ᒨᓯᓯ ᓯᑕᒪᖏᑦ 27:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓯᕗᓪᓕᕐᐸᐅᓗᓂ ᐊᓂᖃᑦᑕᕐᓂᐊᕐᑐᒥᒃ ᓯᕗᓪᓕᕐᐸᐅᓗᓂᓗ ᐃᑎᖃᑦᑕᕐᓂᐊᕐᑐᒥᒃ, ᐊᐅᓪᓚᓕᕌᖓᑕ ᑎᑭᓕᕌᖓᑕᓗ ᑕᓯᐅᕐᑎᐅᓂᐊᕐᑐᒥᒃ, ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᑦ ᓰᐱᑎᑐᑦ ᑲᒪᔨᖃᖏᑦᑐᑎᑐᑦ ᑍᒤᖁᓇᒋᑦ.”

ᒨᓯᓯ ᓯᑕᒪᖏᑦ 27:17 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 5:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᒥᐅᑦ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᐊᖏᕐᕕᒋᓚᐅᕐᐹᑎᑦ, ‘ᐃᓄᖁᑎᓐᓂᒃ ᐰᕐᓯᔨᐅᓂᐊᕐᐳᑎᑦ, ᐊᖓᔪᖅᑳᕐᔪᕆᔭᐅᓗᑎᓪᓗ.’”

ᐊᑕᓃᑦ ᓯᕗᓪᓖᑦ 22:17

ᐅᖃᐅᑎᕚ, “ᐃᓴᕆᐊᓕᒥᐅᓕᒫᑦ ᑕᑯᕙᒃᑲ ᐊᕕᒃᑐᕐᓯᒪᑎᓪᓗᒋᑦ ᖃᖅᑲᐅ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑐᓂᑦ ᐊᖏᕐᕋᒥᖕᓄᑦ ᐊᖏᕐᕋᐅᓕᕐᓕᑦ ᐅᓇᑕᕈᓐᓃᕐᓗᑎᒃ.’”

ᐊᑕᓃᑦ ᓯᕗᓪᓖᑦ 3:7

ᒫᓐᓇᓕ, ᐊᑕᓃᖅ ᒎᑎᒐ, ᐱᔪᓐᓇᕐᑎᓯᒪᒐᕕᖓ ᐊᖓᔪᖅᑳᕐᔪᐊᖑᖁᓪᓗᖓ ᐊᑖᑕᒪ ᑍᕕᑎᐅᑉ ᐃᓂᖓᓂ, ᐃᓅᓱᒃᑑᓗᐊᕋᓗᐊᕐᑎᓪᓗᖓ; ᖃᐅᔨᒪᓇᖓᓗ ᐊᐅᓚᑦᓯᔭᕆᐊᒃᓴᖅ ᖃᓄᖅ ᐊᓂᒋᐊᒥᒃ ᖃᓄᕐᓗ ᐃᑎᕆᐊᒥᒃ.

ᐊᑕᓃᑦ ᐂᑉᐸᖏᑦ 11:8

ᐊᖓᔪᖅᑳᕐᔪᐊᑉ ᐊᕙᑖᓃᖏᓐᓇᕐᑐᒃᓴᐅᕗᑦ ᐅᓇᑕᐅᑎᓂᒃ ᑎᒍᒥᐊᕐᓗᑎᒃ. ᖃᒡᓕᓗᐊᕐᑐᖃᕐᐸᑦ ᑖᑦᓱᒧᖓ ᑐᖁᑕᐅᔪᒃᓴᐅᕗᖅ. ᐊᖓᔪᖅᑳᕐᔪᐊᖅ ᓇᒧᑐᐃᓐᓇᖅ ᐂᔭᕌᖓᑦ ᒪᓕᒃᑕᐅᖏᓐᓇᕐᑐᒃᓴᐅᕗᖅ.”

ᑯᕉᓂᑲ ᐂᑉᐸᖏᑦ 1:10

ᒫᓐᓇᓕ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᑐᓂᓯᕕᒋᓚᐅᓐᖓ ᐃᓄᐃᑦ ᓵᖓᓄᐊᖃᑦᑕᖁᓪᓗᖓ, ᑭᐊᓕ ᐊᐅᓚᑦᓯᐊᕈᓐᓇᕐᐰᑦ ᐃᓄᖁᑎᑎᑦ, ᐃᓄᒋᐊᒃᑐᕐᔪᐊᖑᖕᒪᑕ?”

ᑯᕉᓂᑲ ᐂᑉᐸᖏᑦ 18:16

ᐅᖃᐅᑎᕚᓗ, “ᐃᓴᕆᐊᓕᒥᐅᓕᒫᑦ ᑕᑯᓚᐅᕐᐸᒃᑲ ᓯᐊᒻᒪᕐᓯᒪᑎᓪᓗᒋᑦ ᖃᖅᑬᑦ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑕᖏᕐᓗᑎᒃ ᐊᑐᓂᑦ ᐊᖏᕐᕋᓕᕐᓕᑦ ᐃᓱᒫᓗᖏᓪᓗᑎᒃ.’”

ᐃᓯᑭᐊᓕᐅᑉ ᐊᒡᓚᖏᑦ 34:5

ᑍᒤᒻᒪᑦ ᓯᐊᒻᒪᕐᓯᒪᓕᕐᐳᑦ, ᐰᕐᓯᔨᖃᖏᓐᓇᒥᒃ; ᐆᒪᔪᓕᒫᓄᓪᓗ ᓄᔪᐊᕐᑐᓄᑦ ᓂᕿᒋᔭᐅᓕᕐᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 10:2

ᒎᑎᓐᖑᐊᑦ ᓂᓪᓕᐊᖕᒪᑕ ᐅᐃᕕᕆᒃᓯᓂᕐᒥᒃ, ᓯᓚᕐᔪᐊᕐᒥᓗ ᓇᓚᐅᑦᑍᔩᑦ ᑕᑯᕙᖕᒪᑕ ᓱᓕᖏᑦᑐᓂᒃ, ᓂᕆᐅᒋᔭᒃᓴᓂᒡᓗ ᓱᓕᖏᑦᑐᓂᒃ ᐅᖃᐅᓯᖃᕐᐸᒃᓗᑎᒃ; ᓮᒻᒪᕐᓮᓪᓚᕆᒃᐸᖏᒻᒪᑕ, ᑍᒤᒻᒪᑦ ᐃᓄᐃᑦ ᓇᒧᑐᐃᓐᓇᖅ ᐱᓱᒃᐳᑦ ᐃᓱᒪᔮᕐᓗᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.

ᒫᑎᐅᓯᐅᑉ ᐊᒡᓚᖏᑦ 10:6

ᒪᑯᓄᖓᓕ ᓰᐱᓄᑦ ᐊᓯᐅᓯᒪᔪᓄᑦ ᐂᓕᕆᑦᓯ, ᐃᓴᕆᐊᓕᒥᐅᑦ ᐃᓄᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 15:24

ᑕᕝᕙ ᑭᐅᕚ, “ᑎᓕᔭᐅᓯᒪᑐᐃᓐᓇᕐᐳᖓ ᓰᐱᓄᑦ ᐊᓯᐅᓯᒪᔪᓄᑦ ᐃᓴᕆᐊᓕᒥᐅᓄᑦ.”

ᒫᑎᐅᓯᐅᑉ ᐊᒡᓚᖏᑦ 9:36

ᐃᓄᒋᐊᒃᑐᕐᔪᐊᓪᓕ ᑕᑯᒐᒥᒋᑦ, ᐃᓚᑦᓱᒋᓕᕐᐰᑦ, ᐃᓱᒪᔮᕐᒪᑕ ᐃᑲᔪᕐᑎᒃᓴᖃᕐᑑᔮᕋᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᒫᑯᓯᐅᑉ ᐊᒡᓚᖏᑦ 6:34

ᔩᓱᓯᓕ ᐅᒥᐊᒥᑦ ᓂᐅᒐᒥ ᐃᓄᖕᓂᒃ ᐅᓄᕐᑐᒻᒪᕆᖕᓂᒃ ᑕᑯᒐᒥ, ᓇᒡᓕᒍᓱᒻᒪᕆᓕᕐᐳᖅ ᑖᒃᑯᓂᖓ, ᓰᐱᑎᑐᑦ ᑍᒤᒻᒪᑕ ᐰᕐᓯᔨᖃᖏᑦᑐᑎᑐᑦ. ᑍᒤᒻᒪᑦ ᐊᔪᕆᕐᑐᓕᕐᐰᑦ ᐊᒥᓱᓂᒃ ᐊᑦᔨᒌᖏᑦᑐᓂᒃ.

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᒨᓯᓯ ᑕᓪᓕᒪᖏᑦ 31:2

ᐅᖃᕐᓗᓂᓗ, “ᒫᓐᓇ ᐊᕐᕌᒍᖃᓕᕋᒪ 120ᓂᒃ; ᐊᔪᓕᓕᕐᐳᖓ ᐊᓂᖃᑦᑕᕆᐊᒃᓴᖅ ᐃᑎᖃᑦᑕᕆᐊᒃᓴᕐᓗ, ᐊᑕᓂᐅᓪᓗ ᐅᖃᐅᑎᓚᐅᕐᐹᖓ ᔪᐊᕐᑕᓂᒥᒃ ᐃᑳᕐᓂᐊᖏᓐᓂᕋᕐᓗᖓ.

ᐲᑦᑐᕉᓯ ᓯᕗᓪᓖᑦ 2:25

ᓰᐱᑎᑐᑦ ᐊᖅᑯᑎᒋᔭᒥᖕᓂᑦ ᐊᓯᐅᔨᔪᑎᑐᑦ ᑍᒤᓚᐅᕋᑦᓯ, ᒫᓐᓇᓕ ᐅᑎᕐᑎᑕᐅᓯᒪᕗᓯ ᐰᕐᓯᔨᒧᑦ ᑲᒪᔨᐅᔪᒧᓪᓗ ᑕᕐᓂᑦᓯᓐᓂᒃ.

ᓴᒧᐃᓕ ᓯᕗᓪᓖᑦ 18:13

ᑕᕝᕙ ᓴᐅᓕᐅᑉ ᓇᔪᕐᑕᒥᓃᑦᓱᓐᓃᕐᑎᑉᐹ, ᐊᖓᔪᖅᑳᓐᖑᕐᑎᓪᓗᒍᓗ ᐅᓇᑕᕐᑎᓄᑦ 1,000ᓄᑦ; ᐊᐅᓪᓚᖃᑦᑕᓚᐅᕐᐳᖅ ᑎᑭᑉᐸᒡᓗᓂᓗ ᐃᓄᐃᑦ ᓯᕗᓕᕐᓗᒋᑦ.

ᓴᒧᐃᓕ ᓯᕗᓪᓖᑦ 8:20

ᐃᓅᖃᑎᒌᒡᔪᐊᓕᒫᓂᒃ ᐊᑦᔨᖃᕐᓂᐊᕋᑦᑕ, ᓇᖕᒥᓂᖅ ᐊᖓᔪᖅᑳᕐᔪᐊᖃᕐᓗᑕ ᐊᐅᓚᑦᓯᔨᒋᓂᐊᕐᑕᑦᑎᓐᓂᒃ ᓯᕗᓕᕐᑎᒃᓴᑦᑎᓐᓂᒡᓗ ᐅᓇᑕᕐᓂᕐᒧᑦ ᐅᓇᑕᕐᑎᒋᓗᑎᒍᓗ.”