ᒨᓯᓯ ᓯᑕᒪᖏᑦ 26:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓄᓇᕐᔪᐊᑉ ᖃᓂᓂ ᐂᑦᑕᓚᐅᕐᐹ ᐄᓪᓗᒋᓪᓗ ᑰᕋᒃᑯᑦ ᐃᓚᒋᓪᓗᒋᑦ ᑐᖁᓚᐅᕐᑐᑦ, ᐃᑯᒪᐅᓪᓗ ᓄᖑᓚᐅᕐᐰᑦ ᐊᖑᑎᑦ 250; ᑖᒃᑯᐊ ᓇᓗᓁᒃᑯᑕᐅᓕᕐᓗᑎᒃ.

ᒨᓯᓯ ᓯᑕᒪᖏᑦ 26:10 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 16:35

ᐃᓴᕆᐊᓕᒥᐅᓪᓗ ᓂᕿᖃᓚᐅᕐᐳᑦ ᒫᓇᒥᒃ ᐊᕐᕌᒍᓂᒃ 40ᓂᒃ, ᓄᓇᒧᑦ ᐱᕈᕐᑐᓕᖕᒧᑦ ᑎᑭᓚᐅᖏᓐᓂᕐᒥᖕᓂ; ᓂᕿᖃᓚᐅᕐᐳᑦ ᒫᓇᒥᒃ, ᑬᓇᓂᐅᑉ ᓄᓇᖓᓄᑦ ᑎᑭᓚᐅᖏᓐᓂᕐᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 29:22

ᐃᓄᐃᓪᓗ ᐊᐅᓪᓚᕈᑦᔭᐅᓯᒪᔪᑦ ᔨᕉᓴᓕᒥᑦ ᐹᐱᓘᓂᒧᑦ ᓱᒋᐊᕐᑕᐅᖁᔨᓕᕌᖓᒥᒃ ᐅᖃᕐᐸᖕᓂᐊᕐᐳᑦ, ‘ᐊᑕᓂᐅᑉ ᐱᓂᐊᕐᕕᒋᓕᑎᑦ ᓲᕐᓗ ᔨᑎᑬᐊᒧᑦ ᐂᕼᐊᑉᒧᓪᓗ ᐱᓂᐊᓚᐅᕐᓂᖓᑐᑦ ᐆᒪᑎᓪᓗᒋᒃ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓄᑦ ᐃᑯᐊᓪᓚᒃᑕᐅᓚᐅᕐᒪᑎᒃ.’

ᐃᓯᑭᐊᓕᐅᑉ ᐊᒡᓚᖏᑦ 14:8

ᑍᒤᓕᐅᕐᑐᖅ ᓵᓐᓂᐊᕐᐸᕋ, ᓇᓗᓁᒃᑯᑕᓐᖑᕐᑎᓪᓗᒍ ᐅᖃᐅᓯᐅᖃᑦᑕᕐᓗᓂ ᐅᓗᕆᐊᒋᔭᒃᓴᐅᖁᓪᓗᒍ ᐃᓄᖁᑎᓐᓄᓪᓗ ᐃᓚᒋᔭᐅᔪᓐᓃᕐᑎᓪᓗᒍ; ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.

ᒨᓯᓯ ᓯᑕᒪᖏᑦ 16:2

ᐊᑭᕋᕐᑐᕆᐊᕐᑐᕐᐳᑦ ᒨᓯᓯᒥᒃ, ᐃᓴᕆᐊᓕᒥᐅᑦ ᐃᓚᖏᑦ ᐃᓚᒋᓪᓗᒋᑦ, 250ᓂᒃ ᓯᕗᓕᕐᑎᐅᔪᓂᒃ ᐃᓄᒋᐊᒃᑐᕐᔪᐊᓂᑦ, ᐃᓄᒋᐊᒃᑐᕐᔪᐊᑦ ᐱᑦᔪᑎᓪᓗᒋᑦ, ᐊᖑᑎᑦ ᐅᐱᒋᔭᐅᑦᓯᐊᕐᑐᑦ.

ᒨᓯᓯ ᓯᑕᒪᖏᑦ 16:38

ᐃᓯᕐᓗᐊᕐᓂᑎᑦᓯᑦᔪᑎᑦ ᓇᖕᒥᓂᖅ ᑕᕐᓂᑎᒃ ᐱᓪᓗᒋᑦ ᐊᔪᕐᑐᓕᓚᐅᕐᑐᑦ ᐱᖏᑦ, ᑲᑦᔪᒡᓗᒋᑦ ᓯᖓᕐᑎᓪᓗᒋᑦ ᑐᓂᕐᕈᓯᕐᕕᐅᑉ ᖄᖓᑕ ᐅᓕᒃᑖᕆᓂᐊᕐᒪᒋᑦ. ᐊᑕᓂᐅᑉ ᓵᖓᓂ ᑐᓂᕐᕈᑕᐅᓚᐅᕐᒪᑕ, ᑍᒤᒻᒪᑦ ᐃᑦᔪᕐᓁᑦᑑᕗᑦ; ᓇᓗᓁᒃᑯᑕᐅᓂᐊᕐᒪᑕ ᐃᓴᕆᐊᓕᒥᐅᓄᑦ.

ᒨᓯᓯ ᓯᑕᒪᖏᑦ 17:3

ᐂᕉᓂᐅᑉ ᐊᑎᖓ ᑎᑎᕋᕐᓗᒍ ᓕᕔᑉ ᐊᔭᐅᑉᐱᐊᖓᓂ. ᑭᖑᕚᖑᖃᑎᒌᑦ ᐊᑐᓂᑦ ᐊᑕᐅᓯᕐᒥᒃ ᐱᓂᐊᕐᒪᑕ.

ᒨᓯᓯ ᓯᑕᒪᖏᑦ 27:3

“ᐊᑖᑕᕗᑦ ᑐᖁᓚᐅᕐᒪᑦ ᐃᓄᖃᖏᑦᑐᒥ; ᐊᑕᓂᕐᒥᒡᓕ ᐊᑭᕋᕐᑐᑐᓂ ᐃᓚᒋᔭᐅᓚᐅᓐᖏᓚᖅ, ᑰᕋᒃᑯᓐᓂ ᐃᓚᐅᓚᐅᓐᖏᓚᖅ, ᓇᖕᒥᓂᕐᓕ ᐊᔪᕐᑐᓕᓂᕐᒥᓄᑦ ᑐᖁᓚᐅᕐᐳᖅ; ᐃᕐᓂᖃᓚᐅᕋᓂᓗ.

ᒨᓯᓯ ᑕᓪᓕᒪᖏᑦ 11:6

ᐃᖅᑲᐅᒪᒋᕗᓯ ᖃᓄᐃᓕᐅᓚᐅᕐᓂᖓᓂᒃ ᑖᑕᓂᒧᑦ ᐊᐱᕋᒧᓪᓗ, ᐃᓔᐊᐱᐅᑉ ᐃᕐᓂᖏᖕᓄᑦ ᕉᐱᓂᐅᑉ ᑭᖑᕚᖏᖕᓄᑦ. ᐃᓄᓕᒫᑦ ᑕᑯᓐᓇᕐᑎᓪᓗᒋᑦ ᓄᓇᕐᔪᐊᖅ ᐃᕐᐸᓚᐅᕐᒪᑦ ᑖᒃᑯᐊᓗ ᓄᓇᒧᑦ ᐄᔭᐅᓚᐅᕐᐳᑦ, ᐃᓚᓕᒫᖏᓪᓗ ᐃᓚᒋᓪᓗᒋᑦ, ᑐᐱᖏᓪᓗ, ᐱᔨᒋᔭᖏᓪᓗ ᐆᒪᔪᖁᑎᓕᒫᖏᓪᓗ, ᐃᓴᕆᐊᓕᒥᐅᑦ ᐊᑯᕐᖓᓐᓂᑦ.

ᒨᓯᓯ ᑕᓪᓕᒪᖏᑦ 28:46

ᑕᒪᒃᑯᐊᓗ ᓇᓗᓁᒃᑯᑕᐅᔪᒫᕐᐳᑦ ᒎᑎᐅᑉ ᐃᓕᑦᓯᓐᓂᒃ ᓱᒋᐊᕐᓯᓂᖓᓂᒃ ᑭᖑᕚᓯ ᐱᖃᓯᐅᑎᓗᒋᑦ ᐃᓱᖃᖏᑦᑐᒧᑦ.

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 2:34

ᐅᓇ ᓇᓗᓁᒃᑯᑕᐅᔪᒫᕐᐳᖅ ᐃᕐᓃᒃᑭᒃ, ᕼᐅᐱᓂ ᐱᓂᕼᐋᔅᓗ, ᐃᓕᖕᓄᑦ ᓇᓗᓁᒃᑯᑕᐅᔪᒫᕐᐴᒃ; ᐅᓪᓗᕐᒥ ᐊᑕᐅᓯᕐᒥ ᑐᖁᔪᒫᕐᐴᒃ, ᐊᑕᐅᑦᓯᒃᑯᑦ.