ᒨᓯᓯ ᓯᑕᒪᖏᑦ 15:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒪᓕᒐᖃᕐᓂᐊᕐᐳᓯ ᐃᓕᑦᓯᓐᓄᑦ ᑲᑎᒪᔪᕐᔪᐊᓄᑦ ᓄᓇᐅᓪᓗ ᐊᓯᐊᓂᑦ ᐱᓯᒪᔪᓄᑦ, ᑍᒪᓐᖓᓕᒫᖅ ᒪᓕᒐᕆᓂᐊᕐᑕᓯ ᑭᖑᕚᕇᓂᑦ ᑭᖑᕚᕇᓄᑦ; ᐃᓕᑦᓯ ᑍᒤᑦᓴᕆᐊᖃᕐᓂᐊᕋᑦᓯ, ᑍᒫᒃᑕᐅᖅ ᓄᓇᐅᑉ ᐊᓯᐊᓂᑦ ᐱᓯᒪᔪ ᐱᔭᕆᐊᖃᕆᕗᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 15:15 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 15:29

ᐊᑕᐅᓯᕐᒥᒃ ᐱᖁᔭᖃᕐᓂᐊᕐᐳᓯ ᐱᔮᕆᓇᓂ ᐊᔪᕐᑐᓕᔪᒧᑦ, ᐃᓴᕆᐊᓕᒥᐅᓂ ᓄᓇᖃᖃᑕᐅᓗᓂ ᐃᓅᓚᐅᕐᑐᒧᑦ ᐊᓯᓂᓪᓗ ᓄᓇᒥᑦ ᐱᓯᒪᓗᓂ ᑖᒃᑯᓇᓂ ᓄᓇᖃᖃᑕᐅᔪᓄᑦ.”

ᒨᓯᓯ ᓯᑕᒪᖏᑦ 9:14

“‘ᐃᓅᖃᑎᒋᓐᖏᑕᓯᓕ ᐃᓂᖃᕐᑐᖅ ᐊᑯᓐᓇᑦᓯᓐᓂ, ᐊᑕᓂᐅᑉ ᖄᖏᕐᑕᐅᕕᒃᓯᐅᑎᖓᓂᒃ ᓇᓪᓕᐅᓐᓂᕐᓯᐅᕈᒪᒃᐸᑦ, ᓇᓪᓕᐅᓐᓂᕐᓯᐅᕈᓐᓇᕐᐳᖅ ᖄᖏᕐᑕᐅᕕᐅᑉ ᐱᐅᓯᖏᑦ ᒪᓕᒡᓗᒋᑦ ᑐᒃᓯᐊᕐᓂᒃᑯᓪᓗ ᐱᐅᓯᖏᑦ ᒪᓕᒡᓗᒋᑦ; ᐊᑕᐅᓯᕐᒥᒃ ᒪᓕᒐᖃᕆᐊᖃᕐᐳᓯ, ᓂᐅᕐᕈᐊᓄᓪᓗ ᓄᓇᖃᕐᑐᑐᖃᕐᓄᓪᓗ.’”

ᒨᓯᓯ ᐂᑉᐸᖏᑦ 12:49

ᐊᑕᐅᓯᕐᒥᒡᓕ ᐱᖁᔭᖃᕐᑐᒃᓴᐅᕗᑦ ᐃᓚᒋᔭᓯᓗ ᐃᓚᒋᓐᖏᑕᓯᓗ ᐃᒡᓗᒥᐅᑕᓕᒫᓯ.”

ᒐᓔᑎᐊᒥᐅᓄᑦ 3:28

ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.

ᓴᒧᐃᓕ ᓯᕗᓪᓖᑦ 30:25

ᑍᕕᑎᐅᑉ ᑕᒪᓐᓇ ᑕᕝᕙᓐᖓᑦ ᐱᒋᐊᕐᓗᒍ ᐱᖁᔭᓕᐊᕆᓚᐅᕐᐹ, ᐃᓴᕆᐊᓕᒥᐅᓂᓪᓗ ᑍᒪᓐᖓ ᑕᒪᓐᓇ ᒪᓕᒃᑕᐅᓕᓚᐅᕐᐳᖅ.

ᒨᓯᓯ ᓯᑕᒪᖏᑦ 10:8

ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᐃᕐᓂᖏᑦ ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔭᕆᐊᖃᕐᐳᑦ; ᑕᒪᓐᓇ ᑕᕝᕙ ᐱᖁᔭᖅ ᒪᓕᒋᐊᖃᕐᑕᓯ ᑍᒪᓐᖓᓕᒫᖅ ᑭᖑᕚᕇᓄᑦ.

ᒨᓯᓯ ᐱᖓᔪᖏᑦ 24:22

ᐊᑦᔨᒌᒥᒃ ᐱᖁᔭᖃᕆᐊᖃᕐᐳᓯ ᐃᓴᕆᐊᓕᒥᐅᖑᒃᐸᑦ ᐊᓯᐊᓂᒥᐅᑕᐅᒃᐸᓪᓘᓐᓃᑦ ᐃᓕᑦᓯᓐᓂ ᓄᓇᖃᖃᑕᐅᔪᓕᒫᑦ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᐂᑉᐸᖏᑦ 12:43

ᐊᑕᓂᖅ ᐅᖃᕐᐳᖅ ᒨᓯᓯᒧᑦ ᐂᕉᓂᒧᓪᓗ, “ᐅᑯᐊ ᑕᕝᕙ ᖄᖏᕐᑕᐅᕕᖕᒧᑦ ᒪᓕᒐᐅᔭᕆᐊᖃᕐᑐᑦ ᐃᒤᑦᑑᕗᑦ; ᐃᓅᖃᑎᑐᖃᕆᓐᖏᑕᓯ ᖄᖏᕐᑕᐅᕕᖕᒥᒃ ᓇᓪᓕᐅᓂᕐᓯᐅᕐᓂᕐᒧᑦ ᓂᕆᖃᑎᒌᖕᓂᕐᒥ ᓂᕆᖃᑕᐅᔪᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 12:24

ᐃᓕᑦᓯ ᕿᑐᕐᖓᓕᒫᓯᓗ ᑕᒪᒃᑯᐊ ᒪᓕᒐᒃᓮᑦ ᓈᓚᒃᑕᕐᓴᕆᕙᓯ.

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᑯᓘᓯᐊᒥᐅᓄᑦ 3:11

ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ, ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.

ᒨᓯᓯ ᓯᑕᒪᖏᑦ 18:8

ᐊᑕᓂᐅᓪᓗ ᐂᕉᓂ ᐅᖃᕐᕕᒋᕚ, “ᐅᕙᖓ ᓇᖕᒥᓂᖅ ᑐᓂᓯᕕᒋᕙᑦᓯ ᐊᖓᔪᖅᑳᖑᖁᓪᓗᓯ ᑐᓂᕐᕈᓯᕐᓂᕐᒧᑦ ᐃᓵᒃᑕᕈᑎᒧᑦ, ᐃᑦᔪᕐᓁᑦᑐᓕᒫᓂᒡᓗ ᐃᓴᕆᐊᓕᒥᐅᑦ ᑐᓂᕐᕈᑎᒋᕙᒃᑕᖏᓐᓄᑦ; ᑐᓂᓯᕕᒋᕙᑦᓯ ᐃᓕᖕᓄᑦ ᐃᕐᓂᕐᓄᓪᓗ, ᑍᒪᓐᖓᓕᒫᖅ ᑕᒪᓐᓇ ᒪᓕᒐᐅᖁᓪᓗᒍ.

ᒨᓯᓯ ᓯᑕᒪᖏᑦ 15:14

ᓄᓇᐅᑉ ᐊᓯᐊᓂᑦ ᐱᓯᒪᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐃᓕᑦᓯᓐᓃᑐᖃᕐᐸᓪᓘᓐᓃᑦ ᐃᓅᖃᑎᒋᔭᑦᓯᓐᓂᒃ, ᑐᓂᕐᕈᓯᕈᒪᒃᐸᑦ ᐃᑯᐊᓚᑎᑕᒃᓴᒥᒃ, ᐊᑕᓂᕐᒧᑦ ᑎᐱᑦᓯᐊᕆᒃᑐᒥᒃ, ᐃᓕᑦᓯᑎᑐᑦ, ᑍᒫᒃ ᐱᔭᕆᐊᖃᕐᐳᖅ.

ᒨᓯᓯ ᐂᑉᐸᖏᑦ 28:43

ᑕᒪᒃᑯᐊᓗ ᐂᕉᓂᐅᑉ ᐃᕐᓂᖏᑕᓗ ᑍᒪᓐᖓᑦ ᐊᑐᕐᑕᒃᓴᕆᕔᑦ ᑐᐱᖁᑎᓐᓄᑦ ᓇᔪᒐᓐᓄᑦ ᐃᑎᕐᓂᐊᑐᐊᕈᑎᒃ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᓂᐊᑐᐊᕈᑎᒃ ᑐᓂᕐᕈᓯᕐᑎᑦᓯᓂᕐᒥᒃ ᑕᕝᕙᓂ ᐃᑦᔪᕐᓁᕐᑐᕕᖕᒥ; ᑐᖁᑕᐅᔪᒃᓴᐅᖁᓇᒋᑦ ᑲᓐᖑᓇᕐᓂᕐᒥᖕᓂᒃ ᓴᖅᑭᑎᑦᓯᓂᕐᒥᖕᓄᑦ. ᑕᒪᓐᓇᓗ ᓱᖁᓯᔪᐃᑦᑑᓗᓂ ᒪᓕᒐᕆᔭᐅᓂᐊᕐᐳᖅ ᐂᕉᓂᒧᑦ ᑭᖑᕚᓕᒫᖏᓐᓄᓪᓗ.”

ᔮᓱᐊᑉ ᐊᒡᓚᖏᑦ 8:33

ᐃᓴᕆᐊᓕᒥᐅᓕᒫᑦ, ᐊᖓᔪᖅᑳᖏᓪᓗ ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ, ᐃᓱᒪᓕᐅᕆᔩᓪᓗ ᓄᓇᓕᑐᖃᐅᖏᑦᑐᓪᓗ ᐃᓚᒋᔭᖏᑦ ᓇᖏᓚᐅᕐᐳᑦ ᐊᑭᓕᕇᒃᓗᑎᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᓴᓂᐊᓂ, ᓵᓐᖓᓪᓗᑎᒃ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ ᐊᒡᔭᕐᓯᔪᓄᑦ ᑖᑦᓱᒥᖓ, ᐃᓄᐃᑦ ᐊᕝᕙᖏᑦ ᓇᖏᕐᐳᑦ ᖃᖅᑲᐅᑉ ᒋᕆᔨᐅᑉ ᓵᖓᓂ, ᐊᕝᕙᖏᓪᓗ ᖃᖅᑲᐅᑉ ᐄᐸᐅᑉ ᓵᖓᓃᓪᓗᑎᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᒪᒋᑦ ᓯᕗᓪᓕᕐᐹᒥᒃ, ᐃᓴᕆᐊᓕᒥᐅᓕᒫᑦ ᓮᒻᒪᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.

ᐃᔅᑕᐅᑉ ᐊᒡᓚᖏᑦ 9:27

ᔫᑎᑦ ᐋᖅᑭᒃᓯᓚᐅᕐᐳᑦ ᐱᖁᔭᓕᐅᕐᓗᑎᒡᓗ ᐃᒻᒥᖕᓄᑦ ᑭᖑᕚᕆᓂᐊᕐᑕᖏᓪᓗ ᔫᑎᓄᑦ ᐃᓚᓕᐅᑎᔪᒪᒐᔭᕐᑐᑦ, ᐱᓐᖏᓮᓐᓇᖃᑦᑕᖏᓪᓗᑎᒃ ᑖᒃᑯᓂᖓ ᐅᓪᓘᖕᓂᒃ ᒪᕐᕉᖕᓂᒃ ᓇᓪᓕᐅᓐᓂᕐᓯᐅᖃᕐᑕᖁᓪᓗᒋᑦ ᐊᕐᕌᒍᑕᒫᑦ, ᑎᑎᕋᕐᑕᐅᓯᒪᔪᑦ ᒪᓕᒡᓗᒋᑦ ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᕐᓯᒪᔪᑦ ᓇᓪᓕᐅᓐᓂᕐᒥᓗ ᓇᓗᓁᕐᑕᐅᓯᒪᔪᒥᒃ ᒪᓕᒡᓗᑎᒃ,