ᒨᓯᓯ ᓯᑕᒪᖏᑦ 29:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ.

ᒨᓯᓯ ᓯᑕᒪᖏᑦ 29:1 ပူးပေါင်းရင်းမြစ်များ

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 27:13

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᑎᑦᑐᓚᐅᑦ ᓂᓪᓕᕈᒫᕐᐳᖅ ᐅᑎᖁᔨᑦᔪᑕᐅᔪᖅ ᐃᓴᕆᐊᓕᒥᐅᓂᒃ ᐊᐅᓪᓚᕈᑦᔭᐅᓯᒪᔪᓂᒃ ᓄᓇᑐᖃᕐᒥᖕᓂᑦ ᐊᓯᕆᐊᒧᑦ ᐄᑦᔨᑉᑎᒧᓪᓗ, ᕾᔪᒫᕐᐳᑦ ᐊᑕᓂᕐᓗ ᑐᒃᓯᐊᕐᕕᒋᓗᒍ ᔨᕉᓴᓕᒥ ᖃᖅᑲᒥ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 89:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᖁᕕᐊᓱᖕᓂᕐᒧᑦ ᕾᒐᓛᕐᓂᕐᒥᒃ ᖃᐅᔨᒪᔪᑦ, ᐊᑕᓃᖅ, ᑖᒃᑯᐊ ᐃᓅᓂᐊᕐᐳᑦ ᑮᓇᕕᑦ ᖃᐅᒪᓂᖓᒍᑦ.

ᐄᓱᕋᐅᑉ ᐊᒡᓚᖏᑦ 3:6

ᑐᒃᓯᐊᕐᕕᐅᑉ ᐋᖅᑭᒋᐊᕐᑕᐅᓂᖓ ᓱᓕ ᐱᒋᐊᕐᑕᐅᓚᐅᖏᒃᑲᓗᐊᕐᑎᓪᓗᒍ, ᑕᖅᑭᐅᑉ 7ᖓᓂ ᐅᓪᓘᑉ ᓯᕗᓕᕐᐹᖓᓂ ᐱᒋᐊᓚᐅᕐᐳᑦ ᑐᓂᕐᕈᓯᕐᓱᑎᒃ ᐃᑯᐊᓚᑎᒋᐊᓕᖕᓂᒃ ᐊᑕᓂᕐᒧᑦ.

ᑯᕉᓂᑲ ᓯᕗᓪᓖᑦ 15:28

ᑕᕝᕙ ᐃᓴᕆᐊᓕᒥᐅᓕᒫᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᔨᕉᓴᓕᒧᐊᕈᑎᓕᓚᐅᕐᐹᑦ ᖁᕕᐊᓱᖕᓂᕐᒧ ᕾᒐᓛᕐᓗᑎᒃ, ᑎᑦᑐᓛᕐᓗᑎᒃ, ᓱᐴᒐᕐᓗᑎᒃ, ᓯᕙᓂᕋᐅᑎᓂᒡᓗ ᓂᓪᓕᐊᑎᑦᓯᓪᓗᑎᒃ, ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᓂᑦᔭᐅᓯᔭᕐᓗᑎᒃ ᓂᐱᖅᑯᕐᑐᓪᓗᑎᒃ.

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.

ᓂᕼᐃᒤᐊᐅᑉ ᐊᒡᓚᖏᑦ 7:73

ᑐᓂᕐᕈᓯᕐᑎᑦᓯᔩᑦ, ᓕᕔᑎᑦ, ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑦ, ᓂᑦᔭᐅᓯᔭᕐᑏᑦ, ᐃᓄᑐᐃᓐᓁᓪᓗ ᐅᓄᕐᑐᑦ, ᑐᒃᓯᐊᕐᕕᒃᔪᐊᒥᓗ ᐱᓇᓱᐊᕐᑏᑦ, ᐃᓴᕆᐊᓕᐅᓪᓗ ᐃᓄᖁᑎᓕᒫᖏᑦ ᓄᓇᑖᓚᐅᕐᐳᑦ ᐃᓂᓪᓚᒃᓱᑎᒡᓗ ᓄᓇᓕᖕᓂ ᐃᒡᓗᒐᓴᖕᓂᓗ ᔫᑕᒥ. ᑕᖅᑮᑦ 7ᖓᑦ ᑎᑭᒻᒪᑦ, ᐃᓴᕆᐊᓕᐅᑉ ᐃᓄᖏᑦ ᐃᓂᓪᓚᒃᑎᓚᐅᕐᐳᑦ ᓄᓇᓕᖕᓄᑦ.

ᒨᓯᓯ ᐂᑉᐸᖏᑦ 23:16

“ᐱᕈᕐᑐᓄᑦ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᖃᑦᑕᒐᒃᓴᕆᕙᓯ; ᐱᕈᕐᓯᐊᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑐᓂᒃ ᑲᑎᕐᓱᐃᓕᕈᑦᓯ. “ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐊᕐᕌᒎᑉ ᓄᖑᓕᕐᓂᖓᓂ, ᑲᑎᕐᓱᐃᓕᕈᑦᓯ ᐱᕈᕐᓰᕕᒧᑦ ᑲᓐᖓᕐᓲᑎᒋᓚᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 34:22

“ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᓂᐊᖂᔭᒃᓴᓂᒃ ᐱᕈᕐᓰᕕᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑎᑕᕕᓂᑦᓯᓐᓂᒃ ᑲᑎᕐᓱᐃᕕᒃᓯ ᓇᓪᓕᐅᓐᓂᖓ ᓇᓪᓕᐅᑎᓯᒪᑎᓪᓗᒍ, ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᕕᒃ ᑐᐱᑐᐃᓐᓇᖃᕐᑎᓪᓗᓯ ᐱᕈᕐᑐᓂᒃ ᑲᑎᕐᓱᐃᕕᓯ ᓇᓪᓕᐅᑎᕕᖓᓂ.

ᒨᓯᓯ ᐱᖓᔪᖏᑦ 23:23

ᐊᑕᓂᐅᑉ ᒨᓯᓯ ᐅᖃᐅᑎᕚ,

ᒨᓯᓯ ᓯᑕᒪᖏᑦ 28:26

“ᐊᒻᒪ ᐱᕈᕐᑐᑦ ᓯᕗᓪᓕᕐᐹᑦ ᑲᑎᑕᐅᓂᖏᓐᓂ, ᐱᕈᕐᑐᓂᒃ ᓄᑖᓂᒃ ᐊᑕᓂᕐᒧᑦ ᑐᓂᕐᕈᓯᓕᕈᑦᓯ ᐱᓇᓱᐊᕈᓯᕐᓂ ᐱᕈᕐᑐᑦ ᐱᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ, ᑲᑎᒪᓗᓯ ᑐᒃᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᑐᒃᓴᐅᓐᖏᓚᓯ.

ᒨᓯᓯ ᓯᑕᒪᖏᑦ 29:2

ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ.

ᒨᓯᓯ ᓯᑕᒪᖏᑦ 29:12

“ᐅᓪᓗᐃᑦ 15ᖓᓂ ᑕᖅᑮᑦ 7ᖓᓐᓂ, ᑐᒃᓯᐊᕆᐊᕐᓯᒪᔭᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕐᓂᓯ ᑐᓂᔭᕆᐊᖃᕐᐸᓯ; ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ, ᐊᑕᓂᕐᒧᑦ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ.

ᒨᓯᓯ ᐱᖓᔪᖏᑦ 23:7

ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᓂᒃ ᑐᒃᓯᐊᖃᑎᒌᖕᓂᕐᒧᑦ ᑲᑎᒪᔭᕆᐊᖃᕐᐳᓯ, ᖃᐅᑕᒫᕐᓯᐅᑎᑦᓯᓐᓂᒡᓗ ᐱᓇᓱᐊᕆᐊᖃᓐᖏᓚᓯ.

ᒨᓯᓯ ᓯᑕᒪᖏᑦ 29:35

“ᐅᓪᓗᐃᑦ 8ᖓᓂ ᐃᑦᔪᕐᓁᑦᑐᒥᒃ ᑲᑎᒪᔭᕆᐊᖃᕐᐳᓯ. ᓴᓇᕙᒃᑕᑦᓯᓐᓂᒃ ᐱᓇᓱᐊᕆᐊᖃᓐᖏᓚᓯ.

ᓂᕼᐃᒤᐊᐅᑉ ᐊᒡᓚᖏᑦ 8:2

ᑕᕝᕙ ᐄᓱᕋᐅᑉ ᑐᓂᕐᕈᓯᕐᑎᑦᓯᔨᐅᑉ ᑲᑎᒪᔪᓄᐊᕈᑎᓚᐅᕐᐰᑦ ᐃᓄᖕᓄᑦ ᐊᖑᑎᓄᑦ ᐊᕐᓇᓄᓪᓗ ᕿᑐᕐᖓᖏᓐᓄᓪᓗ ᑐᓴᕈᓐᓇᕐᑐᓄᑦ ᑐᑭᓯᔪᓐᓇᓕᕐᑐᓕᒫᓄᑦ ᐅᓪᓘᑉ ᓯᕗᓪᓕᕐᐹᖓᓂ ᑕᖅᑭᐅᑉ 7ᖓᑦᑕ.