ᒨᓯᓯ ᓯᑕᒪᖏᑦ 31:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓱᓇᑐᐃᓐᓁᑦ ᐃᑯᒪᒧᑦ ᓄᖑᑕᐅᔪᓐᓇᖏᑦᑐᑦ, ᐃᑯᐊᓚᔪᒃᑰᕐᑎᑦᓴᕆᐊᖃᕐᐸᓯ, ᓴᓗᒻᒪᕐᓂᐊᕐᒪᑕ; ᓴᓗᒻᒪᕐᓴᕐᓂᐊᕐᐳᑦ ᐃᒥᕐᒧᑦ ᓴᓗᒻᒪᕐᓴᐅᑎᓕᐊᕆᓯᒪᔪᒧᑦ. ᐊᓯᖏᓪᓕ ᐃᑯᒪᒧᑦ ᓄᖑᑕᐅᔪᓐᓇᕐᑐᑦ ᐃᒪᕐᒧᑦ ᓴᓗᒻᒪᕐᓴᕆᐊᖃᕐᐸᓯ.

ᒨᓯᓯ ᓯᑕᒪᖏᑦ 31:23 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 19:9

ᐊᖑᑎᐅᓪᓕ ᓴᓗᒤᓕᓯᒪᖏᑦᑑᑉ ᐊᕐᓇᓪᓘᑉ ᐃᒻᒧᒃᓯᐅᒐᐅᑉ ᐊᕐᔭᓕᓂᖏᑦ ᓄᐊᒋᐊᖃᕐᐰᑦ, ᐃᓕᓗᒋᓪᓗ ᓴᓗᒪᓂᕋᕐᑕᐅᔪᒧᑦ ᑕᖕᒫᕐᓯᒪᕕᐅᑉ ᓯᓚᑖᓂ, ᑍᑲᓂ ᐃᓂᖃᕐᑎᑕᐅᔭᕆᐊᖃᕐᐳᖅ ᑲᑎᒪᔪᕐᔪᐊᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᐃᒥᕐᒧᑦ ᓴᓗᒻᒪᕐᓴᐅᑕᐅᓗᓂ; ᐊᔪᕐᓂᐅᑉ ᓴᓗᒪᑦᓯᐊᓕᕈᑎᒃᓴᖓᓄᑦ.

ᒨᓯᓯ ᓯᑕᒪᖏᑦ 19:17

“ᐃᓄᒃ ᓴᓗᒤᓕᓯᒪᔪᖅ ᐱᓪᓗᒍ, ᐃᒻᒧᒃᓯᐅᒐᐅᑉ ᐊᕐᓇᓪᓘᑉ ᐃᒥᕐᒧᑦ ᓴᓗᒻᒪᕐᓴᐅᑎᒃᓴᐅᓗᓂ ᐊᔪᕐᓂᕐᒧᑦ ᐃᑯᐊᓚᑎᑕᐅᓯᒪᔫᑉ, ᐊᕐᔭᓕᓂᖏᑕ ᐃᓚᖏᓐᓂᒃ ᐱᔭᕆᐊᖃᕐᐳᑦ, ᐃᒥᕐᒥᒃ ᑯᕕᔪᒥᒃ ᐊᖅᑯᓵᕐᕕᒋᓗᒋᑦ ᐃᓗᓕᖃᕐᑐᒧᑦ ᑯᕕᑎᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:13

ᓴᓇᓯᒪᔭᖏᑦ ᐊᑐᓂᑦ ᖃᓄᐃᑦᑑᖕᒪᖔᑕ ᓴᖅᑭᑎᑕᐅᔪᒫᕐᐳᑦ; ᐅᓪᓘᑉ ᑍᑦᓱᒪ ᖃᐅᒪᔪᒧᑦ ᓴᖅᑭᑎᑦᓯᐊᕈᒫᕐᒪᒋᑦ, ᓇᓗᓁᕐᑕᐅᔪᒫᕐᒪᑕ ᐃᑯᒪᒧᑦ, ᐃᑯᒪᒧᓪᓗ ᐊᑐᓂᑦ ᐆᒃᑐᕐᑕᐅᔪᒫᕐᐳᑦ ᓴᓇᓯᒪᔭᖏᑦ ᖃᓄᖅ ᐱᓇᓱᐊᕐᑕᐅᓯᒪᖕᒪᖔᑕ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.

ᐲᑦᑐᕉᓯ ᓯᕗᓪᓖᑦ 4:12

ᓇᒡᓕᖕᓇᕐᑐᓯ, ᑲᒪᓂᐊᕐᑍᓕᒋᑦᓯ ᒫᓐᓇ ᐊᒃᓱᕈᖕᓇᕐᑐᒦᑎᑕᐅᓗᐊᕐᓂᓯ ᐱᑦᔪᑎᒋᓗᒍ, ᐆᒃᑐᕋᕐᑕᐅᑦᔪᑎᒋᒐᑦᓯᐅᒃ ᐊᑦᔨᐅᖏᑦᑐᒥᒃ ᐊᑐᕋᓱᒋᑦᑍᓕᒋᑦᓯ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᒨᓯᓯ ᓯᑕᒪᖏᑦ 8:7

ᐃᒫᒃ ᐱᓂᐊᕐᐳᑎᑦ ᑖᒃᑯᓂᖓ ᓴᓗᒻᒪᕐᓮᓗᑎᑦ, ᐃᒥᕐᒧᑦ ᓯᕐᐸᕐᓴᕐᓗᒋᑦ ᓴᓗᒻᒪᕐᓮᑦᔪᑎᒋᓗᒍ, ᑎᒥᓕᒫᑎᒃ ᒥᖅᑯᐃᔭᕆᐊᖃᕐᐰᑦ, ᐊᓐᓄᕌᑎᒡᓗ ᐅᐊᓴᕐᓗᒋᑦ, ᐃᒻᒥᖕᓂᒃ ᓴᓗᒪᑦᓯᐊᓕᖁᓪᓗᒋᑦ.

ᒨᓯᓯ ᐱᖓᔪᖏᑦ 15:17

ᐊᓐᓄᕌᑦ ᓱᓇᑐᐃᓐᓁᑦ ᐆᒪᔫᓪᓘᓐᓃᑦ ᐊᒥᕕᓂᖏᑦ ᐅᓱᖕᒥᑦ ᒪᕿᕕᐅᓯᒪᔪᑦ ᐅᐊᓴᕐᑕᐅᔭᕆᐊᖃᕐᐳᑦ ᐃᒥᕐᒧᑦ ᓴᓗᒤᑦᑑᓂᐊᕐᓗᑎᒡᓗ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 11:32

ᑖᒃᑯᐊᓗ ᓇᓪᓕᐊᑦ ᑐᖁᒃᐸᑦ ᑲᑕᒡᓗᓂᓗ, ᑐᕝᕕᒋᔭᖓ ᓱᓇᐅᒐᓗᐊᕐᐸᑦ ᓴᓗᒤᑦᑑᓂᐊᕐᐳᖅ, ᕿᔫᒃᐸᓪᓘᓐᓃᑦ, ᖃᓪᓗᓈᕐᑕᐅᒃᐸᒡᓘᓐᓃᑦ, ᐆᒪᔪᓪᓘᓐᓃᑦ ᐊᒥᕆᒃᐸᒍ, ᐃᒃᐱᐊᕐᔫᒃᐸᓪᓘᓐᓃᑦ, ᐃᒥᕐᒧᐊᕐᑕᐅᔪᒃᓴᐅᕗᖅ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ, ᑭᖑᓂᖓᒍᑦ ᑕᕝᕙ ᓴᓗᒻᒪᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 31:22

ᑭᓯᒥ ᒎᓗᐃᑦ, ᓯᐅᓪᕕᕇᓪᓗ, ᖃᑯᕐᓖᓪᓗ, ᓴᕕᕋᔧᓪᓗ, ᐊᒥᕐᑍᓪᓗ, ᑯᓯᕐᓯᐊᓪᓗ,

ᒨᓯᓯ ᓯᑕᒪᖏᑦ 31:24

ᐊᓐᓄᕌᓯ ᐅᐊᓴᕆᐊᖃᕐᐸᓯ ᐅᓪᓗᐃᑦ 7ᖓᓂ ᓴᓗᒻᒪᕐᓗᓯᓗ, ᑭᖑᓂᖓᒍᑦ ᑕᖕᒫᕐᓯᒪᔪᓄᑦ ᐃᑎᕈᓐᓇᕐᓯᓂᐊᕐᐳᓯ.”

ᒨᓯᓯ ᐂᑉᐸᖏᑦ 19:10

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᒨᓯᓯ ᐂᑉᐸᖏᑦ 19:14

ᑕᕝᕙ ᒨᓯᓯ ᖃᖅᑲᒥᑦ ᐊᑎᕐᐳᖅ ᐃᓄᖕᓄᐊᕐᓗᓂᓗ, ᐅᖃᐅᑎᕔᑦ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖁᓪᓗᒋᑦ ᐊᓐᓄᕌᒥᖕᓂᒡᓗ ᐅᐊᓴᓕᕐᐳᑦ,