ᒨᓯᓯ ᓯᑕᒪᖏᑦ 31:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐅᓇᑕᕆᐊᕐᓯᒪᓚᐅᕐᑐᑦ, ᑐᓂᔭᒃᓴᒥᖕᓂᒃ ᐊᑕᓂᕐᒧᑦ ᓴᓂᕐᕔᔭᕆᐊᖃᕐᐳᑦ, ᐱᑖᒥᖕᓂᑦ 500ᓂᑦ ᐊᑕᐅᓯᕐᒥᒃ, ᐃᓄᖕᓂᒃ, ᐃᒻᒧᕐᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᒎᑦᓯᓂᒡᓗ ᐆᒪᔪᓂᒡᓗ ᐊᓯᖏᓐᓂᒃ.

ᒨᓯᓯ ᓯᑕᒪᖏᑦ 31:28 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 18:26

“ᓕᕔᑎᑦ ᐅᖃᕐᕕᒋᒃᑭᑦ, ᐃᒫᒃ ᐅᖃᕐᓗᑎᑦ: ‘ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᖏᓐᓂᒃ ᐱᔭᕌᖓᑦᓯ ᐃᓕᑦᓯᓐᓄᑦ ᑐᓂᔭᓐᓂᒃ ᐃᓕᑦᓯᓐᓄᑦ ᐱᔭᐅᔭᕆᐊᖃᕐᑐᓂᒃ, ᑕᕝᕙ ᐊᑕᓂᕐᒧᑦ ᑐᓂᕐᕈᓯᕆᐊᖃᕐᐳᓯ ᐃᓵᒃᑕᕈᑎᒋᓗᒍ ᑕᓪᓕᒪᐅᔪᐃᕈᑎᐅᓯᒪᔪᑦ ᑕᓪᓕᒪᐅᔪᖏᓐᓂᒃ.

ᒨᓯᓯ ᓯᑕᒪᖏᑦ 31:47

ᐃᓴᕆᐊᓕᒥᐅᓄᑦ ᑐᓂᔭᐅᔪᓂᑦ, ᒨᓯᓯ ᑖᒃᑯᓇᓐᖓᑦ ᐊᑐᓂᑦ ᑎᒍᓯᓚᐅᕐᐳᖅ 50ᐅᓈᕐᑎᕐᑐᓂᒃ, ᐃᓄᖕᓂᒃ, ᐆᒪᔪᓂᒡᓗ, ᑐᓂᓪᓗᒋᓪᓗ ᓕᕔᑎᓄᑦ, ᐊᑕᓂᐅᑉ ᑐᐱᕐᔪᐊᖁᑎᖓᓂᒃ ᑲᒪᔨᐅᔪᓄᑦ, ᑍᒫᑦ ᒨᓯᓯ ᐊᑕᓂᐅᑉ ᐱᖁᓚᐅᕐᒪᒍ.

ᒨᓯᓯ ᓯᑕᒪᖏᑦ 31:30

ᐃᓴᕆᐊᓕᒥᐅᓪᓗ ᐱᔭᒃᓴᖏᓐᓂᑦ 50ᓂᑦ ᑕᒫᑦ ᐊᑕᐅᓯᕐᒥᒃ ᑎᒍᓯᔭᕆᐊᖃᕐᐳᑎᑦ, ᐃᓄᖕᓂᒃ, ᐃᒻᒧᒃᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᐆᒪᔪᓕᒫᓪᓗ, ᓕᕔᑎᓄᑦ ᑐᓂᓗᒋᑦ ᐊᑕᓂᐅᑉ ᑐᐱᕐᔪᐊᖁᑎᖓᓂ ᑲᒪᔨᐅᔪᓄᑦ.”

ᒫᑎᐅᓯᐅᑉ ᐊᒡᓚᖏᑦ 22:21

ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 18:7

ᑕᒪᓐᓇ ᓇᓪᓕᐅᑎᒃᐸᑦ ᑐᓂᕐᕈᑏᑦ ᐂᑦᑑᑎᒋᔭᐅᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐃᓅᖃᑎᒌᒡᔪᐊᓂᑦ ᐊᖏᔫᑕᐅᓪᓗᑎᒃ ᕾᕋᑦᑐᓂᒃ ᐅᕕᓂᖃᕐᑐᓂᑦ, ᐃᓄᖕᓄᑦ ᑲᑉᐱᐊᒋᔭᐅᔪᓄᑦ ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐃᓅᖃᑎᒌᒡᔪᐊᓄᑦ ᐊᔪᖏᑦᑐᕐᔪᐊᓄᑦ ᓵᓚᖃᕐᐸᒃᑐᓄᑦ, ᓄᓇᖏᑦ ᑰᖕᓄᑦ ᑭᒡᓕᓕᐅᕐᑕᐅᓯᒪᔪᓄᑦ, ᓮᐅᓂᐅᑉ ᖃᖅᑲᖓᓄᐊᕈᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐊᑎᖃᕐᕕᒋᔭᖓᓂ.

ᑯᕉᓂᑲ ᓯᕗᓪᓖᑦ 18:11

ᑕᒪᒃᑯᐊᑦᑕᐅᖅ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᑕᓂᕐᒧᑦ ᐂᑦᑑᑎᒋᓚᐅᕐᐰᑦ, ᓯᐅᓪᕕᕇᑦ ᒎᓗᐃᓪᓗ ᐃᓅᖃᑎᒌᒡᔪᐊᓂᑦ ᐱᓚᐅᕐᑕᓂ ᐅᑯᓇᓐᖓᑦ ᐄᑐᒥᒥᑦ, ᒧᐊᐱᒥᑦ, ᐊᒧᓁᑎᒥᓪᓗ ᐱᓕᔅᑍᓂᒥᐅᓂᑦ, ᐊᒪᓕᒃᑯᓐᓂᓪᓗ.

ᔮᓱᐊᑉ ᐊᒡᓚᖏᑦ 6:24

ᑕᕝᕙ ᐃᒡᓗᒐᓮᑦ ᐃᑯᐊᓪᓚᒃᐰᑦ, ᓱᓇᓕᒫᑦ ᐃᓗᐊᓃᑦᑐᑦ ᓄᖑᓪᓗᒋᑦ; ᐊᒥᐊᒃᑯᑐᐊᖃᓚᐅᕐᐳᑦ ᒎᓗᓂᒃ, ᓯᐅᓪᕕᕆᓂᒃ, ᑲᓐᓄᔭᓂᒃ ᓴᕕᕋᔭᖕᓂᒡᓗ, ᑖᒃᑯᐊᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᐊᕐᑕᐅᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 6:19

ᓯᐅᓪᕕᕆᓕᒫᑦ ᒎᓗᐃᓪᓗ, ᑲᓐᓄᔧᓪᓗ ᓴᕕᕋᔧᓪᓘᓐᓃᑦ, ᓴᓂᕐᕙᒃᑕᐅᔪᒃᓴᐅᕗᑦ ᐊᑕᓂᕐᒧᑦ; ᐃᓕᔭᐅᔪᒃᓴᐅᕗᓪᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᑦ.”

ᒨᓯᓯ ᓯᑕᒪᖏᑦ 18:21

“ᑕᑯᒋᑦ, ᓕᕔᑉ ᑭᖑᕚᖏᑦ ᑐᓂᓯᕕᒋᕙᒃᑲ ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᓕᒫᖏᓐᓂᒃ ᑖᒃᑯᓄᖓ ᐱᒃᓴᕆᔭᐅᖁᓪᓗᒋᑦ ᐱᓇᓱᐊᕐᓂᖏᓐᓄᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᓂᖏᑦ ᐱᓪᓗᒋᑦ.

ᒨᓯᓯ ᓯᕗᓪᓖᑦ 14:20

ᒎᑎ ᖁᑦᓯᖕᓂᕐᐹᖑᔪᖅ ᖁᔭᒋᔭᐅᓕ, ᑖᓐᓇ ᐃᓕᖕᓂᒃ ᓵᓚᖃᕐᑎᑦᓯᖕᒪᑦ ᐊᑭᕋᕐᑐᕐᑎᖕᓂᒃ!” ᐂᑉᕋᐅᓪᓗ ᒥᓪᑭᓯᑎ ᑐᓂᓯᕕᒋᕚ ᓵᓚᖃᕐᓂᒃᑯᑦ ᐱᑖᕆᔭᒥ ᑕᓪᓕᒪᐅᔪᖏᓐᓂᒃ.

ᒨᓯᓯ ᓯᑕᒪᖏᑦ 31:29

ᑖᒃᑯᐊ ᐊᕝᕙᖏᑦ ᑎᒍᒃᑭᑦ, ᑐᓂᓗᒋᓪᓗ ᑐᓂᕐᕈᓯᕐᑎᑦᓯᔨᒧᑦ ᐃᓕᓯᕆᒧᑦ ᐃᓵᒃᑕᕈᑎᑐᑦ ᑐᓂᕐᕈᑕᐅᖁᓪᓗᒋᑦ ᐊᑕᓂᕐᒧᑦ.

ᔮᓱᐊᑉ ᐊᒡᓚᖏᑦ 9:27

ᐅᓪᓗᒥ ᑖᑦᓱᒪᓂ ᔮᓱᐊᑉ ᐱᔨᓐᖑᕐᑎᓚᐅᕐᐰᑦ, ᕿᔪᖕᓂᒃ ᓇᑲᑎᕆᔨᓐᖑᕐᓗᑎᒃ ᐃᒥᕐᑕᕐᑎᐅᓕᕐᓗᑎᒡᓗ ᐃᓴᕆᐊᓕᒥᐅᓄᑦ ᐊᑕᓂᐅᓪᓗ ᑐᓂᕐᕈᓯᕐᕕᖁᑎᖓᓄᑦ, ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒤᓕᐅᕐᐳᑦ ᐊᑕᓂᐅᑉ ᑐᒃᓯᐊᕆᐊᕐᑐᕐᕕᐅᖁᔭᖓᓄᑦ, ᐱᓇᓱᐊᕐᑎᐅᓪᓗᑎᒃ.

ᑯᕉᓂᑲ ᐂᑉᐸᖏᑦ 15:11

ᐊᑕᓂᕐᒧᑦ ᑐᓂᕐᕈᓯᕐᐳᑦ ᐅᓪᓗᒥ ᑕᕝᕙᓂ, ᓇᒡᕚᕐᑖᕕᓂᕐᒥᖕᓂᒃ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 700ᓂᒃ ᓰᐱᓂᒡᓗ 7,000ᓂᒃ.