ᒨᓯᓯ ᓯᑕᒪᖏᑦ 16:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙ ᒨᓯᓯ ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᑐᓂᕐᕈᑎᖏᑦ ᑲᒪᒋᑦᑍᓕᒃᑭᑦ. ᓯᐅᑎᖅᑯᕐᑐᔪᒥᒡᓘᓐᓃᑦ ᐊᑕᐅᓯᕐᒥᒃ ᑖᒃᑯᓇᓐᖓᑦ ᐱᑎᑕᐅᓚᐅᓐᖏᓚᖓ, ᐋᓐᓂᕐᓯᓚᐅᕐᓇᖓᓘᓐᓃᑦ ᓇᓪᓕᐊᓐᓂᒃ.”

ᒨᓯᓯ ᓯᑕᒪᖏᑦ 16:15 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 22:22

ᐊᑕᓂᐅᑉ ᐱᖁᔭᖏᑦ ᓈᓚᓚᐅᕐᐸᒃᑲ; ᒎᑎᓐᓂᒃ ᕿᒤᓚᐅᖏᓐᓇᒪ ᐱᐅᖏᑦᑐᓕᓂᕐᒧᑦ.

ᒨᓯᓯ ᐂᑉᐸᖏᑦ 32:19

ᒨᓯᓯᓕ ᑕᖕᒫᕐᓯᒪᕕᖕᒧᑦ ᖃᒡᓕᒐᒥ ᑕᑯᓕᕐᐳᖅ ᓄᕐᕋᓐᖑᐊᒥᒃ ᐃᓄᖕᓂᒡᓗ ᑖᓂᓯᕐᑐᓂᒃ, ᐃᓗᐃᓪᓕᓂᕐᒧᑦ ᓂᓐᖓᒃᑐᐊᓘᕗᖅ. ᑕᒫᓂᓗ ᖃᖅᑲᐅᑉ ᑭᒡᓕᖓᓂ, ᑎᒍᒥᐊᕐᑖᖕᓂ ᐅᔭᕌᒃ ᓂᓐᖓᖕᓂᕐᒧᑦ ᒥᓗᕆᐅᑎᕚᒃ ᓯᖁᒥᓪᓗᒋᒡᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᒨᓯᓯ ᓯᑕᒪᖏᑦ 12:3

(ᒨᓯᓯᓕ ᐃᓅᓚᐅᕐᐳᖅ ᒥᑭᒡᓕᑎᕐᓯᒪᔪᕐᔪᐊᖑᓪᓗᓂ ᓄᓇᕐᔪᐊᒦᑦᑐᓕᒫᓂᑦ ᒥᑭᒡᓕᑎᕐᓯᒪᓂᕐᐹᖑᓪᓗᓂ.)

ᒨᓯᓯ ᓯᑕᒪᖏᑦ 16:16

ᒨᓯᓯ ᑰᕋᒧᑦ ᐅᖃᕐᐳᖅ, “ᖃᐅᒃᐸᑦ, ᐃᓚᒋᔭᑎᓪᓗ ᑖᒃᑯᐊ ᐃᓚᒋᓗᒋᑦ ᐊᑕᓂᐅᑉ ᓵᖓᓅᓚᕐᐳᓯ ᐃᕝᕕᓪᓗ ᐅᑯᐊᓗ, ᐂᕉᓂ ᐃᓚᐅᓛᕆᕗᖅ.

ᒫᑎᐅᓯᐅᑉ ᐊᒡᓚᖏᑦ 5:22

ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

ᒫᑯᓯᐅᑉ ᐊᒡᓚᖏᑦ 3:5

ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:15

ᑍᒫᒡᓕ ᐱᓇᓱᐊᕐᓯᒪᓐᖏᓚᖓ, ᐱᑎᑕᐅᔪᒪᓂᕐᒧᓪᓗ ᑕᒪᑐᒥᖓ ᑎᑎᕋᓐᖏᓚᖓ, ᑐᖁᔪᒪᖔᕋᔭᕐᐳᖓᓕ ᓂᕐᑑᑎᑦᔪᑎᒃᓴᕋ ᓇᓪᓕᐊᓐᓄᑦ ᓱᓇᐅᔪᓐᓃᕐᑎᑕᐅᖁᖏᓐᓇᒃᑯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:2

ᐆᒻᒪᑎᑦᓯᓐᓂ ᐃᓂᒃᓴᖃᕐᑎᑎᒍᑦ, ᑭᓇᒥᒡᓘᓐᓃᑦ ᐊᑲᐅᖏᑦᑐᓕᕕᖃᓚᐅᓐᖏᓚᒍᑦ, ᐱᐅᔪᓐᓃᕐᑎᑦᓯᓚᐅᕋᑕᓗ, ᓵᓚᓯᐊᖃᓚᐅᕋᑕᓘᓐᓃᑦ.

ᐃᐱᓯᒥᐅᓄᑦ 4:26

ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᕐᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:10

ᐃᓕᑦᓯ ᑕᕝᕙ ᖃᐅᔨᓯᒪᔪᖁᑎᒋᕙᑦᓯ ᐅᕙᑦᑎᓐᓂᒃ, ᒎᑎᓗᑦᑕᐅᖅ, ᐱᓇᓱᐊᕐᓂᕆᓚᐅᕐᑕᕗᑦ ᐅᒃᐱᕐᑐᓄᑦ ᐃᑦᔪᕐᓁᑦᑑᓚᐅᕐᐳᖅ, ᓈᒻᒪᑦᑎᐊᕐᓗᓂ ᐸᓯᔭᒃᓴᐅᓂᖃᕋᓂᓗ;