ᓂᕼᐃᒤᐊᐅᑉ ᐊᒡᓚᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙ ᐊᖓᔪᖅᑳᕐᔪᐊᑉ ᐅᖃᐅᑎᓕᕐᐹᖓ (ᑯᐃᒃᑕᐅᖅ ᓴᓂᐊᓂ ᐃᒃᓯᕙᓚᐅᕐᐳᖅ), “ᖃᓄᖅ ᐊᑯᓂᐅᑎᒋᔪᖅ ᐊᐅᓪᓚᕐᓯᒪᔭᕆᐊᖃᕋᔭᕋᕖᑦ? ᖃᖓᓗ ᐅᑎᕋᔭᕋᕕᑦ?” ᓇᓗᓇᕈᓐᓁᕐᐳᖅ ᐊᖓᔪᖅᑳᕐᔪᐊᑉ ᐅᕙᓐᓂᒃ ᖃᓄᐃᒃᓴᖏᓐᓂᖓ ᐊᐅᓪᓚᕐᑎᑦᓯᔭᕆᐊᒃᓴᖅ; ᑕᕝᕙ ᐱᕕᒃᓴᓐᓂᒃ ᐅᖃᐅᑎᓕᕐᐸᕋ.

ᓂᕼᐃᒤᐊᐅᑉ ᐊᒡᓚᖏᑦ 2:6 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 13:6

ᑕᒪᓐᓇᓕ ᐊᑐᕐᑕᐅᓕᕐᑎᓪᓗᒍ ᔨᕉᓴᓕᒦᓚᐅᓐᖏᓚᖓ, ᐊᖓᔪᖅᑳᕐᔪᐊᑉ ᐋᕐᑕᔮᒃᓯᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖑᓂᖓᑕ ᐊᕐᕌᒍᖏᑦ 32ᖑᓕᕐᑎᓪᓗᒋᑦ ᐅᐸᒃᓯᒪᓚᐅᕋᒃᑯ. ᐊᑯᓂᐅᓕᕐᒥᑎᓪᓗᒍᓕ ᐊᖓᔪᖅᑳᕐᔪᐊᕐᒧᑦ ᐊᐱᕆᓚᐅᕐᓗᖓ ᕿᒪᓕᓚᐅᕆᕙᕋ,

ᐂᓮᐊᓯᐅᑉ ᐊᒡᓚᖏᑦ 65:24

ᐅᖃᓚᐅᕐᑎᓐᓇᒋᑦ ᓱᓕ ᑭᐅᖃᑦᑕᕈᒫᕐᐸᒃᑲ, ᐅᖃᕇᕐᑎᓐᓇᒋᑦ ᓱᓕ ᑐᓴᖃᑦᑕᕈᒫᕐᐸᒃᑲ.

ᓂᕼᐃᒤᐊᐅᑉ ᐊᒡᓚᖏᑦ 5:14

ᐊᕐᕌᒍᓂᒃ 12ᓂᒃ ᐊᐅᓚᑦᓯᔨᐅᑎᑕᐅᑎᓪᓗᖓ ᔫᑕᐅᑉ ᓄᓇᖓᓂ, ᐋᕐᑕᔮᒃᓯᐅᑉ ᐊᖓᔪᖅᑳᕐᔪᐊᖑᓂᖓᓂ ᐊᕐᕌᒍᒥ 20ᒥᑦ ᐱᒋᐊᕐᓗᓂ 32ᒧᑦ ᑎᑭᓪᓗᒍ, ᐅᕙᖓᓘᓐᓃᑦ ᐃᓚᒃᑲᓘᓐᓃᑦ ᓂᕆᓚᐅᓐᖏᓚᒍᑦ ᓂᕿᒋᔭᕆᐊᖃᕐᑕᑦᑎᓐᓂᒃ ᐊᐅᓚᑦᓯᔨᐅᓂᓐᓄᑦ ᑐᕌᖓᔪᓂᒃ.

ᐂᓮᐊᓯᐅᑉ ᐊᒡᓚᖏᑦ 58:12

ᐃᒡᓗᒐᓴᒡᔪᐊᕕᓂᓯ ᓯᖁᑦᑎᕐᓯᒪᔪᑐᕾᑦ ᓇᑉᐸᕐᑎᕐᑕᐅᒃᑲᓐᓂᕈᒫᕐᐳᑦ; ᑐᓐᖓᕕᓕᐅᕐᓗᓯᓗ ᑭᖑᕚᑦᓯᓐᓄᑦ ᑭᖑᓕᕇᓄᑦ ᐅᓄᕐᑐᓄᑦ ᐱᒋᔭᐅᔪᒃᓴᓂᒃ; ᑍᔭᐅᓕᕈᒫᕐᐳᓯ ᐋᖅᑭᒃᓱᐃᔨᓂᒃ ᓯᖁᒥᓯᒪᓚᐅᕐᑐᓂᒃ, ᐊᖅᑯᑎᓂᒡᓗ ᐋᖅᑭᒃᓱᐃᔨᐅᓂᕋᕐᑕᐅᓗᓯ ᐊᑐᕐᑕᐅᔪᒃᓴᓂᒃ.”

ᓂᕼᐃᒤᐊᐅᑉ ᐊᒡᓚᖏᑦ 2:4

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ, “ᓱᓇᒦᒃ ᐱᔪᒪᒐᕕᑦ?” ᑕᕝᕙ ᒎᑎᒧᑦ ᕿᓚᖕᒦᑦᑐᒧᑦ ᑐᒃᓯᐊᕐᐳᖓ,

ᐂᓮᐊᓯᐅᑉ ᐊᒡᓚᖏᑦ 61:4

ᐃᒡᓗᒐᓴᒡᔪᐊᓂᒃ ᓴᓇᓕᕈᒫᕐᐳᑦ ᐊᑯᓂ ᓯᖁᑦᑎᕐᓯᒪᓕᓚᐅᕐᑐᓂᒃ, ᒪᑭᑎᑦᓯᔪᒫᕐᓗᑎᒡᓗ ᐅᕐᕈᑎᑕᐅᓯᒪᔪᑐᖃᕐᓂᒃ; ᐃᒡᓗᒐᓴᒡᔪᐊᓪᓗ ᓄᑕᐅᓯᓕᕈᒫᕐᐰᑦ ᓯᖁᑦᑎᕐᓯᒪᔪᑦ, ᓯᖁᑦᑎᕐᓯᒪᓚᐅᕐᑐᑦ ᑭᖑᕚᕇᒐᓴᒡᔪᐊᓂ ᐅᓄᕐᑐᓂ.

ᓂᕼᐃᒤᐊᐅᑉ ᐊᒡᓚᖏᑦ 1:11

ᐊᑕᓃᖅ, ᑐᒃᓯᐊᕐᐳᖓ, ᓯᐅᑏᒃᑭᒃ ᓈᓚᓚᐅᕐᓕᒃ ᐱᔨᕕᑦ ᑐᒃᓯᐊᕐᓂᖓᓂᒃ, ᐱᔨᕕᓪᓗ ᑐᒃᓯᐊᕐᓂᓕᒫᖏᓐᓄᑦ ᐃᓕᖕᓂᒃ ᐅᐱᓐᓇᕐᓯᑎᑦᓯᔪᒪᔪᓄᑦ; ᐅᓪᓗᒥᓗ ᐱᔩᑦ ᐊᖏᕐᑕᐅᔪᓐᓇᕐᑎᓚᐅᕈᒃ, ᓂᑲᒋᔭᐅᖁᓪᓗᒍᓗ ᐊᖓᔪᖅᑳᕐᔪᐊᕐᒧᑦ.” ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᕐᒧᑦ ᕔᓂᑐᕐᑎᑦᓯᔨᒋᔭᐅᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 2:5

ᐅᖃᐅᑎᓪᓗᒍᓗ ᐊᖓᔪᖅᑳᕐᔪᐊᖅ, “ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᔩᓪᓗ ᐃᓕᖕᓄᑦ ᖁᕕᐊᒋᔭᐅᒃᐸᑦ, ᑎᓕᔭᐅᔪᒪᒐᓗᐊᕐᐳᖓ ᔫᑕᒧᐊᖁᓪᓗᖓ, ᓯᕗᓕᕕᓂᕐᒪ ᐃᓗᕕᖃᕐᕕᒋᔭᖏᓐᓄᑦ, ᑖᒃᑯᓂᖓ ᓴᓇᔪᓐᓇᖁᓪᓗᖓ.”

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.