ᒨᓯᓯ ᓯᑕᒪᖏᑦ 28:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ “ᐊᒻᒪ ᐱᕈᕐᑐᑦ ᓯᕗᓪᓕᕐᐹᑦ ᑲᑎᑕᐅᓂᖏᓐᓂ, ᐱᕈᕐᑐᓂᒃ ᓄᑖᓂᒃ ᐊᑕᓂᕐᒧᑦ ᑐᓂᕐᕈᓯᓕᕈᑦᓯ ᐱᓇᓱᐊᕈᓯᕐᓂ ᐱᕈᕐᑐᑦ ᐱᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ, ᑲᑎᒪᓗᓯ ᑐᒃᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᑐᒃᓴᐅᓐᖏᓚᓯ.

ᒨᓯᓯ ᓯᑕᒪᖏᑦ 28:26 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 34:22

“ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᓂᐊᖂᔭᒃᓴᓂᒃ ᐱᕈᕐᓰᕕᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑎᑕᕕᓂᑦᓯᓐᓂᒃ ᑲᑎᕐᓱᐃᕕᒃᓯ ᓇᓪᓕᐅᓐᓂᖓ ᓇᓪᓕᐅᑎᓯᒪᑎᓪᓗᒍ, ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᕕᒃ ᑐᐱᑐᐃᓐᓇᖃᕐᑎᓪᓗᓯ ᐱᕈᕐᑐᓂᒃ ᑲᑎᕐᓱᐃᕕᓯ ᓇᓪᓕᐅᑎᕕᖓᓂ.

ᒨᓯᓯ ᐂᑉᐸᖏᑦ 23:16

“ᐱᕈᕐᑐᓄᑦ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᖃᑦᑕᒐᒃᓴᕆᕙᓯ; ᐱᕈᕐᓯᐊᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑐᓂᒃ ᑲᑎᕐᓱᐃᓕᕈᑦᓯ. “ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐊᕐᕌᒎᑉ ᓄᖑᓕᕐᓂᖓᓂ, ᑲᑎᕐᓱᐃᓕᕈᑦᓯ ᐱᕈᕐᓰᕕᒧᑦ ᑲᓐᖓᕐᓲᑎᒋᓚᕐᑕᑦᓯᓐᓂᑦ.

ᒨᓯᓯ ᐱᖓᔪᖏᑦ 23:10

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ‘ᓄᓇᒧᑦ ᐃᓕᑦᓯᓐᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓯᒪᓕᕈᑦᓯ ᐱᕈᕐᓯᐊᓂᒡᓗ ᓂᕿᒃᓴᓂᒃ ᑲᑎᕐᓱᐃᓕᕌᖓᑦᓯ, ᑲᑎᕐᓱᕐᑕᓯ ᕿᓚᒃᓯᒪᔪᐃᑦ ᓯᕗᓪᓕᕐᐹᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᑎᑦᓯᔨᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:20

ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ.

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᒨᓯᓯ ᓯᑕᒪᖏᑦ 28:18

ᐅᓪᓗᐃᑦ ᓯᕗᓪᓕᕐᐹᖓᓂ ᑐᒃᓯᐊᖃᑎᒌᒋᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᓂᐊᖏᓚᓯ.

ᒨᓯᓯ ᓯᑕᒪᖏᑦ 28:27

ᑐᓂᕐᕈᓯᕆᐊᖃᕐᐳᓯ ᐃᑯᐊᓚᑎᑕᒃᓴᓂᒃ ᑎᐱᑦᓯᐊᕆᒃᑐᓂᒃ ᐊᑕᓂᕐᒧᑦ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ ᐊᖑᓴᓪᓘᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒃ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ,

ᒨᓯᓯ ᓯᑕᒪᖏᑦ 29:1

“ᑕᖅᑮᑦ 7ᖓᑦᑕ, ᐅᓪᓗᖓᑕ ᓯᕗᓪᓕᕐᐹᖓᓂ, ᑐᒃᓯᐊᕆᐊᕐᑐᒃᓴᐅᕗᓯ ᐃᑦᔪᕐᓁᑦᑐᒥᒃ ᑍᓗᒍ. ᓴᓇᕙᒃᑕᓯᓐᓂᒃ ᐱᓇᓱᐊᕆᐊᖃᓐᖏᓚᓯ. ᐅᓪᓗᒥ ᑕᕝᕙᓂ ᑎᑦᑐᓚᐅᑎᑦ ᓂᓪᓕᐊᑎᑕᐅᔭᕆᐊᖃᕐᐳᑦ.

ᒨᓯᓯ ᐂᑉᐸᖏᑦ 12:16

ᐅᓪᓗᑦ 7 ᓯᕗᓪᓕᕐᐹᖓᓐᓂ ᑲᑎᒪᔪᒃᓴᐅᕗᓯ ᐃᑦᔪᕐᓁᑦᑐᒥᒃ ᑲᑎᒪᓂᕐᒥᒃ, ᐊᒻᒪ ᐅᓪᓗᑦ ᑭᖑᓪᓕᕐᐹᖓᓐᓂ 7ᖓᓐᓂ ᑲᑎᒪᒃᑲᓐᓂᕐᓗᓯ ᐃᑦᔪᕐᓁᑦᑐᒥᒃ; ᑖᒃᑯᓇᓂᓗ ᐅᓪᓗᓂ ᓇᓪᓕᐊᓐᓂᒡᓘᓐᓃᑦ ᓴᓇᔪᖃᕐᑐᒃᓴᐅᓐᖏᓚᖅ, ᑕᒪᕐᒥᒡᓕ ᓂᕆᔪᒃᓴᐅᕗᑦ ᐊᑐᐃᓐᓇᕈᕐᑕᐅᓯᒪᔪᓂᒃ.

ᒨᓯᓯ ᐱᖓᔪᖏᑦ 23:8

ᐅᓪᓗᓂᒡᓗ 7ᓂᒃ ᑖᒃᑯᓇᓂ ᖃᐅᑕᒫᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕆᐊᖃᕐᐳᓯ ᐊᑕᓂᕐᒧᑦ. ᐅᓪᓗᐃᓪᓗ 7ᖓᓂ ᑲᑎᒪᔭᕆᐊᖃᕐᐳᓯ ᑐᒃᓯᐊᖃᑎᒌᒃᓗᓯ, ᖃᐅᑕᒫᑦ ᐱᓇᓱᐊᒐᕆᕙᒃᑕᑦᓯᓐᓂᑦ ᓄᖅᑲᖓᓗᓯ.