᓗᖕᒥᒃ ᓯᕗᓂᖃᕐᒪᑦ, ᐊᒡᒐᖏᑕ ᐱᓂᐊᕐᓯᒪᔭᖏᑦ ᑖᑦᓱᒧᖓ ᐊᑭᓕᐅᑕᐅᔪᒫᕐᒪᑕ.

ᐃᓐᖏᕈᑎᑦ 140:11

ᐊᓯᒥᓂᒃ ᓱᓕᖏᑦᑐᒥᒃ ᐅᖃᐅᓯᖃᓲᑦ ᓄᓇᒥ ᐋᖅᑭᒃᓯᑎᑦᑍᓕᒃᑭᑦ; ᐱᐅᖏᑦᑐᖅ ᐱᓇᓱᐊᓚᐅᕐᓕ ᑲᑉᐱᐊᓵᕆᔪᓂᒃ ᑐᖁᓪᓗᒋᓪᓗ.

ᐃᓐᖏᕈᑎᑦ 139:11

ᐅᖃᕋᔭᕈᒪ, “ᖁᓚᕐᓇᓐᖏᓚᖅ ᑖᕐᑐᕐᔪᐊᒧᑦ ᐅᓕᒃᑕᐅᓯᒪᓂᐊᕋᒪ, ᖃᐅᒪᔪᕐᓗ ᓇᔪᕐᑕᕋ ᐅᓐᓄᐊᓐᖑᕐᑎᑕᐅᓗᓂ.”

ᒨᓯᓯ ᓯᕗᓪᓖᑦ 13:13

ᓱᑑᒪᐅᓪᓗ ᐃᓄᖏᑦ ᐱᐅᖏᑦᑐᓕᔨᐊᓘᓚᐅᕐᐳᑦ, ᐊᔪᕐᑐᓕᔪᕐᔪᐊᖑᓪᓗᑎᒡᓗ ᐊᑕᓂᕐᒧᑦ.

ᔮᓱᐊᑉ ᐊᒡᓚᖏᑦ 7:18

ᔭᑉᑍᓪᓗ ᐃᓚᖏᑦ ᕾᖁᔭᐅᕗᑦ, ᐊᖑᑎᑦ ᐃᓛᒃᑯᕐᑎᑕᐅᖕᒪᑕ, ᐂᑲᓐᓗ, ᑳᕐᒥᐅᑉ ᐃᕐᓂᖓ ᔮᑉᑎᐅᑉ ᐃᕐᖑᑕᖓ, ᔨᕋᐅᑉ ᑭᖑᕚᖓ ᔫᑕᐅᑉ ᑭᖑᕚᖏᓐᓂᑦ ᓇᓗᓁᕐᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:22

ᐱᐅᖏᑦᑐᖅ ᓇᖕᒥᓂᖅ ᐊᔪᕐᑐᓕᓂᕐᒥᓄᑦ ᑎᒍᔭᐅᑎᑉᐳᖅ, ᓇᖕᒥᓂᖅ ᓄᓗᐊᓕᐊᕆᓯᒪᔭᒥᓄᑦ ᐊᔪᕐᓂᕐᒧᑦ ᐃᐱᕐᑕᐅᕗᖅ.

ᔫᓇᐅᑉ ᐊᒡᓚᖏᑦ 1:7

ᐅᒥᐊᕐᑐᕐᑏᓪᓗ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ ᐅᖃᕐᓗᑎᒡᓗ: “ᐊᑏ ᓇᓚᐅᑦᑖᓚᐅᕐᑕ ᑭᓇ ᐱᑦᔪᑎᒋᓪᓗᒍ ᐊᑲᐅᖏᑦᑐᒥᒃ ᑕᒪᑐᒥᖓ ᐱᑎᑕᐅᖕᒪᖔᑦᑕ ᖃᐅᔨᖁᓪᓗᑕ.” ᓇᓚᐅᑦᑖᓕᕐᐳᑦ ᑕᕝᕙ, ᓇᓚᐅᑦᑖᕈᑎᐅᓪᓗ ᔫᓇᐅᑉ ᐊᑎᖓ ᓇᓚᐅᑉᐹ.

ᓴᒧᐃᓕ ᐂᑉᐸᖏᑦ 3:39

ᐅᓪᓗᒥᓗ ᓴᓐᖐᑦᑑᓕᕐᐳᖓ, ᐊᖓᔪᖅᑳᕐᔪᐊᖑᖁᓪᓗᖓ ᓂᕈᐊᕐᑕᐅᓯᒪᒐᓗᐊᕐᓗᖓ; ᑖᒃᑯᐊ ᔨᕈᐃᐊᐅᑉ ᐃᕐᓂᖏᑦ ᐅᑯᒤᓗᐊᕐᒪᑕ ᐅᕙᓐᓄᑦ. ᐊᑕᓂᐅᑦᑐᖅ ᓱᒋᐊᕐᓕᒋᑦ ᐱᐅᖏᑦᑐᓕᔪᑦ ᐱᓇᓱᐊᕐᓂᕆᓯᒪᔭᖏᑦ ᒪᓕᒡᓗᒋᑦ!”

ᐊᑕᓃᑦ ᓯᕗᓪᓖᑦ 2:32

ᐊᑕᓂᖅ ᓱᒋᐊᕐᓯᓂᐊᕐᐳᖅ ᔪᐊᐱᒥᒃ ᐸᓯᔭᒃᓴᐅᖏᑦᑐᓂᒃ ᐃᓄᐊᕐᓯᓂᕆᓚᐅᕐᑕᖓ ᐱᑦᔪᑎᒋᓗᒍ, ᐃᓄᐊᕐᓯᓚᐅᕐᒪᑦ ᐊᑖᑕᒐ ᑍᕕᑎ ᖃᐅᔨᓐᖏᑎᓪᓗᒍ, ᑖᑦᓱᒪᓐᖓᑦ ᑍᒃᑯᐊ ᐃᓄᑦᓯᐊᕙᐅᓂᕐᓴᐅᓚᐅᕐᒪᑕ: ᐋᑉᓄ ᓂᕆᐅᑉ ᐃᕐᓂᖓ, ᐃᓴᕆᐊᓕᒃᑯᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦ, ᐊᒪᓴᓗ ᔨᑎᕆᐅᑉ ᐃᕐᓂᖓ ᔫᑕᒃᑯᑦ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖅ.

ᐊᑕᓃᑦ ᓯᕗᓪᓖᑦ 2:33

ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:16

ᐃᓱᐊᕐᑐᓕᔪᖅ 7ᐃᕐᑐᕐᓗᓂ ᐅᕐᕈᒐᓗᐊᕈᓂ, ᒪᑭᖃᑦᑕᕐᓂᐊᕐᒪᑦ, ᐱᐅᖏᑦᑐᓕᔪᕐᓕ ᐅᕐᕈᑎᑕᐅᕗᖅ ᑲᑉᐱᐊᓇᕐᑐᑎᒍᑦ.