ᓂᕼᐃᒤᐊᐅᑉ ᐊᒡᓚᖏᑦ 5:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᒎᑏᒃ, ᐃᖅᑲᐅᒪᓂᐊᕐᐸᕐᒪ ᐱᑦᓯᐊᕐᓯᒪᓂᓐᓂᒃ, ᐱᓂᐊᕐᓂᕆᓯᒪᔭᓕᒫᓐᓂᒡᓗ ᐅᑯᓄᖓ ᐃᓄᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 5:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 40:14

ᐃᖅᑲᐅᒪᓛᕐᐸᕐᒪ ᖃᓄᐃᖏᑦᓯᐊᓕᕈᕕᑦ, ᕿᓄᕗᖓ ᓈᒃᑭᒋᔪᒫᕐᐸᕐᒪ ᐅᖃᐅᓯᕆᓗᖓᓗ ᐰᕉᒧᑦ, ᐅᕙᓐᖓᑦ ᐊᓂᑎᑕᐅᖁᓪᓗᖓ ᐃᓂᒋᔭᓐᓂᑦ.

ᐊᑕᓃᑦ ᐂᑉᐸᖏᑦ 20:3

“ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.

ᓂᕼᐃᒤᐊᐅᑉ ᐊᒡᓚᖏᑦ 13:14

ᒎᑎᒐ ᐃᖅᑲᐅᒪᓐᖓ, ᑕᒪᒃᑯᐊ ᐱᑦᔪᑎᒋᓗᒋᑦ, ᐱᓇᓱᐊᑦᓯᐊᕐᓂᕆᓚᐅᕐᑕᒃᑲᓗ ᒎᑎᒪ ᐃᒡᓗᖓᓄᑦ ᐳᐃᒍᕐᑍᓕᒃᑭᑦ ᑖᑦᓱᒪᓗ ᐱᓇᓱᐊᕐᑕᐅᖁᓯᒪᔭᖏᓐᓂᒃ ᐱᓇᓱᐊᕐᓯᒪᔭᒃᑲ.

ᓂᕼᐃᒤᐊᐅᑉ ᐊᒡᓚᖏᑦ 13:22

ᑕᕝᕙ ᓕᕔᑏᑦ ᐱᖁᓚᐅᕐᐸᒃᑲ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖅᑳᕐᓗᑎᒃ, ᐃᑎᕐᑕᕐᕖᑦ ᖃᐅᔨᓴᕐᑕᐅᖃᑦᑕᖁᓪᓗᒋᑦ, ᐅᓪᓗᖅ ᓴᐸᑎ ᐃᑦᔪᕐᓁᑎᑕᐅᖁᓪᓗᒍ. ᒎᑎᒐ ᐃᖅᑲᐅᒪᓐᖓ, ᑕᒪᓐᓇ ᐱᑦᔪᑎᒋᓗᒍᑦᑕᐅᖅ, ᓴᐳᑎᓗᖓᓗ ᓇᒡᓕᒍᓱᒃᑐᕐᔪᐊᖑᓃᑦ ᐱᑦᔪᑎᒋᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 13:31

ᕿᔪᖕᓂᒡᓗ ᐊᑐᐃᓐᓇᕈᐃᓚᐅᕐᐳᖓ ᑐᓂᕐᕈᓯᓕᕐᑎᓪᓗᒋᑦ ᐃᑯᐊᓚᒍᑎᒃᓴᓂᒃ, ᑐᓂᕐᕈᓯᕐᕕᒃᓴᖅ ᓇᓪᓕᐅᓐᓂᖅ ᓈᒻᒪᒃᓯᔭᕌᖓᑦ, ᐱᕈᕐᑐᓪᓗ ᓯᕗᓪᓕᕐᐹᑦ ᐱᕈᕐᑎᑕᐅᔪᑦ ᑐᓂᔭᐅᓂᒃᓴᖏᓐᓂ. ᒎᑎᒐ, ᐃᖅᑲᐅᒪᓐᖓ, ᐱᐅᔪᓂᒃ ᐱᓇᓱᐊᓚᐅᕐᑕᓐᓄᑦ.

ᐃᓐᖏᕈᑎᑦ 106:4

ᐊᑕᓃᖅ ᐃᖅᑲᐅᒪᓐᖓ ᐃᓄᖁᑎᖕᓄᑦ ᓮᒻᒪᕐᕕᖃᕐᓃᑦ ᒪᓕᒡᓗᒍ: ᓴᐳᑎᓕᕈᕕᒋᑦ ᐱᖃᓯᐅᑎᓂᐊᕐᐸᕐᒪ;

ᐃᓐᖏᕈᑎᑦ 40:17

ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᒫᑎᐅᓯᐅᑉ ᐊᒡᓚᖏᑦ 10:42

ᓇᓪᓕᐊᑦ ᐃᒥᕐᒥᒃ ᓂᒡᓕᓇᕐᑐᒥᒃ ᐃᒥᕐᑎᑦᓯᔪᖅ ᒪᓕᒡᑎᓐᓂᑦ ᒥᑭᓐᓂᕐᐸᐅᔪᒥᒃ, ᐃᒥᕐᑎᑕᐅᔫᑉ ᐅᕙᓐᓄᑦ ᒪᓕᒡᑎᐅᓂᖓ ᐱᑦᔪᑎᒋᓗᒍ, ᑖᓐᓇ ᓱᓕᒻᒪᕆᒡᓗᖓ ᐅᖃᐅᑎᕙᑦᓯ ᐊᑭᓕᕐᑕᐅᑦᓯᐊᕈᒫᕐᐳᖅ.”

ᒫᑯᓯᐅᑉ ᐊᒡᓚᖏᑦ 9:41

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᓐᓄᑦ ᐃᒥᕐᑎᑕᐅᒍᑦᓯ ᙭ᔅᑑᓯᐅᑉ ᐊᑎᖓᓂᒃ ᐱᒍᑦᔨᓂᑦᓯᓐᓄᑦ, ᑖᓐᓇ ᐃᒥᕐᑎᑦᓯᔪᖅ ᐊᓯᐅᔨᓂᐊᖏᒻᒪᕆᒃᐳᖅ ᐊᑭᓕᕐᑕᐅᓂᒃᓴᒥᓂᒃ.”