ᒨᓯᓯ ᓯᑕᒪᖏᑦ 13:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᕝᕙ ᒨᓯᓯᐅᑉ ᑎᓕᕔᑦ ᐃᔨᕋᕐᑐᕐᓗᑎᒃ ᓄᓇᒥᒃ ᑬᓇᓂᒥᒃ ᕿᒥᕐᕈᔭᕐᑐᖁᓪᓗᒋᑦ, ᐅᖃᐅᑎᓪᓗᒋᓪᓗ, “ᒪᐅᓈᕐᓗᓯ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᖃᖅᑲᓄᑦ ᐂᓕᕆᕐᓯ,

ᒨᓯᓯ ᓯᑕᒪᖏᑦ 13:17 ပူးပေါင်းရင်းမြစ်များ

ᐃᓗᐊᕐᓮᔩᑦ ᐊᒡᓚᖏᑦ 1:9

ᑕᒪᑐᒪ ᑭᖑᕐᖓᒍᑦ ᔫᑕᒥᐅᑦ ᐅᓇᑕᕆᐊᓚᐅᕐᐳᑦ ᑬᓇᓂᒥᐅᓂᒃ ᓄᓇᖃᕐᑐᓂᒃ ᖃᖅᑲᓕᖕᒥ, ᖃᖅᑬᓪᓗ ᑭᒡᓕᖏᓐᓂ, ᓇᑎᕐᓇᒥᓗ ᓄᓇᒥ ᓯᕿᓂᐅᑉ ᓇᓛᓃᑦᑐᓂ ᓂᒋᑉᒥ.

ᒨᓯᓯ ᓯᕗᓪᓖᑦ 12:9

ᐂᑉᕋᒻᓗ ᑕᕝᕙᓐᖓᑦ ᐊᐅᓪᓚᕐᐳᖅ, ᓱᓕ ᓇᔪᕐᑕᖓᑕ ᓯᕿᓂᖓᑕ ᓇᓛᓄᑦ ᓂᒋᑉᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 1:19

ᐊᑕᓂᐅᑉ ᐃᓚᒋᓚᐅᕐᐰᑦ ᔫᑕᐅᑉ ᑭᖑᕚᖏᑦ. ᓄᓇᑖᕐᓗᑎᒡᓗ ᖃᖅᑲᓕᖕᒥᒃ, ᑭᓯᐊᓂᓕ ᓯᖏᑦᓯᔪᓐᓇᓚᐅᓐᖏᓚᑦ ᐃᓄᖕᓂᒃ ᒪᓂᕋᕐᒦᑦᑐᓂᒃ ᕿᒧᒃᓯᐅᑎᓄᑦ ᑲᓕᒐᖃᓚᐅᕐᒪᑕ ᐊᒃᓴᓗᐊᓕᖕᓂᒃ ᓴᕕᕋᔭᖕᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 1:15

ᐸᓂᖓᑕ ᑭᐅᕚ, “ᐳᐂᓚᕕᓕᖕᒥᒃ ᐱᑎᑕᐅᔪᒪᕗᖓ, ᓄᓇ ᕾᓚᐅᕐᑍᑦ ᓂᒋᑉ ᐸᓂᕐᑐᒦᒻᒪᑦ.” ᑍᒤᒻᒪᑦ ᑬᓚᐱᐅᑉ ᑐᓂᓚᐅᕐᐹ ᑰᖃᕐᑐᓂᒃ ᖁᑦᓯᖕᓂᕐᓴᒥ ᐊᒃᐸᓯᖕᓂᕐᓴᒥᓗ ᑰᖃᕐᑐᒥᒃ.

ᔮᓱᐊᑉ ᐊᒡᓚᖏᑦ 15:3

ᓯᕿᓂᐅᑉ ᓇᓛᓄᑦ ᓱᓕ ᐊᒃᕋᐱᒻᒥᑦ ᔨᓐ ᖄᖏᕐᓯᒪᓪᓗᒍ, ᑲᑎᓯ-ᐸᕐᓂᐊᑉ ᓯᕿᓂᖓᓄᑦ ᑎᑭᐅᒪᓪᓗᓂ, ᕼᐃᔅᕋᓐ ᐅᖓᑖᓄᑦ ᐊᑦᑕᕆ ᑎᑭᓪᓗᒍ, ᓴᖑᓯᒪᓪᓗᓂ ᓄᓇᒧᑦ ᑳᑲᒧᑦ ᑎᑭᓪᓗᒍ,

ᒨᓯᓯ ᓯᕗᓪᓖᑦ 13:1

ᐂᑉᕋᒻᓗ ᐄᑦᔨᑉᑎᒥᑦ ᐊᐅᓪᓚᕐᐳᖅ, ᓄᓕᐊᓂ ᐱᖁᑎᓕᒫᓂᓗ ᑕᒪᕐᒥᒃ ᓇᒃᓴᕐᓗᒋᑦ, ᓘᑎᓗ ᐃᓚᒋᓪᓗᒍ, ᓯᕿᓂᐅᑉ ᓇᓛᓄᑦ ᓂᒋᑉᒧᑦ.

ᒨᓯᓯ ᑕᓪᓕᒪᖏᑦ 1:44

ᑕᕝᕙ ᐊᒧᕅᑎᒥᐅᑦ ᖃᖅᑲᓂ ᓄᓇᓖᑦ ᐃᓕᑦᓯᓐᓄᐊᕈᒫᕐᐳᑦ ᐃᒍᑦᓴᑎᑐᑦ ᑲᑎᓐᖓᔪᐊᓗᒃᑎᑐᑦ ᑍᒤᓪᓗᑎᒃ ᑕᕝᕙ ᕿᒫᑎᑕᐅᔪᒫᕐᐳᓯ ᓄᓇᒥᑦ ᓰᐊᕆᒥᑦ ᕼᐅᕐᒪᒥᐅᑦ ᑎᑭᓪᓗᒋᑦ ᓵᓚᒋᔭᐅᓪᓗᓯᓗ ᑕᕝᕙᓂ ᐄᑐᒥᐅᑉ ᖃᖅᑲᖏᓐᓂ.

ᒨᓯᓯ ᓯᑕᒪᖏᑦ 14:40

ᐅᓪᓛᕌᕐᔪᒃᑯᑦ ᒪᑭᓐᓇᒥᒃ ᖃᖅᑲᐅᑉ ᖄᖓᓄᑦ ᒪᔪᕋᕐᐳᑦ, ᐅᖃᕐᓗᑎᒡᓗ, “ᑕᕝᕙ ᒪᔪᕋᓕᕐᐳᒍᑦ ᐊᑕᓂᐅᑉ ᐅᐸᖁᓪᓗᓂᐅᒃ ᐊᖏᕈᑎᒋᔭᖓᓄᑦ, ᐊᔪᕐᑐᓕᓚᐅᕋᑦᑕ!”

ᒨᓯᓯ ᓯᑕᒪᖏᑦ 13:29

ᐊᒪᓕᑬᑎᑦ ᓄᓇᖃᕐᐳᑦ ᓯᕿᓂᐅᑉ ᓇᓛᓂ ᓂᒋᑉᒥ; ᕼᐃᑍᑎᑦ, ᔨᐳᓮᑎᑦ, ᐊᒧᕅᑎᓪᓗ ᓄᓇᖃᕐᐳᑦ ᖃᖅᑲᓂ; ᑬᓇᓂᒥᐅᑦ ᓄᓇᖃᕐᐳᑦ ᐃᒪᐅᑉ ᓯᓈᓂ ᑰᓪᓗ ᔪᐊᕐᑕᓂᐅᑉ ᓯᓈᓂ.”

ᒨᓯᓯ ᓯᕗᓪᓖᑦ 14:10

ᑕᒪᓐᓇᓗ ᓇᕐᓴᖅ ᓯᑎᒻ ᒪᕐᕆᓐᓇᕐᑐᓂᒃ ᐅᓄᕐᑐᓂᒃ ᐃᑎᕐᓴᖃᐅᓚᐅᕐᐳᖅ; ᓱᑑᒪᒥᐅᓪᓗ ᒍᒨᕋᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᓇᑕᕐᓂᕐᒥᑦ ᕿᒫᓇᓱᐊᕐᓗᑎᒃ, ᒪᕐᕆᓐᓇᕐᑐᓄᑦ ᑲᑕᖃᑦᑕᓚᐅᕐᐳᑦ; ᐊᓯᖏᓪᓕ ᐊᖓᔪᖅᑳᕐᔪᐊᑦ ᐊᓐᓇᓚᐅᕐᐳᑦ ᖃᖅᑲᓄᑦ ᕿᒫᓪᓗᑎᒃ.

ᒨᓯᓯ ᓯᕗᓪᓖᑦ 13:3

ᐃᖏᕐᕋᓚᐅᕐᐳᕐᓗ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᐱᑎᓕ ᑎᑭᓪᓗᒍ, ᑕᕝᕗᖓ ᑕᖕᒫᕐᓯᒪᕕᒋᓚᐅᕐᑕᒥᓄᑦ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓄᑦ.

ᒨᓯᓯ ᓯᕗᓪᓖᑦ 13:17

ᒫᓐᓇᓕ, ᒪᑭᓪᓗᑎᑦ ᐃᖏᕐᕋᓕᕆᑦ ᓄᓇᐅᑉ ᑕᑭᓂᖓ ᐃᓱᓕᓪᓗᒍ ᓯᓕᖕᓂᖓᓗ ᐃᓱᓕᓪᓗᒍ, ᑕᒪᓐᓇ ᑕᒪᕐᒥᒃ ᐃᓕᖕᓄᑦ ᑐᓂᓂᐊᕋᒃᑯ.”

ᒨᓯᓯ ᓯᑕᒪᖏᑦ 13:18

ᕿᒥᕐᕈᒋᑦᓯ ᓄᓇ ᖃᓄᐃᑦᑑᖕᒪᖔᑦ: ᐃᓄᐃᓪᓗ ᑖᕙᓂ ᓄᓇᖃᕐᑐᑦ ᓴᓐᖏᔫᖕᒪᖔᑕ ᓴᓐᖐᑦᑑᖕᒪᖔᑕᓘᓐᓂᑦ ᐅᓄᖏᒻᒪᖔᑕᓘᓐᓃᑦ ᐅᓄᕐᒪᖔᑕᓘᓐᓃᑦ;

ᔮᓱᐊᑉ ᐊᒡᓚᖏᑦ 2:1

ᔮᓱᐊ ᓈᓂᐅᑉ ᐃᕐᓂᖓ ᑎᓕᓯᕗᖅ ᒪᕐᕉᖕᓂᒃ ᖃᐅᔨᓴᕆᐊᕐᑑᖕᓂᒃ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ, ᐃᒫᒃ ᐅᖃᐅᑎᓪᓗᒋᑦ, “ᖃᐅᔨᔭᐅᑦᑍᓕᓗᓯᒃ ᑬᓇᐅᑉ ᓄᓇᖓᓂᒃ ᖃᐅᔨᓴᕆᐊᕆᑦᓯᒃ ᐱᓗᐊᕐᑐᒥᒃ ᔨᕆᑰᑉ ᐃᒡᓗᒐᓴᖏᓐᓂᒃ.” ᑖᒃᑯᐊᓗ ᐃᒡᓗᒐᓴᖕᓄᐊᕐᐳᑦ, ᑕᕝᕙᓃᑉᐳᓪᓗ ᐅᓪᓘᖕᓂᒃ ᒪᕐᕉᖕᓂᒃ, ᑐᔪᕐᒥᓪᓗᑎᒃ ᕅᕼᐊᐱᒥᒃ ᐊᑎᓕᖕᒥᒃ, ᑖᓐᓇ ᑮᓇᐅᔭᒧᑦ ᐊᑐᒐᐅᓚᐅᕐᑐᖅ.

ᔮᓱᐊᑉ ᐊᒡᓚᖏᑦ 10:40

ᑕᕝᕙ ᔮᓱᐊᑉ ᓄᓇᓕᓕᒫᑦ ᓵᓚᒋᓚᐅᕐᐰᑦ, ᐊᖓᔪᖅᑳᕐᔪᐊᑦ ᖃᖅᑲᓃᑦᑐᑦ ᓵᓚᒋᓪᓗᒋᑦ, ᓯᕿᓂᐅᓪᓗ ᓄᐃᕕᐊᓃᑦᑐᑦ ᓂᒋᑉᒥ ᓯᕕᖓᔪᓂ ᓄᓇᓖᑦ, ᓯᕿᓂᐅᓪᓗ ᓂᐱᕕᐊᓃᑦᑐᑦ ᖃᖅᑲᓃᑦᑐᑦ, ᐊᒡᓛᑦ ᓯᕿᓂᐅᑉ ᓇᓛᓃᑦᑐᑦ ᓄᓇᒥ ᐸᓂᕐᑐᒥ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓚᐅᓐᖏᓔᑦ; ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑦᑕ ᑍᒤᓕᐅᖁᓚᐅᕐᒪᒍ.