ᒨᓯᓯ ᓯᑕᒪᖏᑦ 27:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᒨᓯᓯ ᓯᑕᒪᖏᑦ 27:21 ပူးပေါင်းရင်းမြစ်များ

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.

ᔮᓱᐊᑉ ᐊᒡᓚᖏᑦ 9:14

ᐃᓴᕆᐊᓕᒥᐅᑦ ᐊᖏᖃᑎᖃᓚᐅᕐᐳᑦ ᑖᒃᑯᓂᖓ ᓂᕿᖏᓐᓂᒡᓗ ᐱᓪᓗᑎᒃ, ᑭᓯᐊᓂᓕ ᐊᑕᓂᕐᒥᒃ ᖃᐅᔨᒋᐊᓚᐅᓐᖏᓚᑦ.

ᒨᓯᓯ ᐂᑉᐸᖏᑦ 28:30

ᑕᕝᕗᖓ ᓴᒡᕕᖕᒥᐅᑕᕐᒧᑦ ᐃᓕᓯᔪᒃᓴᐅᕗᓯ ᖃᐅᔨᓇᓱᐊᕈᑎᒃᓵᖕᓂᒃ ᒪᕐᕉᖕᓂᒃ ᑍᔭᐅᔫᖕᓂᒃ ᔪᕆᒻ ᐊᒻᒪᓗ ᑕᐅᒪᒻᒥᒃ, ᐂᕉᓂ ᐃᑎᓕᕈᓂ ᐃᑦᔪᕐᓁᑦᑐᕕᖕᒧᑦ ᐊᑕᓂᐅᑉ ᓵᖓᓄᑦ, ᑖᒃᑯᓂᖓ ᓇᒃᓴᖃᑦᑕᖁᓪᓗᒍ ᑕᕝᕗᖓ; ᑍᒪᓐᖓᑦ ᑖᒃᑯᐊ ᐊᑐᕐᑕᒃᓴᕆᓂᐊᕐᐰᑦ, ᐱᔭᐅᖁᔭᓐᓂᒃ ᖃᐅᔨᓇᓱᒋᐊᖃᓕᕈᓂ ᐃᓴᕆᐊᓕᒥᐅᓄᑦ ᖃᐅᔨᔪᓐᓇᖁᓪᓗᒍ ᑕᒪᒃᑯᓄᖓ ᐊᑕᓂᐅᑉ ᓵᖓᓂ.”

ᓂᕼᐃᒤᐊᐅᑉ ᐊᒡᓚᖏᑦ 7:65

ᔫᑎᑦ ᐊᐅᓚᑦᓯᔨᒋᔭᖓᑕ ᐅᖃᐅᑎᓚᕐᐰᑦ ᓂᕆᖁᓇᒋᑦ ᒎᑎᒧᑦ ᑐᓂᕐᕈᑕᐅᓯᒪᔪᓂᒃ ᐃᑦᔪᕐᓁᓐᓂᕐᐹᖑᔪᓂᒡᓗ ᓂᕿᓂᒃ, ᑐᓂᕐᕈᓯᕐᑎᑦᓯᔨᑕᖃᓚᐅᖏᓐᓂᖓᓂ ᐊᑐᕈᓐᓇᕐᑐᒥᒃ ᓇᓚᐅᑦᓵᕈᑎᓂᒃ ᔪᕆᒻᒥᒃ ᓴᒥᒻᒥᒡᓗ.

ᐄᓱᕋᐅᑉ ᐊᒡᓚᖏᑦ 2:63

ᔫᑎᑦ ᐊᐅᓚᑦᓯᔨᖓᑕ ᐅᖃᐅᑎᓚᐅᕐᐰᑦ ᓂᕆᖁᓇᒋᑦ ᓂᕿᓂᒃ ᑐᓂᕐᕈᑕᐅᓯᒪᔪᓂᒃ ᒎᑎᒧᑦ ᐃᑦᔪᕐᓁᑦᑑᓂᕋᕐᑕᐅᔪᓂᒃ ᑐᓂᕐᕈᓯᕐᑎᑦᓯᔨᒥᒃ ᓇᓚᐅᑦᓵᕈᑎᓄ ᔪᕆᒻᒧᑦ ᑐᒥᒥᒧᓪᓗ ᐱᓇᓱᐊᕈᓐᓇᕐᑐᒥᒃ ᐱᑕᖃᓚᐅᕐᑎᓐᓇᒍ.

ᓴᒧᐃᓕ ᓯᕗᓪᓖᑦ 30:7

ᑍᕕᑎᐅᓪᓗ ᐊᐰᐊᑕ ᐊᕼᐃᒥᓕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔨ ᐅᖃᐅᑎᕚ, “ᓴᒡᕕᖕᒥᐅᑕᖅ ᕾᓚᐅᕈᒃ,” ᐊᐰᐊᑕᐅᓪᓗ ᑐᓂᕚ ᑍᕕᑎᒧᑦ.

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”

ᐃᓗᐊᕐᓮᔩᑦ ᐊᒡᓚᖏᑦ 20:23

ᐃᓄᒋᐊᒃᑐᕐᔪᐊᓪᓗ ᐃᓴᕆᐊᓕᒥᐅᑦ ᐂᓚᐅᕐᐳᑦ ᐊᑕᓂᐅᑉ ᓵᖓᓄᑦ ᕿᐊᓪᓗᑎᒡᓗ ᐅᓐᓄᒧᑦ ᑎᑭᓪᓗᒍ; ᐊᑕᓂᕐᒧᓪᓗ ᐊᐱᕆᓪᓗᑎᒃ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕐᓯᐅᒃ.”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᒨᓯᓯ ᑕᓪᓕᒪᖏᑦ 33:8

ᓕᕔᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᓕᕔᑉ ᑭᖑᕚᖏᑦ ᑐᒥᒻᒥᒃ ᑐᓂᓯᕕᒋᒃᑭᑦ, ᔪᕆᒻᑯᓪᓗ ᐃᑦᔪᕐᓁᑦᑐᖁᑎᖕᓄᑦ, ᐆᒃᑐᓚᐅᕋᕕᒋᑦ ᓄᓇᒥ ᒫᓴᒥ; ᐊᑭᒪᖃᑎᒋᓚᐅᕐᑕᑎᓪᓗ ᒥᕆᐸᐅᑉ ᐃᒪᖏᓐᓂ.

ᒨᓯᓯ ᓯᑕᒪᖏᑦ 27:17

ᓯᕗᓪᓕᕐᐸᐅᓗᓂ ᐊᓂᖃᑦᑕᕐᓂᐊᕐᑐᒥᒃ ᓯᕗᓪᓕᕐᐸᐅᓗᓂᓗ ᐃᑎᖃᑦᑕᕐᓂᐊᕐᑐᒥᒃ, ᐊᐅᓪᓚᓕᕌᖓᑕ ᑎᑭᓕᕌᖓᑕᓗ ᑕᓯᐅᕐᑎᐅᓂᐊᕐᑐᒥᒃ, ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᑦ ᓰᐱᑎᑐᑦ ᑲᒪᔨᖃᖏᑦᑐᑎᑐᑦ ᑍᒤᖁᓇᒋᑦ.”

ᒨᓯᓯ ᐱᖓᔪᖏᑦ 8:8

ᓴᒡᕕᖕᒥᐅᑕᒥᒡᓗ ᐊᑎᑎᒃᑭᕚ, ᒎᑎᐅᓪᓗ ᐱᔪᒪᔭᖓᓂᒃ ᓇᓚᐅᑦᓯᑦᔪᑏᒃ ᐊᑎᖃᕐᑑᒃ ᔫᕆᒻ ᐊᒻᒪᓗ ᑕᒪᒻ ᓴᒡᕕᖕᒥᐅᑕᖓᓄᑦ ᐃᓕᓪᓗᒋᒃ.

ᒨᓯᓯ ᓯᑕᒪᖏᑦ 27:5

ᒨᓯᓯᐅᑉ ᑕᒪᓐᓇ ᐅᖃᐅᓯᕆᔭᕐᑐᕐᐹ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 27:20

ᐱᔪᓐᓇᕐᑎᑕᐅᓂᕕᑦ ᐃᓚᖓᓂᒃ ᑐᓂᓯᕕᒋᓂᐊᕐᐸᑦ, ᐃᓴᕆᐊᓕᒥᐅᑦ ᑲᑎᒪᔪᓕᒫᑦ ᓈᓚᒍᓐᓇᖁᓪᓗᒋᑦ ᑖᑦᓱᒥᖓ.

ᒨᓯᓯ ᓯᑕᒪᖏᑦ 27:22

ᒨᓯᓯ ᑍᒤᓕᐅᓚᐅᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ. ᔮᓱᐊ ᐱᒐᒥᐅᒃ ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓄᑦ ᐱᑎᑉᐹ ᐃᓄᒋᐊᒃᑐᕐᔪᐊᓪᓗ ᓵᖓᓄᑦ.

ᓴᒧᐃᓕ ᓯᕗᓪᓖᑦ 14:19

ᓴᐅᓕᓕ ᐅᖃᓪᓚᒃᑎᓪᓗᒍ ᓱᓕ ᑐᓂᕐᕈᓯᕐᑎᑦᓯᔨᒧᑦ, ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᓂᐱᕐᔪᐊᖃᓕᕐᐸᓪᓕᐊᕗᖅ; ᑍᒤᒻᒪᑦ ᓴᐅᓕ ᐅᖃᓕᕐᐳᖅ ᑐᓂᕐᕈᓯᕐᑎᑦᓯᔨᒧᑦ, “ᑕᕝᕙᓐᖓᑦ ᐊᒡᒐᑎᑦ ᐲᓕᒃᑭᑦ.”

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒨᓯᓯ ᓯᑕᒪᖏᑦ 27:2

ᒨᓯᓯᐅᑉ ᓵᖓᓂ ᓇᖏᓚᐅᕐᐳᑦ, ᑐᓂᕐᕈᓯᕐᑎᑦᓯᔨᐅᓪᓗ ᐃᓕᓯᕆᐅᑉ ᓵᖓᓂ, ᐃᓴᕆᐊᓕᒥᐅᓪᓗ ᑲᑎᒪᔪᕐᔪᐊᑦ ᓵᖓᓂ, ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ, ᐅᖃᕐᓗᑎᒃ:

ᒨᓯᓯ ᑕᓪᓕᒪᖏᑦ 31:3

ᐊᑕᓂᕐᓕ ᒎᑎᓯ ᓯᕗᓂᑦᓯᓐᓃᓐᓂᐊᕐᐳᖅ ᑕᒫᓂᓗ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᓄᖑᑎᑦᓱᒫᕐᐰᑦ, ᓄᓇᖏᓐᓂᒃ ᓄᓇᑖᖔᖁᓪᓗᓯ; ᔮᓱᐊᓗ ᑕᓯᐅᕐᑎᒋᓂᐊᕐᐸᓯ, ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.