ᒨᓯᓯ ᓯᑕᒪᖏᑦ 27:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᑕᓂᕐᓗ ᒨᓯᓯᒧᑦ ᐅᖃᕐᐳᖅ: “ᔮᓱᐊ ᓈᓂᐅᑉ ᐃᕐᓂᖓ ᐱᖃᑎᒋᓗᒍ, ᑖᑦᓱᒪᓂ ᐊᓂᕐᓂᕋ ᐃᓂᖃᕐᒪᑦ, ᐸᑎᒻᒥᓂᐊᕐᐸᑦ;

ᒨᓯᓯ ᓯᑕᒪᖏᑦ 27:18 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 34:9

ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.

ᒨᓯᓯ ᓯᑕᒪᖏᑦ 27:23

ᑕᕝᕙᓂ ᐸᑎᒻᒥᓪᓗᒍ ᐃᓂᒋᓂᐊᕐᑕᖓᓂᒃ ᐃᓂᑖᕐᑎᑉᐹ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᓯᕗᓪᓖᑦ 41:38

ᐰᕉᓗ ᐅᖃᕐᐳᖅ ᐱᔨᒥᓄᑦ, “ᐊᖑᒻᒥᒃ ᐆᑐᓇᖅ ᑍᒤᑦᑐᒥᒃ, ᒎᑎᐅᑉ ᐊᓂᕐᓂᖓᓄᑦ ᓇᔪᕐᑕᐅᔪᒥᒃ ᓇᓂᓯᔪᓐᓇᕐᐱᑖ?”

ᒨᓯᓯ ᑕᓪᓕᒪᖏᑦ 31:23

ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:6

ᐸᐅᓗᓯᐅᑉ ᐸᑎᒻᒥᖕᒪᒋᑦ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐊᖅᑲᕐᕕᒋᕔᑦ; ᐅᖃᓪᓚᓕᕐᐳᑦ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ, ᒎᑎᐅᑉ ᐅᖃᖁᔭᖏᓐᓂᒃ ᐅᖃᓪᓚᓕᕐᓗᑎᒃ.

ᐃᓗᐊᕐᓮᔩᑦ ᐊᒡᓚᖏᑦ 3:10

ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ.

ᒨᓯᓯ ᑕᓪᓕᒪᖏᑦ 3:28

ᔮᓱᐊᓕ ᒪᓕᒐᒃᓴᖏᓐᓂᒃ ᐅᖃᐅᑎᓂᐊᓕᕐᐸᑦ. ᐱᓇᓱᐊᕐᓂᕆᔪᒪᔭᖓᓂᒃ ᐃᑲᔪᕐᑐᑦᓯᐊᕐᓗᒍ, ᑖᑦᓱᒪ ᐃᓄᐃᑦ ᑕᓯᐅᕈᒫᕐᒪᒋᑦ ᑕᒪᐅᖓ ᓄᓇᒧᑦ ᐃᑳᖁᓪᓗᒋᑦ ᑕᒪᑐᒧᖓ ᑕᑯᓯᒪᔭᕐᓄᑦ.’

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.

ᐃᓗᐊᕐᓮᔩᑦ ᐊᒡᓚᖏᑦ 11:29

ᐊᑕᓂᐅᓪᓕ ᐊᓂᕐᓂᖓᑕ ᑎᑭᑉᐹ ᔨᑉᑕ. ᐂᕗᕐᓗ ᒋᓕᐊᑎᒧᑦ ᒫᓇᓯᒧᓪᓗ ᑲᔪᓯᓪᓗᓂ ᒥᔅᐱᒧᑦ ᒋᓕᐊᑎᒦᑦᑐᒧᑦ ᑕᕝᕙᓐᖓᓪᓗ ᑲᔪᓯᓪᓗᓂᓗ ᐊᒧᓁᑎᓄᑦ.

ᐄᑉᕈᐃᓄᑦ 6:2

ᐃᓕᓮᓗᑕ ᐹᑉᑎᑕᐅᓂᕐᒥᒃ, ᐸᑎᒻᒥᔭᐅᓂᕐᒥᒡᓗ, ᑐᖁᖓᔪᓪᓗ ᒪᑭᕝᕕᒃᓴᖓᓂᒃ, ᐃᖅᑲᕐᑐᕐᑕᐅᓂᕐᒥᒡᓗ ᐃᓱᖃᖏᑦᑐᒧᑦ.

ᑎᒧᑎᒧᑦ ᓯᕗᓪᓖᑦ 5:22

ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.

ᑎᒧᑎᒧᑦ ᓯᕗᓪᓖᑦ 4:14

ᑐᓂᕐᕈᓯᐊᕆᓯᒪᔧᑦ ᑲᒪᒋᔪᓐᓃᕐᑍᓕᒍᒃ, ᑐᓂᕐᕈᓯᐊᕆᓚᐅᕐᑍᑦ ᐊᓂᕐᓂᒃᑯᑦ ᐅᖃᓪᓚᒡᕕᐅᑎᓪᓗᑎᑦ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ ᐸᑎᒻᒥᔭᐅᓪᓗᑎᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:3

ᑖᒃᑯᐊ ᓂᕆᑦᑍᓕᓪᓗᑎᑦ ᑐᒃᓯᐊᕇᕋᒥᒃ, ᐸᑎᒻᒥᕚᒃ ᑎᓕᓪᓗᒋᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 6:6

ᑖᒃᑯᐊ ᐋᐴᓯᑕᓕᖕᓄᑦ ᐱᑎᑕᐅᕗᑦ, ᐋᐴᓯᑕᓖᑦ ᑐᒃᓯᐅᑎᕔᑦ ᐸᑎᒻᒥᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:3

ᑍᒤᒻᒪᑦ, ᐃᓅᖃᑎᒃᑲ, ᓂᕈᐊᓚᐅᕆᑦᓯ ᐊᖑᑎᓂᒃ 7ᓂᒃ ᖃᐅᔨᒪᔭᕆᑦᓯᐊᕐᑕᑦᓯᓐᓂᒃ, ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᓂᒃ ᓯᓚᑐᓂᖃᕐᑐᓂᒃ, ᐱᔨᑦᓯᕐᓂᕐᒧᑦ ᑕᒪᑐᒧᖓ ᑲᒪᔨᐅᓂᐊᕐᑐᓂᒃ.

ᓴᒧᐃᓕ ᓯᕗᓪᓖᑦ 16:18

ᐱᔨᖓᑕ ᐃᓚᖓ ᐃᓅᓱᒃᑐᖅ ᑭᐅᕗᖅ, “ᑕᑯᒋᑦ, ᑕᑯᓯᒪᕗᖓ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᖓᓂᒃ, ᓂᑦᔭᐅᓯᔭᑦᓯᐊᕈᓐᓇᕐᑐᒥᒃ, ᓯᕘᕋᖏᑦᑐᖅ ᐅᓇᑕᕈᓐᓇᕐᓗᓂᓗ, ᓯᓚᑐᔪᒥᒃ ᐅᖃᐅᓯᖃᕈᓐᓇᕐᑐᖅ, ᑕᑯᒥᓇᕐᑐᖅ; ᐊᑕᓂᐅᓪᓗ ᑖᓐᓇ ᓇᔪᕐᐹ.”

ᒨᓯᓯ ᓯᑕᒪᖏᑦ 13:16

ᑖᒃᑯᐊ ᑕᕝᕙ ᐊᖑᑎᑦ ᐊᑎᖏᑦ ᒨᓯᓯᐅᑉ ᑎᓕᓚᐅᕐᑕᖏᑦ ᐃᔨᕋᕐᑐᕐᓗᑎᒃ ᓄᓇᒥᒃ ᕿᒥᕐᕈᔭᕐᑐᖁᓪᓗᒋᑦ. ᒨᓯᓯᐅᓪᓗ ᕼᐆᓯᐊ ᓈᓂᐅᑉ ᐃᕐᓂᖓ ᐊᑎᕐᑖᕐᑎᑉᐹ ᔮᓱᐊᒥᒃ.

ᒨᓯᓯ ᓯᑕᒪᖏᑦ 13:8

ᐃᕗᕅᒥᐅᑉ ᑭᖑᕚᖏᓐᓂᑦ, ᕼᐆᓯᐊ ᓈᓂᐅᑉ ᐃᕐᓂᖓ;

ᒨᓯᓯ ᓯᑕᒪᖏᑦ 11:17

ᐅᕙᖓᓗ ᑕᕝᕙᓂ ᐊᖅᑲᕐᕕᒋᓂᐊᕐᐸᑦᓯ ᐅᖃᖃᑎᒋᓗᓯᓗ, ᐊᓂᕐᓂᕐᓗ ᐱᓯᒪᔧᑦ ᐃᓚᖓ ᐱᓂᐊᕐᐸᕋ ᐃᓕᓗᒍᓗ ᑖᒃᑯᓄᖓ; ᑖᒃᑯᐊ ᐊᒡᔭᕐᓯᖃᑎᒋᓂᐊᕐᐸᑎᑦ ᐃᓄᐃᑦ ᐅᖁᒤᑦᔪᑎᒋᔭᖏᓐᓂᒃ, ᐃᓄᑑᓗᑎᑦ ᐊᒡᔭᕐᓯᔪᓐᓃᕐᓂᐊᕋᕕᑦ.

ᒨᓯᓯ ᐂᑉᐸᖏᑦ 17:9

ᒨᓯᓯ ᐅᖃᕐᐳᖅ ᔮᓱᐊᒧᑦ, “ᐊᖑᑎᓂᒃ ᓂᕈᐊᓚᐅᕆᑦ, ᑖᒃᑯᐊᓗ ᐃᓚᒋᓗᒋᑦ ᐊᒪᓕᒃᒥᐅᑦ ᖃᐅᒃᐸᑦ ᐅᓇᑕᕆᐊᓛᕐᐸᓯ; ᖃᐅᒃᐸᑦ ᖃᖅᑲᐅᑉ ᖄᖓᓂ ᓇᖏᓛᕐᐳᖓ ᒎᑎᐅᑉ ᐊᔭᐅᑉᐱᐊᖁᑎᐊ ᑎᒍᒥᐊᕐᓗᒍ.”

ᒨᓯᓯ ᑕᓪᓕᒪᖏᑦ 1:37

ᐅᕙᓐᓄᑦᑕᐅᖅ ᐊᑕᓂᖅ ᓂᓐᖓᐅᒪᑦᔪᑎᖃᕆᕗᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᖃᕐᓗᓂᓗ, ‘ᐃᕝᕕᑦᑕᐅᖅ ᐊᒡᓛᑦ ᑕᕝᕗᖓ ᓄᓇᒧᑦ ᐃᑎᕐᓂᐊᓐᖏᓚᑎᑦ;

ᒨᓯᓯ ᑕᓪᓕᒪᖏᑦ 31:3

ᐊᑕᓂᕐᓕ ᒎᑎᓯ ᓯᕗᓂᑦᓯᓐᓃᓐᓂᐊᕐᐳᖅ ᑕᒫᓂᓗ ᓄᓇᖃᕐᑐᑦ ᐃᓅᖃᑎᒌᒡᔪᐊᑦ ᓄᖑᑎᑦᓱᒫᕐᐰᑦ, ᓄᓇᖏᓐᓂᒃ ᓄᓇᑖᖔᖁᓪᓗᓯ; ᔮᓱᐊᓗ ᑕᓯᐅᕐᑎᒋᓂᐊᕐᐸᓯ, ᐊᑕᓂᖅ ᑍᒫᒃ ᐅᖃᕐᓯᒪᖕᒪᑦ.

ᒨᓯᓯ ᑕᓪᓕᒪᖏᑦ 3:21

“ᑕᕝᕙ ᔮᓱᐊ ᐃᒤᓕᐅᕆᐊᖃᕐᓂᖓᓂᒃ ᐅᖃᐅᑎᓕᓚᐅᕆᕙᕋ: ‘ᐃᓘᓐᓈᓂᒃ ᑕᑯᓯᒪᓕᕋᕕᑦ ᐊᑕᓂᐅᑉ ᒎᑎᕕᑦ ᐱᓇᓱᐊᕐᓂᕆᓚᐅᕐᑕᖓᓂᒃ ᐊᖓᔪᖅᑳᕐᔪᐊᖕᓄᑦ ᒪᕐᕉᖕᓄᑦ, ᓯᕼᐅᓐᒧᑦ ᐊᒡᒋᒧᓪᓗ; ᑍᒫᑦᓮᓐᓇᖅ ᓱᓕ ᐱᓇᓱᐊᕐᓂᐊᕐᐳᖅ ᐅᐸᒡᓗᒋᑦ ᓄᓇᒥᒃ ᐊᕐᓵᕐᓂᕕᒋᓇᓱᐊᕐᑕᓕᒫᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 31:14

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᑯᒋᑦ, ᐅᓪᓗᖅ ᐃᓅᔪᓐᓃᕐᕕᒃᓮᑦ ᖃᒡᓕᕗᖅ; ᔮᓱᐊ ᕾᖁᓚᐅᕈᒃ, ᐅᕗᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕐᓗᓯᒃ, ᐱᔭᒃᓴᖏᓐᓂᒃ ᑎᓕᓂᐊᕋᒃᑯ.” ᑕᕝᕙ ᒨᓯᓯᒃᑯᒃ ᔮᓱᐊᒃᑯᒃ ᑐᐱᕐᒧᐊᕐᐴᒃ,

ᔮᓱᐊᑉ ᐊᒡᓚᖏᑦ 1:17

ᑍᒫᑦᓮᓐᓇᖅ ᒨᓯᓯ ᓈᓚᓚᐅᕋᑦᑎᒍᑦ ᓱᓇᓕᒫᓄᑦ, ᑍᒫᒃᑕᐅᖅ ᐃᓕᖕᓂᒃ ᓈᓚᖕᓂᐊᕆᕗᒍᑦ ᐊᑕᓂᐅᑉ ᒎᑎᕕᑦ ᐃᓚᒋᓕᑎᑦ, ᑍᒫᑦᓮᓐᓇᖅ ᒨᓯᓯ ᐃᓚᒋᓚᐅᕐᒪᒍ.

ᑯᕉᓂᑲ ᓯᕗᓪᓖᑦ 7:27

ᑖᓐᓇ ᐃᕐᓂᖃᕐᐳᖅ ᓈᓂᒥᒃ, ᑖᓐᓇ ᐃᕐᓂᖃᕐᐳᖅ ᔮᓱᐊᒥᒃ.