ᓂᕼᐃᒤᐊᐅᑉ ᐊᒡᓚᖏᑦ 9:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓄᓇᐅᓪᓗ ᐱᕈᕐᑎᑕᖏᑦ ᐊᖓᔪᖅᑳᕐᔪᐊᓄᐊᕐᑕᐅᕗᑦ ᐅᕙᑦᑎᓐᓂᒃ ᐊᐅᓚᑦᓯᔪᓂᒃ ᐊᔪᕐᑐᓕᓂᕗᑦ ᐱᓪᓗᒋᑦ, ᐊᑐᕈᒪᔭᒥᖕᓂᒡᓗ ᐊᑐᕐᐳᑦ ᐅᕙᑦᑎᓐᓂᑦ ᐆᒪᔪᖁᑎᑦᑎᓐᓂᒡᓗ, ᐅᕙᒍᓪᓗ ᐊᔪᓕᕐᓯᒪᓕᕐᐳᒍᑦ ᐃᑎᔪᒥᒃ!”

ᓂᕼᐃᒤᐊᐅᑉ ᐊᒡᓚᖏᑦ 9:37 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᒨᓯᓯ ᑕᓪᓕᒪᖏᑦ 28:48

ᑍᒤᒻᒪᑦ, ᐊᑭᕋᕐᑐᕐᑎᑦᓯᓐᓂᒃ ᐱᔨᑦᓯᕆᐊᖃᕈᒫᓕᕐᐳᓯ ᐊᑕᓂᐅᑉ ᑎᓕᓂᐊᕐᑕᖏᓐᓂᒃ ᐃᓕᑦᓯᓐᓄᑦ ᓵᓚᒋᔭᐅᖁᓪᓗᓯ, ᑳᒍᒫᕐᐳᓯ, ᐃᒥᕈᒡᓗᓯᓗ, ᐊᓐᓄᕌᖃᖏᓪᓗᓯᓗ ᓱᓇᓕᒫᓂᒡᓗ ᑭᓐᖒᒪᒃᓯᕐᓗᓯ; ᐊᑕᓂᐅᑉ ᐅᖁᒤᒃᓴᕐᑎᑦᓱᒫᕐᐹᓯ ᓂᑲᒋᖏᓪᓗᓂᓯ ᐋᓐᓂᕐᓇᕐᑐᓄᑦ ᓄᖑᑕᐅᓚᐅᖏᓐᓂᑦᓯᓐᓂ.

ᐄᓱᕋᐅᑉ ᐊᒡᓚᖏᑦ 7:24

ᑖᒃᓰᔭᕐᑎᑦᓯᔪᒃᓴᐅᓐᖏᓚᓯ ᑐᓂᕐᕈᓯᕐᑎᑦᓯᔨᓂᒃ, ᓕᕔᑎᓂ, ᐃᓐᖏᕐᑎᓂᒃ, ᖃᐅᔨᓴᕐᑎᓂᒃ, ᐃᖅᑲᓁᔭᕐᑎᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᒡᔪᐊᒧᑦ ᐊᑕᔪᓂᒃ.

ᔪᐊᓇᓯᐅᑉ ᐊᒡᓚᖏᑦ 8:33

ᑕᕝᕙ ᑭᐅᕚᑦ, “ᐂᑉᕋᕼᐋᒻ ᑭᖑᕚᕆᕚᑎᒍᑦ, ᓇᓪᓕᐊᓐᓅᓪᓘᓐᓃᑦ ᓯᐊᓛᕆᔭᐅᓚᐅᕐᓯᒪᓐᖏᓚᒍᑦ. ᖃᓄᖅ ᑐᑭᓕᖕᒥᒃ ᐅᖃᕐᐲᑦ, ‘ᕿᓚᕈᑦᔮᕐᓂᐊᕐᐹᓯ’?”

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᐄᓱᕋᐅᑉ ᐊᒡᓚᖏᑦ 6:8

ᓱᓕᓗ ᑎᓕᓕᕐᐸᑦᓯ ᐃᒤᓕᐅᖁᓪᓗᓯ ᔫᑎᓄᑦ ᓯᕗᓕᕐᑎᐅᔪᓂᒃ ᐃᑲᔪᖁᓪᓗᓯ ᑐᒃᓯᐊᕐᕕᒡᔪᐊᒥ ᓴᓇᔪᓂᒃ: ᐊᑭᓕᕆᐊᓕᖏᓪᓗ ᐊᑭᓕᕐᑕᐅᑦᓴᐅᑎᒋᔭᕆᐊᖃᕐᐳᑦ ᐊᖓᔪᖅᑳᕐᔪᐊᑉ ᑮᓇᐅᔭᖁᑎᖏᓐᓂᑦ ᑖᒃᓯᔭᕐᓂᒃᑯᒃ ᑐᓂᔭᐅᕙᒃᑐᓂᑦ ᐃᐅᐸᕅᑎᐅᑉ ᓴᐅᒥᖔᖓᓂᒥᐅᓂᑦ; ᑖᒃᑯᐊ ᐃᓄᖕᓄᑦ ᓴᓇᔪᓄᑦ ᑐᓂᔭᐅᑦᔭᐅᑎᒋᔭᕆᐊᖃᕐᐳᑦ, ᐱᓇᓱᐊᕐᑐᑦ ᐊᒡᕕᐊᕐᑕᐅᖁᓇᒋᑦ.

ᐄᓱᕋᐅᑉ ᐊᒡᓚᖏᑦ 4:13

ᐊᖓᔪᖅᑳᕐᔪᐊᖅ ᒫᓐᓇ ᖃᐅᔨᒪᓕᕆᑦ, ᑖᒃᑯᐊ ᐃᒡᓗᒐᓴᖕᓂᒃ ᐊᕙᓗᔪᐊᖓᓂᒡᓗ ᐱᔭᕆᑐᐊᕈᑎᒃ ᐃᓄᐃᑦ ᑖᒃᓰᔭᕈᓐᓁᕐᓂᐊᕐᒪᑕ, ᑮᓇᐅᔭᓕᐅᕐᑕᑎᓪᓗ ᓄᖅᑲᕐᑎᑕᐅᓂᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 28:51

ᐃᒻᒧᒃᓯᐅᒐᖁᑎᓯᓗ ᓄᕐᕋᖏᑦ ᓂᐊᖂᔭᒃᓴᖁᑎᓯᓗ ᓂᕿᒋᔪᒫᕐᐰᑦ, ᓄᖑᓚᐅᖏᓐᓂᑦᓯᓐᓂ; ᐊᒥᐊᒃᑯᔭᐅᔪᒫᓐᖏᓚᓯᓘᓐᓃᑦ ᓂᐊᖂᔭᒃᓴᓂᒃ, ᕔᓂᓂᒃ, ᓇᐹᕐᑐᐃᑦ ᐱᕈᕐᑐᖏᑕ ᐅᕐᓱᖏᓐᓂᒃ, ᐃᒻᒧᒃᓯᐅᒐᕐᓂᒃ, ᓰᐱᓂᒡᓗ; ᐱᕐᓕᕐᓗᓯ ᑐᖁᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 28:39

ᕔᓂᒃᓴᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᔪᒫᕐᐳᓯ ᐱᕈᕐᓴᑎᓪᓗᒋᓪᓗ ᑲᒪᒋᑦᓯᐊᕐᓗᒋᑦ, ᐸᐅᕐᖓᖏᓐᓂᒡᓕ ᑲᑎᕐᓱᐃᔪᒫᓐᖏᓚᓯ ᐃᒥᕈᒫᕋᓯᓗ ᐸᐅᕐᖓᖏᓐᓂᑦ, ᓄᓇᐅᑉ ᖁᐱᕐᕈᖏᓐᓄᑦ ᕔᓂᒃᓮᑦ ᓂᕆᔭᐅᔪᒫᕐᒪᑕ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:5

ᖁᖓᓯᑦᑎᒍᑦ ᓇᖕᒪᐅᓯᕐᓗᑕ ᐊᐅᓚᑉᐹᑎᒍᑦ, ᐱᓇᓱᐊᕋᓗᐊᕋᑦᑕ ᑕᕾᕐᓯᕐᕕᖃᓐᖏᓚᒍᑦ.