ᒨᓯᓯ ᓯᑕᒪᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑖᒃᑯᐊ ᑖᑦᓱᒪ ᐱᔭᕆᐊᖃᕐᑕᖏᓐᓂᒃ ᑲᒪᔨᐅᓂᐊᕐᒪᑕ, ᐃᓄᒋᐊᒃᑐᕐᔪᐊᓪᓗ ᑐᒃᓯᐊᕆᐊᕐᐸᒃᑐᑦ ᐱᔭᕆᐊᖃᕐᑕᓕᒫᖏᓐᓂᒃ ᑲᒪᔨᐅᓂᐊᕐᒪᑕ, ᑐᐱᕐᔪᐊᒥ ᐱᔭᕆᐊᖃᕐᑐᓕᒫᓂᒃ ᐱᓕᕆᔨᐅᓂᐊᕐᐳᑦ.

ᒨᓯᓯ ᓯᑕᒪᖏᑦ 3:7 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 1:50

ᓕᕔᑎᒃᑯᓪᓕ ᑎᓕᓂᐊᕐᐸᑎᑦ ᑲᒪᔨᐅᖁᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᓗᓕᖏᓐᓂᒃ ᑕᒤᓐᓂᒃ ᑲᒪᔨᐅᓗᑎᒃ, ᐱᒋᔭᖏᓐᓂᒡᓗ; ᑐᐱᕐᔪᐊᖅ ᑲᑎᒪᕕᒃ ᐊᒡᔭᖃᑦᑕᕆᐊᖃᕐᐹᑦ ᐃᓗᓕᖏᓪᓗ; ᑲᒪᒋᔭᕆᐊᖃᕐᐹᑦ ᖃᓂᒋᔭᖓᓂᓗ ᑐᐱᖃᕐᓗᑎᒃ.

ᒨᓯᓯ ᓯᑕᒪᖏᑦ 8:15

ᑕᒪᑐᒪ ᑭᖑᓂᖓᒍᑦ ᓕᕔᑎᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ ᐃᑎᕐᓂᐊᕐᐳᑦ ᐱᔨᑦᓯᕆᐊᕐᑐᓕᕐᓗᑎᒃ. ᑍᒫᒃ ᓴᓗᒻᒪᕐᓴᕆᐊᖃᕐᐸᓯ ᑐᓂᕐᕈᑎᒋᓗᒋᓪᓗ ᐃᓵᒃᑕᕈᑎᔭᐅᔪᑐᑦ ᑐᓂᕐᕈᑎᒃᓴᑐᑦ.

ᒨᓯᓯ ᓯᑕᒪᖏᑦ 8:11

ᐂᕉᓂᐅᓪᓗ ᓕᕔᑎᑦ ᐊᑕᓂᕐᒧᑦ ᑐᓂᔭᕆᐊᖃᕐᐰᑦ ᐃᓵᒃᑕᕈᑎᔭᐅᓗᑎᒃ ᑐᓂᕐᕈᑕᐅᔪᑎᑐᑦ ᐃᓴᕆᐊᓕᐅᑉ ᑭᑐᕐᖓᖏᓐᓂᑦ ᐱᓗᓂ, ᐊᑕᓂᐅᑉ ᐱᓂᐊᕐᑕᐅᖁᔭᖏᓐᓂᒃ ᐱᓇᓱᐊᕐᑎᐅᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 26:26

ᑖᓐᓇ ᓯᓗᒥᑎ ᖃᑕᓐᖑᑎᖏᓪᓗ ᑲᒪᔨᐅᕗᑦ ᑮᓇᐅᔭᓕᒫᓄᑦ ᑐᓂᕐᕈᑕᐅᓯᒪᔪᓄᑦ ᐃᑦᔪᕐᓁᑦᑐᓄᑦ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑲᐅᔪᓪᓗ ᐊᑖᑕᒋᔭᐅᔪᑦ ᐃᓚᖏᓐᓂ, ᐊᖓᔪᖅᑳᓪᓗ ᑕᐅᓴᓐᑎᓄᑦ 100ᓄᓪᓗ, ᐊᖓᔪᖅᑳᓪᓗ ᐅᓇᑕᕐᑐᒃᓴᓄᑦ, ᑐᓂᕐᕈᑎᖏᓐᓄᑦ.

ᑯᕉᓂᑲ ᓯᕗᓪᓖᑦ 26:22

ᔨᕼᐂᓔᑉ ᐃᕐᓂᖏᑦ, ᔨᑕᒻ ᓄᑲᖓᓗ ᔪᐃᓕ, ᑮᓇᐅᔭᓕᕆᔨᓄᑦ ᐊᖓᔪᖅᑳᖑᕘᒃ ᐊᑕᓂᐅᑉ ᐃᒡᓗᖓᓂ.

ᑯᕉᓂᑲ ᓯᕗᓪᓖᑦ 26:20

ᓕᕔᑎᓂᓪᓗ, ᐊᕼᐂᔭ ᑮᓇᐅᔭᓕᕆᔨᓄᑦ ᐊᖓᔪᖅᑲᐅᕗᖅ ᒎᑎᐅᑉ ᐃᒡᓗᖓᓂ ᐱᕕᐊᕐᓇᕐᑐᓄᓪᓗ ᑐᓂᔭᐅᓯᒪᔪᓄᑦ ᐃᑦᔪᕐᓁᑦᑐᓄᑦ.

ᒨᓯᓯ ᓯᑕᒪᖏᑦ 31:30

ᐃᓴᕆᐊᓕᒥᐅᓪᓗ ᐱᔭᒃᓴᖏᓐᓂᑦ 50ᓂᑦ ᑕᒫᑦ ᐊᑕᐅᓯᕐᒥᒃ ᑎᒍᓯᔭᕆᐊᖃᕐᐳᑎᑦ, ᐃᓄᖕᓂᒃ, ᐃᒻᒧᒃᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᐆᒪᔪᓕᒫᓪᓗ, ᓕᕔᑎᓄᑦ ᑐᓂᓗᒋᑦ ᐊᑕᓂᐅᑉ ᑐᐱᕐᔪᐊᖁᑎᖓᓂ ᑲᒪᔨᐅᔪᓄᑦ.”

ᒨᓯᓯ ᓯᑕᒪᖏᑦ 3:32

ᐃᓕᓯᕆ ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓ ᐊᖓᔪᖅᑳᖑᔭᕆᐊᖃᕐᐳᖅ ᓕᕔᑎᑦ ᓯᕗᓕᕐᑎᖏᓐᓄᑦ, ᐊᖓᔪᖅᑳᖑᓗᓂᓗ ᐃᑦᔪᕐᓁᑦᑐᕕᖕᒥ ᐱᓇᓱᐊᒐᖃᕐᑐᓄᑦ.

ᒨᓯᓯ ᐱᖓᔪᖏᑦ 8:35

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᓴᕆᐊᖃᕐᐳᓯ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐅᓪᓗᓂᒃ 7ᓂᒃ ᐊᑕᓂᐅᓪᓗ ᐱᖁᔭᖓᓂᒃ ᒪᓕᒡᓗᓯ, ᑍᒤᒃᑯᑦᓯ ᑐᖁᓂᐊᓐᖏᓚᓯ, ᑍᒫᒃ ᑕᕝᕙ ᐱᖁᔭᐅᓯᒪᕗᖓ.”

ᒨᓯᓯ ᓯᑕᒪᖏᑦ 3:8

ᑐᐱᕐᔪᐊᓪᓗ ᑲᑎᒪᕕᐅᑉ ᐃᓗᓕᓕᒫᖏᓐᓂᒃ ᑲᒪᔨᐅᓂᐊᕐᒪᑕ, ᐃᓴᕆᐊᓕᐅᓪᓗ ᕿᑐᕐᖓᖏᑕ ᐱᔭᕆᐊᖃᕐᑕᓕᒫᖏᓐᓂᒃ, ᐱᓕᕆᐊᖃᕐᓗᑎᒃ ᑐᐱᕐᔪᐊᒥ ᑲᑎᒪᕕᖕᒥ ᐱᔭᕆᐊᖃᕐᑐᓂᒃ ᑕᒤᓐᓂᒃ.

ᒨᓯᓯ ᓯᑕᒪᖏᑦ 1:53

ᓕᕔᑎᓪᓕ ᑐᐱᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᖃᓂᒋᔭᖓᓂ, ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑦ ᕿᑐᕐᖓᖏᑦ ᓂᓐᖓᐅᑎᔭᐅᖁᓇᒋᑦ; ᓕᕔᑎᓪᓗ ᐊᖓᔪᖅᑳᖑᔭᕆᐊᖃᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ.”