ᓂᕼᐃᒤᐊᐅᑉ ᐊᒡᓚᖏᑦ 2:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᕝᕙ ᑭᐅᓚᐅᕐᐸᒃᑲ, “ᒎᑎᐅᑉ ᕿᓚᖕᒦᑦᑑᑉ ᐱᕙᓪᓕᐊᑎᓐᓂᐊᕐᐹᑎᒍᑦ, ᐅᕙᒍᑦ ᑖᑦᓱᒧᖓ ᐱᔨᐅᔪᒍᑦ ᒪᑭᓪᓗᑕ ᓴᓇᒋᐊᕐᓂᐊᓕᕐᐳᒍᑦ; ᐃᓕᑦᓯᓕ ᐱᖃᖃᑕᐅᓂᐊᓐᖏᓚᓯ ᐃᓚᒋᔭᐅᓂᐊᓐᖏᓚᓯᓘᓐᓃᑦ ᐃᖅᑲᐅᒪᔭᐅᑦᔪᑎᒃᓴᖃᕐᓂᐊᓐᖏᓚᓯᓘᓐᓃᑦ ᔨᕉᓴᓕᒥ.”

ᓂᕼᐃᒤᐊᐅᑉ ᐊᒡᓚᖏᑦ 2:20 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 26:5

ᒎᑎᒥᒃ ᑕᑎᖃᓚᐅᕐᐳᖅ ᓴᑲᕅᐊ ᐃᓅᑎᓪᓗᒍ, ᑖᑦᓱᒪ ᐃᓱᒻᒥᕐᑐᖃᑦᑕᓚᐅᕐᒪᒍ ᒎᑎᒥᒃ ᓯᕘᕋᒋᔭᖃᖁᓪᓗᒍ; ᐊᑕᓂᕐᒥᒃ ᑕᑎᖃᕐᓂᓕᒫᖓᓂ, ᒎᑎᐅᑉ ᐱᕙᓪᓕᐊᑎᑦᓯᐊᓚᐅᕐᐹ.

ᐄᓱᕋᐅᑉ ᐊᒡᓚᖏᑦ 4:3

ᔨᕈᐸᐱᐅᓕ ᔩᓱᐊᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᐅᖃᐅᑦᔨᓚᐅᕐᐳᑦ ᑖᒃᑯᓂᖓ, “ᐃᑲᔪᕐᑕᐅᔪᒪᓐᖏᓚᒍᑦ ᐃᓕᑦᓯᓐᓄᑦ ᑐᒃᓯᐊᕐᕕᓕᐅᕐᑎᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. ᓇᖕᒥᓂᖅ ᓴᓇᓂᐊᕐᐸᕗᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐴᕐᓯᐊᒥᐅᑕᐅᑉ ᑍᒫᒃ ᑎᓕᓚᐅᕐᒪᑎᒍᑦ.”

ᓂᕼᐃᒤᐊᐅᑉ ᐊᒡᓚᖏᑦ 1:4

ᑕᒪᒃᑯᐊ ᐅᖃᐅᓰᑦ ᑐᓴᕋᒃᑭᑦ, ᐃᖏᓪᓗᖓ ᕿᐊᓕᓚᐅᕐᐳᖓ. ᐅᓪᓗᓂᒃ ᐅᓄᕐᑐᓂᒃ ᕿᒃᓵᕕᒡᔪᐊᕈᑎᒋᓚᐅᕐᐸᕋ; ᓂᕆᑦᑍᓕᓪᓗᖓ ᑐᒃᓯᐊᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 2:4

ᑕᕝᕙ ᐊᖓᔪᖅᑳᕐᔪᐊᖅ ᐊᐱᕆᓕᕐᐳᖅ, “ᓱᓇᒦᒃ ᐱᔪᒪᒐᕕᑦ?” ᑕᕝᕙ ᒎᑎᒧᑦ ᕿᓚᖕᒦᑦᑐᒧᑦ ᑐᒃᓯᐊᕐᐳᖓ,

ᐃᔅᑕᐅᑉ ᐊᒡᓚᖏᑦ 4:11

“ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᓄᓕᒫᓪᓗ ᐊᖓᔪᖅᑳᕐᔪᐊᑉ ᓄᓇᖁᑎᖏᓐᓃᑦᑐᑦ ᖃᐅᔨᒪᕗᑦ ᓇᓪᓕᐊᑦ ᐊᖑᑦ ᐊᕐᓇᕐᓘᓐᓃᑦ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐊᕙᓗᐊᑕ ᐃᓗᐊᓄᐊᕋᔭᕐᐸᑦ, ᐊᖓᔪᖅᑳᕐᔪᐊᕐᒧᑦ ᕾᖁᔭᐅᓯᒪᖏᓪᓗᓂ, ᐊᖓᔪᖅᑳᕐᔪᐊᖅ ᐱᖁᔭᖃᕐᐳᖅ ᑕᒪᑐᒧᖓ ᐊᑕᐅᓯᕐᒥᒃ: ᑍᒤᑦᑐᑦ ᑐᖁᑕᐅᔭᕆᐊᖃᕐᒪᑕ, ᓇᓪᓕᐊᓪᓕ ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓᓂᒃ ᒎᓗᒥᒃ ᐊᒃᑐᕐᓯᑎᑕᐅᔪᖅ, ᑭᓯᒥ ᐃᓅᑎᑕᐅᔪᓐᓇᕐᐳᖅ. ᐅᕙᖓᓕ ᓱᓕ ᕾᖁᔭᐅᓯᒪᓐᖏᓚᖓ ᐊᖓᔪᖅᑳᕐᔪᐊᕐᒧᑦ ᐃᑎᖁᓗᖓ ᑖᒃᑯᓇᓂ ᐅᓪᓗᓂ 30ᓂ.”

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᐃᓐᖏᕈᑎᑦ 122:6

ᔨᕉᓴᓕᒻ ᓮᒻᒪᕐᑎᑕᐅᖁᓪᓗᒍ ᑐᒃᓯᐅᑎᓯᐅᒃ: “ᐃᓕᖕᓂᒃ ᐱᓐᓇᕈᓱᒃᑐᑦ ᒪᑭᑉᐸᓪᓕᐊᑦᓯᐊᖁᓪᓗᒋᑦ!

ᐃᓐᖏᕈᑎᑦ 20:5

ᖁᕕᐊᓱᖕᓂᕐᒥᒃ ᓂᓪᓕᐊᔪᒫᕐᐳᒍᑦ ᓵᓚᖃᕐᓂᕐᓂᒃ, ᒎᑎᑦᑕᓗ ᐊᑎᖓᓂ ᓮᒻᒪᑎᕗᑦ ᓇᑉᐸᕐᑎᑦᓱᒪᕙᕗᑦ! ᐊᑕᓂᐅᑦᑐᖅ ᕿᓄᐊᕆᔭᓕᒫᕐᓂᒃ ᑐᓂᓯᕕᒋᓕᑎᑦ.

ᐃᓐᖏᕈᑎᑦ 35:27

ᓱᓕᓂᕐᒪᓕ ᓇᓗᓁᕐᑕᐅᓂᖓᓂᒃ ᖁᕕᐊᓲᑎᑲᕐᑐᑦ, ᓂᐱᖅᑯᕐᑐᓗᑎᒃ ᖁᕕᐊᓱᒡᓕᑦ ᓯᕆᓗᑎᒡᓗ; ᑍᒪᓐᖓᓪᓗ ᓂᓪᓕᐊᓗᑎᒃ, “ᐊᑕᓂᖅ ᐊᖏᔪᕈᕐᑎᑕᐅᓕ, ᐱᔨᒥ ᖃᓄᐃᖏᑦᓯᐊᕐᓂᖓᓂᒃ ᖁᕕᐊᓲᑎᖃᕐᑐᖅ.”

ᐃᓐᖏᕈᑎᑦ 51:18

ᐱᐅᔪᒥᒃ ᐱᓇᓱᐊᕐᕕᒋᒍᒃ ᓮᐅᓃ ᐃᕝᕕᑦ ᖁᕕᐊᒋᔭᒃᑯᑦ; ᔨᕉᓴᓕᐅᑉ ᐊᕙᓗᕐᔪᐊᖏᑦ ᐋᖅᑭᒃᓱᒃᑲᓐᓂᓚᐅᒃᑭᑦ.

ᒨᓯᓯ ᐂᑉᐸᖏᑦ 28:29

“ᐂᕉᓂ ᐃᑦᔪᕐᓁᑦᑐᕕᖕᒧᑦ ᐃᑎᓕᕈᓂ, ᐃᓴᕆᐊᓕᒥᐅᑦ ᑭᖑᕚᕇᖏᑕ ᐊᑎᖏᓐᓂᒃ ᓴᒡᕕᖕᒥᐅᑕᕐᒥ ᐊᑐᕐᑕᖓᓂᒃ ᑎᑎᕋᕐᓯᒪᔪᓂᒃ ᐃᑎᕈᑦᔨᖃᑦᑕᖁᓪᓗᒍ, ᑍᒤᑉᐸᑦ, ᑕᕝᕙ ᐅᕙᖓ ᐊᑕᓂᖅ, ᐃᓄᖁᑎᒃᑲ ᑍᒪᓐᖓᑦ ᐃᖅᑲᐅᒪᖃᑦᑕᕐᓂᐊᕐᐸᒃᑲ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:18

ᓈᒻᒪᒃᐳᖅ ᐊᑕᐅᓯᕐᒥᒃ ᑎᒍᒥᐊᕐᓗᑎᑦ ᐂᑉᐸᖓᓗ ᓴᒃᑯᖏᓪᓗᒍ; ᒎᑎᒥᒃ ᓯᕗᕋᔫᑉ ᑕᒪᒃᑯᐊᓕᒫᑦ ᐊᓂᒍᕈᒫᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 56:5

ᑖᒃᑯᓄᖓ ᑐᓂᓯᔪᒫᕐᐳᖓ ᐃᒡᓗᒪ ᐃᓗᐊᓂ, ᐃᒡᓗᒪᓗ ᐊᑭᓐᓇᖓᓂ, ᐃᖅᑲᐅᒪᑦᔭᐅᔪᑎᒃᓴᖏᓐᓂᒃ ᐊᑎᓕᐅᕐᓗᒋᓪᓗ ᐃᕐᓂᐅᔪᑦ ᐸᓂᐅᔪᓪᓗ ᐊᑎᖏᑕ ᐱᐅᖅᑭᔭᖏᓐᓂᒃ; ᐊᑦᓯᕈᒫᕐᐸᒃᑲ ᐊᑎᕐᒥᒃ ᐃᓱᖃᖏᑦᑐᒧᑦ ᐲᕐᑕᐅᓂᐊᖏᑦᑐᒥᒃ.

ᒨᓯᓯ ᐱᖓᔪᖏᑦ 2:2

ᐂᕉᓂᐅᑉ ᐃᕐᓂᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᒃᓴᕆᕚ. ᑐᓂᕐᕈᓯᕐᑎᑦᓯᔨᐅᑉ ᓂᐊᖂᔭᒃᓴᒥᒃ ᐅᕐᓱᓕᕐᓯᒪᔪᒥᒃ ᐃᓯᕐᓗᐊᕐᓂᑎᑕᒃᓴᒥᒡᓗ ᐃᓚᓕᖕᒥᒃ ᐊᒡᒐᒥᓄᑦ ᑎᒍᓯᔪᒃᓴᐅᕗᖅ ᐃᑯᒪᔪᒧᓪᓗ ᐃᓕᓗᒍ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᔭᐅᖕᒪᑦ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᐱᖓᔪᖏᑦ 24:7

ᓂᐊᖂᔭᑦ ᑖᒃᑯᐊ ᑐᑭᓕᕇᑦ ᐃᓕᓯᕝᕕᒋᔭᕆᐊᖃᕐᐸᓯ ᐃᓯᕐᓗᐊᕐᓂᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᓇᓗᓁᒃᑯᑕᐅᖁᓪᓗᒍ ᐃᖅᑲᐅᒪᑦᔪᑎᒃᓴᒥᒃ ᑖᒃᑯᐊ ᐃᑯᐊᓪᓔᓂᒃᑯᑦ ᑐᓂᕐᕈᑕᐅᓯᒪᓂᖏᓐᓂᒃ ᐊᑕᓂᕐᒧᑦ.

ᓴᑲᕅᐊᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓯᐅᑦ ᓇᓴᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓃᓪᓗᓂ ᐃᖅᑲᐅᒪᑦᔪᑎᒃᓴᐅᓂᐊᕐᐳᖅ ᕼᐄᓪᑍᒧᑦ, ᑐᐱᐊᒧᑦ, ᔨᑍᐊᒧᓪᓗ, ᔪᓮᐊᒧᓪᓗ ᔨᐸᓁᐊᐅᑉ ᐃᕐᓂᖓᓄᑦ.”

ᒨᓯᓯ ᓯᑕᒪᖏᑦ 10:10

ᐊᒻᒪᓗᑦᑕᐅᖅ ᐅᓪᓗᓂ ᖁᕕᐊᓇᕐᑐᓂ, ᓇᓪᓕᐅᓐᓂᕐᓯᐅᕐᕕᒋᕙᒃᑕᑦᓯᓐᓂ, ᑕᖅᑭᐅᓪᓗ ᐱᒋᐊᓕᕐᓂᖏᓐᓂ, ᑎᑦᑐᓚᐅᑎᓂᒃ ᓂᓪᓕᐊᑎᑦᓯᔭᕆᐊᖃᕐᐳᓯ ᐆᑕᒃᓮᑦ ᑐᓂᕐᕈᑕᐅᑎᓪᓗᒋᑦ ᓮᒪᓂᕐᒧᓪᓗ ᑐᓂᕐᕈᑏᑦ ᑐᓂᕐᕈᑕᐅᑎᓪᓗᒋᑦ; ᑕᒪᒃᑯᐊ ᐃᖅᑲᐅᒪᑦᔪᑎᒃᓴᐅᖕᒪᑕ ᒎᑎᑦᓯ ᓵᖓᓂ: ᐊᑕᓂᐅᒐᒪ ᒎᑎᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:31

ᐅᖃᕐᓗᓂ, ‘ᑰᓂᓕᐅᓰ, ᑐᒃᓯᐊᕐᓂᑎᑦ ᑐᓴᕐᑕᐅᕗᑦ ᑐᓂᓯᖃᑦᑕᕐᓂᑎᑦ ᐃᖅᑲᐅᒪᔭᐅᕗᑦ ᒎᑎᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:4

ᑰᓂᓕᐅᓯᐅᑉ ᑕᑯᓐᓇᓕᕐᐹ ᖁᐊᕐᓵᓪᓚᕐᒥᓗ ᐅᖃᕐᐳᖅ, “ᐊᑕᓃᖅ ᓱᔪᒪᕖᑦ?” ᑖᑦᓱᒪ ᐅᖃᐅᑎᕚ, “ᑐᒃᓯᐊᕐᓂᑎᑦ ᑐᓂᓯᖃᑦᑕᕐᓂᑎᓪᓗ ᒎᑎᐅᑉ ᖁᕕᐊᒋᕔᑦ ᐃᖅᑲᐅᒪᑦᔪᑎᒋᓪᓗᓂᒋᑦ ᐃᓕᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 8:21

ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ.