ᒨᓯᓯ ᓯᑕᒪᖏᑦ 13:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑖᒃᑯᐊᓗ ᐅᓂᒃᑳᕐᐳᑦ ᐱᐅᖏᓐᓂᕅᓪᓗᑎᒃ ᐃᓴᕆᐊᓕᒥᐅᓄᑦ ᓄᓇᒥᒃ ᐃᔨᕋᕐᑐᕐᓗᑎᒃ ᕿᒥᕐᕈᔭᕐᑐᓚᐅᕐᑕᒥᖕᓂᒃ ᐅᖃᕐᓗᑎᒃ, “ᓄᓇ ᐃᔨᕋᕐᑐᕐᓗᑕ ᕿᒥᕐᕈᔭᕐᑐᓚᐅᕐᑕᕗᑦ ᓱᒃᑯᔨᐊᖃᕐᐳᑦ ᐃᓄᖕᓂᒃ ᑖᕙᓂ ᓄᓇᖃᕐᑐᓂᒃ; ᐃᓄᐃᑦ ᑖᕙᓂ ᑕᑯᔭᓕᒫᕗᑦ ᐊᖏᔫᑎᐊᓘᕗᑦ.

ᒨᓯᓯ ᓯᑕᒪᖏᑦ 13:32 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 21:20

ᐊᓯᐊᓂ ᐅᓇᑕᕐᓂᖃᕆᐊᓪᓚᓚᐅᕆᕗᖅ ᒑᑎᒥ, ᐃᓄᒃᐸᒃᑕᖃᓚᐅᕐᐳᖅ ᐅᓇᑕᕆᐊᒃᓴᖅ ᐊᓕᐊᓁᒍᓱᒃᑐᒥᒃ 6ᓂᒃ ᐃᓗᒃᑐᑦ ᐊᒡᒐᖏᑦ ᐃᓄᒐᓐᖑᐊᖃᓚᐅᕐᐳᑦ 6ᓂᒡᓗ ᐃᑎᒐᖏᑦ ᐃᒡᓗᒃᑐᑦ ᐃᓄᒐᓐᖑᐊᖃᕆᓪᓗᑎᒃ, ᑲᑎᓪᓗᖏᑦ 24ᓂᒃ ᐃᓄᒐᓐᖑᐊᖃᕐᑐᒥᒃ; ᑖᓐᓇᑦᑕᐅᖅ ᕌᐸᒃᑯᑦ ᑭᖑᕚᖏᓐᓂᒥᐅᑕᒋᕗᖅ.

ᑯᕉᓂᑲ ᓯᕗᓪᓖᑦ 20:6

ᓱᓕ ᐅᓇᑕᒃᑲᓐᓂᓕᓚᐅᕆᕗᖅ ᒑᑎᒥ, ᑕᕝᕙᓂᓗ ᐊᖑᑎᑕᖃᕐᐳᖅ ᐊᖏᔪᕐᔪᐊᒥᒃ, ᐃᓄᒐᓐᖑᐊᓕᒃ ᐱᖓᓲᔪᕐᑐᓂᒃ ᐊᒡᒐᖏᓐᓂ ᐃᑎᒐᖏᓐᓂᓗ, ᑲᑎᓪᓗᒋᑦ ᐃᒡᓗᒃᑐᑦ 24ᓂᒃ ᐃᓄᒐᓐᖑᐊᖃᕐᐳᖅ; ᑖᓐᓇᓗ ᐃᓄᒃᐸᖕᓄᑦ ᕌᐸᒃᑯᓐᓄᑦ ᑭᖑᕚᕆᔭᐅᕗᖅ.

ᐃᓐᖏᕈᑎᑦ 106:24

ᑕᕝᕙ ᓄᓇᑦᓯᐊᕚᓗᒃ ᓇᕐᕈᒋᓕᓚᐅᕆᕚᑦ, ᐊᖏᕈᑎᒋᓚᐅᕐᑕᖏᑦ ᐅᒃᐱᕆᓚᐅᓐᖏᓐᓇᒥᒋᑦ:

ᐃᓯᑭᐊᓕᐅᑉ ᐊᒡᓚᖏᑦ 36:12

ᐄᓛᒃ, ᐃᓄᖕᓄᑦ ᐱᓱᒡᕕᐅᖃᑦᑕᓕᕐᑎᑦᓱᒫᕆᕙᒋᑦ, ᐊᒡᓛᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ; ᓄᓇᑖᕆᔪᒫᕐᐹᑎᑦ, ᑖᒃᑯᓇᓐᖓᓪᓗ ᑭᖑᕐᖑᑎᔭᐅᓕᕐᓗᑎᑦ, ᕿᑐᕐᖓᖏᓪᓗ ᐱᕐᓚᓱᒃᑎᓚᐅᕐᓯᒪᓂᐊᕈᓐᓃᕐᐸᑎᑦ.

ᐂᒨᓯᐅᑉ ᐊᒡᓚᖏᑦ 2:10

ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᐅᑉ ᓄᓇᖓᓂᑦ, ᑕᓯᐅᓚᐅᕐᐸᑦᓯᓗ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒥ, ᓄᓇᑖᖁᓪᓗᓯ ᐊᒧᕅᑎᑦ ᓄᓇᖓᓐᓂᒃ.

ᐂᒨᓯᐅᑉ ᐊᒡᓚᖏᑦ 2:9

“ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ.

ᒨᓯᓯ ᓯᑕᒪᖏᑦ 13:28

ᑭᓯᐊᓂᓕ ᐃᓄᐃᑦ ᑖᕙᓂ ᓄᓇᖃᕐᑐᑦ ᓴᓐᖏᔪᐊᓘᕗᑦ; ᓄᓇᓕᒡᔪᐊᖏᓪᓗ ᐊᕙᓗᕐᔪᐊᖃᕐᐳᑦ ᓴᐴᓗᑕᖃᕐᓗᑎᒃ ᐊᖏᔪᕐᔪᐊᖑᓪᓗᑎᒡᓗ; ᐊᒻᒪᓗ ᑕᑯᓚᐅᕐᐳᒍᑦ ᐊᓇᑭᐅᑉ ᑭᖑᕚᖏᓐᓂᒃ ᑕᐅᕙᓂ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒨᓯᓯ ᑕᓪᓕᒪᖏᑦ 1:28

ᓱᖕᒪᓪᓕ ᑕᕝᕗᓐᖓᕆᐊᖃᕐᐱᑖ? ᓯᕘᕋᓕᕐᐳᒍᑦ. ᑎᓕᓚᐅᕐᑕᑦᑎᓐᓄᑦ ᐅᓂᒃᑳᕐᕕᐅᓚᐅᕋᑦᑕ ᑕᕝᕙᓂᒥᐅᑦ ᓴᓐᖏᓂᕐᓴᐅᓂᖏᓐᓂᒃ ᐊᖏᓂᕐᓴᐅᓂᖏᓐᓂᒡᓗ ᐅᕙᑦᑎᓐᓂᑦ, ᐃᒡᓗᒐᓴᖏᓪᓗᒎᖅ ᐊᕙᓗᕐᔪᐊᖃᕐᓗᑎᒃ ᕿᓚᖕᒧᑦ ᐊᒃᑐᐊᔪᓂᒃ; ᐱᓗᐊᓐᖑᐊᕐᑐᒥᒡᓗ ᑍᑲᓂᒥᐅᒡᒎᖅ ᐊᓇᑭᒥᐅᑦ ᐃᓄᒃᐹᓘᖕᒪᑕ!’