8 ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”
ᔧᑰᓪᓗ ᓄᓇ ᑖᓐᓇ ᐊᑦᓯᕐᐹ ᐱᓂᐅᓪᒥᒃ ᐅᖃᕋᒥ, “ᒎᑎ ᑕᑯᓯᒪᕙᕋ ᑮᓇᕐᒥᑦ ᑮᓇᕐᒧᑦ, ᓱᓕᓕ ᐃᓅᓪᓗᖓ.”
ᐅᕙᖓᓕ ᑮᓁᑦ ᑕᑯᓐᓇᕈᒫᕐᐸᕋ ᐃᓱᐊᕐᓂᕐᒥ, ᑐᐸᒍᒪᓗ ᓈᒻᒪᒃᓯᑦᓯᐊᕈᒫᕐᐳᖓ, ᑕᑯᓐᓇᕐᓗᖓ ᐊᑦᔨᖕᓂᒃ.
ᓯᐅᑎᒐ ᒪᓂᔪᒪᕙᕋ ᐅᖃᐅᓯᐅᖃᑦᑕᕐᓯᒪᔪᒧᑦ; ᕼᐋᕐᐱᒧᑦ ᓄᖃᕐᓯᕋᓕᖕᒧᑦ ᓇᓗᓁᕈᒪᕙᕋ ᐅᖃᐅᓯᖅ ᐃᔨᕐᓯᒪᔪᖅ.
ᑎᑦᑐᓚᐅᑎᐅᓪᓗ ᓂᐱᖓ ᓂᐱᖅᑯᕐᑐᓯᕙᓪᓕᐊᓚᐅᕐᐳᖅ. ᒨᓯᓯᓗ ᐅᖃᕐᒪᑦ ᒎᑎᐅᑉ ᑭᐅᕚ ᑲᓪᓕᕐᒧᑦ.
“ᓱᓇᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ.
ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.
ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.
ᑕᕝᕙ ᐊᒡᒐᒃᑲ ᐃᓕᖕᓂᑦ ᐲᕐᑎᓐᓂᐊᕐᐸᒃᑲ, ᑕᕝᕙ ᑐᓄᓐᓂᒃ ᑕᑯᓂᐊᕐᐳᑎᑦ; ᑮᓇᕋᓕ ᑕᑯᓂᐊᓐᖏᓚᑦ.”
ᐂᕉᓂᓕ ᐃᓴᕆᐊᓕᒥᐅᓪᓗ ᐃᓄᖏᑦ ᑕᑯᒐᒥᒃ ᒨᓯᓯᒥᒃ, ᑕᑯᓚᐅᕐᐳᑦ ᑮᓇᖓᑕ ᖃᐅᒻᒪᒃᓯᒪᓂᖓᓂᒃ, ᑖᑦᓱᒧᖓᓗ ᖃᒡᓕᔭᕆᐊᒃᓴᖅ ᑲᑉᐱᐊᓱᓕᕐᓗᑎᒃ.
ᑐᑭᓯᖁᓪᓗᒋ ᓯᓚᑐᔪᒧᑦ ᐅᖃᓪᓚᖕᓃᑦ ᑐᑭᖏᓐᓂᒃ ᐃᔨᕐᓯᒪᔪᓂᒃ ᓯᓚᑐᔫᓪᓗ ᐅᖃᐅᓯᕆᔭᖏᑎᒍᑦ ᑐᑭᖏᓐᓂᒃ.
ᓱᓇᒥᒡᓕ ᑍᒪ ᒎᑎ ᐊᑦᔨᖃᕐᑎᑦᓱᓐᓇᕐᐱᐅᒃ? ᓱᓇᒧᓪᓗ ᐊᑦᔨᐅᓕᕐᑎᑕᒃᓴᐅᒐᔭᕐᐹ?
ᑭᓇᒧᑦ ᐊᑦᔨᐅᑎᑦᓱᓐᓇᕐᐱᓯᓐᖔ? ᓇᓪᓕᐅᒪᔭᐅᔪᓐᓇᕐᓂᕋᕐᓗᖓᓗ, ᑭᓇᒧᑦ ᑍᒤᓪᓗᐊᕆᔭᐅᑎᓐᓂᐊᕐᐱᓯᓐᖔ ᐊᑦᔨᒌᑯᓪᓗᓄᒃ?
“ᐃᓅᑉ ᐃᕐᓂᖓ, ᓇᓚᐅᑦᓵᒐᒃᓴᓕᐅᕆᑦ, ᐊᑦᔨᐅᔪᒥᒡᓗ ᐅᖃᐅᑎᓗᒋᑦ ᐃᓴᕆᐊᓕᐅᑉ ᑭᖑᕚᖏᑦ.
ᑕᕝᕙ ᐅᖃᕐᐳᖓ, “ᐊᑕᓃᖅ ᒎᑏᒃ! ᐅᕙᓐᓂᒃ ᐊᑲᐅᒃᓴᕋᑎᒃ ᐅᖃᕐᑐᖃᖃᑦᑕᕐᒪᑦ, ‘ᐅᓇ ᑐᑭᓯᓇᓱᐊᕆᐊᓖᓐᓈᓗᖕᓂᒃ ᐅᖃᓪᓚᖃᑦᑕᕐᑐᖅ.’”
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᐊᑕᓂᐅᑉ ᐊᐅᓪᓚᐅᑎᓚᐅᕐᐹ ᐃᓴᕆᐊᓕ ᐄᑦᔨᑉᑎᒥᑦ, ᐅᖃᕐᑎᒥᒍᓪᓗ ᐰᕆᓚᐅᕐᐹ.
ᐅᖃᐅᓯᕆᓂᐊᕐᐹᓪᓗ ᓄᓇᐅᑉ ᐅᐸᒐᓱᐊᕐᑕᑦᑕ ᐃᓄᖏᓐᓄᑦ. ᑐᓴᕐᓯᒪᖕᒪᑕ, ᐃᕝᕕᑦ ᐊᑕᓃᖅ, ᐃᓄᐃᑦ ᑖᒃᑯᐊ ᐃᓚᒋᒐᕕᒋᑦ; ᐃᕝᕕᓪᓗ ᐊᑕᓃᖅ ᑕᑯᕙᒃᑲᕕᒋᑦ ᑮᓇᕐᒥᑦ ᑮᓇᕐᒧᑦ ᓄᕗᔭᒧᓪᓗ ᖁᓚᖏᐊᖃᑦᑕᕋᕕᒋᑦ, ᓄᕗᔭᒧᓪᓗ ᓯᕗᓕᖃᑦᑕᕋᕕᒋᑦ ᐅᓪᓗᒃᑯᑦ ᐃᑯᐊᓚᔪᒧᓪᓗ ᐅᓐᓄᐊᒃᑯᑦ.
ᒨᓯᓯᓕ ᑐᐱᕐᔪᐊᒧᑦ ᐃᑎᓚᐅᕐᐳᖅ ᐊᑕᓂᖅ ᐅᖃᖃᑎᒋᔭᕐᑐᕐᓗᒍ, ᓂᐱᖓᓂᒡᓗ ᑐᓴᓚᐅᕐᐳᖅ ᐃᒻᒥᓄᑦ ᐅᖃᕐᑐᒥᒃ ᓂᑲᒋᔭᐅᕕᐅᑉ ᐃᒃᓯᕙᐅᑕᕐᔪᐊᑉ ᖁᓛᓂᑦ ᐱᔪᒥᒃ, ᑖᓐᓇᓗ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᖄᖓᓂ ᐃᓂᖃᓚᐅᕐᐳᖅ, ᐂᓐᖏᓕᖑᐊᒃ ᓯᐅᕋᐱᒥᒃ ᐊᑎᖃᕐᑑᒃ ᐊᑯᓐᓂᖓᓃᑦᑐᖅ; ᑖᑦᓱᒪᓗ ᐅᖃᖃᑎᒋᓚᐅᕐᐹ.
ᑕᕝᕙ ᓇᓚᐅᑦᑍᔫᑉ ᐅᖃᐅᓯᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᐊᑦᔨᐅᔪᓂᒃ ᐊᑐᕐᓗᖓ ᐅᖃᕐᕕᒋᓂᐊᕐᐸᒃᑲ; ᐅᖃᐅᑎᓂᐊᕐᐸᒃᑲ ᐃᔨᕐᓯᒪᓚᐅᕐᑐᓂᒃ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ.”
“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”
ᒎᑎᒥᒃ ᑕᑯᓯᒪᔪᖃᓐᖏᓚᖅ; ᐃᕐᓂᑐᐊᓪᓕ ᐊᑖᑕᐅᑉ ᓴᕐᓕᐊᕐᑕᖓᑕ, ᑖᑦᓱᒪ ᒎᑎ ᖃᐅᔨᔭᐅᑎᑉᐹ.
ᒪᑐᒪ ᑭᖑᕐᖓᓂ ᐱᔨᒥᒃ ᑍᓂᐊᕈᓐᓃᕐᐸᑦᓯ, ᐱᔨ ᖃᐅᔨᒪᖏᒻᒪᑦ ᐊᖓᔪᖅᑳᖓᑕ ᐱᓂᐊᕐᓂᖏᓐᓂᒃ; ᐃᓕᑦᓯᓕ ᐃᓚᓐᓇᕆᔭᓐᓂᒃ ᑍᓚᐅᕐᐸᑦᓯ, ᐊᑖᑕᓐᓂᑦ ᑐᓴᓚᐅᕐᑕᓕᒫᓐᓂᒃ ᓇᓗᓁᕐᓯᕕᒋᓚᐅᕋᑦᓯ.
ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.
ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.
ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.
ᐊᑕᓂᕐᓕ ᒎᑎᓯ ᒪᑭᑎᑦᓯᔪᒫᕐᐳᖅ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᐅᕙᑦᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᑦᓯᓐᓂᑦ ᐱᓯᒪᔪᒥᒃ, ᑖᓐᓇᓗ ᓈᓚᒋᐊᖃᕈᒫᕐᐸᓯ.
ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ.
“ᑍᑦᓱᒪᓂ ᐊᑕᓂᕐᒧᑦ ᐅᖃᓪᓚᒡᕕᐅᑎᓪᓗᓯ ᐃᑯᒪᒥᑦ ᖃᖅᑲᒥ ᕼᐆᕆᑉᒥ, ᓱᓇᒥᒡᓘᓐᓃᑦ ᑕᑯᓚᐅᓐᖏᓚᓯ. ᑍᒤᒻᒪᑦ ᐃᓕᑦᓯᓐᓄᑦ ᐱᕙᓪᓕᕐᓇᖁᓪᓗᒍ, ᑲᔪᓯᑦᓯᐊᓕᕆᑦᓯ ᒫᓐᓇᒥᑦ ᐱᒋᐊᕐᓗᒍ,
“‘ᑭᓱᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ.
ᔩᓱᓯ ᑕᑯᒃᓴᐅᓪᓗᓂ ᐊᑦᔨᒋᔭᐅᖕᒪᑦ ᒎᑎᒧᑦ ᑕᑯᒃᓴᐅᖏᑦᑐᒧᑦ, ᐃᕐᓂᐊᖑᖅᑳᕐᓯᒪᕗᖅ ᐱᓐᖑᕐᑎᑕᐅᓯᒪᔪᓕᒫᓂᑦ;
ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.
ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.
ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;
ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.
ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.
ᑍᒫᒃᑕᐅᖅ ᑖᒃᑯᐊ ᓯᓐᓇᒃᑑᒪᓂᒃᑯᑦ ᑕᑯᑎᑕᐅᓯᒪᓂᕋᕐᓗᑎᒃ ᐊᔪᕐᑐᓕᑎᓚᐅᕐᐳᑦ ᓇᖕᒥᓂᖅ ᑎᒥᒥᒃᑎᒍᑦ, ᒎᑎᐅᑉ ᐊᐅᓚᑦᓯᓂᖓᓄᑦ ᐊᐅᓚᑕᐅᔪᒪᓇᑎᒃ, ᐃᑦᔪᕐᓁᑦᑐᕐᔪᐊᓪᓗ ᕿᓚᖕᒦᑦᑐᑦ ᐅᖃᕐᓂᕐᓘᑎᒋᕔᑦ.