24 ᑍᒫᒃ ᓂᖅᑭᒃᓴᓂᒃ ᑐᓂᕐᕈᓯᖃᑦᑕᕆᐊᖃᕐᓂᐊᕐᐳᓯ ᐃᑯᐊᓚᑎᑕᒃᓴᓂᒃ ᖃᐅᑕᒫᑦ ᐅᓪᓗᓂᒃ 7ᓂᒃ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ; ᑕᒪᒃᑯᐊ ᑐᓂᕐᕈᑕᐅᔭᕆᐊᓖᑦ ᕔᓃᓪᓗ ᐊᓯᖏᑎᒍᑦ ᑐᓂᕐᕈᑕᐅᖃᕐᑕᕆᐊᖃᕐᐳᑦ.
ᓯᕗᓪᓕᖅ ᓰᐱᐅᑉ ᓄᕐᕋᖓ ᑐᓂᕐᕈᑎᒋᓕᕈᕕᐅᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐅᖁᒤᓐᓂᖃᕐᑐᒥᒃ 1ᑭᓗᒍᕌᒻᒥᒃ ᐃᓚᔭᒃᓴᕆᕙᑦ ᓇᐹᕐᑑᓪᓗ ᐅᕐᓱᖓᓂᒃ ᐃᓚᓗᒍ 1ᓖᑕᒥᒃ. ᐸᐅᕐᖎᓪᓗ ᐃᑦᑎᖓᓂᒃ 1ᓖᑕᒥᒃ ᐊᖏᓂᓕᖕᒥᒃ ᖄᖓᒍᑦ ᑯᕝᕕᕆᔭᒃᓴᕆᕙᑦ.
ᐅᓪᓗᐃᓪᓗ 7 ᐊᑐᕐᑎᓪᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ ᐊᑕᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᐅᑎᑦᓯᔪᒃᓴᐅᕗᖅ ᐊᖑᓴᓪᓗᕐᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᑦ 7ᓂᒃ ᖃᓄᐃᑦᔪᑎᖃᖏᑦᑐᓂᒃ, ᖃᐅᑕᒫᑦ ᐅᓪᓗᓂᒃ 7ᓂᒃ ᐊᑐᓂᑦ ᑐᓂᕐᕈᓯᖃᑦᑕᕐᓗᑎᒃ; ᒎᑦᓰᓪᓗ ᐊᖑᓴᓪᓗᖓᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᑐᒃᓴᐅᕗᑦ ᐊᔪᕐᓃᑦ ᐱᑦᔪᑎᒋᓗᒋᑦ.
ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒥ ᐃᑯᐊᓚᑎᑕᒃᓴᕆᕔᑦ ᓂᕿᒃᓴᐅᖁᓪᓗᒋᑦ, ᑐᓂᕐᕈᑕᐅᓪᓗᑎᒃ ᐃᑯᒪᒃᑯᑦ ᐊᑕᓂᕐᒧᑦ.
“ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.
ᑕᒪᕐᒥᒡᓗ ᑐᓂᕐᕈᓯᕐᑎᑦᓯᔩᑦ ᖃᐅᑕᒫᑦ ᐱᖁᔭᐅᓚᐅᕐᐳᑦ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᖁᓪᓗᒋᑦ, ᑐᓂᕐᕈᓯᕐᑎᑦᓯᓂᕐᒥᒃ ᑍᒫᑦᓮᓐᓇᖅ ᐱᓇᓱᐊᕐᓗᑎᒃ, ᑖᒃᑯᐊᓕ ᐊᔪᕐᓂᕐᓂᒃ ᐲᕐᓯᔪᓐᓇᖏᒻᒪᕆᒃᐳᑦ.